അപകടമുണ്ടാക്കിയിട്ട് നിർത്താതെ ഓടിച്ചുപോയി ഇന്നോവ കാർ; നീതി ലഭിക്കുവാൻ യാത്രക്കാരൻ…

Total
0
Shares

വാഹനങ്ങളുമായി നിരത്തിലിറങ്ങുന്ന എല്ലാ ഡ്രൈവർമാരും റോഡ് മര്യാദകൾ പാലിക്കണം എന്നാണ് നിയമം. എങ്കിലും ചിലപ്പോഴൊക്കെ അബദ്ധവശാൽ ചെറിയ കൈപ്പിഴകൾ ചെറിയ അപകടങ്ങളായി തീരാറുണ്ട്. ഇത്തരത്തിൽ അപകടങ്ങൾ സംഭവിച്ചാൽ (ജീവഹാനിയില്ലാത്ത അപകടങ്ങൾ) അപകടമുണ്ടാക്കിയവരും അതിനിരയായവരും പരസ്പരം സംസാരിച്ച് ഒരു ഒത്തുതീർപ്പിൽ എത്താറാണ് പതിവ്. അല്ലെങ്കിൽ പോലീസിനെ വിളിച്ച് കേസ് ആക്കും. എന്തായാലും ഇൻഷുറൻസ് പരിരക്ഷയുണ്ടെങ്കിൽ അപകടത്തിനിരയായവർക്ക് വാഹനം റിപ്പയർ ചെയ്യുന്നതിനുള്ള തുക ക്ലെയിം ചെയ്ത് എടുക്കാവുന്നതുമാണ്.

എന്നാൽ അപകടമുണ്ടാക്കിയിട്ട് കടന്നുകളയാൻ ശ്രമിച്ചാലോ? കയ്യൂക്കിന്റെയും അധികാരത്തിന്റെയും ബലത്തിൽ മറ്റുള്ളവരെ പൊട്ടന്മാരാക്കുവാൻ ശ്രമിക്കുന്നവരുമുണ്ട് നമ്മുടെ സമൂഹത്തിൽ. അത്തരമൊരു അനുഭവം ഫേസ്‌ബുക്കിൽ ഷെയർ ചെയ്തിരിക്കുകയാണ് തിരുവനന്തപുരം സ്വദേശിയും മീഡിയയിൽ ജോലിചെയ്യുന്നയാളുമായ സജീഷ് തോപ്പിൽ. സജീഷിന്റെ അനുഭവക്കുറിപ്പ് താഴെ കൊടുത്തിരിക്കുന്നു.

“മെയ് 19 ഞായറാഴ്ച ഉച്ചയ്ക്ക് 3 മണിക്ക് ഞാനും 2 കുഞ്ഞുങ്ങളടക്കമുള്ള കുടുംബവും തിരുവല്ലയിൽ നിന്നും തിരുവനന്തപുരത്തേക്ക് കാറിൽ സഞ്ചരിക്കുകയായിരുന്നു. പറന്തൽ എന്ന സ്ഥലത്തിനു സമീപം വച്ച് ഒരു ഹംപ് കയറവേ പിന്നിൽ നിന്നും വന്ന ഒരു വെളുത്ത നിറത്തിലുള്ള ഇന്നോവ (KL 03 Y 3318) ഞങ്ങളുടെ കാറിൻ്റെ വലതു വശത്തെ റിയർവ്യൂ മിററും ഇൻഡിക്കേറ്ററും ഇടിച്ചു തകർത്ത് പാഞ്ഞു പോയി. അതിവേഗതയിലായിരുന്ന ആ കാറിനെ ഞങ്ങൾ പിന്തുടർന്നു. ഏകദേശം രണ്ടു കിലോമീറ്ററിനിപ്പുറം റോഡിൽ തിരിയാനൊരുങ്ങിയ ഇന്നോവയെ ഞങ്ങൾ തടഞ്ഞു നിർത്തിയെങ്കിലും ഡ്രൈവർ അവ്യക്തമായി എന്തൊക്കയോ വിളിച്ചു പറഞ്ഞ് ഞങ്ങൾ കാറിൽ നിന്ന് ഇറങ്ങുന്നതിനു മുൻപേ ഞങ്ങളുടെ കാറിനു മുന്നിലൂടെ അതിവേഗതയിൽ വെട്ടിത്തിരിഞ്ഞ് വന്ന ദിശയിലേക്ക് തന്നെ പോയി. ആ സമയത്ത് പെട്ടെന്നെടുത്ത ഫോട്ടോ ആണ് ഈ പോസ്റ്റിനൊപ്പം കൊടുത്തിരിക്കുന്നത്.

മൗണ്ട് സിയോൻ മെഡിക്കൽ കോളേജ് ചെയർമാൻ അബ്രഹാം കലാമണ്ണിലിൻ്റെ കാർ ആയിരുന്നു ഞങ്ങളെ ഇടിച്ചത്. അദ്ദേഹവും കാറിൽ ഉണ്ടായിരുന്നു. കാറിൽ നെയിംബോർഡും ഉണ്ടായിരുന്നു. അവരുടെ ഓഫീസിൽ വിളിച്ച് സംസാരിച്ചപ്പോൾ തിരിച്ചു വിളിക്കാമെന്നു പറഞ്ഞ് കട്ട് ചെയ്തു. ചെയർമാൻ്റെ നമ്പർ തന്നതുമില്ല. തിരിച്ച് വിളിച്ചതുമില്ല. യാത്ര ചെയ്തു ക്ഷീണിച്ച കുഞ്ഞുങ്ങളെയും കൊണ്ട് പോലീസ് സ്റ്റേഷനിൽ കയറണ്ട എന്നു കരുതി ഞങ്ങൾ യാത്ര തുടരുകയാണ് ഉണ്ടായത്. ഒട്ടനവധി സ്ഥാപനങ്ങളുടെ ചുമതല വഹിക്കുന്ന, സമൂഹത്തിന് മാതൃകയാകേണ്ട ഇത്തരം വ്യക്തികളിൽ നിന്ന് തന്നെ ഇൗ മാതിരി നെറികേട് ഉണ്ടായാൽ അത് സമൂഹത്തെ അറിയിക്കണം എന്ന് കരുതിയാണ് ഈ പോസ്റ്റ്.”

ഈ സംഭവത്തിനു ശേഷം സജീഷ് കേരള പോലീസിന്റെ സോഷ്യൽ മീഡിയ സെല്ലിലേക്ക് (ഫേസ്‌ബുക്ക് പേജ്) ചിത്രങ്ങൾ സഹിതം പരാതി ബോധിപ്പിച്ചിട്ടുണ്ട്. കയ്യൂക്കും പണവുമുള്ള ഉന്നതന്മാരുടെ ഇത്തരം ലീലാവിലാസങ്ങൾക്കെതിരെ പൊതുജനം ശക്തമായി പ്രതികരിക്കേണ്ടതു തന്നെയാണ്. ഇന്ന് സജീഷിനാണ് ഈ അനുഭവമുണ്ടായതെങ്കിൽ ചിലപ്പോൾ നാളെ നിങ്ങൾക്കുമാകാം. ഓർക്കുക, റോഡ് ആരുടേയും തറവാട് സ്വത്തല്ല…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post