ഒരു കുട്ടനാട്ടുകാരൻ്റെ നിലമ്പൂർ ട്രെയിൻ യാത്രാവിശേഷം

Total
34
Shares

വിവരണം – Subin Cyriac Kavalam.

ആദ്യമേ പറഞ്ഞോട്ടെ, എഴുതാൻ നന്നായിട്ട് ഒന്നുമറിയില്ല. മനസ്സിൽ തോന്നിയത് കുത്തിക്കുറിച്ചതാണ് ഒരുപാട് തെറ്റുകൾ ഉണ്ടാകും.
ഒരാഴ്ച മുമ്പ് ഞാനൊന്ന് നിലമ്പൂർ വരെ പോയി ജോലിസംബന്ധമായ ആവശ്യത്തിന് പോയതാണ്. മലബാറിൻറെ മനോഹാരിത പലരും പറഞ്ഞു കേട്ട മനസ്സിൽ കിടപ്പുണ്ടായിരുന്നു. അതിനാൽ തന്നെ തലേദിവസം തന്നെ ക്യാമറ എടുത്തു ചാർജ് ചെയ്തു വച്ചു. ഡെയിലി കോട്ടയത്തു നിന്നും രാവിലെ 5.30 ന് ഒരു നിലമ്പൂർ പാസഞ്ചർ ഉണ്ടെന്ന് നമ്മുടെ ഗൂഗിൾ അമ്മച്ചിയോട് ചോദിച്ചു ഉറപ്പു വരുത്തി.

തലേദിവസം നേരത്തെ കിടക്കണം എന്ന് വിചാരിച്ചതാണ്. എന്ത് ചെയ്യാനാണ്, എന്നത്തെ പോലെയും അന്നും താമസിച്ചു കിടന്നപ്പോൾ (12.30 കഴിഞ്ഞു). 3 30 ന് അലാറം സെറ്റ് ചെയ്ത് വെച്ച് കിടന്നു. ദേ ഒരു 10 മിനിറ്റ് കഴിഞ്ഞില്ല “അച്ചേ” വിളിച്ചുള്ള കരച്ചില് നോക്കുമ്പോൾ ചെക്കൻ എണീറ്റ് ഇരിക്കുന്നു. പിന്നെ റൂമിൽ പെണ്ണും പിള്ളയും അവനും ആയിട്ട് ഒരു യുദ്ധമായിരുന്നു അവനെ ഉറക്കാൻ. ഞാൻ ആ ബഹളത്തിനിടയിൽ കണ്ണടച്ച് കിടക്കുകആണ് എങ്കിലും ഉറങ്ങാൻ സാധിച്ചില്ല. പിന്നെ എപ്പോഴോ ഉറങ്ങിപ്പോയി.

രാവിലെ നേരത്തെ എണീക്കണം എന്ന് മനസ്സിൽ ഉള്ളതിനാൽ അലാറതിൻറെ ആദ്യം മുഴക്കത്തിൽ തന്നെ ചാടിയെണീറ്റു. ഈ രാവിലെ എണീക്കുന്ന പരിപാടി എനിക്ക് എപ്പോഴും ഭയങ്കര ബുദ്ധിമുട്ടാണ്. എങ്കിലും ജോലിയുടെ കാര്യം ആയതിനാൽ അത് വകവയ്ക്കാറില്ല. പെണ്ണുമ്പിള്ള വിളിച്ച് എഴുന്നേൽപ്പിക്കാതെ പതുക്കെ പോയി ബ്രഷ് ചെയ്തു.

കുളിക്കാൻ കയറി കുളിക്കാൻ കയറിയപ്പോൾ മുടിഞ്ഞ തണുപ്പ്. വെള്ളത്തിന് കപ്പിൽ വെള്ളമെടുത്തു പിടിച്ചുകൊണ്ട് ഒഴിക്കണോ വേണ്ടയോ എന്ന് ആലോചിച്ചു നിൽക്കുമ്പോഴാണ് വെളിയിൽ നിന്നും ഒരു ചോദ്യം ഇച്ചായാ വെള്ളം ചൂടാക്കി തരണോ എന്ന്. പെണ്ണുമ്പിള്ള എണീറ്റ് ചോദിച്ചതാണ് (മനമറിയുന്നോള് കെട്ടിയോള്). ഞാൻ പറഞ്ഞു വേണ്ട കുഴപ്പമില്ല എന്ന്. പാവം എപ്പളാ ഉറങ്ങിയത് എന്ന് പോലും അറിയില്ല.

അങ്ങനെ കുളിച്ചൊരുങ്ങി നേരത്തെതന്നെ റെഡിയായി. കൂടെ വരാം എന്ന് പറഞ്ഞവനെ ഫോൺ വിളിച്ചിട്ട് ഫോൺ എടുക്കുന്നില്ല. അവനെ കുത്തി പൊക്കി കൊണ്ടു വന്നത് ഒരു കഥയാണ്. അതും കൂടി പറഞ്ഞാൽ ഒരുപാട് ആയി പോകും. അതുകൊണ്ട് ഇപ്പോൾ വിശദീകരിക്കുന്നില്ല. അങ്ങനെ 4.45 നു വീട്ടിൽ നിന്നും ഇറങ്ങി.

സമയം പോയതിനാൽ വണ്ടി വളരെ വേഗം തന്നെയാണ് ഓടിച്ചു പോയത്. വണ്ടിയിൽ നല്ല മെലഡി മൂളുന്നുണ്ടായിരുന്നു. ഇറങ്ങിയപ്പോൾ മഞ്ഞുമൂടിക്കിടക്കുന്ന എൻറെ നാടിൻറെ നെൽവയലുകളുടെ മറ്റൊരു മനോഹര ദൃശ്യം ഞാൻ ആസ്വദിക്കുകയായിരുന്നു. കൃത്യം അഞ്ചു പത്തിനു തന്നെ കോട്ടയം റെയിൽവേ സ്റ്റേഷനിൽ ഞങ്ങൾ എത്തി.

ടിക്കറ്റ് എടുത്ത് വണ്ടിയിൽ കയറിയ ഉടനെതന്നെ വണ്ടിയെടുത്തു. ഉറക്കക്ഷീണം ഉള്ളതിനാൽ ഭയങ്കര മൂഡ് ഓഫ് ആയി ആണ് വണ്ടിയിൽ ഇരുന്നത്. തൃശ്ശൂർ അങ്ങോട്ട് കഴിഞ്ഞതും നമ്മുടെ കേരള നാടിൻറെ മറ്റൊരു മുഖം വെളിയിൽ വരാൻ തുടങ്ങി. എന്തു ഭംഗിയാണ് നമ്മുടെ നാട്, ഓരോ ജില്ലയ്ക്കും എടുത്തുപറയാൻ പറ്റുന്ന വിധം ഓരോ രീതിയിലുള്ള മനോഹാരിത. ശരിക്കും ദൈവത്തിൻറെ സ്വന്തം നാട് തന്നെ.

പിന്നെ എനിക്ക് സീറ്റിൽ ഇരിക്കാൻ സാധിച്ചില്ല ക്യാമറയും എടുത്തു എമർജൻസി വിൻഡോയുടെ അരിക്കൽ അവിടെയിരുന്ന് കുറച്ചു പടങ്ങൾ എടുക്കാൻ പറ്റാവുന്ന വിധം എടുത്തു. പകർത്താൻ പറ്റാത്ത മനോഹരദൃശ്യങ്ങൾ ഇതിലും ഏറെയാണ്. ശരിക്കും ഈ ട്രെയിൻ യാത്രയിൽ എത്രയോ ജീവിതങ്ങൾ ആണ് കൺമുന്നിലൂടെ കടന്നു പോകുന്നത്.

പൊരിവെയിലത്ത് റെയിൽവേട്രാക്ക് വഴി നടക്കുന്ന റെയിൽവേ ജീവനക്കാരൻ, ജീവിത പ്രാരാബ്ദവും തോളിലേറ്റി മറ്റുള്ളവരുടെ വിശപ്പടക്കാൻ നടക്കുന്ന കാൻറീൻ ജീവനക്കാർ അങ്ങനെ അങ്ങനെ എത്രയോ ജീവിതങ്ങൾ. കൂടെയിരുന്ന് സീറ്റിൽ ജനലഴിയിലൂടെ വെളിയിലേക്ക് കൈയ്യിട്ട് ഒരു പരിചയവുമില്ലാത്തവരെ ചിരിച്ചു കാണിച്ചു കൊണ്ട് കൈവീശി കാണിക്കുന്ന നബി മോൻ മുതൽ ഒരുപാട് ജീവിതങ്ങൾ.

അങ്ങനെ കൃത്യം ഒരു മണിക്ക് തന്നെ നിലമ്പൂര് ചെന്നു തൃശ്ശൂർ അങ്ങോട്ട് കഴിഞ്ഞതും സമയം പോയത് അറിഞ്ഞില്ല. അത്രയ്ക്കും ഭംഗിയായിരുന്നു. വരണ്ടുണങ്ങി കിടക്കുന്ന മലനിരകളും നെൽവയലുകൾ തുടങ്ങി ചൂടൻറെ കാഠിന്യം മൂലം പച്ചപ്പ് മാഞ്ഞു തുടങ്ങിയ തേക്കിൻ കാടുകൾക്കിടയിലൂടെ ഒരു മനോഹര യാത്ര. വണ്ടിയിലിരുന്ന് തന്നെ ഞാൻ ഉറപ്പിച്ച കാര്യമാണ് മഴക്കാലം ആകുമ്പോഴേക്കും ഈ ചുട്ടുപൊള്ളുന്ന ചൂടൻറെ ആലസ്യം വിട്ട് പച്ച പിടിക്കുമ്പോൾ ആ മനോഹര ദൃശ്യം ആസ്വദിക്കാൻ ഒന്നുകൂടെ ഈ നാട്ടിലേക്ക് വരണമെന്ന്. അത്രയ്ക്കും മനോഹരി ആയിരുന്നു.

അവിടെ ഇറങ്ങി ജോലി കാര്യങ്ങൾ എല്ലാം തീർത്തു തിരിച്ചു വന്നു റെയിൽവേ ട്രാക്ക് മറ്റുമായി ഒരുപാട് പടങ്ങൾ എടുത്തു. വൈകുന്നേരം സ്കൂൾ കഴിഞ്ഞ് സമയമായതിനാൽ ഒരുപാട് കുട്ടികൾ ഓടി നടക്കുന്നുണ്ടായിരുന്നു. അതിൽ ചിലർ തങ്ങളുടെ ഇഷ്ടകാരോട് ഒളിഞ്ഞും മറഞ്ഞും നിന്ന് സല്ലപിക്കുന്ന കാഴ്ചകളും കാണാമായിരുന്നു. അതിനിടയിൽ പലരും എന്നെ നോക്കി ചിരിക്കുന്നത് ഞാൻ ശ്രദ്ധിച്ചു. ഇവൻ ഏതു വട്ടൻ ആണ് ചുമ്മാ ക്യാമറ എടുത്തു റെയിൽവേട്രാക്ക് ഫോട്ടോ എടുത്തു നടക്കുന്നത് എന്ന ഭാവത്തോടെ കൂടി.

എൻറെ മനസ്സിൽ ആഗ്രഹിച്ചതുപോലെ ആ മനോഹര ദൃശ്യങ്ങൾ ക്യാമറയിൽ പകർത്താൻ സാധിച്ചില്ല. ആ മനോവിഷമതോടുകൂടി ഞാൻ തിരിച്ചു വണ്ടിയിൽ കയറി. രാത്രി 1.30 ന് തിരിച്ചു കോട്ടയത്തെത്തി. ഉറക്കമിളച്ച് എങ്കിലും വളരെ സന്തോഷം. ഇനിയും ഞാൻ പോകും മലബാറിൻറെ മനോഹാരിത ആസ്വദിക്കാൻ, ജോലിത്തിരക്കുകൾ എല്ലാം മാറ്റിവച്ച് ഇതിനുവേണ്ടി മാത്രമായിട്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post