കൊച്ചിയിലെ പ്രൈവറ്റ് ബസ്സുകളിൽ യാത്ര ചെയ്യുവാനും ഇനി ‘കൊച്ചി വൺ കാർഡ്’

Total
0
Shares
Photo © Kochi Metro

കൊച്ചി മെട്രോ യാത്രികർക്ക് സഹായകമാകാൻ വേണ്ടി പുറത്തിറക്കിയതാണ് എടിഎം മാതൃകയിലുള്ള ‘കൊച്ചി വൺ കാർഡ്.’ മെട്രോയിലെ സ്ഥിര യാത്രക്കാരെ ഉദ്ദേശിച്ചാണ് ഇത്തരമൊരു സംവിധാനം കൊണ്ടുവന്നത്. 150 രൂപ നൽകി മെട്രോ സ്റ്റേഷനുകളിൽ നിന്നും കൊച്ചി വൺ സ്മാർട് കാർഡ് കൈപ്പറ്റാം. ഓരോ യാത്രയ്ക്കും ഈ കാർഡ് സ്വൈപ്പ് ചെയ്ത് ഉപയോഗിക്കാം. മാത്രമല്ല ബാങ്കിൽ നിന്നും പണം പിൻവലിക്കൽ ഒഴികെ ഷോപ്പിംഗ് അടക്കം എല്ല കാര്യങ്ങൾക്കും ഈ കാർഡ് റീച്ചാർജ്ജ് ചെയ്ത് ഉപയോഗിക്കാം. ആക്‌സിസ് ബാങ്കിന്റെ നേതൃത്വത്തിലാണ് കൊച്ചി വണ്‍ സ്മാര്‍ട്ട് കാര്‍ഡ് തയ്യാറാക്കിയിരിക്കുന്നത്.

മെട്രോ യാത്രയ്ക്കായി പുറത്തിറക്കിയ ഈ കൊച്ചി വൺ കാർഡ് ഇനി മുതൽ കൊച്ചിയിലെ സ്വകാര്യ ബസ്സുകളിൽ യാത്ര ചെയ്യുവാനും ഉപയോഗിക്കാം. മെട്രോയുടെ ഭാഗമായി രൂപീകരിച്ച ബസ് കൂട്ടായ്മയ്ക്ക് കീഴിലുള്ള ബസ്സുകളിൽ കഴിഞ്ഞ ദിവസം മുതൽ കാർഡ് സ്വീകരിച്ചു തുടങ്ങി. സ്വകാര്യ ബസ്സുകളുമായി ചേർന്ന് കൊച്ചി മെട്രോപൊളിറ്റന്‍ ട്രാന്‍സ്‌പോര്‍ട്ട് കോ-ഓപ്പറേറ്റീവ് സൊസൈറ്റി (KMTC), പെര്‍ഫെക്ട് ബസ് മെട്രോ സര്‍വീസസ്, കൊച്ചി വീല്‍സ് യുണൈറ്റഡ്, മൈ മെട്രോ, മുസിരിസ്, പ്രതീക്ഷ ട്രാന്‍സ്‌പോര്‍ട്ട് ഓപ്പറേറ്റേഴ്സ് ഓര്‍ഗനൈസേഷന്‍, ഗ്രേറ്റര്‍ കൊച്ചിന്‍ ബസ് ട്രാന്‍സ്‌പോര്‍ട്ട് എന്നിങ്ങനെ ഏഴു കൂട്ടായ്മകളാണ് കൊച്ചി മെട്രോ രൂപീകരിച്ചിരിക്കുന്നത്. ഈ കൂട്ടായ്മകൾക്ക് കീഴിലായി ഏകദേശം 980 ഓളം ബസ്സുകളാണുള്ളത്. തുടക്കത്തിൽ നൂറോളം സിറ്റി ബസ്സുകളിലാണ് ഈ സൗകര്യം നിലവിൽ വന്നിരിക്കുന്നത്. ബാക്കിയുള്ള ബസ്സുകളിൽ ഘട്ടം ഘട്ടമായി ഈ സംവിധാനം കൊണ്ടുവരും. കാര്‍ഡുകള്‍ വ്യാപകമാക്കുന്നതിന്റെ ഭാഗമായി ബസുകളിലെല്ലാം ജി.പി.എസ്. ഘടിപ്പിക്കല്‍ പൂര്‍ത്തിയായി.
ബസ് സമയവിവരങ്ങളും മുന്‍കൂട്ടി യാത്ര ആസൂത്രണം ചെയ്യുന്നതിനുള്ള സൗകര്യവുമെല്ലാം ഇതുവഴി യാഥാര്‍ത്ഥ്യമാകും. കൊച്ചി വണ്‍ ആപ്ലിക്കേഷനിലൂടെ യാത്രയെ സംബന്ധിച്ചുള്ള പൂര്‍ണ വിവരങ്ങള്‍ മൊബൈലില്‍ കിട്ടും.

കാർഡുമായി യാത്ര ചെയ്യുന്നവർ ബസ്സിൽ കയറിയാൽ ടിക്കറ്റ് തുക പണമായി നൽകുന്നതിനു പകരം കണ്ടക്ടറുടെ പക്കൽ ഈ കാർഡ് നൽകിയാൽ മതി. ഇതിനായുള്ള പ്രത്യേക ടിക്കറ്റ് മെഷീനുകൾ ഈ സൗകര്യം നിലവിലുള്ള ബസ്സുകളിൽ നൽകിയിട്ടുണ്ട്. യാത്രക്കാർക്ക് സഞ്ചരിക്കേണ്ട റൂട്ട് (From – To) തിരഞ്ഞെടുത്തതിനു ശേഷം കണ്ടക്ടർ കാർഡ് വാങ്ങി മെഷീനിൽ സ്വൈപ്പ് ചെയ്യുമ്പോൾ ടിക്കറ്റ് നിരക്ക് എത്രയാണോ അത്രയും തുക കാർഡിലെ ബാലൻസിൽ നിന്നും കുറയും. ഒപ്പം തന്നെ മെഷീനിൽ നിന്നും യാത്രക്കാർക്ക് പ്രിന്റഡ് ടിക്കറ്റ് ലഭിക്കുകയും ചെയ്യും. ഈ സൗകര്യം മൂലം ചില്ലറയെ ചൊല്ലിയുള്ള തർക്കങ്ങളും പരാതികളുമൊന്നും ഇനി ബസ്സിൽ ഉണ്ടാകുകയില്ല. കണ്ടക്ടറും ഹാപ്പി, യാത്രക്കാരും ഹാപ്പി. മെട്രോയിലെ യാത്രയ്ക്കായി ഇതുവരെ 20,000 പേര്‍ കൊച്ചി വണ്‍ കാര്‍ഡുകള്‍ വാങ്ങിയിട്ടുണ്ട്. ബസ് യാത്രയ്ക്കു കൂടി കാർഡ് ഉപയോഗിക്കാമെന്ന നില വരുന്നതോടെ കാർഡ് ഉപയോക്താക്കളുടെ എണ്ണം കൂടുമെന്നാണ് പ്രതീക്ഷ.

നിലവിൽ ഈ കാർഡ് ഉപയോഗിക്കുന്നവർക്ക് കൊച്ചി മെട്രോയിൽ യാത്ര ചെയ്യുമ്പോൾ 20 % ഇളവ് ലഭിക്കുന്നുണ്ട്. കാർഡിലെ തുക കുറയുന്നതനുസരിച്ച് ഡെബിറ്റ്, ക്രെഡിറ്റ് കാർഡുകൾ ഉപയോഗിച്ച് യാത്രക്കാർക്ക് ടോപ്പ് അപ്പ് റീചാർജ്ജ് ചെയ്യാവുന്നതുമാണ്. സ്വകാര്യ ബസ്സുകൾക്ക് പുറമെ കെഎസ്ആർടിസി സിറ്റി ബസ്സുകൾ, ഓട്ടോറിക്ഷകൾ തുടങ്ങിയവയിലും കൊച്ചി വൺ കാർഡ് ഉപയോഗിച്ചു യാത്ര ചെയ്യുവാനുള്ള സൗകര്യം വരുത്തുവാൻ പദ്ധതിയുണ്ട്. കൂടാതെ ഭാവിയിൽ വരുന്ന വാട്ടർ മെട്രോയിലും ഇതേ കാർഡ് തന്നെ ഉപയോഗിക്കുവാനും സാധിക്കും. തിരഞ്ഞെടുത്ത റസ്റ്ററന്റുകളില്‍ കൊച്ചി വണ്‍കാര്‍ഡ് ഉപയോഗിച്ച്‌ 15% ഇളവുനേടാം. വര്‍ഷത്തില്‍ 8 പ്രാവശ്യം കൊച്ചി രാജ്യാന്തര വിമാനത്താവളത്തിലെ ലോഞ്ചില്‍ കൊച്ചി വണ്‍ കാര്‍ഡ് ഉപയോഗിച്ചു പ്രവേശിക്കാം. ചുരുക്കിപ്പറഞ്ഞാൽ കാർഡിന്റെ പേരു പോലെ തന്നെ കൊച്ചിയിൽ മൊത്തം കാര്യങ്ങൾക്കും ഈ ഒരൊറ്റ കാർഡ് ഉപയോഗിക്കുവാൻ സാധിക്കും. അതാണ് ഇത്തരത്തിലൊരു പദ്ധതി നടപ്പിലാക്കുന്നതിന്റെ പ്രധാന ലക്ഷ്യവും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post