കെഎസ്ആർടിസി ബസ് ആംബുലൻസായി പാഞ്ഞു; യാത്രക്കാരിയുടെ ജീവൻ രക്ഷിച്ചു…

Total
0
Shares

കെഎസ്ആർടിസി ബസുകൾക്ക് ചിലരെല്ലാം ഇന്നും വില്ലൻ പരിവേഷമാണ് നൽകാറുള്ളത്. എന്നാൽ എത്രയോ ജീവനുകൾ രക്ഷിക്കുവാൻ കെഎസ്ആർടിസിയും അതിലെ ജീവനക്കാരും കാരണമായിട്ടുണ്ട് എന്ന കാര്യം ഇവരാരും ഓർക്കുന്നില്ല എന്നതാണ് സങ്കടകരമായ വസ്തുത. ഇത്തരത്തിൽ കെഎസ്ആർടിസി ഒരു ജീവൻ രക്ഷിക്കുവാൻ നിമിത്തമായ വാർത്ത വന്നിരിക്കുകയാണ് വയനാട്ടിൽ നിന്നും. സംഭവം ഇങ്ങനെ.. 2019 ഏപ്രിൽ രണ്ടാം തീയതി പതിവുപോലെ മാനന്തവാടിയിൽ നിന്നും ഇരിട്ടി, പയ്യാവൂർ വഴി മണക്കടവ്, ചീക്കാട് ഭാഗത്തേക്ക് സർവ്വീസ് നടത്തുകയായിരുന്നു മാനന്തവാടി ഡിപ്പോയുടെ RNE 842 എന്ന ലിമിറ്റഡ് സ്റ്റോപ്പ് ബസ്.

വൈകുന്നേരം അഞ്ചു മണിയോടെ ഇരിട്ടിയിൽ നിന്നും ആലക്കാടേക്ക് യാത്ര ചെയ്യുവാനായി ബസ്സിൽ കയറിയതായിരുന്നു സെറീന എന്ന യുവതിയും അവരുടെ രണ്ടു കുട്ടികളും. ബസ് ഇരിട്ടിയിൽ നിന്നും യാത്ര തുടർന്നുകൊണ്ടിരിക്കെ ചമതച്ചാൽ എന്ന സ്ഥലത്തു വെച്ച് സെറീനയ്ക്ക് ദേഹാസ്വാസ്ഥ്യമുണ്ടായി. ആദ്യം ഇവർ ഇത് അത്ര കാര്യമാക്കിയില്ലെങ്കിലും പിന്നീട് അബോധാവസ്ഥയിലാകുകയായിരുന്നു. ഇതുകണ്ട് യാത്രക്കാർ സംഭവം ബസ് ജീവനക്കാരുടെ ശ്രദ്ധയിൽപ്പെടുത്തി. ഡ്രൈവർ പ്രമോദും കണ്ടക്ടർ സുമേഷും കൂടി ഉടനെ തന്നെ കാര്യത്തിന്റെ ഗൗരവം മനസ്സിലാക്കുകയും യാത്രക്കാരുടെ സഹകരണത്തോടെ തന്നെ ബസ് അടുത്തുള്ള ഹോസ്പിറ്റൽ ലക്ഷ്യമാക്കി നീങ്ങി. ഹെഡ്‌ലൈറ്റുകൾ തെളിച്ച് ഹോണടികളോടെ ഒരു ആംബുലൻസിനെപ്പോലെയായിരുന്നു ബസ് പാഞ്ഞത്. തൻ്റെ കയ്യിൽ ഒരു ജീവന്റെ വിലയാണെന്ന് ആ സമയം ബസ് ഡ്രൈവർ പ്രമോദിനു തോന്നിക്കാണണം.

വൈകാതെ തന്നെ ബസ് പയ്യാവൂർ കാരിത്താസ് മേഴ്‌സി ആശുപത്രിയിലേക്ക് അതിവേഗത്തിൽ ഓടിച്ചു കയറ്റി. യാത്രക്കാരും ബസ് ജീവനക്കാരും ആശുപത്രി ജീവനക്കാരുമെല്ലാം ചേർന്ന് യുവതിയെ ഉടനെ ആശുപത്രിയിലേക്ക് എത്തിച്ചു. യുവതിയെ ഉടൻ ഐസിയുവിലേക്ക് മാറ്റുകയും ചെയ്തു. ഹൃദയാഘാതമായിരുന്നു കാരണം എന്നാണു ആശുപത്രി അധികൃതർ അറിയിച്ചത്. ഇതിനിടെ യുവതിയുടെ ബന്ധുക്കളുടെ നമ്പറുകൾ തപ്പിപ്പിടിച്ച് അവരെ വിവരമറിയിക്കുകയും ചെയ്തു.തുടർന്ന് യുവതിയുടെ ആരോഗ്യനില സുരക്ഷിതമാണെന്ന് ഉറപ്പു വരുത്തിയ ശേഷമാണ് ബസ് ജീവനക്കാരും യാത്രക്കാരും ആശുപത്രി വിട്ടത്. തുടർന്ന് ബസ് ചീക്കാടേക്ക് വീണ്ടും യാത്ര തുടരുകയും ചെയ്തു.

സംഭവം യാത്രക്കാരിൽ ആരോ സോഷ്യൽ മീഡിയയിൽ പോസ്റ്റ് ചെയ്തതോടെയാണ് ഈ നന്മ പ്രവൃത്തി പുറംലോകം അറിഞ്ഞത്. താമസിയാതെ കെഎസ്ആർടിസി ജീവനക്കാരെ അഭിനന്ദിച്ചുകൊണ്ട് ധാരാളമാളുകൾ രംഗത്തു വരികയുണ്ടായി. ചില ഓൺലൈൻ മാധ്യമങ്ങളും വാർത്ത റിപ്പോർട്ട് ചെയ്തു. വളരെ മാതൃകാപരമായ സേവനമാണ് ഈ സംഭവത്തിൽ കെഎസ്ആർടിസി ജീവനക്കാരായ പ്രമോദും സുമേഷും കാണിച്ചു തന്നത്. തങ്ങളുടെ തിരക്കുകളെല്ലാം മാറ്റിവെച്ചുകൊണ്ട് ജീവനക്കാർക്കൊപ്പം എന്തു സഹായത്തിനും തയ്യാറായി നിന്ന യാത്രക്കാരും അഭിനന്ദനമർഹിക്കുന്നു. ഇത്തരത്തിലുള്ള വാർത്തകൾ പുറംലോകം അറിയേണ്ടതു തന്നെയാണ്. നിസ്സാര കാര്യങ്ങൾക്കു വരെ മനുഷ്യ ജീവനുകൾ ഇല്ലാതാക്കുന്ന ഈ കാലഘട്ടത്തിൽ ഒരു ജീവൻ രക്ഷിക്കുവാനായി ഈ ആളുകൾ ഒത്തൊരുമിച്ചു നിന്നത് വളരെ വലിയൊരു സംഭവമായിത്തന്നെ കാണണം.

ചിത്രം കടപ്പാട് – അരുൺ പയ്യാവൂർ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post