തൃശ്ശൂർ ജില്ലയിലെ കൊരട്ടി മാഹാത്മ്യം.. കൊരട്ടിയ്ക്ക് ആ പേര് വന്ന വഴി

Total
164
Shares

തൃശൂർ ജില്ലയിലെ ചാലക്കുടി താലൂക്കിൽ, ചാലക്കുടിയിൽ നിന്ന് അഞ്ച് കിലോമീറ്റർ തെക്ക് മാറി ദേശീയപാതക്കരുകിൽ സ്ഥിതി ചെയ്യുന്ന ഒരു ചെറിയ പട്ടണമാണ്‌ കൊരട്ടി.

കൊരട്ടിയ്ക്ക് പേര് വന്ന വഴി – പ്രാചീന കാലത്ത് ഇത് ഒരു ബുദ്ധസാംസ്കാരിക കേന്ദ്രമായിരുന്നു. ചേര രാജാക്കന്മാർ ശ്രമണമതം സ്വീകരിച്ച് അവർ അർഹതപദം സ്വീകരിക്കുന്നതോടെ അവരുടെ പേരിൽ സാസ്ംകാരിക കേന്ദ്രങ്ങൾ സ്ഥാപിക്കപ്പെട്ടിരുന്നു, ചേര രാജാക്കന്മാർ കുറവർ( പുലയർ) വംശത്തിൽ പെട്ടവരുണ്ടായിരുന്നെന്നും ചേര രാജ്ഞിയെ കുറത്തി, കുരത്തി എന്നും വിളിച്ചിരുന്നു എന്നും രേഖകൾ ഉണ്ട്. ബൗദ്ധ-ജൈന സന്യാസിമാരെ പൊതുവായും കുരത്തികൾ എന്നു വിളിച്ചിരുന്നു. കുരത്തി ഇംഗ്ലീഷ് ലിപിയാകുമ്പോൾ കുരട്ടി എന്നും കൊരട്ടി എന്നും ശബ്ദഭേദം വന്നതാവാം എന്നും സ്ഥലനാമചരിത്രകാരൻ വിവികെ വാലത്ത് സൂചിപ്പിക്കുന്നു.

കൊരട്ടിക്കാരായ നമ്മൾ ത്രിശൂർ ടൗണിലൊക്കെ പോയി കൊരട്ടി എന്നൊക്കെ പറഞ്ഞാൽ അപ്പൊ ചോദിക്കും ഓ അങ്കമാലി – കൊരട്ടി അല്ലേ? അത് പോലെ എർണാകുളത്ത് പോയാലും മൂവാറ്റുപുഴയിൽ പോയാലും കൊരട്ടി എന്ന് കേൾക്കുമ്പോൾ എല്ലാവർക്കും “അങ്കമാലി കൊരട്ടി “അതായത് കൊരട്ടിയെ എറണാകുളം ജില്ലയായി ആണ് പലരുംഇപ്പോഴും കാണുന്നത്. ഞങ്ങൾ ഒന്നാതരം തൃശൂർ ജില്ലക്കാരാണ് മാഷേ.

ലിജോ പെല്ലിശ്ശേരിയുടെ മുൻ പടങ്ങളിൽ എല്ലാം ചാലക്കുടിയെ പറ്റി എന്തെങ്കിലുമൊക്കെ പറയാതിരുന്നിട്ടില്ല, അതുപോലെ അങ്കമാലി ഡയറിയിൽ മൊത്തം അങ്കമാലിയും. ചാലക്കുടിക്കും അങ്കമാലിക്കും ഇടയിൽ ഉള്ള ഒരു ഗ്രാമം ആണ് കൊരട്ടി , വാളൂരിലെ പുഴയും , നാലുകെട്ടിലെ റബ്ബർ കാടും,പാലമുറീം, പെരുമ്പിയും, തിരുമുടിക്കുന്നും , കോനൂരും , വടക്കേ അറ്റത്ത് മുരിങ്ങൂരും , കിഴക്കേ അറ്റത്ത് മാമ്പ്രയും , കുലയിടവും, പിന്നേ കട്ടപ്പുറം, കാതിക്കുടം, കൊരട്ടി പള്ളിയുടെ നാല് അങ്ങാടികൾ, ആറ്റപ്പാടം, വാപറംബ്, വഴിച്ചാൽ, എല്ലാം നിറഞ്ഞ നല്ലൊരു സമാധാന അന്തരീക്ഷം നിറഞ്ഞ സ്ഥലം.

പിന്നേ എടുത്ത് പറയേണ്ടതാണ് കാടുകുറ്റിയിലെ ആംഗ്ലോ ഇന്ത്യൻ സമൂഹവും ഓക്സ്ബോ തടാകവും. തിരുമുടിക്കുന്നിലെ ലെപ്രസി ആശുപത്രി, ചിറങ്ങരയിലേ പ്രസിദ്ധ ക്ഷേത്രം, ചിറങ്ങരയിലെ തന്നെ ഓർത്തഡോക്സ് സഭയുടെ ഭദ്രാസനം ഇതൊന്നും ഒഴിച്ചുകൂടാൻ കഴിയാത്തതാണ്.

അങ്കമാലിക്കാരെയും ചാലക്കുടിക്കാരെയും ഒരു പോലെ സ്നേഹിക്കുന്ന കൊരട്ടി , സെന്റ് ജെയിംസിലും എൽ എഫിലും മാറി മാറി പോകുന്ന കൊരട്ടിക്കാർ , സ്വന്തമായ ദേവമാതാ ആശുപത്രിയാണ് കൊരട്ടിക്കാരുടെ ആദ്യ ആശ്രയം , എറണാകുളം തൃശൂർ അതിർത്തി ഗ്രാമം ആയത് കൊണ്ട് രണ്ടു ജില്ലകളുടെയും സംസ്കാരം , ഭക്ഷണ രീതികൾ ആഘോഷങ്ങൾ , ഭാക്ഷ എന്നിങ്ങനെ എല്ലാത്തിലും ഒരു വ്യത്യസ്ഥത ഉണ്ട് കൊരട്ടിക്ക് അങ്കമാലി ഡയറീസിൽ കാണിക്കുന്ന എന്താണ് കൊരട്ടിയിൽ ഇല്ലാത്തത് ? പോർക്കോ , മാങ്ങാ കറിയോ , പെരുന്നാളോ ഏതെങ്കിലും ഒന്ന് കൊരട്ടിക്കാർക്ക് ഇല്ല എന്ന് പറയാമോ, അങ്കമാലി അടക്കം പല സ്ഥലങ്ങളിലേക്കും പോർക്ക് കൊണ്ട് പോകുന്നത് കോനൂരിലെ പാലിശ്ശേരിയിൽ നിന്നാണ് ,

ആഘോഷം – കൊരട്ടിപെരുന്നാളിനേക്കാൾ പേര് കേട്ടതും ജനങ്ങൾ വന്ന് പോകുന്നതുമായ പെരുന്നാൾ ഈ പ്രദേശത്ത് വേറെയില്ല, കൊരട്ടി പെരുന്നാളിന്റെ ഒരു ദിവസം വരുന്ന ആളുകൾ ഉണ്ടോ ചാലക്കുടിയിലേം അങ്കമാലിയിലേം പള്ളികളിലെയും പെരുന്നാളിന് എന്നിട്ടും അവഗണന.

മാങ്ങാക്കറി – ഇപ്പൊ വീണ്ടും അങ്കമാലി മാങ്ങാക്കറി എന്ന പാട്ട് അടക്കം ഇറങ്ങിയിരിക്കുന്നു ആരാണ് ഈ അബദ്ധം പറഞ്ഞു പരത്തുന്നെ . കൊരട്ടിയിലെ മാങ്ങാക്കറി ഇല്ലാത്ത ഒരു കല്യാണ വീട് കാണിക്കാമോ, തലേ ദിവസത്തെ ഭക്ഷണത്തിന് പോലും മാങ്ങാക്കറി നിർബന്ധമാണ് അതും നല്ല ഒന്നാന്തരം തേങ്ങാപാൽ പിഴിഞ്ഞ മാങ്ങാക്കറി. ഏറ്റവും അധികം ധാബകൾ ഉള്ളത് ചിറങ്ങര ഭാഗത്ത്‌ ആണ്. അങ്കമാലി മുതൽ തൃശൂർ ജില്ലയുടെ പകുതി വരെ മാങ്ങാക്കറി സാധാരണം എന്നിട്ടും പേര് അങ്കമാലിക്ക്.

രണ്ട്‌ സംസ്കാരത്തിന് വേറെയും ഉണ്ട് കാരണങ്ങൾ കൊരട്ടി തൃശൂർ ജില്ലയിൽ ആണെങ്കിലും രൂപത എറണാകുളം ആണ് (മംഗലശ്ശേരി മുതൽ ഡിവൈൻ വരെ).
മാമ്പ്ര പ്രദേശങ്ങളിൽ ഒരു പ്രത്യേകത ഉണ്ട് വീട് തൃശൂരും തൊഴുത്ത് എറണാകുളം ജില്ലയിലും ആണ് , തൊട്ട് അപ്പുറത്തെ വീട്ടിൽ ഫോൺ വിളിക്കണമെങ്കിൽ എറണാകുളം കോഡ് ആയ 0484 അടിക്കണം, അങ്ങനെ ഒരുപാട് വെറൈറ്റികൾ നിറഞ്ഞ നാടാണ് ഇമ്മടെ കൊരട്ടി.

പാറമടകളും നെൽപ്പാടങ്ങളും മധുര കോട്‌സും ഇൻഫോ പാർക്കും കിൻഫ്രയും ഗവർമെന്റ് പ്രസ്സും റബ്ബർ കാടുകളും കാർബൊറാണ്ടവും ഓസിൻ പ്ലാന്റ് അടക്കം നിരവധി സംഭവങ്ങൾ നിറഞ്ഞ കൊരട്ടി. ചാലക്കുടിയിൽ നിന്ന് ഒരുപാടു ദൂരെ ഉള്ളവർ പോലും പേരിന്റെ കൂടെ ചാലക്കുടി എന്ന് ചേർത്ത് നടക്കുമ്പോഴും ചാലക്കുടിയോട് ചേർന്ന് കിടക്കുന്ന സ്ഥലമായിട്ടും ഇവിടുത്തെ കലാകാരന്മാർ പേരിന്റെ കൂടെ കൊരട്ടി മാത്രമേ ചേർത്ത് വെയ്‌ക്കാറുള്ളു (സജി കൊരട്ടി, ജോ കൊരട്ടി, ജേക്കബ് കൊരട്ടി, ജോബി കൊരട്ടി അടക്കം പൂമരത്തിന്റെ സ്വന്തം പാട്ടുകാരൻ ഫൈസൽ റാസി വരെ നീണ്ടു പോകുന്നു ആ ലിസ്റ്റ്) മേളം, പഞ്ചവാദ്യം, ശിങ്കാരിമേളം, മുടിയേറ്റ് തുടങ്ങി കലാരൂപങ്ങൾ യുവജനങ്ങൾ ഇപ്പോഴും തുടരുന്നു. കൊരട്ടിപ്പട്ടണം റെയിൽവേ ഗെയിറ്റ് എന്ന പേരിൽ ഒരു സിനിമയും ഇറങ്ങുകയുണ്ടായി. മൂടപ്പുഴ ഡാം പലരും മറന്നു.

തിമിലയിലെ ആഡ്യത്വത്തിന്റെയും ഐശ്വര്യത്തിന്റേയും പ്രതീകമായിരുന്ന പത്മഭൂഷൺ ശ്രീ കുഴൂർ നാരായണ മാരാർ ആശാൻ താമസിച്ചിരുന്നതും ഫോക്‌ലോർ അവാർഡ് ലഭിച്ച മുടിയേറ്റ്‌ കലാകാരൻ ശ്രീ രമേശ്‌ കുറുപ്പിന്റെയും മണ്ണായ ചെറ്റാരിക്കലിൽ. കൂടുതൽ അവാർഡുകൾ നേടിയ രജപുത്ര എന്ന പ്രസിദ്ധ നാടക ഗ്രൂപ്പ് കൊരട്ടിയിൽ ആണ്. പാസഞ്ചർ മാത്രം നിറുത്തുന്ന സ്റ്റേഷൻ ആണെങ്കിലും ചെറിയ സ്റ്റേഷനുകളിൽ ഏറ്റവും തിരക്ക് അനുഭവപ്പെടുന്നതും കൊരട്ടി റെയിൽവെ സ്റ്റേഷനിൽ ആണ്.

പെരുമ്പിയിലെ ശ്മശാനത്തിനുമുണ്ട് പ്രത്യേകതകൾ ലത്തീൻ, മുസ്ലിംസ് തുടങ്ങിയവരും ക്രിസ്ത്യൻ വിഭാഗങ്ങളിൽ പെട്ട മറ്റ് ചിലരും കൊരട്ടി പൊതു ശ്മശാനവും എല്ലാം ഒരേ സ്ഥലത്താണ് സ്ഥിതി ചെയ്യുന്നത്. വിദ്യാഭാസ കായിക മേഖലയിൽ വളരെ പ്രാധ്യാനമുള്ള രണ്ട് സ്‌കൂളുകൾ അതായത് MAMHS & LFCGHS കൊരട്ടി , ഇന്നും ഒരു പാട് കല കായിക താരങ്ങളെ സൃഷ്ടിച്ചു കൊണ്ടേയിരിക്കുന്നു.

എന്നും ഒരുപാട് നൊസ്റ്റാൾജിയ നൽകുന്ന സ്ഥലങ്ങൾ ആണ് ഇതു രണ്ടും. അതു പോലെ കൊരട്ടി പോളി ടെക്നിക് ഒരു കാലത്ത് JTS ആയിരുന്നത് കൊണ്ട് ഇപ്പോഴും ആ സ്ഥലത്തിന് JTS ജംക്ഷൻ എന്നാണ് പേര്. ടെക്സ്റ്റൈൽ ടെക്നോളജി ഉള്ള കേരളത്തിലെ വിരലിൽ എണ്ണാവുന്ന പോളികളിൽ ഒന്ന്.

ഇപ്പോഴത്തെ MLA ശ്രീ ബി.ഡി ദേവസ്സി, വാർത്താവായിക്കുന്ന R ബാലകൃഷ്ണൻ, ഗായിക മിൻമിനി, വാളൂർ മുകുന്ദൻ എന്നിവരും കൊരട്ടിക്കാരാണ്.

സിനിമ സീരിയൽ രംഗത്തെ കൊരട്ടിയുടെ സംഭാവന ചെറുതൊന്നും അല്ല പിന്നെ ഒരു പ്രത്യേകത കൊരട്ടി ഏകദേശം കേരളത്തിന്റെ നടുവിൽ ആണെന്ന് പറയാം. ഏകദേശ കണക്കനുസരിച്ച് കൊരട്ടിയിൽ നിന്ന് തിരുവനനന്തപുരം 300 കിമി, കാസർകോട് 300 കിമി, കടൽ 30 കിമി, മല 30 കിമി, തൃശ്ശൂർ 35കിമി, എറണാകുളം 35 കിമി അങ്ങനെ കേരളത്തിന്റെ ഏകദേശം മധ്യബിന്ദു ആണ് കൊരട്ടി. ആ പ്രദേശത്ത് ജനിക്കാൻ കഴിഞ്ഞതിൽ ഞങ്ങൾ ഞങ്ങൾ കൊരട്ടിക്കാർ അഭിമാനിക്കുന്നു.

കടപ്പാട് – Shintappen, Njangal Chalakudikkar Media.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post