ബസുകളിലെ ‘സ്ത്രീകൾക്ക് മുൻഗണന’ എന്ന സീറ്റിൽ പുരുഷന്മാർക്ക് ഇരിക്കാമോ?

Total
0
Shares

ഈയിടെയായി സോഷ്യൽ മീഡിയയിൽ ധാരാളം ഷെയർ ചെയ്യപ്പെടുന്ന ഒരു പോസ്റ്റ് ആണ് കെഎസ്ആർടിസി ബസുകളിലെ സ്ത്രീകൾക്ക് മുൻഗണന എന്ന സീറ്റിൽ ബസ്സിലെ ആദ്യം മുതലേയുള്ള പുരുഷന്മാർക്ക് ഇരിക്കാമെന്നും യാത്രയ്ക്കിടയിൽ സ്ത്രീകൾ കയറിയാൽ അവർക്ക് എഴുന്നേറ്റു കൊടുക്കേണ്ടതില്ല എന്നുമൊക്കെ. ഒരു യാത്രയ്ക്കിടയിലെ അനുഭവക്കുറിപ്പ് എന്ന രീതിയിൽക്കൂടിയാണ് ഈ പോസ്റ്റ്. വാട്സ് ആപ്പ്, ഫേസ്‌ബുക്ക് എന്നിവയിലൂടെ ഈ പോസ്റ്റ് വ്യാപകമായി ഷെയർ ചെയ്യപ്പെടുകയും വൈറലായി മാറുകയും ചെയ്തു. ഇതിനിടെ ചില ഓൺലൈൻ സൈറ്റുകളും യൂട്യൂബ് ചാനലുകളും ഈ വിവരം വ്യാപകമായി പബ്ലിഷ് ചെയ്യുകയുമുണ്ടായി. ശരിക്കും ഇത്തരത്തിൽ ഒരു നിയമമുണ്ടോ? നിരവധിയാളുകളാണ് ഈ ചോദ്യവുമായി ഞങ്ങളെ സമീപിക്കുന്നത്.

തുടർന്ന് നടത്തിയ അന്വേഷണങ്ങൾക്കൊടുവിൽ ഇതിന്റെ ശരിയായ നിയമവശം മനസ്സിലാക്കിക്കൊണ്ട് അവ നിങ്ങൾക്കായി ഇതാ പങ്കുവെയ്ക്കുകയാണ്. ശരിക്കും ഇങ്ങനെയൊരു നിയമം ഇല്ല. കെഎസ്ആർടിസി തന്നെ സ്ഥിരീകരിച്ച ഒരു കാര്യമാണിത്. കെഎസ്ആർടിസി മാനേജ്‌മെന്റ് ഈ വിഷയത്തിൽ നൽകുന്ന മറുപടി ഇങ്ങനെ – “വോൾവോ, AC ബസ്സുകൾ ഒഴികെയുള്ള എല്ലാ കെഎസ്ആർടിസി ബസ്സുകളിലും 25 ശതമാനം സീറ്റുകൾ സ്ത്രീകൾക്കായി സംവരണം ചെയ്തിട്ടുണ്ട്. ഓൺലൈൻ റിസർവേഷൻ ഉള്ളതും ഇല്ലാത്തതുമായ ഫാസ്റ്റ് പാസഞ്ചർ, സൂപ്പർഫാസ്റ്റ്, സൂപ്പർ എക്സ്പ്രസ്സ്, സൂപ്പർ ഡീലക്സ് എന്നീ സർവ്വീസുകളിൽ വനിതകൾക്ക് മാത്രമായി ഡ്രൈവറുടെ സീറ്റിനു തൊട്ടുപുറകിലുള്ള സീറ്റുകൾ സംവരണം ചെയ്തിട്ടുണ്ട്. റിസർവ്വേഷൻ ഇല്ലാത്ത ബസുകളിലെ ബാക്കി തൊട്ടു പിന്നിലുള്ള 9 സീറ്റുകൾ മുൻഗണനാ ക്രമത്തിലും സംവരണം ചെയ്തിട്ടുണ്ട്.

മുൻഗണനാ ക്രമത്തിൽ സംവരണം ചെയ്തിട്ടുള്ള സീറ്റുകളിൽ സർവ്വീസ് തുടങ്ങുന്ന സ്ഥലത്ത് വനിതകൾ ഇല്ലെങ്കിൽ മാത്രം പുരുഷന്മാർക്ക് അനുവദിക്കാവുന്നതും യാത്രയ്ക്കിടയിൽ സ്ത്രീകൾ ആവശ്യപ്പെടുകയാണെങ്കിൽ മുൻഗണനാ ക്രമത്തിലുള്ള സീറ്റുകൾ ഒഴിഞ്ഞു കൊടുക്കുവാൻ പുരുഷന്മാരോട് കണ്ടക്ടർ ആവശ്യപ്പെടേണ്ടതാണെന്നും അത് വനിതകൾക്ക് ലഭ്യമാക്കേണ്ടതാണെന്നുമാണ് കെഎസ്ആർടിസി ഉത്തരവ് നൽകിയിരിക്കുന്നത്.

അതുപോലെ തന്നെ ഓൺലൈൻ റിസർവേഷൻ സൗകര്യമില്ലാത്ത ഫാസ്റ്റ് പാസഞ്ചർ മുതൽ മുകളിലേക്കുള്ള സർവീസുകളിൽ 2 സീറ്റുകളും മറ്റ് എല്ലാത്തരം ഓർഡിനറി സർവ്വീസുകളിലും 8 സീറ്റുകൾ (4 സീറ്റുകൾ വീതം) മുതിർന്ന പുരുഷന്മാർക്കും സ്ത്രീകൾക്കുമായി സംവരണം ചെയ്തിട്ടുണ്ട്. ഇതിൽ മുതിർന്ന സ്ത്രീകളുടെ സീറ്റ് നിലവിലെ സ്ത്രീകളുടെ സീറ്റിനടുത്തായാണ് ക്രമീകരിച്ചിരിക്കുന്നത്.

കണ്ടില്ലേ? ഇതാണ് ഈ വിഷയത്തിന്റെ സത്യാവസ്ഥ. ഇപ്പോൾ ഷെയർ ചെയ്യപ്പെട്ടു കൊണ്ടിരിക്കുന്ന പോസ്റ്റുകൾ തെറ്റാണ്. ദയവായി തെറ്റായ വിവരങ്ങൾ ഷെയർ ചെയ്ത് ആളുകൾക്കിടയിൽ തെറ്റിദ്ധാരണ പടർത്തരുത്. സ്ത്രീകൾക്ക് മുൻഗണന എന്ന സീറ്റുകൾ അവർ ആവശ്യപ്പെട്ടാൽ ഇരിക്കുന്ന പുരുഷന്മാർ മാറിക്കൊടുക്കണം. അതാണ് നിയമം. അതുപോലെ തന്നെ ശ്രദ്ധിക്കേണ്ട പ്രധാനപ്പെട്ട ഒരു കാര്യം എന്തെന്നാൽ ഓൺലൈൻ റിസർവേഷൻ സൗകര്യമുള്ള ബസുകൾക്ക് ഈ നിയമം ബാധകമല്ല. ഡ്രൈവറുടെ തൊട്ടു പിന്നിലെ സീറ്റുകൾ മാത്രമാണ് ഇത്തരം സർവീസുകളിൽ സ്ത്രീകൾക്കായി മാറ്റി വെച്ചിട്ടുള്ളത്. ബാക്കി സീറ്റുകളിലെല്ലാം ഏതൊരാൾക്കും മുൻകൂട്ടി ബുക്ക് ചെയ്ത് ഇരുന്നു സഞ്ചരിക്കാവുന്നതാണ്. അപ്പോൾ ഇനി ബസ്സുകളിൽ യാത്ര ചെയ്യുമ്പോൾ ഈ വിവരങ്ങൾ ഒന്നോർക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post