ഒരു നാലാം ക്ളാസുകാരൻ ആദ്യമായി കണ്ട കണ്ണൂർ നഗരം

Total
7
Shares

വിവരണം – ജിതിൻ ജോഷി.

2001 ലെ സംഭവമാണ് സൂർത്തുക്കളെ… ഞാൻ നടത്തിയ ആദ്യത്തെ #സഞ്ചാരം.. ഒരാഴ്ച നീണ്ടുനിന്ന മഹത്തായ നിരാഹാരത്തിനും കടുകട്ടിയായ ഭീഷണികൾക്കും ഒടുവിലാണ് ആ ഒരു #yes നേടിയെടുത്തത്.. അതേ.. ഒരു നാലാംക്ലാസ്സുകാരനെ സംബന്ധിച്ചിടത്തോളം “ഇമ്മിണി ബല്ല്യ ഒരു yes” ആയിരുന്നു അത്‌.. സംഭവം മറ്റൊന്നുമല്ല, സൺ‌ഡേ സ്കൂളിൽ നിന്നും ഒരു oneday ടൂർ പോവുന്നു.. അതും കണ്ണൂരിലേക്ക്…നമ്മളും കണ്ണൂര്കാരൻ ആണെങ്കിലും അതുവരെ കണ്ണൂരൊന്നും പോയിട്ടില്ലാരുന്നു എന്ന് പറയാൻ എനിക്കൊരു ചമ്മലും ഇല്ല..

അങ്ങനെ സൂർത്തുക്കളെ..നമ്മളീ സമ്മതം ഒക്കെ ഒപ്പിച്ചു പൈസയും എണ്ണി ഇരിക്കുവാണിങ്ങനെ.. അവസാനം ആറ്റുനോറ്റിരുന്ന ആ ദിവസം ഇങ്ങടെത്തി… ഞാൻ, Jomit Joseph Nidheesh Thomas Puthen Purackal J Bibin Joseph Jobinsjb Poothottal Anju Roy Anna Mariya Dominic Miya Josmi Joseph Chittete Sebin Jose Thekkelഇങ്ങനെ അന്നത്തെ മെയിൻ അലമ്പുകൾ ഒക്കെയുണ്ട്… ബസിനാത്രേ പോണേ..ബസിനു… !! വേറെന്നാ വേണം പൊളിക്കാൻ.. ബസിന്റെ പേര് രാഹുൽ എന്നോ അമ്പിളി എന്നോ മറ്റോ ആയിരുന്നു എന്നാണ് എന്റെ ഓർമ്മ.. എന്തായാലും യാത്ര തുടങ്ങി.. എന്റെ ആദ്യത്തെ #സഞ്ചാരം…

ആട്ടവും പാട്ടും തകൃതിയായി നടക്കുന്നു.. എന്നാലും എന്നെ സന്തോഷിപ്പിച്ചത് അതൊന്നുമല്ലാരുന്നു… ബസിൽ ഇരുന്ന് ഭക്ഷണം കഴിക്കുക എന്ന അത്യാനന്ദകരമായ പരിപാടി..!! കാരണം നമ്മൾ അതുവരെ നടത്തിയിട്ടുള്ള ബസ്‌യാത്രകൾ ഒക്കെ തികച്ചും ഒഫീഷ്യൽ ആയിരുന്നല്ലോ… ബസിൽ കയറുക, ticket എടുക്കുക, സ്ഥലം ആയാൽ ഇറങ്ങുക… ഇതിപ്പോ ആകെമൊത്തം ഒരു ചലിക്കുന്ന ഡൈനിങ്ങ് ഹാൾ… ആഹഹാ… സംഗതി പൊരിച്ചു… !!

അങ്ങനെ ചവിട്ടിപ്പിടിച്ചു കണ്ണൂരെത്തിച്ചു… #കണ്ണൂര് കണ്ട എന്റെ രണ്ടുകണ്ണും ഏതാണ്ട് ഊരിവരുന്ന അവസ്ഥയായി… അതൊന്ന് ഉന്തിത്തള്ളി പഴയസ്ഥാനത് കൊണ്ടുവച്ചപ്പോ ദാ കിടക്കുന്നു അപ്പുറത്തും ഇപ്പുറത്തും ഇരിക്കുന്നവന്മാരുടെ കണ്ണും പല്ലും ഒക്കെ പുറത്ത്…എന്നതായാലും കണ്ണൂരെത്തിയ ബസ് പോയി നിന്നത് നേരെ സെൻട്രൽ_ജയിലിന്റെ മുന്നിലാരുന്നു.. “ജയിലെങ്കിൽ ജയില്.. വാടാ പുല്ലേ” ന്നും പറഞ്ഞ് ഏതോ ഒരു കുരിപ്പ്ചാ ടിയിറങ്ങി… പിന്നാലെ ഞങ്ങളും.. അങ്ങനെ ജയില് മുഴുവനും ചുറ്റിനടന്നുകണ്ടു.. വിടർന്നകണ്ണുകളോടെ തന്നെ… അന്നൊന്നും ജയിലിൽ ചപ്പാത്തിയും കോയിക്കറിയും പദ്ധതി വന്നിട്ടില്ല… ഇല്ലേ പൊളിച്ചേനെ….

അവിടുന്ന് വണ്ടി നേരെ പോയത് #റെയിൽവേ_സ്റ്റേഷൻ.. നിർത്തിയിട്ടിരുന്ന ഒരു ട്രെയിൻ കാണിച്ച് ഇട്രാപ്പി സാർ പറഞ്ഞു…: “ദിദാണ് മോനേ തീയിന്റെ ബണ്ടി…വേണോങ്കില് ഒന്ന് തൊട്ടും പിടിച്ചൊക്കെ നോക്കിക്കൊന്ന്… ” തൊടാനും പിടിക്കാനും തുടങ്ങിയ ഞമ്മളെ പിടിച്ചുവലിച്ചോണ്ടാണ് അവിടുന്ന് പുറത്തിറക്കിയേ….അന്ന് പച്ചക്കളർ ആയിരുന്നു തീവണ്ടീന്റെ ഉള്ളിൽ.. മരം കൊണ്ടുള്ള സീറ്റും.. അങ്ങനെ തീവണ്ടികണ്ട ചാരിതാർഥ്യത്തോടെ വന്നിറങ്ങിയത് #ആകാശവാണിയിലേക്ക്… നാലാംക്ലാസ്‌കാരന് എന്തോന്നെടേയ് ആകാശവാണി.. ! പിന്നെ “എന്നും രാവിലേ #യേശുദാസൊക്കെ ദാ ഈടെ നിന്നിട്ടാണ് പാട്ടുപാടുന്നതെന്നു പറഞ്ഞപ്പോളാണ് കാര്യങ്ങളൊക്കെ ഒരുവിധം ഓടിത്തുടങ്ങീത്…

അപ്പളിതാ തീർത്തും നിഷ്കളങ്കമായ ഒരു ചോദ്യം… “അല്ല അപ്പൊ ഈ ആകാശവാണി ഓരുടെ (യേശുദാസിന്റെ ) #വീട്ടുപേരാ.. ?” ഓനേം കുറ്റംപറയാൻ കുറ്റംപറയാൻ പറ്റൂല..കാരണം ഓൻ ഓന്റെ വീടിന്റെ പിന്നാമ്പുറത്തു നിന്ന് കുളിക്കുമ്പോഴാണല്ലോ തൊണ്ട കീറി പാടിവിടുന്നത്…പിന്നെ അത്ഭുതപ്പെടുത്തിയത്. #മിൽമയാണ്… പാക്കറ്റിൽ പാലുനിറയ്ക്കുന്നതും അത്‌ സീലുവയ്ക്കുന്നതുമൊക്ക ഞങ്ങൾക്ക് പുതുമയുള്ള കാഴ്ചകൾ ആയിരുന്നു… അവിടെനിന്നും അവസാന സ്വീകരണസ്ഥലം… കണ്ണൂർ #കോട്ടയും_ബീച്ചും..

കോട്ടയെക്കുറിച്ചും അതിന്റെ ചരിത്രത്തെക്കുറിച്ചും ആരോ ആരോടോ പ്രസംഹിക്കുന്നതു കേട്ടു. ഞങ്ങടെ മനസ്സിൽ അപ്പോൾ കോട്ടയായിരുന്നില്ല… അവിടെനിന്നാൽ കാണുന്ന #ബീച്ചും വീശിയടിക്കുന്ന തിരമാലകളും ആയിരുന്നു…കോട്ട ഒരുവിധത്തിൽ കണ്ടുതീർത്ത് ഒറ്റ ഓട്ടമായിരുന്നു #കടൽത്തീരത്തേക്. കടൽ… അന്നു ഞാൻ കണ്ടതിൽ ഇന്നും മാറ്റമില്ലാത്ത ഒരേ ഒരു ഭാവം.. സ്ഥലകാല ഭേതമന്യേ… അങ്ങനെ തിരയെണ്ണി കഴിഞ്ഞു പോവാൻ എണീറ്റപ്പോഴാണ് #ഐസ്ക്രീംകാരനും കൂടെ ആ #ട്വിസ്റ്റും വന്നത്.. ഐസ്ക്രീം കഴിക്കാൻ വീട്ടീന്ന് കൊണ്ടോന്ന പൈസ കൊടുക്കണമത്രേ… !

അതിനെന്താ കൊടുക്കാലോ.. പക്ഷേ പോക്കറ്റിൽ കയ്യിട്ട എന്റെ മുഖം #കാബൂളിവാലയിൽ ഒന്നാംതീയതി പുട്ട് വാങ്ങാൻപോയ #കന്നാസിന്റെയും #കടലാസിന്റെയും പോലാരുന്നെന്നു വർഷങ്ങൾക്കു ശേഷം ആ സിനിമ കണ്ടപ്പോളാണ് മനസിലായത്.. അതേ.. എന്റെ ആദ്യകുർബാനയുടെ സ്മരണയായിരുന്ന ആ കറുത്തപാന്റ്‌സ് എന്നെ ചതിച്ചിരിക്കുന്നു… !! അതും മണിക്കൂറുകൾക്കു മുന്നേ…അതിൽ പിന്നെ ഞാൻ ഇന്നും ഓട്ടപോക്കറ്റ് ആണോ എന്ന് നോക്കി മാത്രേ പൈസ ഇടാറുള്ളു… (ആദ്യപാഠം ). ഒടുവിൽ സിസ്റ്റർ തന്ന പൈസയ്ക്ക് ഐസ്ക്രീം കഴിച്ചിട്ടാകേട്ടോ ഞാൻ അവിടുന്ന് വണ്ടി കേറീത്..

സൂർത്തുക്കളെ ഞാൻ ജീവിതത്തിൽ ചെയ്ത ആദ്യയാത്ര.. വർഷങ്ങൾക്കിപ്പുറം ഇന്നും ഈ ഓർമ്മകൾക്ക് ഇത്രയും നിറമുണ്ടെങ്കിൽ അന്നത് എത്ര മനോഹരമായിരുന്നു.. അന്നത്തെ ഞങ്ങളുടെ യാത്രയെ ഏറ്റവും മനോഹരമാക്കിയ ഞങ്ങളുടെ ആംഗ്യപ്പാട്ടുകാരി ആർഷ ജോൺസന്റെ ഒരിക്കലും മരിക്കാത്ത ഓർമകൾക്കു മുന്നിൽ ഈ കൂട്ടുകാരുടെ ഒരായിരം സ്നേഹപ്പൂക്കൾ….

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post