‘എറണാകുളം – പയസ് നഗർ’ : അധികമാരും അറിയാത്ത ഒരു കെഎസ്ആർടിസി സ്റ്റേ സർവ്വീസ്

Total
230
Shares

കെഎസ്ആർടിസി ബസ്സിൽ യാത്ര പോകുവാൻ ഇഷ്ടപ്പെടാത്ത സഞ്ചാര പ്രേമികൾ ആരുംതന്നെ ഉണ്ടായിരിക്കില്ല. ഗവിയും, വയനാടും, മലക്കപ്പാറയുമൊക്കെ ധാരാളം ആളുകൾ കെഎസ്ആർടിസിയിൽ കറങ്ങുന്ന സ്ഥലങ്ങളിൽ പ്രധാനപ്പെട്ടതാണ്. എന്നാൽ അധികമാരും അറിയാത്ത ഒരു കെഎസ്ആർടിസി സ്റ്റേ സർവ്വീസിനെക്കുറിച്ചാണ് ഇനി പറയുവാൻ പോകുന്നത്. ആനവണ്ടി പ്രേമികൾക്ക് ഈ സർവ്വീസിനെക്കുറിച്ച് അറിയാനിടയുണ്ട്, എങ്കിലും സാധാരണക്കാരായ സഞ്ചാരികൾക്ക് ചിലപ്പോൾ ഇങ്ങനെയൊരു സർവ്വീസ് ഉള്ള കാര്യം അറിവില്ലായിരിക്കും. അവർക്കു വേണ്ടിയാണ് ഈ വിവരണം.

എല്ലാവരും പൊതുവെ ട്രിപ്പ് പോകുന്ന ഒരു സ്ഥലമാണ് മൂന്നാർ. എന്നാൽ മൂന്നാറിനുമപ്പുറം നല്ല സ്വയമ്പൻ കാഴ്ചകൾ ഒരുക്കിവെച്ചിരിക്കുന്ന ചില ഗ്രാമങ്ങൾ കൂടിയുണ്ടെന്ന കാര്യം എത്രയാളുകൾക്ക് അറിയാം? അത്തരത്തിലൊരു സ്ഥലമാണ് മൂന്നാറിൽ നിന്നും ഏകദേശം 40 – 45 കിലോമീറ്റർ ദൂരത്തായി സ്ഥിതി ചെയ്യുന്ന ‘പയസ് നഗർ’ എന്ന ഗ്രാമം. ശർക്കരയ്ക്കും ചന്ദന മരങ്ങൾക്കും പ്രശസ്തമായ മറയൂരിൽ നിന്നും ഏകദേശം 6 കിലോമീറ്ററാണ് പയസ് നഗറിലേക്കുള്ള ദൂരം. ഇനി ഇവിടേക്ക് സർവ്വീസ് നടത്തുന്ന ഒരു കെഎസ്ആർടിസി ബസ് സർവ്വീസിനെ പരിചയപ്പെടാം.

എറണാകുളം കെഎസ്ആർടിസി സ്റ്റാൻഡിൽ നിന്നും പയസ് നഗറിലേക്ക് ഒരു ലിമിറ്റഡ് സ്റ്റോപ്പ് ഓർഡിനറി ബസ് സർവ്വീസ് നടത്തുന്നുണ്ട്. എറണാകുളത്തു നിന്നും ദിവസേന ഉച്ചയ്ക്ക് 1.40 നു പുറപ്പെടുന്ന ബസ് കലൂർ, ഇടപ്പള്ളി, കളമശ്ശേരി വഴി ആലുവയിൽ ഉച്ചയ്ക്ക് 2.20 നു എത്തുകയും, അവിടെ നിന്നും പെരുമ്പാവൂർ (2.50 pm), കോതമംഗലം (3.20 pm), നേര്യമംഗലം (3.55 pm), അടിമാലി (4.50 pm), ആനച്ചാൽ (5.35 pm) വഴി മൂന്നാറിൽ വൈകുന്നേരം 6.10 ഓടെ എത്തിച്ചേരുകയും ചെയ്യും. മൂന്നാറിൽ നിന്നും മറയൂർ (8.25 pm), കോവിൽക്കടവ് (8.35 pm) വഴി പയസ് നഗറിൽ രാത്രി 8.40 നാണു ഈ ബസ് എത്തിച്ചേരുന്നത്.

ഈ ബസ് ഒരു സ്റ്റേ സർവ്വീസ് ആണെന്ന കാര്യം മറക്കല്ലേ. പയസ് നഗറിലും പരിസരപ്രദേശങ്ങളിലുമായി കുറച്ചു ഹോംസ്റ്റേകളും മറ്റും താമസ സൗകര്യങ്ങൾ ഒരുക്കുന്നുണ്ട്. ഒന്നുകിൽ മുൻകൂട്ടി ബുക്ക് ചെയ്തിട്ടു പോകുക. അല്ലെങ്കിൽ ബസ് ജീവനക്കാരോട് തിരക്കിയാലും മതി. കൂടാതെ അവിടെ ഒരു കോൺവെന്റ് സ്ഥിതി ചെയ്യുന്നുണ്ട്. ചിലപ്പോൾ താമസ സൗകര്യം അവിടെ ലഭിച്ചേക്കാം. ഈ വിവരമെല്ലാം ഒന്നന്വേഷിച്ചിട്ടു പോകുന്നതായിരിക്കും നല്ലത്.

രാത്രി പയസ് നഗറിൽ വിശ്രമിക്കുന്ന ഈ ബസ് പിറ്റേദിവസം രാവിലെ 6.25 നു തിരികെ എറണാകുളത്തേക്ക് പുറപ്പെടും. വന്ന വഴിയേ തന്നെ യാത്ര ചെയ്തു ഉച്ചയ്ക്ക് 12.50 ഓടെ ബസ് എറണാകുളത്ത് എത്തിച്ചേരും. ചുമ്മാ ഒരു യാത്ര മാത്രമാണ് നിങ്ങളുടെ പ്ലാനെങ്കിൽ രാവിലെ ഇതേ ബസ്സിൽ തിരികെപ്പോരാം. അതല്ല, അവിടെ ഒരു ദിവസം തങ്ങണമെങ്കിൽ അതും ആകാം. ഈ ബസ് കൂടാതെ കെഎസ്ആർടിസിയുടെ ഏതാനും ചില സർവ്വീസുകൾ (ആലുവ – കാന്തല്ലൂർ, മറയൂർ – കാന്തല്ലൂർ, etc.) ഇതുവഴി ലഭ്യമാണ്. കെഎസ്ആർടിസി സമയവിവരങ്ങൾ അറിയുവാൻ : https://bit.ly/2SfayMl . പോകുന്നതിനു മുൻപ് ഡിപ്പോയിൽ വിളിച്ചു സർവ്വീസ് ഓടുന്നുണ്ടോയെന്നു ഒന്നു ഉറപ്പു വരുത്തുന്നത് നല്ലതാണ്. കെഎസ്ആർടിസി കൂടാതെ ഏതൊക്കെയോ പ്രൈവറ്റ് ബസ്സുകളും പയസ് നഗർ വഴി സർവ്വീസ് നടത്തുന്നുണ്ട്. അവയുടെ സമയവിവരങ്ങൾ ലഭ്യമല്ല. അതല്ലെങ്കിൽ ജീപ്പ് സർവ്വീസുകളും കിട്ടിയേക്കാം.

കാന്തല്ലൂർ പഞ്ചായത്തിൽപ്പെട്ട ഒരു സ്ഥലമാണ് പയസ് നഗർ. മറയൂരിൽ നിന്നും കാന്തല്ലൂരിലേക്കുള്ള വഴിയിലാണ് കോവിൽക്കടവ് സ്ഥിതി ചെയ്യുന്നത്. കോവിൽക്കടവിൽ നിന്നും കാന്തല്ലൂർ റൂട്ടിൽ വീണ്ടും മുന്നോട്ടു പോകുമ്പോൾ ചുരം പോലെയുള്ള റോഡും ആനക്കൊട്ടപ്പാറ പാർക്കും കാണാം. കുറച്ചു കൂടി മുന്നോട്ടു പോയാൽ പയസ് നഗർ ചെക്ക് പോസ്റ്റ് ആയി. പയസ് നഗറിലും പരിസരങ്ങളിലുമാണ് പ്രാചീനമായ മുനിയറകൾ അധികമായി കണ്ടു വരുന്നത്.

കീഴന്തൂർ, മറയൂർ, കൊട്ടകമ്പൂർ, വട്ടവട, കണ്ണൻ ദേവൻ മലകൾ എന്നിവകളാണ് പയസ് നഗർ ഉൾപ്പെടുന്ന കാന്തല്ലൂർ പഞ്ചായത്തിന്റെ അതിർത്തി പ്രദേശങ്ങൾ. ശൈത്യകാല പച്ചക്കറികൾ വ്യാപകമായി ഇവിടെ കൃഷി ചെയ്തുവരുന്നു. ആപ്പിൾ, പ്ലം, മാതളനാരകം, പേരയ്ക്ക, നെല്ലിക്ക, മുട്ടപ്പഴം, പീച്ച്, കോളീഫ്ലവർ, കാരറ്റ്, ബീൻസ്, ഉരുളക്കിഴങ്ങ്, ബീറ്റ്റൂട്ട്, വെളുത്തുള്ളി തുടങ്ങിയ കേരളത്തിൽ കണ്ടുവരുന്നതും അല്ലാത്തതുമായ പഴം, പച്ചക്കറി വർഗ്ഗങ്ങൾ ഇവിടെ കൃഷി ചെയ്തുവരുന്നു. കാന്തല്ലൂരിൽ വിളയുന്ന ആപ്പിൾ പ്രശസ്‌തമാണ്‌.

കവർചിത്രം – ആൽബിൻ പാലക്കാട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post