മഴമേഘങ്ങൾ വിരുന്നുകാരായ കൽപ്പാത്തി രഥോത്സവം

Total
0
Shares

എഴുത്ത് – വൈശാഖ് കീഴെപ്പാട്ട്.

ഗജ ചുഴലിക്കാറ്റിന്റെ ഭാഗമായി ഉണ്ടായ മഴ കൽപ്പാത്തിയിലേക്കുള്ള യാത്രയിൽ കൂടെ ഉണ്ടായിരുന്നു. പാലക്കാട്‌ ഉള്ള സുഹൃത്തിനെ വിളിച്ചപ്പോൾ അവിടെയും നല്ല മഴ എന്നറിയാൻ കഴിഞ്ഞു. അതൊന്നും നമ്മളെ ബാധിക്കാത്ത വിഷയമായതിനാൽ യാത്ര തുടർന്നു. പാലക്കാട്‌ എത്തി ഒരു ഓട്ടോ വിളിച്ച് നേരെ ഗ്രാമത്തിലേക്ക് പോയി. മഴ ഒന്ന് മാറിനിന്ന സമയത്താണ് നമ്മുടെ വരവ്. തിരക്ക് നല്ലപോലെ ഉണ്ട്. റോഡിനു ഇരുവശവും കച്ചവടക്കാർ നേരത്തെ തന്നെ ഇരുപ്പുറപ്പിച്ചിരിക്കുന്നു. രഥോത്സവം കഴിഞ്ഞാലും ഗ്രാമത്തിലെ കച്ചവടം ഒരു മാസത്തോളം നീണ്ടുനിൽക്കും. ഗ്രാമത്തിലെ ഓരോ ക്ഷേത്രത്തിനു മുന്നിലും ഉത്സവത്തിന് തയ്യാറായി തേരുകൾ നിൽക്കുന്നുണ്ട്. അവക്ക് ചുറ്റും ഭക്തരുടെ തിരക്ക് നല്ലപോലെ ഉണ്ട്.

കൽപ്പാത്തിപ്പുഴയുടെ തീരത്താണ് 1425 എ.ഡി യിൽ‍ നിർമ്മിച്ചു എന്ന് വിശ്വസിക്കുന്ന ശ്രീ വിശാലാക്ഷി സമേത ശ്രീ വിശ്വനാഥസ്വാമി ക്ഷേത്രം സ്ഥിതി ചെയ്യുന്നത്. ഇതിനു മുൻപിൽ ആണ് ദേവരഥ സംഗമം നടക്കുന്നത്.എല്ലാ വർഷവും നടത്തുന്ന പത്തുദിവസത്തെ രഥോത്സവം നവംബർ മാസത്തിലാണ്(മലയാള മാസം തുലാം 28,29,30) നടക്കുക. ഈ ക്ഷേത്രത്തിലെ പ്രധാന പ്രതിഷ്ഠകൾ പരബ്രഹ്മമൂർത്തിയായ കാശി വിശ്വനാഥപ്രഭുവും (പരമശിവൻ) ഭഗവാന്റെ പത്നിയും ആദിപരാശക്തിയുമായ വിശാലാക്ഷിയും (ശ്രീ പാർവതി) ആണ്. ശ്രീ ലക്ഷ്മീനാരായണ പെരുമാൾ ക്ഷേത്രം, മന്തക്കര മഹാഗണപതി,ചാത്തപുരം മഹാഗണപതി ക്ഷേത്രം തുടങ്ങി ഗ്രാമത്തിലെ മറ്റ് ക്ഷേത്രങ്ങളും ഈ രഥോത്സവത്തിൽ പങ്കെടുക്കാറുണ്ട്.

കാശി സന്ദർശിച്ചു മടങ്ങിയ ഒരു സ്ത്രീ കൊണ്ടു വന്ന ശിവന്റെ ജ്യോതിർലിംഗമാണ് ഇവിടെ പ്രതിഷ്ഠിച്ചിരിക്കുന്നത്. പ്രശസ്തമായ കാശി വിശ്വനാഥ ക്ഷേത്രവുമായുള്ള സാമ്യം കാരണം “കാശിയിൽ പാതി കൽപ്പാത്തി” എന്ന് പഴഞ്ചൊല്ലു തന്നെയുണ്ട്. ദക്ഷിണാമൂർത്തി, ഗംഗാധരൻ, കാലഭൈരവൻ, ചണ്ഡികേശ്വരൻ എന്നീ ശിവന്റെ വിവിധ ഭാവങ്ങളും, വള്ളിദേവസേന സമേതനായ സുബ്രമണ്യൻ, സൂര്യൻ തുടങ്ങി ഉപദേവന്മാരും ഈ ക്ഷേത്രത്തിലുണ്ട്. ഈ ക്ഷേത്രത്തിന് സമീപത്തായി മഹാലക്ഷ്മീ സമേതനായ ഭഗവാൻ നാരായണനും, ഗണപതിക്കും പ്രത്യേകം ക്ഷേത്രങ്ങളുമുണ്ട്.

മഴക്കാറ് ഉള്ളതിനാൽ വെയിലിനു അല്പം ശമനം ഉണ്ട്. ഉച്ച സമയം ആയതിനാൽ ക്ഷേത്രത്തിൽ ഉള്ള അന്നദാന സ്ഥലത്ത് നല്ലപോലെ തിരക്ക് ഉണ്ട്. ഇടക്ക് പെയ്യുന്ന മഴക്കും ആ തിരക്കിനെ നിയന്ത്രിക്കാൻ കഴിഞ്ഞില്ല.. ഗ്രാമത്തിലെ തേരുകൾ എല്ലാം കണ്ടു അല്പം നേരം കൽപ്പാത്തിയുടെ ഹൃദയത്തിലൂടെ ഒഴുകുന്ന പുഴയുടെ അരികിൽ.. കാര്യമായി വെള്ളം ഇല്ല.. ചെറിയ ചാല് പോലെയാണ് ഇന്ന് ഒഴുകുന്നത്. എന്നാലും പുഴയുടെ അരികിലൂടെയുള്ള നടത്തം ഒരു പ്രത്യേക രസമാണ്. ചാത്തപുരം ഗ്രാമത്തിലെ തേരാണ് ഏറ്റവും കൂടുതൽ ദൂരം സഞ്ചരിക്കുന്നത്.

വൈകീട്ട് നാലുമണിക്ക് ശേഷമാണ് തേര് വലിക്കുന്നത് ആരംഭിക്കുക.. ആനയുടെ സഹായം ചില സമയങ്ങളിൽ തേര് തള്ളാൻ ആവശ്യം വരും. അതിനു വേണ്ടി ഒരാന തയ്യാറായി ഉണ്ടാകും. ആനയുടെ തയ്യാറെടുപ്പു കണ്ടപ്പോ സമയം അടുക്കാറായി എന്ന് മനസിലായി.അല്പം സമയം ആ ഗജ സൗന്ദര്യം ആസ്വദിച്ചു നിന്നപ്പോ സമയം പോയതറിഞ്ഞില്ല.. സമയം അടുക്കാറായപ്പോഴേക്കും തേരിനു മുന്നിൽ വലിക്കാനായി ആ ഗ്രാമത്തിലെ മുഴുവൻ ഭക്ത ജനങ്ങളും തയാറായി നിന്നിരുന്നു.. ഇരുണ്ടു കൂടിയ കാർമേഘങ്ങൾ എല്ലാരുടെയും മുഖത്തു അല്പം നിരാശ പടർത്താൻ ഇടയാക്കി.. അസുരവാദ്യം കൊട്ടിത്തുടങ്ങിയതോടെ ആഘോഷങ്ങൾ ആരംഭിച്ചു. ആർപ്പു വിളികളുടെയും നാമജപത്തോടു കൂടിയും ഗ്രാമത്തിലെ തേര് മുന്നോട് നീങ്ങുവാൻ തുടങ്ങി. തേരിനു പിന്നിൽ സഹായത്തിനു തയാറായി ഗജവീരനും അനുഗമിച്ചു..

കൊത്തുപണികളാലും പുഷ്പങ്ങളാലും പഴവർഗങ്ങളാലും അലങ്കരിച്ച തേര് വലിക്കുന്നത് അല്പം പ്രയാസമേറിയ കാര്യം തന്നെയാണ്. ഇത് ഏറ്റവും കൂടുതൽ അറിയുന്നത് വളവ് തിരിയുന്ന വേളയിൽ ആണ്. അന്നേരം ആണ് ആനയുടെ സഹായം തേടുന്നത്. തിരക്കിനിടയിൽ ചെറിയ റോഡിലൂടെ സംഗമ സ്ഥാനത്തേക്ക് തേര് നീങ്ങി തുടങ്ങി. സമയം കൂടുംതോറും ഗ്രാമത്തിലെ തിരക്ക് കൂടി വന്നു. മഴ അന്നേരം മാറി നിന്നത് അല്പം ആശ്വാസം നൽകി.

മറ്റു ഗ്രാമത്തിലെ തേരുകൾ മുൻപിൽ ഓരോന്നായി നീങ്ങുന്നുണ്ട്.. ചെറുതും വലുതുമായ 5 തേരുകൾ ആണ് രഥോത്സവത്തിൽ ഉള്ളത്. അതിൽ പ്രധാനപെട്ട ഒന്നാണ് ചാത്തപുരം ഗ്രാമത്തിലെ. വൈകുന്നേരം ആറരയോടെ തേരുകൾ എല്ലാം സംഗമസ്ഥാനത്തേക് എത്തിച്ചേർന്നു. രാത്രിയോടെ അവ തിരിച്ചു അവരുടെ ഗ്രാമത്തിലേക്ക് യാത്രയാകുന്നതോടെ ആഘോഷങ്ങൾക് അവസാനമാകും..പക്ഷെ കൽപ്പാത്തിയിലെ തിരക്കുകൾ അവസാനിക്കാൻ ഇനിയും ഒരുപാട് ദിവസങ്ങളെടുക്കും..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post