ബസ്സിലെ ജനറൽ സീറ്റിലിരുന്ന യുവാവിനെതിരെ കള്ളപരാതി നൽകി യുവതി.. പ്രതിഷേധിച്ച് സഹയാത്രികർ…

Total
0
Shares

കെഎസ്ആർടിസി ഉൾപ്പെടെയുള്ള ബസ്സുകളിൽ വനിതകൾക്ക് പ്രത്യേകം സീറ്റ് സംവരണമുള്ള കാര്യം എല്ലാവർക്കും അറിയാവുന്ന ഒന്നാണല്ലോ. എന്നാൽ ബാക്കിയുള്ള ജനറൽ സീറ്റുകളിൽ സ്ത്രീകൾക്കും പുരുഷന്മാർക്കും ഒരുപോലെ അവകാശമാണുള്ളത്. ഇത്തരം ജനറൽ സീറ്റുകളിൽ സ്ത്രീകൾ ഇരിക്കുകയാണെങ്കിലും പുരുഷന്മാർക്ക് ഒപ്പം ഇരുന്നു യാത്ര ചെയ്യുന്നതിൽ നിയമതടസ്സങ്ങൾ ഒന്നുംതന്നെയില്ല. ഇനി അഥവാ ഇങ്ങനെ ഇരുന്നു യാത്ര ചെയ്യുന്നതിനിടയിൽ സ്ത്രീകളോട് എന്തെങ്കിലും അപമര്യാദയായി പെരുമാറുകയാണെങ്കിൽ മാത്രമേ അത് പ്രശ്നമാകുകയുള്ളൂ.

ഇത്രയും പറഞ്ഞു വന്നത് കഴിഞ്ഞ ദിവസം ഒരു കെഎസ്ആർടിസി ബസ്സിൽ നടന്ന സംഭവത്തിന്റെ അടിസ്ഥാനത്തിലാണ്. സംഭവം ഇങ്ങനെ… തിരുവനന്തപുരത്തു നിന്നും എറണാകുളത്തേക്ക് വരികയായിരുന്ന ഫാസ്റ്റ് പാസഞ്ചർ ബസ്സിലെ ഒരു ജനറൽ സീറ്റിൽ രണ്ടു സ്ത്രീകളായിരുന്നു ഇരുന്നിരുന്നത്. ഈ സീറ്റിലുണ്ടായിരുന്ന ഒരു വനിത കൊല്ലം ജില്ലയിലെ ഓച്ചിറയിൽ ഇറങ്ങിയപ്പോൾ കാലിനു സ്വാധീനക്കുറവുള്ള ആലപ്പുഴ സ്വദേശിയായ മനുപ്രസാദ്‌ ആ സീറ്റിൽ ഇരുന്നു. ഇതോടെ അടുത്തിരുന്ന യുവതി മനുപ്രസാദിനോട് ഇവിടെ ഇരിക്കാൻ പറ്റില്ലെന്നും എഴുന്നേൽക്കണമെന്നും പറയുകയുണ്ടായി. കാലിനു വയ്യാത്തതാണെന്നും, ഇത് ജനറൽ സീറ്റ് ആയതുകൊണ്ടാണ് ഇരിക്കുന്നതെന്നും അദ്ദേഹം മറുപടി പറയുകയും ചെയ്തു.

ഇതോടെ യുവതി ദേഷ്യത്തിൽ എന്തൊക്കെയോ പറയുകയും സീറ്റിൽ നിന്നും എഴുന്നേറ്റു മാറിനിൽക്കുകയും ചെയ്‌തു. ഇതുകണ്ട മറ്റു യാത്രക്കാർ യുവതിയുടെ പെരുമാറ്റത്തിൽ പ്രതികരിക്കുകയും ചെയ്തിരുന്നു. ഇതോടെ ഉടനെ യുവതി ഫോണിൽ തൻ്റെ ഭർത്താവിനെ വിളിക്കുകയും കാര്യങ്ങൾ പറയുകയും ചെയ്തു. ഇവരുടെ ഭർത്താവ് പോലീസുകാരൻ ആണെന്നാണ് യാത്രക്കാർ പറയുന്നത്. ബസ് കായംകുളത്ത് എത്തിയപ്പോൾ യുവതി അവിടെ ഇറങ്ങി. യുവതിയുടെ ഭർത്താവ് കായംകുളം സ്റ്റാൻഡിൽ എത്തിയപ്പോഴേക്കും ബസ് വിട്ടുപോയിരുന്നു. തുടർന്ന് കായംകുളം പോലീസിൽ ഇവർ പരാതിപ്പെടുകയും ബസ് ഹരിപ്പാട് എത്തിയപ്പോൾ പോലീസ് തടയുകയും കുറ്റാരോപിതനായ യാത്രക്കാരനെ കസ്റ്റഡിയിൽ എടുക്കുകയും ചെയ്തു.

ഇതോടെ ബസ്സിലെ സ്ത്രീകളടക്കമുള്ള മറ്റു യാത്രക്കാർ പ്രതിഷേധവുമായി മുന്നിട്ടിറങ്ങുകയായിരുന്നു. ബസ്സിൽ ഉണ്ടായ ഈ സംഭവമെല്ലാം ബസ്സിലെ മറ്റു യാത്രക്കാരും കണ്ടക്ടറുമെല്ലാം കണ്ടുനിൽക്കുകയായിരുന്നു. യാത്രക്കാരന്റെ ഭാഗത്തു നിന്നും യുവതിയ്ക്ക് നേരെ യാതൊരുവിധ മോശം പ്രവൃത്തിയും ഉണ്ടായിട്ടില്ലെന്ന് യാത്രക്കാർ ഒന്നടങ്കം വാദിക്കുന്നു. യാതൊരു തെറ്റും ചെയ്യാത്ത വികലാംഗനായ ഒരു യുവാവിനെ കള്ളക്കേസിൽ പെടുത്തുകയാണെന്നും യാത്രക്കാർ ആരോപിച്ചു. ഇതിനിടെ യാത്രക്കാരുടെ പ്രതിഷേധവും അഭിപ്രായങ്ങളുമെല്ലാം ആരോ വീഡിയോ പകർത്തി ഫേസ്‌ബുക്കിൽ ലൈവായി പോസ്റ്റ് ചെയ്യുകയും ചെയ്തു. ഈ ലൈവ് വീഡിയോ വൈറലായതോടെയാണ് സംഭവം പുറംലോകം അറിയുന്നത്.

പോലീസ് കസ്റ്റഡിയിലെടുത്ത മനുപ്രസാദിനെ പിന്നീട് വിട്ടയയ്ക്കുകയും അടുത്ത ദിവസം സ്റ്റേഷനിൽ ഹാജരാകുവാൻ പറയുകയും ചെയ്തു. യുവതിയോടും ഒപ്പം ഹാജരാകുവാൻ പോലീസ് നിർദ്ദേശിച്ചു. ഇതിനെത്തുടർന്ന് പിറ്റേന്ന് മനുപ്രസാദ്‌ പോലീസ് സ്റ്റേഷനിൽ എത്തിയെങ്കിലും യുവതിയും ഭർത്താവും ഹാജരായില്ല. യുവാവിനെ കള്ളക്കേസിൽ കുടുക്കുവാൻ ശ്രമിച്ചതിനെതിരെ ഇപ്പോൾ സോഷ്യൽ മീഡിയയിൽ പ്രതിഷേധം വീഡിയോ സഹിതം ഷെയർ ചെയ്യപ്പെടുകയാണ്. ഈ സാഹചര്യത്തിലാണ്, കാര്യങ്ങൾ കൈവിട്ടു പോയതറിഞ്ഞ യുവതിയും ഭർത്താവും സ്റ്റേഷനിൽ ഹാജരാകാതിരുന്നതും.

ഇത് ഒരു ഒറ്റപ്പെട്ട സംഭവമായി പറയാമെങ്കിലും, ബസ്സുകളിൽ ചില സ്ത്രീകൾ സഹയാത്രക്കാർക്കെതിരെ അനാവശ്യമായ ആരോപണങ്ങൾ യാത്രയ്ക്കിടയിൽ ഉയർത്തുന്ന സംഭവങ്ങൾ ഇടയ്ക്കിടെ ഉണ്ടാകാറുണ്ട്. തെറ്റൊന്നും ചെയ്തില്ലെങ്കിലും മാനഹാനി ഭയന്ന് സംഭവത്തിൽ ഇരയാകുന്ന പുരുഷന്മാർ പരാതിപ്പെടാതെ പിന്മാറുകയാണ് പതിവ്. സ്ത്രീകളെ ശല്യം ചെയ്യുന്നവരെ കർശനമായി പ്രതിരോധിക്കുക തന്നെ വേണം. എന്നാൽ എല്ലാ പുരുഷന്മാരെയും ആ കണ്ണോടെ കണ്ടു അവരെ കുഴപ്പത്തിലാക്കരുത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post