വധൂവരന്മാർക്ക് വാഹനമായി നെറ്റിപ്പട്ടം കെട്ടിയ ആനവണ്ടി; കൗതുകമുണർത്തി ഒരു വിവാഹം…

Total
0
Shares

ഒരു വ്യക്തിയുടെ ജീവിതത്തിലെ ഏറ്റവും പ്രധാനപ്പെട്ട ദിവസമായിരിക്കും അവരുടെ വിവാഹ ദിവസം. പുതിയ ട്രെൻഡ് അനുസരിച്ച് വിവാഹദിവസം വ്യത്യസ്തമാക്കുവാൻ മിക്കയാളുകളും ശ്രമിക്കാറുണ്ട്. കൂട്ടുകാരുടെ വക പണികൊടുക്കലുകൾ, വിവാഹത്തിന് ബെൻസ്, ഔഡി കാറുകൾ വാടകയ്‌ക്കെടുക്കൽ, വൃക്ഷതൈകൾ നടീൽ തുടങ്ങി നന്മയുള്ളതും കൗതുകമുണർത്തുന്നതുമായ നിരവധി കാര്യങ്ങൾ ചെയ്തുകൊണ്ട് ഓരോരുത്തരും അവരവരുടെ വിവാഹം ജീവിതത്തിലെ മറക്കാനാവാത്ത ഒരു മുഹൂർത്തമാക്കി മാറ്റാറുണ്ട്.

കാര്യങ്ങൾ ഇങ്ങനെയൊക്കെയാണെങ്കിലും പാലക്കാട് ജില്ലയിലെ തത്തമംഗലം സ്വദേശിയും സാമൂഹ്യപ്രവർത്തകനുമായ ബൈജു മാങ്ങോട് തൻ്റെ വിവാഹം വ്യത്യസ്തമാക്കിയത് ഒരു കെഎസ്ആർടിസി ബസ് വാടകയ്ക്ക് എടുത്തായിരുന്നു. പൊതുവെ ചിലരൊക്കെ വ്യത്യസ്തതയ്ക്ക് കെഎസ്ആർടിസി ബസുകൾ വിവാഹത്തിന് എടുക്കാറുണ്ടെങ്കിലും ഇവിടെ ബൈജു വ്യത്യസ്തനായത് വിവാഹ വണ്ടി തന്നെ ഒരു കെഎസ്ആർടിസി ബസ് ആയിരുന്നു എന്നതിനാലാണ്.

2019 മെയ് 26 ഞായറാഴ്ച, പാലക്കാട് ജില്ലയിലെ മുതലമടയിലെ പോത്തൻപാടം പഞ്ചായത്ത് കമ്യൂണിറ്റി ഹാളിൽ വെച്ചായിരുന്നു ബിജുവിന്റെയും മുതലമട സ്വദേശിനി സുസ്മിതയുടെയും വിവാഹം നടന്നത്. ഒരു കെഎസ്ആർടിസി പ്രേമി കൂടിയായ ബൈജു, കെഎസ്ആർടിസിയ്ക്ക് ഒരു താങ്ങായിക്കോട്ടെ എന്നു കരുതിയായിരുന്നു തന്റെ വിവാഹത്തിനായി ആഢംബര വാഹനങ്ങൾ ഒഴിവാക്കി സാധാരണക്കാരുടെ വാഹനമായ കെഎസ്ആർടിസി ബസ്‌ തന്നെ തെരഞ്ഞെടുത്തത്‌. ചിറ്റൂർ ഡിപ്പോയിലെ RPA 44 എന്ന ഫാസ്റ്റ് പാസഞ്ചർ ബസ്സിനായിരുന്നു കല്യാണച്ചെക്കന്റെ ശകടമാകുവാൻ ഭാഗ്യമുണ്ടായത്.

രാവിലെ തത്തമംഗലം മാങ്ങോട്ടുനിന്ന് ആരംഭിച്ച യാത്ര പോത്തംപാടത്തെ കമ്യൂണിറ്റി ഹാളിനു മുന്നിലേക്ക് ആയിരുന്നു. വിവാഹം എന്ന ബോർഡും വെച്ച്, മുന്നില്‍ നെറ്റിപ്പട്ടവും കരിമ്പനയുടെ നൊങ്കും, വശങ്ങളില്‍ വാഴ കൊണ്ടും അലങ്കരിച്ച്‌ പൂരത്തിനു വരുന്ന ആനയേക്കാള്‍ തലയെടുപ്പോടെയാണു വിവാഹസ്‌ഥലത്ത്‌ ബസ്‌ എത്തിയത്‌. വിവാഹം എന്ന ബോർഡിനു പുറമേ വധൂവരന്മാരുടെ പേര് വെച്ച ബോർഡും മുൻഗ്ലാസ്സിനു ഇരുവശങ്ങളിലുമായി വെച്ചിരുന്നു. ആനച്ചന്തവുമായി യാത്ര തുടങ്ങിയ ബസ് കണ്ട് വഴിയിലെ യാത്രക്കാരും കല്യാണ സ്ഥലത്തെ ആളുകളും അമ്പരന്നുപോയി.

ഹർത്താലുകൾ പോലുള്ള ദിവസങ്ങളിൽ നടക്കുന്ന അക്രമങ്ങളിൽ ഏറ്റവും കൂടുതൽ ബലിയാടാകുന്നത് കെഎസ്ആർടിസി ബസ്സുകളാണ്. ഇത്തരത്തിൽ പൊതുമുതൽ നശിപ്പിക്കപ്പെടുമ്പോൾ ആദ്യത്തെ ഇരയായ കെഎസ്ആർടിസിയെ സംരക്ഷിക്കേണ്ടതിന്റെ പ്രാധാന്യം കൂടി ഉയർത്തിക്കാണിക്കുന്നതായിരുന്നു ഈ സ്പെഷ്യൽ യാത്രയെന്നു വരൻ ബൈജു പറയുന്നു. ഇങ്ങനെയൊരു പ്ലാൻ മുൻപേതന്നെ പറഞ്ഞപ്പോൾ, വധുവായ സുസ്മിത എല്ലാവിധ സപ്പോർട്ടും നൽകി കൂടെ നിൽക്കുകയാണുണ്ടായത്. എറണാകുളത്ത് ഒരു സ്വകാര്യ കമ്പനിയിൽ ജീവനക്കാരനാണ് ബൈജു. മുണ്ടൂര്‍ IRTC Integrated Rural Technology Centre ൽ പ്രോജക്ട് അസിസ്റ്റന്റാണ് സുസ്മിത. വിവാഹശേഷം വധൂവരന്മാർ കെഎസ്ആർടിസി ബസ്സിനൊപ്പം നിന്നുകൊണ്ട് ഫോട്ടോഷൂട്ട് നടത്തുകയും പിന്നീട് അതേ ബസ്സിൽത്തന്നെ വരന്റെ വീട്ടിലേക്ക് പോകുകയും ചെയ്തു. എന്തായാലും സംഭവം വൈറലായതോടെ മുഖ്യധാരാ മാധ്യമങ്ങളിൽ ഈ വിവാഹം വാർത്തയായി.

ഇതിനുമുമ്പ്‌ കേരളത്തില്‍ കൊട്ടാരക്കരയിലെ ബൈജു എന്നുതന്നെ പേരുള്ള കെ.എസ്‌.ആര്‍.ടി.സി. ജീവനക്കാരനാണ്‌ ഇത്തരത്തില്‍ ആനവണ്ടി കല്യാണത്തിന്‌ ഉപയോഗിച്ചത്‌. അന്ന് വധൂവരന്മാർ കെഎസ്ആർടിസി ബസ്സിൽ കയറിപ്പോകുന്ന വീഡിയോ വൈറലായിരുന്നു. ആ വീഡിയോ കണ്ടിട്ടാണ് ഇപ്പോൾ തൻ്റെ വിവാഹത്തിനും ആനവണ്ടി തന്നെ തിരഞ്ഞെടുക്കുവാൻ മനസ്സിൽ ആഗ്രഹമുദിച്ചതെന്നു ബൈജു സമ്മതിക്കുന്നു.

ബൈജുവിനെപ്പോലെ വിവാഹങ്ങൾക്ക് നിങ്ങൾക്കും കെഎസ്ആർടിസി ബസ്സുകൾ വാടകയ്ക്ക് എടുക്കാവുന്നതാണ്. ഇതിനായി അടുത്തുള്ള കെഎസ്ആർടിസി ഡിപ്പോയിലെ യൂണിറ്റ് ഓഫിസർമാരെ സമീപിച്ചാൽ മതിയാകും. വ്യവസ്ഥകൾ പാലിച്ചുകൊണ്ട്, ബസ്സുകളുടെ ലഭ്യതയനുസരിച്ച് നമ്മുടെ ആവശ്യങ്ങൾക്കായി ബസ്സുകൾ വാടകയ്ക്ക് ലഭിക്കും. ഇതിനായുള്ള ചെലവ് ഇനി പറയുംവിധമാണ്. യാത്ര 5 മണിക്കൂറോ 100 കിലോമീറ്ററോ ആണെങ്കിൽ 8000 രൂപയും ജിഎസ്ടിയും, 6 മണിക്കൂറും 150 കിലോമീറ്ററിനും 10000 രൂപയും ജിസ്ടിയും, 8 മണിക്കൂറും 200 കിലോമീറ്ററിനും 12000 രൂപയും ജിഎസ്ടിയും ആണ് വാടകയായി നൽകേണ്ടത്. ഇതിൽ അധിക കിലോമീറ്ററിനു ഒരു കിലോമീറ്ററിനു 50 രൂപ വീതവും അധിക മണിക്കൂറിനു ഒരു മണിക്കൂറിനു 500 രൂപയും അധികമായി ഈടാക്കും. കൂടാതെ ബസ് ബുക്ക് ചെയ്യുമ്പോൾത്തന്നെ തുക മുൻകൂറായി അടയ്ക്കണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post