HRTC; ഏറ്റവും ദുർഘടമായ റൂട്ടുകളിലൂടെ സർവ്വീസ് നടത്തുന്ന ട്രാൻസ്‌പോർട്ട് കോർപ്പറേഷൻ

Total
184
Shares

ഇന്ത്യയിലെ ഏറ്റവും ദുർഘടമായ റൂട്ടുകളിലൂടെ സർവ്വീസ് നടത്തുന്ന ട്രാൻസ്‌പോർട്ട് കോർപ്പറേഷൻ ഏതായിരിക്കും? HRTC അഥവാ Himachal Road Transport Corporation ആണത്. ഇന്ത്യയിലെ മികച്ച ഡ്രൈവർമാരും HRTC യിലാണ് ഉള്ളതെന്നും പറയാം. ഈ HRTC യുടെ ചരിത്രവും വിശേഷങ്ങളുമാണ് ഇനി പറയാൻ പോകുന്നത്.

റോഡ് ട്രാൻസ്‌പോർട്ട് കോർപ്പറേഷൻ ആക്ട് പ്രകാരം 1958 ൽ പഞ്ചാബ് സർക്കാരും ഹിമാചൽപ്രദേശ് സർക്കാരും റെയിൽവേയും സംയോജിച്ചുകൊണ്ട് ഒരു ട്രാൻസ്‌പോർട്ട് കോർപ്പറേഷൻ രൂപീകരിക്കുകയുണ്ടായി. മാണ്ടി – കുളു റോഡ് ട്രാൻസ്‌പോർട്ട് കോർപ്പറേഷൻ എന്നായിരുന്നു അതിൻ്റെ പേര്. ഹിമാചൽ പ്രദേശ്, പഞ്ചാബിലെ ഹൈറേഞ്ച് ഏരിയകൾ എന്നിവിടങ്ങളിലായിരുന്നു ഈ കോർപ്പറേഷൻ ബസ്സുകൾ സർവ്വീസ് നടത്തിയിരുന്നത്.

1966 ൽ പഞ്ചാബിന്റെ മലയോരപ്രദേശങ്ങൾ ഹിമാചൽ പ്രദേശിനോട് കൂട്ടിച്ചേർത്തതോടെ മാണ്ടി – കുളു റോഡ് ട്രാൻസ്‌പോർട്ട് കോർപ്പറേഷൻ്റെ സർവ്വീസുകൾ ഏതാണ്ട് പൂർണ്ണമായും ഹിമാചൽ പ്രദേശ് സംസ്ഥാനത്തിലായി മാറി. ഒടുവിൽ 1974 ഒക്ടോബർ 2 നു മാണ്ടി – കുളു റോഡ് ട്രാൻസ്‌പോർട്ട് കോർപ്പറേഷൻ, ഹിമാചൽ റോഡ് ട്രാൻസ്‌പോർട്ട് കോർപ്പറേഷനായി മാറുകയും ചെയ്തു.

ഹിമാചൽ പ്രദേശിന്റെ വളർച്ചയിൽ ഒരു പ്രധാന പങ്ക് വഹിച്ചത് HRTC ആണെന്നു നിസ്സംശയം പറയാം. പലരും പോകാൻ മടിക്കുന്ന ദുർഘടമായ, ഭീതിജനകമായ റൂട്ടുകളിലൂടെ HRTC സർവ്വീസുകൾ നടത്തുവാൻ ആരംഭിച്ചു. ട്രക്ക് ഡ്രൈവർമാർ പോലും പോകാൻ ഭയന്നു മാറിനിന്നിരുന്ന ചില ഏരിയകളിൽ ചരക്കുനീക്കങ്ങൾ നടത്തിയിരുന്നതും HRTC ബസ്സുകൾ വഴിയാണ്.

ലോകത്തിലെ ഏറ്റവും ഉയരത്തിലുള്ള ഭൂപ്രകൃതിയിൽ സർവ്വീസ് നടത്തുന്ന ട്രാൻസ്‌പോർട്ട് കോർപ്പറേഷൻ എന്ന ഖ്യാതിയും HRTC യ്ക്ക് ആണ്. ലേ – ഡൽഹി, ഷിംല – കാസ, കുളു – കാസ, മണാലി – റെക്കോങ്പിയോ തുടങ്ങിയ ബസ് റൂട്ടുകൾ അതിനുദാഹരണങ്ങളാണ്.

ഇവയിൽ ഡൽഹി – ലേ റൂട്ടിൽ വർഷത്തിൽ ചില മാസങ്ങൾ മാത്രമായിരിക്കും ബസ് സർവ്വീസ് ഉണ്ടാകുക. ഒരു വശത്തേക്ക് മാത്രമായി 1200 ഓളം കിലോമീറ്റർ ദൂരം താണ്ടുന്ന ഈ ബസ് റൂട്ട് ഇന്ത്യയിലെ ഏറ്റവും ദൈർഘ്യമേറിയ ഗവൺമെന്റ് ബസ് റൂട്ട് ആണ്.

ടാറ്റാ ബസ്സുകളാണ് HRTC യിൽ അധികവും. മഞ്ഞും മലയും നദികളുമൊക്കെ താണ്ടി വരുന്ന ടാറ്റാ HRTC ബസ് കാണുമ്പോൾ പ്രത്യേകിച്ച് ലുക്ക് ഒന്നും തോന്നിക്കില്ലെങ്കിലും യഥാർത്ഥത്തിൽ അവർ ഹീറോകൾ തന്നെയാണ്. അതുപോലെതന്നെ എടുത്തു പറയേണ്ട ഒന്നാണ് ഈ റൂട്ടുകളിലെ ബസ് ജീവനക്കാരുടെ ധൈര്യവും കഴിവും. ജീവൻ പണയം വെച്ചാണ് ഇവർ ഇതുവഴി സർവ്വീസ് നടത്തുന്നത്.

ഹിമാചൽ പ്രദേശ് കൂടാതെ ഉത്തരാഖണ്ഡ്, പഞ്ചാബ്, ഹരിയാന, ഡൽഹി, ഉത്തർപ്രദേശ്, ജമ്മു കശ്മീർ, രാജസ്ഥാൻ തുടങ്ങിയ സംസ്ഥാനങ്ങളിലേക്കും HRTC ബസ് സർവ്വീസുകൾ നടത്തുന്നുണ്ട്.

ഹിമാചൽ തലസ്ഥാനമായ ഷിംല ആസ്ഥാനമാക്കി പ്രവർത്തിക്കുന്ന HRTC യിൽ 4 ഡിവിഷനുകളിലായി 27 ഡിപ്പോകൾ ഉണ്ട്. 2020 ലെ കണക്കു പ്രകാരം 3158 ഓളം ബസ്സുകളാണ് HRTC യ്ക്ക് സ്വന്തമായുള്ളത്. മൊത്തത്തിൽ 2573 റൂട്ടുകളിൽ HRTC സർവ്വീസ് നടത്തുന്നുമുണ്ട്.

ഹിമസുത എന്ന പേരിൽ വോൾവോ, സ്‌കാനിയ ബസ്സുകൾ; ഹിമഗൗരവ് എന്ന പേരിൽ എസി ഡീലക്സ് ബസുകൾ, ഹിംമണി എന്ന പേരിൽ നോൺ എസി ഡീലക്സ് ബസുകൾ, ഹിംതരംഗ് എന്ന പേരിൽ ഇലക്ട്രിക് ബസ്സുകൾ, ജനറം, ഓർഡിനറി ബസ്സുകൾ എന്നിങ്ങനെയാണ് HRTC യിലെ ബസ്സുകളുടെ കാറ്റഗറികൾ.

ഇന്ത്യയിൽ ആദ്യമായി എല്ലാ കാറ്റഗറി ബസുകൾക്കും ഓൺലൈൻ ബുക്കിംഗ് സൗകര്യം ആരംഭിച്ച സർക്കാർ ട്രാൻസ്‌പോർട്ട് കോർപ്പറേഷനുകളിലൊന്ന് HRTC യാണ്. ‘ഹിമാചൽ പരിവഹൻ’ എന്നാണു HRTC ബസ്സുകൾ പൊതുവെ അറിയപ്പെടുന്നത്.

നിങ്ങൾ ഒരു സാഹസിക യാത്രാപ്രേമിയാണെങ്കിൽ ജീവിതത്തിൽ ഒരു തവണയെങ്കിലും HRTC യുടെ ഹൈറേഞ്ച് സർവീസുകളിൽ യാത്ര ചെയ്തിരിക്കണം. തീർച്ചയായും അവിസ്മരണീയമായ ഒരു യാത്രാനുഭവമായിരിക്കും നിങ്ങൾക്ക് ലഭിക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post