ഒരു ശ്വാസകോശവും ഒരു കാലുമായി ഞാൻ വീണ്ടും ജീവിതത്തിലേക്ക്…

Total
0
Shares

ക്യാൻസർ എന്ന മഹാരോഗത്തെ വെറും പുഷ്പം പോലെ അവഗണിച്ചു ജീവിത വിജയം കൈവരിച്ചവരിൽ ഒരാളാണ് നന്ദു മഹാദേവ എന്ന ചെറുപ്പക്കാരൻ. ഒരു തവണ ക്യാൻസർ പിടിപെട്ട് നന്ദുവിന്റെ ഒരു കാൽ മുറിച്ചു മാറ്റേണ്ട അവസ്ഥയുണ്ടായി. എന്നിട്ടും ആ ഭീകരൻ നന്ദുവിനെ വെറുതെ വിട്ടില്ല. അടുത്ത തവണ ശ്വാസകോശത്തിൽ ഒരു ട്യൂമറിന്റെ രൂപത്തിലായിരുന്നു ആ വില്ലൻ എത്തിയത്. എന്നാൽ എല്ലാവരെയും അത്ഭുതപ്പെടുത്തിക്കൊണ്ട് നന്ദു ജീവിതത്തിലേക്ക് വീണ്ടും മടങ്ങി വന്നിരിക്കുകയാണ്. ഏവരിലും ആത്മവിശ്വാസം നിറയ്ക്കുന്ന വാക്കുകളാണ് നന്ദു തൻ്റെ ഫേസ്‌ബുക്കിൽ കുറിച്ചത്. ആ കുറിപ്പ് ഇങ്ങനെ…

“ഹോസ്പിറ്റലിൽ നിന്ന് ഡിസ്ചാർജ് ആയി വീട്ടിലേക്ക്. അങ്ങനെ ഒരു ശ്വാസകോശവും ഒരു കാലുമായി ഞാൻ വീണ്ടും ജീവിതത്തിലേക്ക്. അല്ലെങ്കിലും ഒന്നാണ് നല്ലത്. രണ്ടു കാലുകൾ ഉള്ള അന്നുണ്ടായിരുന്നതിനേക്കാൾ ആയിരമിരട്ടി സ്‌ട്രോങ് ആണ് ഇപ്പോഴുള്ള ഞാൻ. അതുപോലെ ഒരു ശ്വാസകോശമുള്ള ഞാൻ മുമ്പുണ്ടായിരുന്നതിനേക്കാൾ പതിനായിരമിരട്ടി ബലവാനാണ് ഇപ്പോൾ.

ഈ സർജറിയും ജീവിതത്തിലേക്കുള്ള തിരിച്ചു വരവും അത്ഭുതം എന്നു പറയാനല്ല വിസ്മയം എന്നു പറയാനാണ് ഞാൻ ആഗ്രഹിക്കുന്നത്. റിപ്പോർട്ട് അയച്ചുകൊടുത്ത അമൃത ഉൾപ്പെടെയുള്ള പല ഹോസ്പിറ്റലുകളും കയ്യൊഴിഞ്ഞു. എല്ലാവരും കയ്യൊഴിഞ്ഞപ്പോൾ എന്നെ നെഞ്ചോടു ചേർത്തു വച്ചു ശ്രീചിത്രയിലെ ഡോക്ടർ ശ്രീ ശിവനേഷ് സർ. അദ്ദേഹം തന്ന ഭിക്ഷ തന്നെയാണ് എന്റെ മുന്നോട്ടുള്ള ജീവിതം. അദ്ദേഹം മാത്രമല്ല ശ്രീചിത്രയിലെ ഡോക്ടർമാരായ ഹരി സർ ടോം സർ ഒക്കെ ഒരു കുഞ്ഞനിയനെപ്പോലെ എന്നെ തിരികെ ജീവിതത്തിലേക്ക് കൈപിടിച്ചുയർത്തി. ഒപ്പം പ്രിയമുള്ളവരുടെ പ്രാർഥനകൾ തീർത്ത അത്ഭുതം വീണ്ടും എന്നെ അതിശയിപ്പിച്ചു.

സർജറി ചെയ്യാൻ കേവലം ഒരു ദിവസം കൂടി വൈകിയിരുന്നെങ്കിൽ ഞാൻ മരിക്കുമെന്നത് എനിക്കും എന്റെ ഡോക്ടർമാർക്കും 100 ശതമാനം ഉറപ്പായിരുന്നു. എന്റെ ഡോക്ടർമാരുടെയും എന്റെയും മുന്നിൽ വെല്ലുവിളികൾ ഏറെയായിരുന്നു. ഈ സർജറി ചെയ്യാൻ പറ്റുമോ എന്ന് പോലും അവർ ആശങ്കപ്പെട്ടു. കാരണം pet സ്കാൻ റിപ്പോർട്ടിൽ ട്യൂമർ വളർന്ന് വല്ലാത്തൊരു അവസ്ഥയിൽ ആയതായി കണ്ടു. സർജറി ചെയ്താലും അത് മുഴുവനായി പൂർണ്ണമായും ഒഴിവാക്കാൻ കഴിയില്ലാത്ത അവസ്ഥയിൽ ആയിരുന്നു. ഇനി വേറെയും ഒരുപാട് പ്രതിസന്ധികൾ മുന്നിൽ ഉണ്ടായിരുന്നു.

ഒരുപക്ഷേ ജീവിതകാലം മുഴുവൻ ഭക്ഷണം ട്യൂബിലൂടെ കഴിക്കുന്ന അവസ്ഥയിലേക്ക് എത്തപ്പെടാനും ശബ്ദം പൂർണ്ണമായും എന്നെന്നേക്കുമായി നഷ്ടപ്പെടാനുമൊക്കെയുള്ള വളരെ വലിയ സാധ്യത മുന്നിലുണ്ടായിരുന്നു.

ദൈവത്തെ പ്രാർത്ഥിച്ച് എന്തായാലും ചെയ്തു നോക്കാം എന്ന തീരുമാനത്തിലെത്തി. ആ സമയത്തൊക്കെ എന്റെ പ്രിയപ്പെട്ടവരെല്ലാം മുൾമുനയിൽ ആയിരുന്നു. പക്ഷേ ഞാൻ നേരത്തേ പറഞ്ഞതുപോലെ വിസ്മയകരമായ ഒരു അത്ഭുതം എന്റെ കാര്യത്തിൽ സംഭവിച്ചു.

Pet സ്കാൻ റിപ്പോർട്ടിൽ കണ്ടതിന് വിപരീതമായി മറ്റൊരു തരത്തിലായിരുന്നു ട്യൂമറിന്റെ വളർച്ച. മറ്റ് ഭാഗങ്ങളിലേക്ക് അത് ഒരു കേടുപാടും ഉണ്ടാക്കിയിട്ടുണ്ടായിരുന്നില്ല. മറ്റ്‌ ഭാഗങ്ങളിലേക്ക് പടർന്നിട്ടും ഉണ്ടായിരുന്നില്ല. സർജറി കഴിഞ്ഞ ഡോക്ടർമാർ പൂർണ്ണ സന്തോഷത്തിലായിരുന്നു. കാരണം ട്യൂമറിനെ പൂർണ്ണമായും നീക്കം ചെയ്യാൻ അവർക്ക് സാധിച്ചു.

എനിയ്ക്ക് ജീവിക്കണം. എന്റെ പ്രിയമുള്ളവരോടൊത്ത് സന്തോഷത്തോടെ ഒത്തിരി വർഷം ജീവിക്കണം. ഒരായുസ്സിൽ ഒരു മനുഷ്യൻ അനുഭവിക്കേണ്ട വേദനയുടെ പതിനായിരം ഇരട്ടി വേദന ഞാൻ അനുഭവിച്ചു കഴിഞ്ഞു. ഇനിയും എന്റെ ജീവിതത്തിലേക്ക് അവൾ വരാതിരിക്കാൻ വേണ്ടി അവൾ ചോദിച്ച ചങ്കിന്റെ ഒരു ഭാഗം ഇപ്പോൾ പറിച്ചു കൊടുത്തിട്ടുണ്ട്. ഇനിയും എന്റെ ജീവിതത്തിലേക്ക് നീ വരില്ലെന്ന് പ്രതീക്ഷിക്കുന്നു.

ഈ നിമിഷം വരെ നിനക്ക് എന്റെ മനസ്സിനെ ഒന്ന് സ്പർശ്ശിക്കാൻ കൂടി കഴിഞ്ഞിട്ടില്ല. കഴിയുകയുമില്ല. നെഗറ്റിവിന് എതിരെ ഒരു വര വരച്ചാൽ ഉണ്ടാക്കാവുന്നതേ ഉള്ളൂ ഈ പോസിറ്റിവിറ്റി. പക്ഷേ വരയ്ക്കാൻ അറിയണം അത്ര മാത്രം. വരയ്ക്കാൻ പഠിച്ച എന്നോട് കളി വേണ്ട.

ഇനി എന്ത് വന്നാലും ഈ തല ഉള്ളിടത്തോളം ഈ പുഞ്ചിരി കൂടെയുണ്ടാകും. സന്തോഷവും. വെറുതെ മരിച്ചു ജീവിക്കാനല്ല. നന്നായി ജീവിച്ചു മരിക്കാൻ തന്നെയാണ് തീരുമാനം. സർവ്വവും സർവ്വേശ്വരന്റെ മുന്നിൽ സമർപ്പിക്കുന്നു.

എന്നെ സഹായിച്ച എനിക്ക് വേണ്ടി പ്രാർത്ഥിച്ച എന്റെ പ്രിയപ്പെട്ടവർക്കും എല്ലാവർക്കും ഒരുപാട് നന്ദി. ഇപ്പോൾ ഡിസ്ചാർജ് ആയി ഞാൻ വീട്ടിൽ എത്തിയെങ്കിലും ഈ സമയത്ത് ഇൻഫെ‌ക്ഷൻ ഏൽക്കാതെ വളരെയധികം സൂക്ഷിക്കേണ്ട സമയം ആയതിനാൽ പ്രിയമുള്ളവരേ ഇപ്പോൾ കാണാനോ സംസാരിക്കാനോ കഴിയാത്ത അവസ്ഥയാണ്. എല്ലാവരെയും എനിക്ക് കാണണം. ഇനിയും സമൂഹത്തിൽ പ്രകാശം പരത്തി നമ്മളൊന്നിച്ച് ഒത്തിരി കാര്യങ്ങൾ ചെയ്ത് മുന്നോട്ട് പോകും. അതിന് മുൻപന്തിയിൽ ഉണ്ടാകുമെന്ന് ഞാൻ എന്റെ പ്രിയമുള്ളവർക്ക് വാക്ക് നൽകുന്നു. ചക്കരയുമ്മ എല്ലാവർക്കും.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post