ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

Total
128
Shares

വിവരണം – വൈശാഖ് ഇരിങ്ങാലക്കുട.

പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്. പാലിയേക്കര ടോൾ പ്ലാസയിൽ തിരക്ക് വളരെ കുറവായിന്നു. ടുവീലർ ആയത് മൂലം ടോൾ എന്ന തലവേദന ഉണ്ടായിരുന്നില്ല.

മണ്ണുത്തി ഫ്ളൈഓവറിൽ കയറിയപ്പോൾ നടുക്ക് നിറയെ വെള്ളം. നേരത്തെ കണ്ടത് മൂലം സൈഡിൽ കൂടെ പോകാൻ സാധിച്ചു. അടുത്ത ദിവസ്സം ഒരു കാർ ഈ വെള്ളത്തിൽ അടിച്ചു നിന്ന് തകർന്ന വാർത്ത കണ്ടിരുന്നു. മണ്ണുത്തിയിൽ നിന്നും കുതിരാൻ കടന്നു. കുതിരാനിലും തിരക്ക് ഉണ്ടായിരുന്നില്ല. വടക്കാഞ്ചേരി വഴി പാലക്കാട് ചന്ദ്രനഗർ ഫ്‌ളൈഓവർ കടന്നു വാളയാർ എത്തി.

വടക്കാഞ്ചേരി മുതൽ കേരള ബോർഡർ വരെ ഒട്ടനേകം സ്പീഡ് ക്യാമറകൾ ഉണ്ട്. കാറിനു 90, ബൈക്കിന് 70 എന്നിങ്ങനെയാണ് സ്പീഡ് ലിമിറ്റ്. ഇത് ലംഖിച്ചാൽ ഫൈൻ വീട്ടിൽ എത്തും. ഏത് സംസ്ഥാനത്തെ രെജിസ്ട്രേഷൻ ഉള്ള വണ്ടിയാണെങ്കിലും ഏത് അഡ്രെസ്സിലാണോ രെജിസ്റ്റർ ചെയ്തിരിയ്ക്കുന്നത് അവിടെ എത്തും. ഫൈൻ ഓൺലൈൻ ആയി അടക്കാനുള്ള സംവിധാനമൊക്കെ ഉണ്ട്.

തമിഴ്നാട് ചെക്ക് പോസ്റ്റിൽ പാസ് ചെക്ക് ചെയ്യുന്നുണ്ടായിരുന്നു. ടു വീലർ തടഞ്ഞില്ല. പാസും ആർ ടി പി സി ആർ ടെസ്റ്റും ഞാൻ എടുത്തു വച്ചിരുന്നു. എൽ & ടി ബൈപാസിൽ കയറി കുറച്ചു ദൂരം പോയപ്പോൾ പെട്രോൾ അടിക്കാൻ നിർത്തി. ബാംഗ്ലൂർ – തൃശൂർ സ്ട്രെച്ചിലെ ഏറ്റവും മോശമായ റോഡാണ് ഈ കോയമ്പത്തൂർ ബൈപാസ്. മോശം എന്ന് പറഞ്ഞാൽ റോഡ് മോശം അല്ല. പക്ഷെ സിംഗിൾ ലൈൻ ആണ്. അത് കൊണ്ട് കാറിലും ബസിലും മറ്റും വരുന്നവർക്ക് സമയ നഷ്ടം ഏറെയാണ്. ബൈക്കിൽ പിന്നെ ഇടതു വശത്തു കൂടി പതുക്കനെ ബ്ലോക്ക് ഇല്ലാതെ പോകാം. അവിടെ നിന്ന് ഫുൾ ടാങ്ക് പെട്രോൾ അടിച്ചു ബൈപാസ് കടന്നു.

ബൈപാസ് കഴിഞ്ഞു ആദ്യത്തെ ഫളൈഓവർ കയറാതെ സർവിസ് റോഡ് എടുത്തു ഇടത്തോട്ടു തിരിയണം. തമിഴ്‌നാട് സ്റ്റേറ്റ് ഹൈവെ 165 ലൂടെ ഏകദേശം 17 കിലോമീറ്റർ സഞ്ചരിച്ചാൽ അന്നൂർ എന്ന സ്ഥലത്തു നാഷണൽ ഹൈവെ 948 ൽ വന്നു ചേരും. കോയമ്പത്തൂർ, സത്യമംഗലം, ചാമരാജ്നഗർ, കൊല്ലേഗൽ, കനക്പുര വഴി ബാംഗ്ലൂർ വരെ 323 കിലോമീറ്റർ നീളമുള്ള ഹൈവേയാണ് NH 948.

ഞാൻ ചാമരാജ്നഗർ എത്തുന്നതിനു മുൻപ് വലത്തോട്ടു തിരിഞ്ഞു മല മഹദേശ്വരാ വന്യജീവി സങ്കേതം വഴിയാണ് യാത്ര ചെയുന്നത്. ഈ വഴിയിലെ പ്രത്യേകത സിംഗിൾ ലൈൻ ആണെങ്കിലും ആവശ്യത്തിന് വീതിയും, റോഡിനു ഇരുവശവും തണല്മരങ്ങളും ഉണ്ട് എന്നുള്ളതാണ്. കിടിലം ഡ്രൈവ് ആണ് ഇതിലെ. നിങ്ങൾ ഒരിക്കൽ എങ്കിലും ഇതിലെ യാത്ര ചെയ്തിരിക്കണം.

സത്യമംഗലം എത്തി, ധിമ്പം ചെക്ക് പോസ്റ്റ് കടന്നു ഹെയർ പിൻ കയറാൻ തുടങ്ങി. 27 ഹെയർ പിന്നുകളാണ് ഈ റൂട്ടിൽ ഉള്ളത്. കോയമ്പത്തൂർ സിറ്റിയുടെ മനോഹരമായ മുകളിൽ നിന്നുള്ള കാഴ്ചകൾ നമുക്ക് ഇവിടെ നിന്നും കാണാവുന്നതാണ്. തൃശ്ശൂരിൽ നിന്നും ബാംഗ്ലൂരിലേക്ക് കർണാടക ആർ ടി സിയുടെ രണ്ടു ബസുകൾ ഈ വഴി സർവിസ് നടത്തുന്നുണ്ട്. ബസ് സർവിസ് രാത്രിയായ കാരണം കാഴ്ചകൾ അധികം കാണാൻ സാധിക്കില്ല. 27 ഹെയർപിൻ കയറി ഇറങ്ങി കുറച്ചു കഴിഞ്ഞപ്പോൾ വലത്തോട്ട് തിരിഞ്ഞു. നേരെ പോയാൽ ചാമരാജ നഗർ വഴി കൊല്ലേഗൽ എത്താമെങ്കിലും വന്യ ജീവി സങ്കേതത്തിനു ഉളിലൂടെ യാത്ര ചെയ്യാൻ തീരുമാനിച്ചു.

കൊടുംകാട്ടിലൂടെ ആയിരുന്നു പിന്നീടുള്ള യാത്ര. ഒറ്റക്കായത് മൂലം ചെറിയ പേടി ഉണ്ടായിരുന്നു. എങ്കിലും എതിർ വശത്തു നിന്ന് ഇടക്ക് ബൈക്കുകൾ വരുന്നത് കണ്ടത് കൊണ്ട് ആശ്വാസം തോന്നി. കണിക്കൊന്നകൾ പൂത്ത കാടിനു നടുവിലൂടെ ഒറ്റയ്ക്ക് റോയൽ എൻഫീൽഡ് മീറ്റിയോറിൽ 70 – 80 സ്പീഡിൽ പോകുന്നത് ഒരു ഒന്നൊന്നര ഫീൽ ആണ്. അനുഭവിച്ചു തന്നെ അറിയണം.

വന്യ ജീവി സങ്കേതങ്ങൾ ആണെങ്കിലും ആകെ കണ്ടത് കാട്ടു പോത്തിനെ മാത്രമാണ്. മല മഹദേശ്വരാ വന്യ ജീവി സങ്കേതം കടന്നു കർണാടകയുടെ തനതായ ഗ്രാമ കാഴ്ചകൾ കണ്ടു കൃഷി സ്ഥലങ്ങളിലൂടെ യാത്ര ചെയ്തു കൊല്ലേഗൽ എത്തി. അവിടെ നിന്നും ഭക്ഷണം കഴിക്കാം എന്ന് കരുതി എങ്കിലും നല്ല ഹോട്ടലുകൾ കണ്ടെത്താൻ സാധിച്ചില്ല. ഈ റൂട്ടിലെ പ്രധാന പോരായ്മ നമുക്ക് പറ്റിയ ഹോട്ടലുകൾ കണ്ടെത്താൻ ബുദ്ധിമുട്ടാണ് എന്നുള്ളതാണ്. ഹോട്ടലുകൾ ഇല്ല എന്ന് തന്നെ പറയാം. കൊല്ലേഗലിൽ നിന്ന് മാലവള്ളി വഴി കനക്പുര എത്തി. കൊല്ലേഗൽ മുതൽ മാളവള്ളി വരെ കിടിലം തണൽ ഉള്ള റോഡുകളാണ്. അതിനു ശേഷം തണൽ കുറവാണ്.

കനക്പുര കഴിഞ്ഞു ബാംഗ്ലൂർ നൈസ് റോഡ് കയറി ഇലക്രോണിക്ക് സിറ്റിയുള്ള വീട്ടിൽ എത്തുമ്പോൾ സമയം നാലര. ഒൻപതര മണിക്കൂറാണ് 460 കിലോമീറ്റർ യാത്ര ചെയ്യാൻ വേണ്ടി വന്നത്. രണ്ടാമതാണ് സോളോ റൈഡ് ചെയ്യുന്നത്. ആദ്യം ബാംഗ്ലൂരിൽ നിന്നും ഇരിങ്ങാലക്കുടയിലേക്ക് നേരെ ഹൈവെ വഴിയാണ് യാത്ര ചെയ്തത്. തിരിച്ചു വന്നപ്പോൾ ഈ റൂട്ട് ഒരു വ്യത്യസ്തമായ അനുഭവമായി. ഇനിയും ഇങ്ങനെയുള്ള യാത്രകൾ കോവിഡ് പ്രശ്നങ്ങൾ കഴിഞ്ഞു നടത്താം പറ്റുമെന്ന് കരുതുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

വാഹനങ്ങൾക്ക് വിലക്കുള്ള ഏഷ്യയിലെ ഏക ഹിൽസ്റ്റേഷൻ

എഴുത്ത് – അബു വി.കെ. കാലാവന്തിൻ കോട്ടയും പ്രബൽഗഡ് കോട്ടയും രണ്ടുദിവസമെടുത്ത് നന്നായി ചുറ്റിയടിച്ച ശേഷം പ്രബിൽ മച്ചി ബെഴ്‌സ് ക്യാമ്പിൽ നിന്നും ഒരു ഓട്ടോ വിളിച്ചു ചൗകിലേക്ക് യാത്ര തിരിക്കുകയാണ്. കാശുണ്ടായിട്ട് യാത്ര ചെയ്യാൻ തുനിഞ്ഞിറങ്ങിയതല്ല. യാത്ര ഒരു വികാരമായത്…
View Post