ഒന്നും സംസാരിക്കാതെ, മകൻ്റെ പിറകെ വർഷങ്ങളായി നടക്കുന്ന ഒരച്ഛൻ

Total
124
Shares

എഴുത്ത് – Vinil Mk.

മകനെത്തേടി ഒരച്ഛൻ.. എന്റെ യാത്രയിൽ ദിവസവും ഞാൻ അന്വഷിക്കുന്ന രണ്ടു മുഖങ്ങൾ, ഏകദേശം 8 വർഷങ്ങളായി സ്ഥിരമായി ദേശീയ പാതയിലൂടെ യാത്ര ചെയ്യുന്ന ഒരാളാണു ഞാൻ. രാവിലെ അമ്പലപ്പുഴ മുതൽ പുന്നപ്ര വരെയുള്ള യാത്രക്കിടയിൽ ഉറപ്പായും അവരെ കണ്ടുമുട്ടിയിരിക്കും. ആരോടും ഒന്നും സംസാരിക്കാതെ മകന്റെ പിറകെ വർഷങ്ങളായി നടക്കുന്ന ഒരച്ഛൻ,”ഹബീബ്.”

ഒരുപാടു നാളായി ഇവരോട് എന്തെങ്കിലും ഒന്നു ചോദിക്കണമെന്ന് ആഗ്രഹിക്കാൻ തുടങ്ങിയിട്ട്. പലപോഴായി ശ്രമിച്ചിട്ടുമുണ്ട്. പക്ഷെ പിടി തരാതെ ഒഴിഞ്ഞു മാറി കൊണ്ടിരുന്നു. കഴിഞ്ഞ ദിവസം മഴയത്ത് റോഡ് സൈഡിൽ മഴ കൊള്ളാതെ കയറി നിന്നപ്പോൾ ഞാൻ തേടി നടന്നവർ അവിടെ ഇരിക്കുന്നു. പതുക്കെ അവരോട് സൗഹൃദം സ്ഥാപിച്ചു. കാര്യങ്ങൾ ഓരോന്ന് ചോദിച്ചറിഞ്ഞു.

“ഭായ്, ഞങ്ങൾ ഔറംഗാബാദ് സ്വദേശികളാണ്. ഇതെന്റെ മകൻ മുക്താർ. ഇപ്പോൾ ഏകദേശം 25 വയസ്സ് ഉണ്ടാകും. കൃത്യമായി എനിക്ക് ഓർമ്മയില്ല. ഏകദേശം 8 വയസ്സുള്ളപ്പോൾ മകൻ നാടുവിട്ടു പോയതാണ്. അവനെ അന്വഷിച്ച് നടന്ന് 2 വർഷത്തിന് ഇപ്പുറം എനിക്ക് മുന്നയെ കർണ്ണാടകയിൽ നിന്നും കിട്ടി. അന്നുമുതൽ എന്റെ മുന്നിൽ അവൻ ഇങ്ങനെ നടക്കും, അവന്റെ പിറകെ ഞാനും.

രാവിലെ കിടക്കുന്നിടത്തു നിന്നും അവനു തോന്നിടത്തേക്ക് നടക്കും അതാണ് പതിവ് രാവിലെ മാത്രം നടക്കും. കുറച്ചു ദൂരം പോയിട്ട് അവിടെ നിന്നും തിരിച്ചും. ചിലപ്പോൾ ദിവസങ്ങളോളം ഒന്നും കഴിക്കാതെ.. ഇങ്ങനെ വർഷങ്ങായി തുടരുന്നു. കേരളത്തിൽ വന്നിട്ട് ഏകദേശം 10 വർഷമായി. ഒരുപാടിഷടമാണ് ഇവിടം. ആളുകൾ ശല്യം ചെയ്യില്ല, നല്ല സ്നേഹമാണ്. ആഹാരം കഴിച്ചോ എന്നൊക്കെ ചോദിക്കും. ചിലപ്പോൾ വാങ്ങിത്തരും. ആരുടേയും മുൻപിൽ കൈ നീട്ടാറില്ല അതവന് ഇഷ്ടമല്ല. ഒരുപാടു സമയം ഒരാളോട് സംസാരിച്ചാൽ അവന് നീരസമാണ്. കാരണം ഞങ്ങൾ രണ്ടുപേരല്ലേ വർഷങ്ങളായി ഇടപെഴകിയിട്ടുള്ളത് അതായിരിക്കും.”

ശരിയാണ്, അതെനിക്ക് ബോധ്യപ്പെട്ടു. മുക്താർ രൂക്ഷമായി അവന്റെ മാത്രം ഭാഷയിൽ എന്തൊക്കെയോ പറഞ്ഞു കൊണ്ടിരുന്നു. വീട്ടിൽ ആരൊക്കെ ഉണ്ടെന്ന് ചോദിച്ചപ്പോൾ മൗനമായിരുന്നു മറുപടി. പിന്നെയും ചോദിച്ചപ്പോൾ, “ഉണ്ടായിരുന്നു ഇപ്പോൾ എവിടെയാണന്ന് അറിയില്ല.” അപ്പോൾ ഹബീബിന്റകണ്ണ് നനഞ്ഞിരുന്നു. കൂടുതൽ ചോദിച്ചില്ല.

“നിങ്ങൾക്ക് സ്വന്തം നാട്ടിൽ പോകണ്ടേ?” എന്നു ചോദിച്ചു. അപ്പോൾ മറുപടി “വേണ്ട.” എന്താണന്ന് ചോദിച്ചപ്പോൾ ഇവിടെ എന്റെ മകനെ ആരും “ഭ്രാന്തൻ” എന്ന് ഇതുവരേയും വിളിച്ചിട്ടില്ല. അതെനിക്ക് സഹിക്കുന്നതിനുമപ്പുറമാണ്. ഹബീബ് പറഞ്ഞത് സത്യമോ മിഥ്യയോ എന്നറിയില്ല. പറഞ്ഞതനുസരിച്ച് മഹാരാഷ്ട്രയിലെ ഔറംഗാബാദ് ജില്ലയിൽ 9 താലൂക്കുകളിൽ 1344 ഗ്രാമങ്ങൾ ചെറിയ ഒരു അന്വഷണം നടത്താൻ തീരുമാനിച്ചു. മഴ തോർന്നു യാത്ര തുടരാൻ സമയമായി. ഇനിയും കാണാം എന്നു പറഞ്ഞു ഇറങ്ങി. ഇപ്പോഴും എനിക്കവരേ കാണുമ്പോൾ എന്തോ ഒരു സങ്കടം…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post