യാത്രക്കാരിയുടെ ജീവൻ രക്ഷിക്കാൻ KSRTC സ്‌കാനിയ ബസ് ആശുപത്രി വളപ്പിലേക്ക്

Total
0
Shares

കെഎസ്ആർടിസിയെയും ജീവനക്കാരെയും കൊലയാളികളാക്കി ചിത്രീകരിക്കുന്നത് ഒരു ഫാഷനായി മാറിയിരിക്കുന്ന സമയമാണല്ലോ ഇത്. എന്നാൽ അപകടങ്ങൾ ആരും മനഃപൂർവ്വം വരുത്തിവെക്കുന്നതല്ല എന്നും ഇനി അഥവാ കെഎസ്ആർടിസി ജീവനക്കാരുടെ ഭാഗത്ത് തെറ്റുണ്ടെങ്കിൽ അത് എല്ലാവരെയും മൊത്തത്തിൽ താറടിച്ചു കാണിക്കുവാനുള്ള അവസരമായി എടുക്കരുതെന്നും എല്ലാവരോടുമായി അപേക്ഷിക്കുകയാണ്.

കെഎസ്ആർടിസി ഉണ്ടാക്കുന്ന അപകടങ്ങൾ മാത്രമേ എല്ലാവരും എടുത്തു പറയുകയുള്ളോ? കെഎസ്ആർടിസിയും ജീവനക്കാരും ചിലപ്പോൾ ജീവൻ രക്ഷിക്കുന്ന സംഭവങ്ങൾ ധാരാളം ഉണ്ടായിട്ടുണ്ട്. കുറ്റം പറയുന്നവർ അക്കാര്യം എന്തുകൊണ്ടാണ് മറക്കുന്നത്? ഇതാ ഒരു യാത്രക്കാരന്റെ ജീവൻ രക്ഷിക്കുവാൻ കെഎസ്ആർടിസി ജീവനക്കാർ നിമിത്തമായ ഒരു സംഭവത്തെക്കുറിച്ച് നേഴ്‌സ്‌ കൂടിയായ അശ്വതി ഗിരിജ ചന്ദ്രൻ എന്ന യുവതി കുറിച്ച വാക്കുകൾ കേൾക്കാം.

“കുറച്ചു നാളായി KSRTC യുടെ പരാതികളും കുറവുകളും മാത്രം ആണ് കേൾക്കുന്നത്. സമയത്തിന് ശമ്പളം പോലും കിട്ടുന്നില്ല എങ്കിലും ആത്മാർത്ഥത ഉള്ള ജീവനക്കാർ തന്നെയാണ് എന്ന് അവർ വീണ്ടും ഒരിക്കൽ കൂടി തെളിയിച്ചു. രാവിലെ തിരുവനന്തപുരം – കോയമ്പത്തൂർ സ്‌കാനിയ ബസ്സിലെ യാത്രയ്ക്കിടെ ഹരിപ്പാട് കഴിഞ്ഞപ്പോൾ പെട്ടെന്നൊരു യാത്രക്കാരിക്ക് ശാരീരിക അസ്വസ്ഥത അനുഭവപ്പെട്ടു.

ഇക്കാര്യം ബസ് ജീവനക്കാരുടെ ശ്രദ്ധയിൽപ്പെടുത്തുകയും ചെയ്തു. ഒരു നേഴ്സ് ആയതു കൊണ്ട് തന്നെ പെട്ടെന്ന് പേഷ്യന്റിനെ assess ചെയ്യുകയും ഹോസ്പിറ്റലിൽ പോകേണ്ടതിന്റെ ആവശ്യകത ബസ് ജീവനക്കാരോട് പറയുകയും ചെയ്തു. വളരെ പെട്ടെന്ന് തന്നെ അവർ യാത്രക്കാരുമായി ആ സ്‌കാനിയ ബസ് നേരെ ആശുപത്രിയിലേക്ക് പായിച്ചു. ആ ഓട്ടം ചെന്നു നിന്നത് വണ്ടാനം മെഡിക്കൽ കോളേജിലെ കാഷ്വാലിറ്റിയിൽ ആയിരുന്നു.

അസ്വസ്ഥത അനുഭവപ്പെട്ട യാത്രക്കാരിയെ കാഷ്വാലിറ്റിയിൽ കാണിച്ച് വൈദ്യസഹായം എത്തുന്നതുവരെ ബസ് ജീവനക്കാർ രണ്ടു പേരും അവിടെ ഉണ്ടാകുകയും ചെയ്തു. രോഗിയുടെ ബ്ലഡ് ഷുഗർ ക്രമാതീതമായി ഉയർന്നത് ആയിരുന്നു പ്രോബ്ലം. ഉടൻ തന്നെ രോഗിയുടെ വീട്ടിൽ അറിയിക്കുകയും, ഹോസ്പിറ്റലിൽ രോഗിയുടെ സുരക്ഷിതത്വം ഉറപ്പു വരുത്തുകയും ചെയ്തിട്ടാണ് അവർ ബസുമായി മടങ്ങിയത്. അവസരോചിതമായ ഈ ഇടപെടൽ അഭിനന്ദനം അർഹിക്കുന്നത് തന്നെയാണ്.”

ഇനി പറയൂ കെഎസ്ആർടിസിയെയും ജീവനക്കാരെയും ഒന്നടങ്കം കൊലയാളികൾ എന്നു വിളിച്ചു അപമാനിക്കുവാൻ നമുക്കൊക്കെ എന്തു യോഗ്യതയാണുള്ളത്? നിരത്തുകളിൽ ജീവൻ നഷ്ടപ്പെടുന്നത് കെഎസ്ആർടിസി കാരണം മാത്രമാണോ? തെറ്റുകൾ ഉണ്ടാകാം, നമുക്ക് വിമർശിക്കാം, എന്നുവെച്ച് സേവനസന്നദ്ധരായ എല്ലാ ജീവനക്കാരുടെയും ആത്മവിശ്വാസം കെടുത്തുന്ന രീതിയിൽ ആകരുത് ഒരു വിമർശനവും വാർത്തയും. അപകടങ്ങൾ ഉണ്ടാകാതിരിക്കട്ടെ എന്നു നമുക്ക് പ്രാർത്ഥിക്കാം.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post