ആനവണ്ടിപ്രേമികളുടെ പരിശ്രമം; തിരൂരിൽ കെഎസ്ആർടിസിയ്ക്ക് റിസർവേഷൻ പോയിന്റ്…

Total
0
Shares

പൊതുവെ കെഎസ്ആർടിസിയുടെ സേവനം അത്രയ്ക്കങ്ങു കൂടുതലായി ലഭിക്കാത്ത ജില്ലകളിൽ ഒന്നാണ് മലപ്പുറം. പ്രൈവറ്റ് ബസ്സുകളാണ് മലപ്പുറം ജില്ലയിൽ അരങ്ങു വാഴുന്നതും. എന്നാൽ ദീർഘദൂര യാത്രകൾക്ക് മലപ്പുറംകാർ ആശ്രയിക്കുന്നത് കെഎസ്ആർടിസിയെയാണ്. ഇതിൽ പ്രധാനമായും എടുത്തു പറയേണ്ടത് മലപ്പുറം ജില്ലയിലെ പ്രധാന പട്ടണങ്ങളിലൊന്നായ തിരൂരിനെയാണ്.

തിരൂർ വഴി അന്തർസംസ്ഥാന ബസ്സുകളടക്കം ധാരാളം കെഎസ്ആർടിസി ലോങ്ങ് ബസ്സുകൾ കടന്നു പോകുന്നുണ്ടെങ്കിലും അവയ്ക്കൊന്നും തിരൂരിൽ റിസർവേഷൻ പോയിന്റ് ഇല്ലായിരുന്നു. ഇതുമൂലം ഇവിടത്തുകാർക്ക് ബസ്സിൽ സീറ്റ് ലഭിക്കാതെ വരികയും ചെയ്യുമായിരുന്നു. തിരൂരിൽ റിസർവ്വേഷൻ പോയന്റ് അനുവദിക്കണമെന്നാവശ്യപ്പെട്ടു യാത്രക്കാർ ധാരാളം നിവേദനങ്ങൾ പലയിടത്തും നൽകിയിരുന്നെങ്കിലും അത് സാധ്യമായത് ഇതിൽ ആനവണ്ടിപ്രേമികൾ ഇടപെട്ടപ്പോഴാണ്.

ആനവണ്ടി പ്രേമിയും തിരൂരിനടുത്തുള്ള താനൂർ സ്വദേശിയുമായ സക്കീർ വൈ.പി. കഴിഞ്ഞ ദിവസം എറണാകുളം കെഎസ്ആർടിസി ഡിപ്പോയിൽ എത്തുകയും പ്രസ്തുത വിവരം എറണാകുളം ജില്ലാ ട്രാൻസ്പോർട്ട് ഓഫീസർ വി.എം താജുദ്ദീനെ ബോധ്യപ്പെടുത്തുകയും സഹായമഭ്യർത്ഥിക്കുകയും ചെയ്യുകയുണ്ടായി. ഒടുവിൽ ഡിടിഒ താജുദ്ധീൻ ഇടപെട്ട് തിരൂരുകാരുടെ ഏറെനാളത്തെ ആഗ്രഹത്തിനു പച്ചക്കൊടി കാണിക്കുകയാണ് ഉണ്ടായത്. പ്രസ്തുത സംഭവത്തെക്കുറിച്ച് സക്കീർ തൻ്റെ ഫേസ്‌ബുക്കിൽ ഒരു കുറിപ്പ് പോസ്റ്റ് ചെയ്യുകയുണ്ടായി. ആ കുറിപ്പ് നമുക്കൊന്നു വായിക്കാം.

“മലപ്പുറം ജില്ലയിലെ പ്രധാന പട്ടണങ്ങളിലൊന്നായ തിരൂരിലൂടെ കടന്ന് പോകുന്ന അന്തർ സംസ്ഥാന സൂപ്പർ ഡീലക്സ് ബസുകൾക്ക് തിരൂരിൽ റിസർവ്വേഷൻ പോയന്റ് അനുവധിക്കണമെന്നാവശ്യവുമായി ഇന്നലെ എറണാകുളം ജില്ലാ ട്രാൻസ്പോർട്ട് ഓഫീസർ വി.എം താജുദ്ദീൻ സാറിനെ അദ്ദേഹത്തിന്റെ അനുവാദത്തോടെ അദ്ദേഹത്തിന്റെ ഓഫീസിൽ നേരിട്ട് സന്ദർശിച്ചിരുന്നു. തിരൂർ വഴി കടന്ന് പോകുന്നവയിൽ മൂന്ന് ബസുകളിൽ രണ്ടെണ്ണം എറണാകുളത്തിന് കീഴിൽ വരുന്നവയായതിനാലാണ് അങ്ങോട്ട് നേരിട്ട് പോയത്.

പൊതുവെ ദീർഘദൂര സർവ്വീസുകൾ കുറവുള്ള തിരൂരിലൂടെ കടന്ന് പോകുന്ന 3 ഡീലക്സ് ബസിനെങ്കിലും തിരൂരിൽ റിസർവ്വേഷൻ പോയന്റ് അനുവധിക്കേണ്ടതിന്റെ ആവശ്യകത അദ്ദേഹവുമായ് പങ്കുവെച്ചു. വളരെ താൽപര്യപൂർവ്വം ശ്രദ്ധയോടെ പറയുന്നത് കേട്ട അദ്ദേഹം, ഫെയർ ചാർട്ട് പരിശോധിച്ച് തിരൂരിൽ ഡീലക്സ് ബസുകൾക്ക് ഫെയർ സ്റ്റേജ് ഉണ്ട് എന്നത് ഉറപ്പ് വരുത്തുകയും നിലവിൽ തിരൂരിൽ റിസർവ്വേഷൻ പോയന്റ് ഇല്ല എന്നതും പരിശോധിച്ച് ഉറപ്പ് വരുത്തി.

ആവശ്യത്തിൽ കഴമ്പുണ്ടെന്ന് കണ്ട DTO ഉടനെ ആർ.ടി.സിയുടെ ഓൺലൈൻ സേവനം കൈകാര്യം ചെയ്യുന്ന വിഭാഗവുമായി ബന്ധപ്പെട്ട് തിരൂരിൽ മേൽ പറഞ്ഞ വണ്ടികൾ റിസർവേഷൻ പോയന്റ് അനുവധിക്കാൻ ആവശ്യപ്പെടുകയായിരുന്നു.. ഇതോടെ ഏറെ കാലത്തെ ആവശ്യം ഇന്നത്തോടെ നിറവേറി. ഇനി തിരൂർ എന്ന് എഴുതി തന്നെ ദീർഘദൂരയാത്രകൾക്ക് KSRTC യിൽ സീറ്റ് ഉറപ്പിക്കാം. ശ്രീ താജുദ്ദീൻ സാറിന് തിരൂരിലെ എല്ലാ KSRTC യാത്രക്കാർക്ക് വേണ്ടിയും ഞങ്ങൾ നന്ദിയും കടപ്പാടും അറിയിക്കുന്നു.”

താജുദ്ധീനെപ്പോലുള്ള നല്ല ജീവനക്കാർ ഇന്നും കെഎസ്ആർടിസിയിൽ ഉള്ളതുകൊണ്ടാണ് ഈ പ്രസ്ഥാനം മുങ്ങിത്താഴാതെ മുന്നോട്ടു പൊയ്‌ക്കൊണ്ടിരിക്കുന്നത്. കേരളത്തിലുടനീളമുള്ള യാത്രക്കാരുടെ ഇത്തരത്തിലുള്ള ന്യായമായ ആവശ്യങ്ങൾ പരിഹരിക്കപ്പെടേണ്ടതു തന്നെയാണ്. കെഎസ്ആർടിസി അധികൃതർ അതിനുള്ള നടപടികൾക്കായി മുൻകൈ എടുക്കണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post