എറണാകുളത്ത് തങ്ങിയ ആ 5 മണിക്കൂറിൽ എന്തൊക്കെ സംഭവിച്ചു?

Total
0
Shares

ഹാരിസ് ഇക്കയും ഫാമിലിയുമൊത്തുള്ള ഹൗസ് ബോട്ട് യാത്രയ്ക്ക് ശേഷം ഞാനും ശ്വേതയും കൂടി എറണാകുളത്തേക്ക് ഞങ്ങളുടെ കാറിൽ യാത്രയായി. ഏതോ ഒരു രാഷ്ട്രീയ പാർട്ടിയുടെ ജാഥ കാരണം ഞങ്ങൾക്ക് അത്യാവശ്യം നല്ലൊരു ബ്ലോക്ക് കിട്ടി. ആലപ്പുഴയിൽ നിന്നും എറണാകുളത്ത് എത്തുവാൻ ആകെ ഒന്നര മണിക്കൂർ സമയമെടുക്കുകയുണ്ടായി. എറണാകുളം ചേരാനെല്ലൂരിൽ കണ്ടെയ്‌നർ റോഡിനു സമീപമുള്ള കൈരളി ഫോർഡിൻ്റെ സർവ്വീസ് സെന്ററിലേക്ക് ആയിരുന്നു പോയത്. ഞങ്ങളുടെ ഇക്കോസ്പോർട്ട് വണ്ടിയുടെ സർവ്വീസ് ആയിരുന്നു. ഇനി സർവ്വീസ് ചെയ്യാതെ എങ്ങും പോകുവാൻ പറ്റാത്ത അവസ്ഥയായിരുന്നു.

ഞങ്ങൾ സർവ്വീസ് സെന്ററിൽ എത്തിയപ്പോൾ ഉച്ചയ്ക്ക് 12 മണിയായിരുന്നു. ഇനി വൈകീട്ട് അഞ്ചു മണിയോടെ മാത്രമേ കാർ സർവ്വീസ് കഴിഞ്ഞു തിരികെ ലഭിക്കുകയുള്ളൂ. അത്രയും സമയം എറണാകുളത്തും പരിസരപ്രദേശങ്ങളിലും ഒന്നു കറങ്ങാമെന്നു ഞങ്ങൾ തീരുമാനിച്ചു. ആലപ്പുഴയിൽ നിന്നും ഹാരിസ് ഇക്കയും ടീമും ഞങ്ങളുടെ പിന്നാലെ എറണാകുളത്ത് എത്തിച്ചേരും എന്നാണു പറഞ്ഞിരുന്നത്. അതിനിടയിൽ എൻ്റെ ഒരു ഫോളോവർ ആയ എമിലും ഭാര്യ അഞ്ജുവും ഞങ്ങളെ കാണുവാൻ കാറുമായി എത്തിച്ചേർന്നു. ഹാരിസ് ഇക്കയും ടീമും കുണ്ടന്നൂരിൽ ബ്ലോക്കിൽ കിടക്കുകയാണെന്ന് ഞങ്ങളെ വിളിച്ചു പറഞ്ഞു.

അങ്ങനെ ഞങ്ങൾ എമിലിന്റെയും ഭാര്യയുടെയും കൂടെ കാറിൽ എറണാകുളത്തിന്റെ കുട്ടനാട് എന്നറിയപ്പെടുന്ന കുട്ടനാട്ടിൽ എത്തിച്ചേർന്നു. കള്ള്, മീൻ, ഞണ്ട് തുടങ്ങിയവയ്ക്ക് പ്രസിദ്ധമാണ് കടമക്കുടി. കടമക്കുടിയുടെ സൗന്ദര്യം ശരിക്കു കാണണമെങ്കിൽ രാവിലെയോ വൈകീട്ടോ പോകണം. എന്നാൽ ഞങ്ങൾ പോയത് നട്ടുച്ചയ്ക്കും. ഈ സമയത്ത് കടമക്കുടി കാണുവാൻ വന്ന ആദ്യത്തെ സഞ്ചാരികൾ മിക്കവാറും ഞങ്ങൾ ആയിരിക്കും. എന്തായാലും കടമക്കുടി ഒരു കൊച്ചു സുന്ദരിതന്നെ. ഞങ്ങൾ കുറച്ചു സമയം അവിടെ ചെലവഴിച്ചു.

കടമക്കുടിയിലെ കാഴ്ചകൾ കണ്ടതിനു ശേഷം ഞങ്ങൾ തിരികെ വരാപ്പുഴ ഭാഗത്തേക്ക് യാത്രയായി. വരാപ്പുഴ പാലത്തിനു സമീപത്തുള്ള പെരിയാർ റെസ്റ്റോറന്റിലേക്ക് ആയിരുന്നു ഞങ്ങൾ പോയത്. പുഴയരികിലുള്ള മനോഹരമായ ഒരു റെസ്റ്റോറന്റ് ആയിരുന്നു അത്. ഹാരിസ് ഇക്കയും ഫാമിലിയും അവിടെയെത്തി ഞങ്ങളെ കാത്തിരിക്കുകയായിരുന്നു. മീൻ വിഭവങ്ങൾക്ക് പേരുകേട്ടതാണ് പെരിയാർ റെസ്റ്റോറന്റ്. ഉച്ച സമയങ്ങളിൽ ഇവിടെ നല്ല തിരക്ക് ആയിരിക്കും എപ്പോഴും. അങ്ങനെ ഞങ്ങളെല്ലാം ഊണ് കഴിക്കുവാനായി ടേബിളിൽ ഒത്തുകൂടി. ചോറും മീൻ കറിയും മീൻ വറുത്തതും താറാവ് കറിയും കക്കയും ഒക്കെ ഞങ്ങൾ ഓർഡർ ചെയ്തു. ഇതിനിടെ ഹാരിസ് ഇക്ക ശ്വേതയെ മീൻ കഴിപ്പിക്കുവാൻ ശ്രമിച്ചുകൊണ്ടേയിരുന്നു. സത്യം പറയാമല്ലോ നല്ല അടിപൊളി ഫുഡ് ആയിരുന്നു. വെറുതെയല്ല ഇവിടെ ഇത്രയും തിരക്ക് എന്ന് ഞങ്ങൾ മനസ്സിലോർത്തു.

പിന്നീട് ഞങ്ങൾ കണ്ടെയ്‌നർ റോഡിലൂടെ എറണാകുളത്തേക്ക് യാത്രയായി. ഞാനും ശ്വേതയും എമിലും അഞ്ജുവും അവരുടെ കാറിലും ഹാരിസ് ഇക്കയും കുടുംബവും വേറെ കാറിലുമാണ് യാത്ര തിരിച്ചത്. റോഡ് നല്ല കിടിലൻ ആയിരുന്നതിനാൽ എമിൽ നല്ല വേഗത്തിലായിരുന്നു കാർ ഓടിച്ചിരുന്നത്. നിർഭാഗ്യവശാൽ മുളവുകാട് ഭാഗത്തു വെച്ച് പോലീസ് പൊക്കി. ഓവർസ്പീഡിന് ചമ്മിയ മുഖവുമായി ചിരിച്ചുകൊണ്ട് എമിൽ ഫൈൻ അടച്ചിട്ടു തിരികെ വന്നു. പിന്നീട് കണ്ടെയ്‌നർ റോഡിനു വശങ്ങളിലായി കിടന്നിരുന്ന ഐസ്ക്രീം വണ്ടിയ്ക്കരികിൽ ഞങ്ങളുടെ രണ്ടു കാറുകളും നിർത്തി. അവിടെ നിന്നും ഓരോരുത്തരും അവർക്കിഷ്ടപ്പെട്ട ഫ്ലേവർ ഐസ്ക്രീം വാങ്ങി രുചിയോടെ തിന്നു.

കുറച്ചുസമയം കണ്ടെയ്‌നർ റോഡിലെ കാഴ്ച്ചകൾ കണ്ടതിനു ശേഷം ഹാരിസ് ഇക്കയും ടീമും ഞങ്ങളോട് യാത്ര പറഞ്ഞു. പിന്നെ ഞങ്ങൾ എമിലിനൊപ്പം തിരികെ സർവ്വീസ് സെന്ററിൽ എത്തി ഞങ്ങളുടെ കാർ സർവ്വീസ് കഴിഞ്ഞു തിരികെ വാങ്ങി. 7300 രൂപയോളം ഞങ്ങൾക്ക് സർവ്വീസ് ചെലവായി. കാർ കിട്ടിയതോടെ എമിലും അഞ്ജുവും ഞങ്ങളോട് യാത്ര പറഞ്ഞുകൊണ്ട് പോയി. സത്യം പറയാമല്ലോ നല്ല കമ്പനിയായിരുന്നു രണ്ടുപേരും. ഒന്നിച്ച് ഒരു ട്രിപ്പ് ഒക്കെ പോകണം എന്ന് ഉറപ്പു പറഞ്ഞായിരുന്നു ഞങ്ങൾ പിരിഞ്ഞത്.

കാർ കിട്ടിയശേഷം ഞങ്ങൾ ക്യാമറയ്ക്ക് ഒരു മൈക്ക് വാങ്ങുവാനായി എംജി റോഡിനു സമീപത്തുള്ള വി ട്രേഡേഴ്‌സിലേക്ക് പോയി. നാളെ അതിരാവിലെ ഞങ്ങൾക്ക് ആനക്കട്ടിയിലുള്ള SR ജംഗിൾ റിസോർട്ടിലേക്ക് പോകേണ്ടതായിരുന്നു. ഇനി ഇവിടെ നിന്നും തുറവൂരിലുള്ള ശ്വേതയുടെ വീട്ടിലേക്ക് പോയാൽ നേരം വൈകും. അങ്ങനെ ഞങ്ങൾ എറണാകുളത്ത് താങ്ങുവാനായി തീരുമാനിച്ചു. ഇടപ്പള്ളിയ്ക്കും പലരിവെട്ടത്തിനും ഇടയിലുള്ള മാമംഗലം എന്ന സ്ഥലത്തെ Casa Alley എന്ന ഹോം സ്റ്റേയായിരുന്നു ഞങ്ങൾ അന്ന് താമസിക്കുവാനായി തിരഞ്ഞെടുത്തത്. മൈക്ക് വാങ്ങിയതിനു ശേഷം ഞങ്ങൾ അവിടേക്ക് യാത്രയായി.

അധികം വൈകാതെ ഞങ്ങൾ ഹോം സ്റ്റെയിൽ എത്തിച്ചേർന്നു. ഒരു കിടിലൻ പ്രീമിയം സർവ്വീസ് അപ്പാർട്ട്മെന്റ് ആയിരുന്നു അത്. ടിവി, ഫ്രിഡ്ജ്, കിച്ചൻ സാമഗ്രികൾ തുടങ്ങി ഒരു വീട്ടിലുള്ള എല്ലാ സാധനങ്ങളും അവിടെയുണ്ടായിരുന്നു. എന്തായാലും നല്ലൊരു സെലക്ഷൻ തന്നെയായിരുന്നു ഞങ്ങളുടേത്. ഇന്നത്തെ ദിവസം അത്യാവശ്യം നല്ലരീതിയിൽ അലയേണ്ടി വന്നതിനാൽ ഞങ്ങൾക്ക് നല്ല ക്ഷീണം ഉണ്ടായിരുന്നു. അതുകൊണ്ട് അധികം വൈകാതെ ഞങ്ങൾ കിടന്നു. ഇനി നാളെ വെളുപ്പിന് നാലു മണിക്ക് ആനക്കട്ടിയിലേക്കുള്ള യാത്ര ആരംഭിക്കണം. ആ വിശേഷങ്ങൾ പിന്നെ പറയാം. ഇപ്പോൾ ഞങ്ങൾ ഒന്നുറങ്ങട്ടെ. ഗുഡ് നൈറ്റ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post