ബൈക്ക് യാത്രക്കാരനു നേരെ കെഎസ്ആർടിസി ഡ്രൈവറുടെ കലിപ്പ്; വീഡിയോ വൈറൽ…

Total
0
Shares

എന്തിനും ഇതിനുമൊക്കെ പഴി കേൾക്കുന്നവരാണ് കെഎസ്ആർടിസി ബസ് ജീവനക്കാർ. ചിലപ്പോഴൊക്കെ സൈഡ് കൊടുത്തില്ലെന്ന കാരണങ്ങൾ ഉന്നയിച്ച് മറ്റു വാഹനക്കാർ ബസ് തടഞ്ഞു നിർത്തുകയും ബസ് ജീവനക്കാരെ മർദ്ദിക്കുകയുമൊക്കെ ഉണ്ടായിട്ടുണ്ട്. അത്തരം സംഭവങ്ങളുടെ വീഡിയോകൾ സോഷ്യൽ മീഡിയയിൽ വൈറലാകുകയും, ബസ്സിൽ കയറി ജീവനക്കാരെ മർദ്ദിച്ചവർക്ക് എട്ടിന്റെ പണി കിട്ടുകയും ചെയ്തിട്ടുണ്ട്.

‘സർക്കാർ ജീവനക്കാരുടെ ജോലി തടസ്സപ്പെടുത്തി’ തുടങ്ങിയ വകുപ്പുകൾ ചേർത്ത് മർദ്ദനക്കാർക്ക് റിമാൻഡ് വരെ വാങ്ങിക്കൊടുക്കാൻ തക്കവണ്ണമുള്ള കേസ് ആയിരിക്കും മാനേജ്‌മെന്റ് കൊടുക്കുക. ഒരുപരിധിവരെ കെസ്ആർടിസി ജീവനക്കാർക്ക് നേരെയുള്ള അക്രമങ്ങൾ കുറയുവാൻ ഈ സംഭവങ്ങൾ മൂലം കഴിഞ്ഞിട്ടുമുണ്ട്. എന്നാൽ ഡ്യൂട്ടിയിലുള്ള കെഎസ്ആർടിസി ബസ് ഡ്രൈവർ മറ്റു വാഹനയാത്രക്കാരെ ആക്രമിക്കുവാൻ മുതിർന്നാലോ? അത്തരം സംഭവങ്ങൾ അധികമൊന്നും നമ്മൾ കണ്ടിട്ടില്ലെങ്കിലും ഏവരെയും ഞെട്ടിക്കുന്ന ഒരു പ്രതികരണമാണ് കെഎസ്ആർടിസിയുടെ ഒരു സൂപ്പർ എക്സ്പ്രസ്സ് ബസ് ഡ്രൈവറുടെ ഭാഗത്തു നിന്നും ഇപ്പോൾ ഉണ്ടായിരിക്കുന്നത്.

സൂപ്പർ എക്സ്പ്രസ്സ് ബസ് ഡ്രൈവർ ഏതോ ട്രാഫിക് സിഗ്നലിൽ വെച്ച് ഒരു ബൈക്ക് യാത്രികനെ ആക്രമിക്കുന്ന വീഡിയോ ദൃശ്യമാണ് സോഷ്യൽ മീഡിയയിൽ പരക്കെ ഷെയർ ചെയ്യപ്പെട്ട് വൈറലായിക്കൊണ്ടിരിക്കുന്നത്. വീഡിയോ പകർത്തുന്നതിനു മുൻപ് എന്തോ സംഭവം നടന്നിട്ടുണ്ടാകുമെന്നു വ്യക്തമാണ്. കാരണം ബൈക്ക് യാത്രക്കാരൻ മൊബൈലിൽ ബസ്സിന്റെയും ഡ്രൈവറുടേയുമൊക്കെ വീഡിയോ പകർത്താൻ ശ്രമിക്കുന്നത് വീഡിയോയിൽ കാണാം.

ബൈക്ക് യാത്രികൻ വീഡിയോ പകർത്തുവാനോ മറ്റോ ശ്രമിക്കുന്നതിനിടയിൽ ബസ് ഡ്രൈവർ ബസ്സിന്റെ ഡ്രൈവർ സീറ്റിനരികിലെ ഡോർ കൊണ്ട് ബൈക്ക് യാത്രികനെ ഇടിക്കാൻ ശ്രമിക്കുന്നത് വീഡിയോ ദൃശ്യങ്ങളിൽ കാണാം. ബൈക്കുകാരൻ അതിൽ നിന്നും ഒഴിഞ്ഞു മാറി പിന്നിലേക്ക് നീങ്ങിയപ്പോൾ, ബസ് ഡ്രൈവർ ബസ്സിൽ നിന്നും ഇറങ്ങിവന്ന് ബൈക്കുകാരനോട് കയർക്കുവാൻ ശ്രമിക്കുകയാണ്.

ഇതിനു മുൻപ് നടന്നത് എന്താണെന്നു വ്യക്തമല്ല. മുൻപ് കുറ്റം ചെയ്തത് ബൈക്കുകാരനോ ബസ് ഡ്രൈവറോ ആരുമായിക്കൊള്ളട്ടെ. പക്ഷെ യാത്രക്കാരുമായി സർവ്വീസ് നടത്തുന്ന ഒരു ബസ്സിലെ ഡ്രൈവർ, അതും ഒരു സർക്കാർ ജീവനക്കാരൻ ഡ്യൂട്ടിയ്ക്കിടെ മറ്റുള്ളവരെ ആക്രമിക്കുന്നത് ഒട്ടും ന്യായീകരിക്കാവുന്ന ഒന്നല്ല. ബൈക്ക് യാത്രക്കാരന്റെ ഭാഗത്താണ് തെറ്റെങ്കിൽ അക്രമത്തിനു മുതിരാതെ, ബൈക്കിന്റെ നമ്പർ സഹിതം പോലീസിൽ പരാതിപ്പെടുകയായിരുന്നു വേണ്ടത്.

കെഎസ്ആർടിസി ജീവനക്കാർ പലയിടത്തും പലയാളുകളുടെയും രക്ഷകനാകുന്ന ഈ സമയത്ത് ഇത്തരമൊരു സംഭവം ഒഴിവാക്കേണ്ടതു തന്നെയായിരുന്നു. ഈ വീഡിയോ കാണുന്ന പൊതുജനങ്ങൾക്ക് മുൻപിൽ കെഎസ്ആർടിസി ജീവനക്കാർ ഗുണ്ടായിസം കാണിക്കുന്നു എന്ന ലേബൽ ആയിരിക്കും അവതരിപ്പിക്കപ്പെടുക. എന്തായാലും വീഡിയോ വൈറലായതോടെ കെഎസ്ആർടിസി മാനേജ്‌മെന്റ് സംഭവത്തിന്റെ നിജസ്ഥിതി അന്വേഷിച്ചു വേണ്ട നടപടികൾ എടുക്കുമെന്നു വിചാരിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post

ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

വിവരണം – വൈശാഖ് ഇരിങ്ങാലക്കുട. പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്.…
View Post

അബുദാബിയുടെ സ്വന്തം ഇത്തിഹാദ് എയർവേയ്‌സ്

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്. യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്.…
View Post

മലയാളികൾ ‘ഇരട്ടപ്പേര്’ നൽകിയ ചില വാഹനങ്ങളെ പരിചയപ്പെടാം..

എന്തിനുമേതിനും ചെല്ലപ്പേരുകൾ ഇടാൻ നമ്മൾ മലയാളികളെ കഴിഞ്ഞേയുള്ളൂ മറ്റാരും. പല കാര്യങ്ങളിൽ നാം മലയാളികളുടെ ഈ കഴിവ് കണ്ടുകൊണ്ടിരിക്കുകയാണ്.ഇത്തരത്തിൽ ഇരട്ടപ്പേരുകൾ കൂടുതലും വീണിരിക്കുന്നത് വാഹനങ്ങൾക്കാണ്. പഴയ കൽക്കരി ബസ്സുകളെ കരിവണ്ടിയെന്നു വിളിച്ചു തുടങ്ങിയതു മുതൽ ഇത്തരം പേരിടൽ വളരെ കെങ്കേമമായി ഇന്നും…
View Post

വ്യക്തികളുടെ പേരിൽ പ്രശസ്തമായ കേരളത്തിലെ സ്ഥലങ്ങൾ..

ഓരോ സ്ഥലങ്ങളുടെയും പ്രശസ്തിക്കു പിന്നിൽ പല കാരണങ്ങളും ഉണ്ടായിരിക്കും. ചില സ്ഥലങ്ങൾ ടൂറിസ്റ്റു കേന്ദ്രങ്ങൾ കൊണ്ട് പ്രശസ്തമാകും. ചിലത് ചരിത്രപരമായ സംഭവങ്ങൾ കൊണ്ടും. എന്നാൽ ഇവയെക്കൂടാതെ ചില വ്യക്തികൾ കാരണം പ്രശസ്തമായ അല്ലെങ്കിൽ പേരുകേട്ട ചില സ്ഥലങ്ങളുണ്ട് നമ്മുടെ കേരളത്തിൽ. ഈ…
View Post

ലോക്ക്ഡൗൺ ഇന്ന് കൂടുതൽ ഇളവുകൾ; 12, 13 കർശന നിയന്ത്രണം

കേരളത്തിൽ ലോക്ക്ഡൌൺ ജൂൺ 16 വരെ നീട്ടിയെങ്കിലും പൊതുജനതാല്പര്യാർത്ഥം ജൂൺ 11 വെള്ളിയാഴ്ച ലോക്ക്ഡൗണിനു ഇളവുകൾ പ്രഖ്യാപിച്ചിട്ടുണ്ട്. ഈ ദിവസത്തെ പ്രധാന ഇളവുകൾ ഇനി പറയും വിധമാണ്. ബാങ്കുകളും ധനകാര്യ സ്ഥാപനങ്ങളും ജൂൺ 11 നു പ്രവർത്തിക്കും. അവശ്യ സാധനങ്ങൾ വിൽക്കുന്ന…
View Post