ഓട്ടോറിക്ഷ മറിഞ്ഞു പരിക്കേറ്റയാൾക്ക് രക്ഷകരായി കെഎസ്ആർടിസി മിന്നൽ ബസ് ജീവനക്കാർ…

Total
0
Shares

കെഎസ്ആർടിസിയും ജീവനക്കാരും ആളുകൾക്ക് അടിയന്തിര ഘട്ടങ്ങളിൽ രക്ഷകനായി മാറുന്ന സംഭവങ്ങൾ നമ്മൾ സോഷ്യൽ മീഡിയയിലൂടെ കാണാറുണ്ട്. അതിൽ ഏറ്റവും ഒടുവിൽ നടന്ന ഒരു സംഭവത്തെക്കുറിച്ചാണ് ഇവിടെ പറയുവാൻ പോകുന്നത്. സംഭവം ഇങ്ങനെ : തിരുവനന്തപുരത്തു നിന്നും പതിവുപോലെ രാത്രി 11.55 നു കട്ടപ്പനയിലേക്ക് പുറപ്പെട്ടതായിരുന്നു കട്ടപ്പന ഡിപ്പോയുടെ ATC 98 എന്ന മിന്നൽ ബസ്. ഡ്രൈവർ കം കണ്ടക്ടർമാരായ മാത്യു കെ.ജെ, അനൂപ് സ്കറിയ എന്നിവരായിരുന്നു ബസ്സിൽ അന്നേദിവസം ഡ്യൂട്ടിയിൽ ഉണ്ടായിരുന്നത്.

രാത്രിയുടെ യാമങ്ങളെ കീറിമുറിച്ചുകൊണ്ട് പാഞ്ഞ മിന്നൽ ബസ് വെളുപ്പാൻകാലത്ത് കോട്ടയം മണിപ്പുഴ ജംക്ഷനിൽ എത്തിയപ്പോൾ കണ്ട കാഴ്ച ബസ് ജീവനക്കാരെ ആദ്യം ഒന്നു ഞെട്ടിച്ചു. നടുറോഡിൽ ഒരു ഓട്ടോറിക്ഷ മറിഞ്ഞു കിടക്കുന്നു. അതിനകത്തു നിന്നും ഒരു മനുഷ്യന്റെ തല പുറത്തേക്ക് കാണുന്നുണ്ടായിരുന്നു. ഉടൻ ബസ് നിർത്തി ജീവനക്കാരും കുറച്ചു യാത്രക്കാരും ചേർന്ന് അപകടത്തിൽപ്പെട്ട ഓട്ടോറിക്ഷയുടെ സമീപത്തെത്തി.

അവിടെ അവർ കണ്ട കാഴ്ച വളരെ ഞെട്ടിക്കുന്നതായിരുന്നു. ഓട്ടോറിക്ഷ മറിഞ്ഞ് ഗുരുതരമായ പരുക്കുകളോടെ തലയ്ക്ക് ക്ഷതമേറ്റ്, മൂക്കിലൂടെയും വായിലൂടെയും രക്തം വാർന്ന് ഒഴുകിയ നിലയിൽ ഓട്ടോഡ്രൈവർ ജീവനു വേണ്ടി കേഴുന്നു. ഉടൻ തന്നെ ബസ് ജീവനക്കാരായ മാത്യുവും അനൂപും യാത്രക്കാരുടെ സഹായത്തോടെ പരിക്കേറ്റ ഓട്ടോറിക്ഷ ഡ്രൈവറെ ശ്രദ്ധയോടെ എടുത്ത് ബസ്സിൽ കയറ്റുകയും, ഒരു ആംബുലൻസ് എന്നപോലെ കോട്ടയം മെഡിക്കൽ കോളേജ് ലക്ഷ്യമാക്കി പോകുകയും ചെയ്തു. മെഡിക്കൽ കോളേജിലേക്ക് പോകുന്ന വഴിയിൽ നാഗമ്പടം ഭാഗത്ത് നൈറ്റ് പെട്രോളിങ്ങ് നടത്തുകയായിരുന്ന വനിതാ പോലീസ് SI യുടെ വാഹനം കാണുകയുണ്ടായി. ഇതോടെ ബസ് ജീവനക്കാർ പോലീസിനോട് കാര്യം പറയുകയും പരിക്കേറ്റയാളെ പോലീസ് വാഹനത്തിലേക്ക് മാറ്റി മെഡിക്കൽ കോളേജിലേക്ക് കൊണ്ടുപോകുവാനുള്ള ക്രമീകരണങ്ങൾക്ക് സഹായിക്കുകയും ചെയ്തു.

കട്ടപ്പന മേഖലയിലെ സർക്കാർ ആശുപത്രികളിൽ ജോലി ചെയ്യുന്ന ഡോക്ടർമാർ ഉൾപ്പെടെള്ളവരായിരുന്നു മിന്നൽ ബസിലെ യാത്രക്കാർ. ഇവരെല്ലാം ബസ് ജീവനക്കാരുടെ സമയോചിതമായ ഇടപെടലിനെ അനുമോദിച്ചു. കട്ടപ്പനയിൽ എത്തിയപ്പോൾ 5 യാത്രക്കാരാണ് ബസിൽ ഉണ്ടായിരുന്നത്. ഇവർ ജീവനക്കാരെ അഭിനന്ദിച്ച് കത്ത് തയാറാക്കി കട്ടപ്പന എടിഒയ്ക്കു നൽകിയാണു മടങ്ങിയത്.

ഓട്ടോറിക്ഷ മറിഞ്ഞുണ്ടായ അപകടത്തിൽ പരിക്കേറ്റ വ്യക്തി മാങ്ങാനം സ്വദേശി പ്രദീപ് ആയിരുന്നു. ബസ് ജീവനക്കാരുടെ സഹായത്താൽ എത്രയും പെട്ടെന്ന് ആശുപത്രിയിൽ എത്തിക്കാൻ സാധിച്ചതിനാൽ പ്രദീപ് ഇപ്പോൾ മെഡിക്കൽ കോളേജിൽ സുഖംപ്രാപിച്ചു വരികയാണ്. നടന്ന സംഭവം അന്നത്തെ ബസ്സിലെ ചില യാത്രക്കാർ സോഷ്യൽ മീഡിയയിൽ ചിത്രങ്ങളും വീഡിയോയും സഹിതം പങ്കുവെച്ചതോടെയാണ്, കെഎസ്ആർടിസി ജീവനക്കാരുടെ നന്മയും മനുഷ്യത്വവും വെളിവാക്കുന്ന ഈ സംഭവം പുറംലോകം അറിഞ്ഞത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post