കരിയാത്തുംപാറ എന്ന സ്വപ്ന തീരത്തേക്ക് ഉമ്മയോടൊപ്പം ഒരു യാത്ര…

Total
0
Shares

വിവരണം – Jasna EK.

മാസം തോറും നടത്തി വരാറുള്ള നാട് കാണൽ മഹാമഹത്തിന്റെ ഭാഗമായി ജനുവരിയിൽ കുമാരപർവതം പോകാൻ പ്ലാൻ ചെയ്തു നിക്കുമ്പോഴാണ് വീട്ടീന്ന് ഉമ്മാന്റെ വിളി… “നീ ഈ ആഴ്ച വീട്ടിൽ വരുന്നോ?”.. “ഏയ് .. പറ്റൂല്ല.. എനിക്കൊരിടത്ത് പോവാനുണ്ട്…” കുറച്ച്‌ നേരത്തെ നിശ്ശബ്ദതക്ക് ശേഷം “നിങ്ങക്കൊക്കെ ആഗ്രഹിക്കുന്നിടത്തൊക്കെ അപ്പോ തന്നെ പോവാല്ലോ.. എത്ര നാളായിട്ട് എൻ്റെ ജീവിതം ഇങ്ങനെയാണ്. കഷ്ടപ്പാടൊന്നൂല്ല.. എന്നാലും എന്നും രാവിലെ എണീക്കുന്നു… വീട്ടിലെ പണികളൊക്കെ ചെയ്യുന്നു… ഉറങ്ങുന്നു.. എല്ലാ ദിവസവും ഒരുപോലെ.”

എനിക്ക് മറുപടി പറയാൻ ഒന്നുമുണ്ടായിരുന്നില്ല… ശരിയാണ്. മിക്ക വീട്ടമ്മമാരുടെയും ജീവിതം ഇങ്ങനെ തന്നെയാണ്. എത്രയോ കൊല്ലങ്ങളായി ഒരേ പോലെയാണ് ദിനങ്ങൾ.. ഒരേ മുഖങ്ങൾ.. ഒരേ ജോലികൾ.. ആവർത്തന വിരസങ്ങളായ ദിനങ്ങൾ. മടുക്കുന്നുണ്ടാവില്ലേ?.. എനിക്കൊക്കെയാണെങ്കിൽ രണ്ടു ദിവസം അടുപ്പിച്ച് പണിയൊന്നുമില്ലാണ്ട് വീട്ടിൽ നിന്നാൽ തന്നെ വിരസതയാണ്‌.. മൂന്നാം ദിവസം വെറുതെ ഒന്ന് ജംഗ്ഷൻ വരെയെങ്കിലും പോയ്‌വരും.കുറച്ചു പുതിയ മുഖങ്ങളെങ്കിലും കാണാലോ…

പിന്നെയൊരു ദിവസം ഞങ്ങൾ രണ്ടാളും കൂടി ടിവി കണ്ടു കൊണ്ടിരിക്കുന്നതിനിടയിൽ ഒരു വെള്ളച്ചാട്ടം കാണിച്ചപ്പോഴാണ് ചോദിച്ചത് “നീ ഇതു പോലെയുള്ള സ്ഥലങ്ങളിലാണോ പോവാറ്?”… “ഇത് പോലെയുള്ളിടത്ത് മക്ക് പോകാം.. ഞാൻ അടുത്ത തവണ വീട്ടിലെത്തുമ്പോ.” കാര്യങ്ങൾ ഇങ്ങനെയൊക്കെയാണെങ്കിലും പോവാൻ നല്ല ആഗ്രഹമുണ്ടെങ്കിലും കാര്യത്തോടടുക്കുമ്പോൾ ഒടുക്കത്തെ ഡയലോഗ് ആണ്.. “ങേ.. ഞാനോ?.. അപ്പോ വീട്ടിലെ കാര്യങ്ങൾ ഒക്കെ എന്താക്കും?. വീട് രണ്ട് ദിവസത്തേക്ക് അടച്ചിടാനോ?( ചില നേരത്തെ കാരണങ്ങൾ കേട്ടാൽ വീടോടു കൂടിയാണ് ജനിച്ചു വീണതെന്നു തോന്നും). നമ്മളങ്ങിനെ പോയാൽ വീട്ടിലെ കോഴിയേം ആടിനേം ഒക്കെ രണ്ട് ദിവസം എന്തു ചെയ്യും?. നീ ഇങ്ങനെ സാലറി കിട്ടുന്നതത്രയും കറങ്ങിത്തീർത്താൽ നാളെക്കൊരു കരുതലൊക്കെ വേണ്ടേ.. കുറച്ച് സ്വർണം വാങ്ങി വെച്ചൂടെ?” ഇങ്ങനെ പോകുന്നു ന്യായീകരണങ്ങൾ. ഇതിനൊക്കെയൊടുവിൽ ഞാൻ പിൻവാങ്ങാറാണ് പതിവ്..

ഫെബ്രുവരീൽ വീട്ടിൽ വന്നു പോകുമ്പോ ഞാൻ പറഞ്ഞു.. “എല്ലാ മാസവും ഞാൻ ഇങ്ങോട്ടല്ലേ വരുന്നത്?. അടുത്ത മാസം എന്നെ കാണണങ്കിൽ അങ്ങ് കോയിക്കോടേക്ക് വന്നു കണ്ടാൽ മതി”.. ഇതല്ലാണ്ട് വേറെ വഴിയൊന്നുമില്ലെന്നു എനിക്ക് മനസ്സിലായിരുന്നു..എന്തായാലും അതേറ്റു.അടുത്ത ആഴ്ച തന്നെ ബാപ്പാനേം സമ്മതിപ്പിച്ച് നാലാൾക്കും ടിക്കറ്റും ബുക്ക് ചെയ്ത് കൊടുത്തു. വേനലായതിനാൽ എല്ലായിടവും കരിഞ്ഞുണങ്ങി കിടക്കുവാണല്ലോ.. ഇതിപ്പോ ഞാനെവിടെ കൊണ്ടോവും. എങ്ങും കൊണ്ടോയില്ലെങ്കിലും മിഠായിത്തെരുവിലൂടെ രണ്ട് തവണ നടന്നാൽ തന്നെ ഉമ്മ ഹാപ്പിയാകുമെന്നു എനിക്കറിയാരുന്നു… ഒരിക്കൽ ഉത്സവ പറമ്പുകളെ പറ്റി പറഞ്ഞപ്പോൾ “ഞാൻ കുഞ്ഞുന്നാളിലെന്നോ കുമരഞ്ചിറ അമ്പലത്തിലെ ഉത്സവത്തിന് പോയ ഓർമ്മ മാത്രേയുള്ളൂ.. ഒന്നും വാങ്ങണന്നൊന്നൂല്ല. വെറുതെ ഇങ്ങനെ എല്ലാം കണ്ട് അതിനിടയിലൂടെ നടക്കാൻ എന്തു രസമുണ്ടാകും.. ” ചിലരങ്ങിനെയാണ്.. ചെറിയ കാര്യങ്ങളിൽ വലിയ സന്തോഷം കണ്ടെത്തുന്നവർ.. എനിക്കും ഏറ്റവും സുഖകരമായൊരു ഫീലിംഗ് ആണ് അപരിചിതമായ ഇടങ്ങളിൽ ആൾക്കൂട്ടത്തിനിടയിലൂടെ ഇങ്ങനെ കയ്യും വീശി നടക്കുക… ‘ആൾക്കൂട്ടത്തിൽ തനിയെ..

യാത്രാ ഗ്രൂപ്പുകളിലൊക്കെ തപ്പി ഒടുവിൽ കരിയാത്തുംപാറ പോകാനുറപ്പിച്ചു.കടുത്ത ചൂടായതിനാൽ അമിത പ്രതീക്ഷകളില്ലാതെ കരിഞ്ഞ പുല്ലും നൂലു പോലൊഴുകുന്ന വെള്ളവുമൊക്കെ കാണാൻ ചെന്ന എന്നെ അക്ഷരാർത്ഥത്തിൽ മനം കുളിർപ്പിച്ചു.. പ്രകൃതിയൊരു സ്വപ്നതീരമൊരുക്കിയ പോലെ.. കക്കയം മലനിരകളിറങ്ങി വരുന്ന സ്ഫടിക ജലം.. നിരന്തരമായ സമ്പർക്കം മൂലം പാറക്കല്ലുകളിൽ അവ മിനഞ്ഞെടുത്ത ശില്പങ്ങൾ.. ഉരുളൻ കല്ലുകൾക്കിടയിലൂടെ നീന്തിത്തുടിക്കുന്ന മീനുകൾ… കുന്നിറങ്ങിയെത്തുന്ന കാറ്റ് വെള്ളത്തിലുണ്ടാക്കുന്ന ഓളങ്ങൾ..കണ്ണിനും മനസിനു ഒരു പോലെ വിരുന്നൊരുക്കുന്ന കാഴ്ചകൾ…. ഇപ്പോൾ ഇത്രയും സൗന്ദര്യമാണെങ്കിൽ മഴയിൽ എന്തു ഭംഗിയാവും… ഇപ്പൊ പുറത്ത് നിൽക്കുന്ന മരങ്ങളിൽ പലതും മൺസൂണിൽ വെള്ളത്തിലാവും.. ചാഞ്ഞു നിൽക്കുന്ന മരക്കൊമ്പുകൾ.. മൺസൂണിൽ ഒന്നൂടി ഇവിടെയെത്തണമെന്നു തീരുമാനിച്ച് ഞങ്ങൾ താമരശ്ശേരി ചുരത്തിലേക്ക് വിട്ടു… വ്യൂ പോയിന്റിൽ താഴേക്ക് നോക്കി നിൽക്കുമ്പോ ഞാൻ ഉമ്മാനോട് ചോദിച്ചു.. “സന്തോഷായോ?”. “ഒരു കുന്നും അഞ്ചാറു മരങ്ങൾ കൂടി നിക്കുന്നതും കണ്ടാൽ തന്നെ എനിക്ക് സന്തോഷാവും .. ആ എന്നോടാണോ?.”കണ്ണ് നിറയുന്നത് സങ്കടം വരുമ്പോ മാത്രല്ലാന്നു ഞാൻ തിരിച്ചറിയുവാരുന്നു…

പിന്നീട് ഉമ്മ എന്നെ ഞെട്ടിച്ചത് പിറ്റേന്ന് വീട്ടിലേക്ക് വിളിച്ചപ്പോഴാരുന്നു.. “നമ്മളിനി എവിടേക്കാ പോണേ…” ഞാൻ ഞെട്ടി. “അപ്പോ വീട്?” … “അത് രണ്ട് ദിവസത്തേക്ക് പൂട്ടിയിട്ടാൽ പോരെ??” .. പതിയെ ചിരി വീണ്ടെടുത്തു ഞാൻ പറഞ്ഞു.” ഉമ്മക്കിനി എവിടെ പോണംന്നു പറഞ്ഞാലും കൊണ്ടോവും”.. “എന്നാ നമുക്ക് കന്യാകുമാരിൽ പോകാം.. അവിടുത്തെ സൂര്യോദയം കാണണംന്നു ആഗ്രഹമുണ്ട്.. “. “ഒട്ടും വൈകണ്ട.. അടുത്താഴ്ച തന്നെ പോകാല്ലോ?..”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post