ലഡാക്കിൽ പോക്കറ്റ് കാലിയാക്കാത്ത രുചിയുള്ള ഭക്ഷണം കിട്ടുന്ന കടകൾ

Total
139
Shares

വിവരണം – ജോഷ്‌ന ഷാരോൺ ജോൺസൻ.

ലഡാക്കിൽ ഞാൻ എത്തിയ സമയം ഹോട്ടൽ തുടങ്ങും വരെ ഭക്ഷണം ഉണ്ടാക്കുന്നത് ഞാൻ തന്നെയായിരുന്നു. ഹോട്ടലിന്റെ കാര്യങ്ങൾക്കായി സുധി പുറത്തു പോകുമ്പോൾ ഞാൻ ഭക്ഷണമുണ്ടാക്കി കാത്തിരിക്കും. തിരികെ സുധി വന്നതിനു ശേഷം ഒരുമിച്ചിരുന്നു കഴിക്കും.

പക്ഷെ ഹോട്ടൽ തുടങ്ങിയതിന് ശേഷം വീട്ടിലെ വെപ്പും കുടീം നിന്നു. രാവിലേം ഉച്ചക്കും രാത്രീലുമൊക്കെ ഹോട്ടലിൽ നിന്നായി. പതിയെ ഞാൻ മടുത്തു. അങ്ങനെ ഉച്ചക്ക് ശേഷം തുനിരക്കു കുറയുമ്പോൾ ഞാൻ പുറത്തേക്കിറങ്ങി നടന്നു തുടങ്ങി. അങ്ങനെ എന്റെ സംഭവ ബഹുലമായ തെണ്ടലിൽ ഞാൻ കണ്ടെത്തിയ നല്ല ഭക്ഷണം കിട്ടുന്ന കടകളാണ് താഴെ പറയുന്നത്. പോക്കറ്റ് കാലിയാക്കാത്ത രുചിയുള്ള ഭക്ഷ്ണം കിട്ടുന്ന കടകൾ.

1 സോറിസോ പിസ്സ : ലേ മെയിൻ മാർകെറ്റിന്റെ തുടക്കത്തിൽ ട്രാഫിക് പോലീസ് പോയിന്റിനടുത്തായിട്ടാണ് ഈ റെസ്റ്റോറന്റ്. പേര് കേൾക്കുന്നത് പോലെയല്ല, പിസ്സ മാത്രമല്ല സോറിസോയിൽ കിട്ടുക. പിസ്സ, ചപ്പാത്തി, പൂരി, നൂഡിൽസ്, ഫ്രിഡ്‌ റൈസ് ഒക്കെ കിട്ടും. പക്ഷെ എന്റെ രുചിക്കും കയ്യിലുള്ള പൈസക്കും ഇഷ്ടപ്പെട്ടത് ചില ഡിഷസ് ആണ്.

അതിലൊന്നാണ് ചിക്കെൻ കാന്തി. നമ്മുടെ ചിക്കൻ റോസ്‌റ്റ് പോലെയിരിക്കും ഏകദേശം സംഭവം. ഹാഫ് തന്നെ മൂന്നു പേർക്ക് കഴിക്കാനുണ്ടാകും. കൂടെ പൂരിയോ ചപ്പാത്തിയോ ഫ്രൈഡ് റൈസോ ആണ് ലാഭം.

പിന്നെ സോറിസോയിലെ പൂരി കടല കോമ്പിനേഷൻ, ചപ്പാത്തി തക്കാളി ഫ്രൈ ഒക്കെ കിടുവാ. നേരെ എതിരെ സുധിടെ ടേസ്റ്റ് ഓഫ് സൗത്ത് ഇന്ത്യയിൽ ഞാനുണ്ടാകും. താഴെ വന്നോന്നു വിളിച്ച് എന്നേം കൂട്ടി പോയാൽ അടിപൊളി ഡിസ്‌കൗണ്ടും കിട്ടും.

സോറിസോ എന്റെ ഹോട്ടലിനു നേരെ എതിർ വശത്തായതു കൊണ്ട്, എന്റെ കട്ട് തീറ്റ സുധി കണ്ടു പിടിച്ചു. അങ്ങനെ ഞാൻ മറ്റു റസ്റ്റോറന്റുകൾ നോക്കി നടപ്പു തുടങ്ങി. അങ്ങനെ കിട്ടിയതാണ് പാർസസ് റെസ്റ്റോറന്റ്.

2. പർസാസ് റെസ്റ്റോറന്റ് : ഏകദേശം ലേ മെയിൻ മാർകെറ്റിന്റെ നടുക്കായി പോസ്റ്റ് ഓഫീസിനു എതിരെയാണ് പർസാസ്‌. നല്ല പച്ച പെയ്ന്റ് ഒക്കെ അടിച്ച തടിക്കസേരയും, പത്രവും, വായിക്കാൻ ഇഷ്ടം പോലെ ബുക്കും കിട്ടുന്ന ഹോട്ടൽ. ബിരിയാണി, ഫ്രൈഡ് റൈസ് ഒക്കെയാണ് അവിടെ ഏറ്റവും നല്ല വിഭവങ്ങൾ.

പക്ഷെ ഞാൻ സ്ഥിരം കഴിക്കുന്നത് ചപ്പാത്തി റോളുകളാണ്. മുട്ടയുടെയും പച്ചക്കറിയുടെയും ചിക്കന്റെയുമൊക്കെ ഒരൊറ്റ റോൾ വയറ് നിറയ്ക്കും. രുചിയും കിടിലം. കഴിച്ചു കഴിഞ്ഞാൽ ഒരു സ്കൂപ് ഐസ് ക്രീമും വാങ്ങിക്കഴിച്ചാൽ സംഭവം കളറാകും. അതിന്റെ ഓണർ നല്ളൊന്തരം ഫുട്ബോൾ കളിക്കാരനാണ്.
എന്റെ ഫുട്ബോൾ പ്രാന്തും വായനപ്രാന്തും കണ്ട് ചിലപ്പോഴൊക്കെ ഫുൾ ഡിസ്‌കൗണ്ട് തരുന്ന മഹാനാണ് അദ്ദേഹം.

3. ഐസ്ക്രീം, പോപ്പ് കോൺ :  ലേയിൽ ഐസ്ക്രീം കഴിക്കുന്നതാരാന്നു ചോദിച്ചാൽ സുധിയും മൂട്ടയും എന്ന് ഞാൻ പറയും. എത്ര തണുപ്പാണേലും എനിക്ക് ഐസ് ക്രീം വേണം. അങ്ങനെ എന്റെ അലച്ചിലിനൊടുവിൽ ഞാൻ കണ്ടു പിടിച്ച സ്ഥലമാണ് ജന്ത ഐസ് ക്രീം കട. ലേയിലെ മെയിൻ മാർക്കറ്റിൽ ജുമാ മസ്ജിദിനു എതിരെ ആണ് കട.

പല ഫ്ലേവറിൽ പല സ്കൂപ് സൈസില് പലതരം കപ്പിൽ ഐസ്ക്രീം കിട്ടും. അപ്പോപ്പോൾ ഉണ്ടാക്കുന്ന പോപ്പ്കോണും ഉണ്ടവിടെ. അവിടെ കിട്ടുന്ന ഐസ്ക്രീം ഓര്ഗാനിക്കാണെന്നാണ് അവിടുത്തെ മുടി നീട്ടിയ ഓണർ ചേട്ടൻ പറയുന്നത്. ചേട്ടൻ ലേയിൽ വന്നു ലേയിലെ ചേച്ചീനെ പ്രേമിച്ച് ലേയിൽ തന്നെ സെറ്റിൽ ആയ പഞ്ചാബി ചേട്ടനാണ്.

4. കാങ്‌ലാ ചാൻ റെസ്റ്റോറന്റ് : ലെ മാർക്കറ്റിന്റെ തുടക്കത്തിൽ ട്രാഫിക് പോലീസ് പോയിന്റിന്റെ അടുത്ത് രണ്ടാം നിലയിലാണ് കാങ്‌ലാചാൻ. ഗൂഗിളിലൊന്നും ഈ റസ്റ്റോറന്റ് രേഖപ്പെടുത്തിയിട്ടില്ല. അവിടുത്തെ മട്ടൻ മോമോസും വെജ് മോമോസും ഒരു രക്ഷേമില്ല. നൂറു രൂപക്ക് പന്ത്രണ്ടു മോമോസ് കിട്ടും. തൊട്ടു കഴിക്കാൻ മുളക് ചമ്മന്തിയും. മുകളിൽ ഞങ്ങളുടെ റെസ്റ്റോറന്റിൽ ഞാനുണ്ടാകും. എന്നേം കൊണ്ട് പോയാലോ, എന്റെയോ സുധിടെയോ പേര് പറഞ്ഞാലോ ഡിസ്‌കൗണ്ട് ഉറപ്പ്.

5. ലേയിലെ ചായക്കട ഇനിയുള്ള റെസ്റ്റോറന്റ് എന്റെ രഹസ്യമാണ്. ഇതെഴുതിയത് സുധി കണ്ടാൽ എനിക്ക് ഇടി ഉറപ്പാണ്. കാരണം സുധിയുടെ കൂടെ രഹസ്യങ്ങളിൽ ഒന്നാണത്. ഒരു ദിവസം ഉണ്ടാക്കിയ കഠിനമായ വഴക്കിൽ എന്നെ കോംപ്രമൈസ് ചെയ്യിക്കാൻ സുധി കൊണ്ടുപോയ കടയാണത്. റെസ്റ്റോറന്റ് എന്നിതിനെ പറയാൻ പറ്റില്ല. ഇതിനെ ലേയിലെ ചായക്കടയെന്നെ പറയാൻ പറ്റു.

പോളോ ഗ്രൗണ്ടിൽ വണ്ടിയിട്ട് മെയിൻ മാർക്കറ്റിലേക്ക് നടന്നാൽ ഒരു ടാക്സി സ്റ്റാൻഡ് ഉണ്ട്. അതിന്റെ ഇടത്തെ മൂലയിലായുള്ള ആദ്യത്തെ ചായക്കടയാണ് താരം. അവിടെ ആകെ നാലു വിഭവമേ ഒള്ളു. അൺലിമിറ്റഡ് ചോറും മട്ടൻ കറിയും, ചോറും ചിക്കൻ കറിയും, ചോറും പരിപ്പ് കറിയും റൊട്ടിയും മുൻപേ പറഞ്ഞ കറികളും. ഒപ്പം തൊട്ടുകൂട്ടാൻ നമ്മുടെ നാട്ടിലെ സ്റ്റൈൽ മുളക് ചമ്മന്തിയും കിട്ടും. ചോറും കറിയുടെ ചാറും അൺലിമിറ്റഡ് ആണ്.

ഓംലെറ്റും ചായയും പറഞ്ഞാൽ കടയുടെ പുറകിലെ വീട്ടിലെ ചേച്ചി ഉണ്ടാക്കി തരും. കഴിഞ്ഞ വര്ഷം അവസാന ദിവസം അവിടെ വന്നു മട്ടനും ചോറും കഴിച്ച കുമരകം അനുചേട്ടൻ അടുത്ത വർഷം ലേയിലെ ആ ചായക്കടയിൽ ഡെലിവറി ബോയ് ആയി കയറുമെന്ന് ശപഥം ചെയ്താണ് പോയത്. ആഴ്ചയിലൊരിക്കൽ അവിടുത്തെ ചോറും ചിക്കനും ഒരു ചെറിയ സ്പൂൺ പരിപ്പും കഴിച്ചില്ലെങ്കിൽ എനിക്ക് ഇരിക്കപ്പൊറുതിയുണ്ടാകില്ല.

ഈ കടയിൽ എന്നേം കൊണ്ട് പോയി ഡികോണ്ട് മേടിച്ചാൽ ശാപം കിട്ടും. കാരണം അറുപതും എൺപതും രൂപക്ക് അൺലിമിറ്റഡ് ഫുഡ് തരുന്ന ചേട്ടന്റെ കയ്യിൽ നിന്ന് ഡിസ്‌കൗണ്ട് ഞാൻ വാങ്ങില്ല. നിർബന്ധിച്ചു തന്നാൽ പോലും ഞാനത് മേശപ്പുറത്തു വച്ചിട്ടു പോരും. അപ്പൊ ലേയിലേക്ക് പോരുന്ന വരുന്ന മലയാളി കുഞ്ഞുങ്ങൾ മടുത്തു കഴിയുമ്പോൾ ഈ വഴിയും പോയി നോക്ക്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post