കെഎസ്ആർടിസി ബസ്സുകൾ എങ്ങനെ നമുക്ക് വാടകയ്ക്ക് എടുക്കാം?

Total
0
Shares

കല്യാണയാത്രകൾക്കോ ചെറു വിനോദയാത്രകൾക്കോ വേണ്ടി വലിയ ബസ്സുകൾ വാടകയ്ക്ക് എടുക്കാറുണ്ടല്ലോ. ഇത്തരത്തിൽ വാടകയ്ക്ക് എടുക്കുന്നത് സാധാരണയായി ടൂറിസ്റ്റ് ബസുകളായിരിക്കും. സാധാരണക്കാരായ ചിലർ റൂട്ടിലോടുന്ന പ്രൈവറ്റ് ബസ്സുകളും വാടകയ്ക്ക് എടുക്കാറുണ്ട്. വിവാഹം, വിനോദയാത്ര എന്നിങ്ങനെ യാത്രകൾ ഏതുമായിക്കോട്ടെ, അൽപ്പം വ്യത്യസ്തമായി മാറ്റണം എന്നാഗ്രഹമുണ്ടോ? എല്ലാവരും ശ്രദ്ധിക്കപ്പെടുന്നതായിരിക്കണം നിങ്ങളുടെ യാത്ര എന്നാഗ്രഹമുണ്ടോ?

മലയാളികളുടെ സ്വകാര്യ അഹങ്കാരവും നൊസ്റ്റാൾജിയയുമാണ് കെഎസ്ആർടിസി ബസ്സുകൾ. ഇത്തരത്തിലുള്ള യാത്രകൾക്ക് കെഎസ്ആർടിസി ബസ്സുകൾ എടുത്താൽ എങ്ങനെയിരിക്കും? വെറുമൊരു ആഗ്രഹം മാത്രമായി ഇത് തള്ളിക്കളയേണ്ട. മറ്റു ബസ്സുകളെപ്പോലെ കെഎസ്ആർടിസി ബസ്സുകളും വാടകയ്ക്ക് ലഭിക്കും. എത്രപേർക്ക് അറിയാം ഈ കാര്യം?

കെഎസ്ആർടിസി ബസ്സുകൾ വാടകയ്ക്ക് ലഭിക്കുന്നതിനെപ്പറ്റി അവരുടെ ഒഫീഷ്യൽ വെബ്‌സൈറ്റിൽ വിവരങ്ങൾ ഒന്നും കൊടുത്തിട്ടുള്ളതായി കാണുന്നില്ല. എങ്കിലും ഇത്തരമൊരു സൗകര്യം കെഎസ്ആർടിസി പൊതുജനങ്ങൾക്കായി തുറന്നിട്ടിട്ടുണ്ട്. അത് എങ്ങനെയാണെന്നും ചാർജ്ജുകൾ എത്തരത്തിലാണെന്നും ഒന്നു മനസ്സിലാക്കാം.

കെഎസ്ആർടിസി ബസ്സുകൾ വാടകയ്ക്ക് എടുക്കണമെന്ന് തോന്നിയാൽ ആദ്യം ചെയ്യേണ്ടത് നമുക്ക് തൊട്ടടുത്തുള്ള കെഎസ്ആർടിസി ഡിപ്പോയിൽ ബന്ധപ്പെടുക എന്നതാണ്. ശബരിമല സീസൺ പോലുള്ള തിരക്കേറിയ സമയങ്ങളിൽ ചിലപ്പോൾ ബസ്സുകളുടെ കുറവ് മൂലം വാടകയ്ക്ക് ലഭിക്കുവാൻ സാധ്യത കുറവാണ്.

കെഎസ്ആർടിസി ബസ്സുകളുടെ (FP) വാടക നിരക്കുകൾ : 5 മണിക്കൂർ സമയത്തേക്കോ 100 കിലോമീറ്ററിന് ഉള്ളിലോ ആണ് നിങ്ങളുടെ യാത്രയെങ്കിൽ 8000 രൂപയാണ് ചാർജ്ജ്. 6 മണിക്കൂർ സമയത്തേക്കോ 150 കിലോമീറ്ററിനുള്ളിലോ ആണെങ്കിൽ 10000 രൂപയും, 8 മണിക്കൂർ സമയത്തേക്കോ 200 കിലോമീറ്ററിനുള്ളിലോ ആണെങ്കിൽ 12000 രൂപയും, 8 മണിക്കൂറിനു മുകളിലോ 200 കിലോമീറ്ററിനു മുകളിലോ ആണെങ്കിൽ 15000 രൂപയുമാണ് ചാർജ്ജ് വരിക. വെയിറ്റിങ് ആവശ്യമാണെങ്കിൽ അതിനായി ഈടാക്കുന്നത് ഒരു മണിക്കൂറിലേക്ക് 500 രൂപ മാത്രമാണ്.

ഇനി സാധാരണ കെഎസ്ആർടിസി ബസുകൾ കൂടാതെ കിടിലൻ എസി ലോഫ്ലോർ വോൾവോ ബസ്സുകൾ വാടകയ്ക്ക് എടുക്കണമെന്നുണ്ടോ? എങ്കിൽ അതിനും നമുക്ക് അവസരമുണ്ട്. ലോഫ്‌ളോർ ബസ്സുകളുടെ വാടക നിരക്ക് സാധാരണ ബസ്സുകളേക്കാൾ കൂടുതലായിരിക്കും. അത് ഇങ്ങനെ : 4 മണിക്കൂർ സമയത്തേക്കോ 100 കിലോമീറ്ററിനുള്ളിലോ ആണെങ്കിൽ 10000 രൂപയും, 6 മണിക്കൂർ സമയത്തേക്കോ 150 കിലോമീറ്ററിനുള്ളിലോ ആണെങ്കിൽ 15000 രൂപയും, 8 മണിക്കൂർ സമയത്തേക്കോ 200 കിലോമീറ്ററിനുള്ളിലോ ആണെങ്കിൽ 18000 രൂപയും, 200 കിലോമീറ്ററിന് മുകളിലാണെങ്കിൽ മിനിമം 21000 രൂപയുമാണ് ലോഫ്‌ളോർ ബസുകളുടെ വാടക നിരക്ക്.

സാധാരണ ബസ്സുകളായാലും ലോഫ്‌ളോർ ബസുകളായാലും ഈ ചാർജ്ജുകൾക്കൊപ്പം ഒരു നിശ്ചിത ശതമാനം സർവ്വീസ് ടാക്സ് കൂടി കൊടുക്കേണ്ടി വരും. 200 കിലോമീറ്ററിന് മുകളിലുള്ള യാത്രകൾക്ക് ഓരോ കിലോമീറ്ററിനും കെഎസ്ആർടിസി ചാർജ്ജുകൾ ഈടാക്കും. ഇത് സാധാരണ ഓർഡിനറി ബസ്സുകൾക്ക് 40 രൂപയും, ഫാസ്റ്റ് പാസഞ്ചർ ബസ്സുകൾക്ക് 70 രൂപയും ലോഫ്‌ളോർ ബസുകൾക്ക് 100 രൂപയുമാണ്. അതുപോലെ തന്നെ, വണ്ടി വരുന്ന ഡിപ്പോയിൽ നിന്നും വന്നു ആളെ കയറ്റി യാത്രയ്ക്കു ശേഷം തിരികെ അതേ ഡിപ്പോയിൽ എത്തുന്ന ദൂരമാണ് യാത്രാദൂരമായി കണക്കിലാക്കുന്നത്.

സാധാരണയായി കൂടുതലാളുകളും വാടകയ്ക്ക് എടുക്കുന്നതിനായി തിരഞ്ഞെടുക്കുന്നത് A/C ലോഫ്ലോർ ബസുകളാണ്‌. യാത്രകൾക്ക് സാധാരണ ടൂറിസ്റ്റ് ബസുകൾ എടുക്കുന്നതിനേക്കാൾ വാടകച്ചെലവ് അൽപ്പം കൂടുമെങ്കിലും ഒരു വ്യത്യസ്തത ആഗ്രഹിക്കുന്നവർക്കും എല്ലാവരുടെയും ശ്രദ്ധ നേടുന്നതിനും ഒക്കെ ഇത്തരത്തിൽ കെഎസ്ആർടിസി ബസുകൾ തിരഞ്ഞെടുക്കാവുന്നതാണ്. കൂടുതൽ വിവരങ്ങൾക്ക് നിങ്ങളുടെ അടുത്തുള്ള കെഎസ്ആർടിസി ഡിപ്പോയിൽ ബന്ധപ്പെടുക. എല്ലാ യൂണിറ്റുകളിലും ബസ്സുകൾ എളുപ്പത്തിൽ വാടകക്ക് ലഭ്യമാക്കുന്നതിനുള്ള സൗകര്യത്തിനായി ട്രാഫിക് സെക്ഷൻ പ്രവർത്തിക്കുന്നുണ്ട്.

നിലവിൽ വിവിധങ്ങളായ ചലച്ചിത്രങ്ങളുടെ ചിത്രീകരണങ്ങൾക്കും വിവാഹ ആവശ്യങ്ങൾക്കും കേരളത്തിലെ വിവിധ ഭാഗങ്ങളിൽ ലോ ഫ്ളോർ എ.സി. ബസുകൾ അടക്കം കെ.എസ്.ആർ.ടി.സി. വാടകക്ക് ലഭ്യമാക്കി വരുന്നുണ്ട്. പ്രതിദിനം ഇന്ധനച്ചെലവ് കൂടി വരുന്ന ഈ കാലഘട്ടത്തിൽ കുറഞ്ഞ ചെലവിൽ സുഖകരമായതും സുരക്ഷിതമായതുമായ യാത്ര പൊതുസമൂഹത്തിന് പ്രദാനം ചെയ്യുക എന്നതാണ് കെ.എസ്.ആർ.ടി.സി. ഈ പദ്ധതിയിലൂടെ ലക്ഷ്യമിടുന്നത്. അപ്പോൾ മറക്കേണ്ട… കെ.എസ്.ആർ.ടി.സിയും ഉണ്ടാകും നിങ്ങളുടെ ജീവിതത്തിലെ മംഗളമുഹൂർത്തങ്ങൾക്കൊപ്പം.

1 comment
  1. ഇൻഡ്യൻ റെയിൽവേ എൻജിനുകൾ പറ്റിതിരിച്ചറിയൻ ഒരു ബ്ലോഗ് എഴുതിയില്ല അത് ഒന്ന് ലിങ്ക് താരോ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post