മൂന്നാർ…. എന്തോ വല്ലാത്ത ഒരു പ്രണയമാണ് എനിക്ക് മൂന്നാറിനോട്

Total
169
Shares

എല്ലാവരും എന്നോട് ചോദിക്കാറുണ്ട് ഇതുവരെ പോയതിൽ വെച്ച് ഏറ്റവും ഇഷ്ടപ്പെട്ടതും, വീണ്ടും പോകാൻ തോന്നിക്കുന്നതുമായ സ്ഥലം ഏതാണെന്ന്. “മൂന്നാർ” എന്നാണു ഞാൻ അതിനുത്തരമായി പറയാറുള്ളത്. എന്താണെന്നറിയില്ല, പണ്ടുമുതലേ മൂന്നാറിനോട് എനിക്ക് എന്തോ ഒരു പ്രത്യേക അടുപ്പമുണ്ട്.

ബെംഗളൂരുവിൽ പഠിക്കുന്ന കാലത്ത് അവിടെ നിന്നും ഒറ്റയ്ക്ക് ബൈക്കിൽ കോയമ്പത്തൂർ വഴി മൂന്നാറിലെത്തി, പിന്നെ അവിടുന്ന് പത്തനംതിട്ടയിലേക്ക് പല പ്രാവശ്യം ഞാൻ യാത്ര ചെയ്തിട്ടുണ്ട്. അന്നത്തെ യാത്രകളിൽ മറയൂർ ഭാഗം കഴിഞ്ഞു മൂന്നാറിലേക്ക് വരുന്ന സമയം പെട്ടെന്ന് തണുപ്പ് ജാക്കറ്റിനുള്ളിലേക്ക് അരിച്ചു കയറുന്ന അനുഭവം എനിക്കേറെ പ്രിയപ്പെട്ട നിമിഷങ്ങളിലൊന്നായിരുന്നു.

തേയിലത്തോട്ടങ്ങൾ ആണെന്നു തോന്നുന്നു മൂന്നാറിനെ ഇത്രയ്ക്ക് സുന്ദരിയാക്കിയത്. കൂടാതെ തണുത്ത കാറ്റിനൊപ്പം യൂക്കാലി മരങ്ങളുടെ മണവും മൂന്നാറിന്റെ ഒരു പ്രത്യേകത തന്നെയാണ്. ചില സമയങ്ങളിൽ ഈ മണം വളരെ അസ്സഹനീയമാണെങ്കിൽപ്പോലും.

എന്റെ കരിയർ യാത്രകളിലാണ് എന്ന് ഞാൻ മനസ്സിലാക്കുന്നത് മൂന്നാറിൽ വെച്ചാണ്. ഞാൻ വന്ന വഴികളിലേക്ക് ഒന്ന് തിരിഞ്ഞു നോക്കിയാൽ, ഏതാണ്ട് 3 വർഷം മുൻപ് മൂന്നാറിൽ വെച്ചാണ് Tech Travel Eat നോടൊപ്പമുള്ള എൻ്റെ യാത്രകളുടെ ആരംഭം. ഞാൻ ഇതുവരെ ചെയ്ത വീഡിയോകൾ നോക്കിയാൽ നിങ്ങൾക്ക് മനസ്സിലാകും പല വീഡിയോയ്ക്കും മൂന്നാർ പശ്ചാത്തലമായിട്ടുണ്ട്. അതെ, എന്റെ ജീവിതത്തിൽ ഞാൻ എത്ര തവണ മൂന്നാർ സന്ദർശിച്ചിട്ടുണെന്ന് എനിക്ക് തന്നെ അറിയില്ല.

മനസ്സും ശരീരവും ഒന്ന് ശാന്തമാക്കുവാൻ ഇടുക്കി എന്നെ വളരെയധികം സഹായിക്കുന്നുണ്ട്. ഇനിയും കണ്ടു തീരാത്ത ഒട്ടേറെ കാഴ്ചകൾ ഇടുക്കി ജില്ലയിൽ ഉണ്ട്. എങ്കിലും എന്തോ ഒരു പ്രത്യേക ശക്തി എന്നെ ഇപ്പോഴും മൂന്നാറിലേക്ക് ആകർഷിക്കുന്നുണ്ട്. ഏത് വിദേശ രാജ്യത്ത് പോയാലും തിരികെ വന്നയുടൻ ഞാനൊരു മൂന്നാർ യാത്ര പോകും. എന്തോ വല്ലാത്ത ഒരു പ്രണയമാണ് എനിക്ക് മൂന്നാറിനോട്.

എൻ്റെ മൂന്നാർ പ്രണയം ഭാര്യ ശ്വേതയ്ക്കും പകർന്നു കിട്ടി എന്നത് എനിക്ക് വളരെ സന്തോഷം നൽകുന്ന ഒരു കാര്യമാണ്. അല്ലെങ്കിൽത്തന്നെ മൂന്നാർ എന്ന വശ്യസുന്ദരിയെ ആർക്കാണ് ഇഷ്ടമല്ലാത്തത്? വിവാഹശേഷം ഞങ്ങളൊന്നിച്ച് ധാരാളം തവണ മൂന്നാറിൽ പോയിട്ടുണ്ട്. ഇനിയും പോകും. പോകണം… അതാണല്ലോ ശീലം..!!

മൂന്നാറിനെക്കുറിച്ചോർക്കുമ്പോൾ എനിക്ക് ഒരു വിഷമം കൂടിയുണ്ട്. മറ്റൊന്നുമല്ല, മൂന്നാറിലെത്തുന്ന ഭൂരിഭാഗം സഞ്ചാരികളും എണ്ണപ്പെട്ട ചില സ്ഥലങ്ങൾ മാത്രം സന്ദർശിച്ചു മടങ്ങാറാണ് പതിവ്. എന്നാൽ ഇതിലും നന്നായി മൂന്നാറിനെ ആസ്വദിക്കാൻ, മൂന്നാറിൻ്റെ ജീവൻ തുടിക്കുന്ന ഒത്തിരി സ്ഥലങ്ങൾ ടൗണിൽ നിന്നും മാറി സ്ഥിതിചെയ്യുന്നുണ്ട്. അത്തരം ഇടങ്ങളിലെ നിശബ്ദവും വന്യവുമായ പ്രകൃതിയെ ആസ്വദിക്കുവാനാണ് എൻ്റെ ഓരോ മൂന്നാർ യാത്രയും.

ലോകം മുഴുവനും കോവിഡ് മൂലം കഷ്ടതകളനുഭവിക്കുന്ന ഈ സമയത്ത് മൂന്നാറിനും പറയുവാനുണ്ട് കുറെ നഷ്ടങ്ങളുടെ കഥകൾ,
മൂന്നാറിനെ ആശ്രയിച്ചു ജീവിക്കുന്ന മനുഷ്യജീവിതങ്ങളുടെ കണ്ണീരിൻ്റെ കഥകൾ… എല്ലാം എത്രയും പെട്ടെന്നു മാറട്ടെ… മൂന്നാർ പഴയതിലും സുന്ദരിയായി, ഏവരെയും സ്വാഗതം ചെയ്യുന്ന ഒരു ദിവസം വരും… അത് അധികം അകലെയല്ല.

എന്റെ പ്രിയപ്പെട്ട സുഹൃത്തുക്കളേ, ഇന്നല്ലെങ്കിൽ നാളെ നിങ്ങളും പ്രണയിക്കും മൂന്നാറിനെ. അതെ, തെക്കിൻ്റെ സ്വന്തം കശ്മീർ എന്നറിയപ്പെടുന്ന നമ്മുടെ സ്വന്തം മൂന്നാറിനെ.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post