നൂറു വർഷത്തെ പാരമ്പര്യമുള്ള ശാസ്തമംഗലത്തെ ഹോട്ടൽ വിശ്വനാഥിലേക്ക്

Total
7
Shares

വിവരണം – Praveen Shanmukom‎, ARK – അനന്തപുരിയിലെ രുചി കൂട്ടായ്മ.

ഉച്ച സമയം നേരെ വച്ചടിച്ചു കൂട്ടുകാരനുമായി ശാസ്തമംഗലം പൈപ്പിന്മൂട് ജംഗ്ഷനിൽ ഉള്ള വിശ്വനാഥിലേക്ക്. പഴയ മോഡൽ ഒരു കെട്ടിടടമാണ്. കണ്ടു പിടിക്കാൻ വലിയ പ്രയാസമുണ്ടാവില്ല. പൈപ്പിൻമൂട് ജംഗ്ഷനിൽ തന്നെ. ബെഞ്ചും ഡെസ്കുകളുമായി ഒരു 25 പേർക്ക് ഇരിക്കാവുന്ന ഒരു ഹോട്ടൽ.

സ്റ്റീൽ പാത്രത്തിൽ ചോറെത്തി. പരിപ്പ്, പപ്പടം, അവിയൽ, വെള്ളരിക്ക കിച്ചടി, പുളിഞ്ചിക്ക അച്ചാർ, തേങ്ങാ ചമ്മന്തി, തൈര് മുളക്, സാമ്പാർ, പുർത്തിച്ചക്ക പുളിശ്ശേരി, രസം, മോര് – ഊണ് – 40 രൂപ. സിറ്റിക്ക് നടുവിൽ 40 രൂപയ്ക്കു ഇങ്ങനെ ഒരു ഊണ്. അതും ഓരോ കറികളും നല്ല ഒന്നാന്തരം രുചി.

അടിപൊളി പരിപ്പ് കറി, പപ്പടത്തിന്റെ കൂടെ കുഴച്ചു കഴിക്കാൻ ബെസ്ററ്. അവിയലൊക്കെ പൊളി, ഒരു അരുചിയും ഇല്ല. തേനു പോലുള്ള അവിയൽ. കിച്ചടിയും ബെസ്ററ്, പുളിഞ്ചിക്ക അച്ചാർ എല്ലായിടത്തും കിട്ടില്ല. അതിന്റെ രുചിയും സുഖിച്ചു. തേങ്ങ ചമ്മന്തിയുടെ രുചിയൊക്കെ കഴിച്ചു അറിയണം. കൂട്ടിനു തൈര് മുളകും. കഷ്ണങ്ങളൊക്കെ ചേർത്ത നല്ല കട്ടിയുള്ള സാമ്പാർ. പുർത്തിച്ചക്ക കഷ്ണങ്ങളൊക്കെ ഒരു ലോഭവുമില്ല. നല്ല രുചിയുള്ള പൈനാപ്പിൾ പുളിശ്ശേരിയും. രസവും മോരും കൂടി ആയപ്പോൾ പൂർത്തിയായി. എല്ലാം കൊണ്ട് സുഖമുള്ള ഒരു ഊണ്.

ഊണ് ഇതിൽ നിർത്തിയില്ല. പോരട്ടെ ഹാഫ് ചിക്കൻ പിരട്ടും ഒരു ബീഫ് ഫ്രൈയും കൂട്ടിനു ഊണിന്റെ കൂടെ കിട്ടിയ മരിച്ചീനിയും. ചിക്കൻ പിരട്ടിന്റെ ഗ്രേവി മാത്രം മതി ഒരു പറ ചോറുണ്ണാൻ അത്രയ്ക്ക് സ്വയമ്പൻ ചിക്കൻ പിരട്ട്. വളരെ മികച്ചത് എന്നു തന്നെ പറയാം. ബീഫ് ഫ്രൈയും വളരെ ഇഷ്ടപ്പെട്ടു. കപ്പയും വളരെ നല്ലത് . ഒന്നിനും ഒരു കുറവും പറയാനില്ല.

പ്രത്യേകം പറയേണ്ട ഒരു കാര്യം നല്ല രീതിയിൽ സർവീസ് ചെയ്യുന്ന സ്റ്റാഫും എല്ലായിടത്തും കണ്ണും കാതും എത്തി നിർദ്ദേശങ്ങൾ മുറയ്ക്ക് നൽകി സപ്ലയറായും കാഷ്യറായും എല്ലാവരുടെയും ഒപ്പം നില്ക്കുന്ന ഹരിമോനിയും Customer is King എന്നുള്ള രീതിയിൽ ആണ് കാണുന്നത്. വില വിവരം: ഊണ് – 40, ബീഫ് – 90, ചിക്കൻ പിരട്ട് ഹാഫ് – 70 (Full 130), ഊണിനോട് ഒപ്പമുള്ള മരിച്ചീനി – 5.

100 വർഷത്തിലേറെ ആയി നിറയും രുചി. നമ്മുടെ അനന്തപുരിയിൽ 100 വർഷത്തിലേറെയായി നില നിൽക്കുന്ന ഭക്ഷണയിടങ്ങൾ കുറവാണ്. അതിൽ എഴുതി ചേർക്കാവുന്ന ഒരു പേരാണ് വിശ്വനാഥും.

ശ്രീ വിശ്വനാഥൻ നായർ തുടങ്ങി വച്ച സ്ഥാപനം. അദ്ദേഹത്തിന്റെ മരണശേഷം ഭാര്യയുടെ സഹോദരനായ സോമൻ നായർ ആണ് നടത്തിയിരുന്നത്. ശ്രീ വിശ്വനാഥൻ നായരുടെ ഇളയ മകനായ ഹരി മോനി എന്നു അറിയപ്പെടുന്ന ശ്രീ ഹരി കുമാറാണ് നിലവിൽ ഇപ്പോൾ വിശ്വനാഥ് നടത്തുന്നത്. ഏകദേശം 20 വർഷത്തിലേറെയായി അദ്ദേഹത്തിനാണ് ഇതിന്റെ മേൽനോട്ടം. അദ്ദേഹത്തിന്റെ മൂത്ത സഹോദരങ്ങളും സഹായത്തിനായി ഒപ്പമുണ്ട്.

ശ്രീ വിശ്വനാഥിന്റെ ഭാര്യ അഥവാ ശ്രീ ഹരികുമാറിന്റെ അമ്മ രാധമ്മയുടെ കൈപുണ്യത്തിലും മേൽനോട്ടത്തിലുമാണ് ഇവിടെ ആഹാരം തയ്യാറാക്കപ്പെടുന്നത്. ഊണും കറികളുമെല്ലാം പ്രധാനമായി തയ്യാറാക്കുന്നത് വലിയ വാർപ്പിൽ ചെമ്പ് അടുപ്പിൽ പുളി വിറകിലാണ് ചെയ്യുന്നത്.

രാവിലെ അപ്പം, പുട്ട്,ഇഡ്ഡലി,ദോശ, ഇടിയപ്പം, കടല, മുട്ടക്കറി, കിഴങ്ങ് കറി, കുറുമ കറി യൊക്കെയാണ് സാധാരണ കാണുന്നത്. ചിക്കൻ കറി, ചിക്കൻ തോരൻ, ചിക്കൻ പിരട്ടൊക്കെ എട്ട് എട്ടരയാകുമ്പോൾ തയ്യാറാകും. ഉച്ചയ്ക്ക് ഊണിന് തൊടുകറികളിൽ വ്യത്യാസം വരാറുണ്ട്. ഊണിന്റെ കൂടെയുള്ള മരിച്ചിനിക്ക് 5 രൂപ അല്ലാതെ പ്രത്യേകം ക്വാണ്ടിറ്റി കൂടി 30-40 രൂപയ്ക്ക് ഉണ്ട്. കണ്ടാൽ കൊതിയാവുന്ന തൈര് കിട്ടും 10 രൂപ. കഴിച്ച് കഴിഞ്ഞാണ് കണ്ടത്. മിസ്സായി. അത് പോലെ മീനൊക്കെ നല്ല രീതിയിൽ ആൾക്കാർ വാങ്ങിക്കുന്നത് കണ്ടു. വൈകുന്നേരം ചില്ലി ചിക്കൻ, ജിഞ്ചർ ചിക്കൻ, ഗാർലിക് ചിക്കൻ, എഗ്ഗ് മസാല, തക്കാളി, കുറുമ, പെറോട്ട, ചപ്പാത്തി തുടങ്ങിയ ഐറ്റങ്ങൾ ഉണ്ട്.

നഗരത്തിന് നടുവിൽ കുറഞ്ഞോരു ചെലവിൽ നല്ലൊരു ഊണ്. അത് പോലെ അടിപൊളി ചിക്കൻ പിരട്ടും മറ്റു വിഭവങ്ങളും വീട്ടിലെ പോലെ വിശ്വസിച്ച് കഴിക്കാൻ ഹോട്ടൽ വിശ്വനാഥ്. Timings: 6 AM to 9:30 PM. Seating Capacity: 25.Hotel Vishwanath, Pipinmoodu Junction, Sawthi Nagar, Pipinmoodu, Thiruvananthapuram, Kerala 695003, 08547617823.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post