കെഎസ്ആർടിസി പണി തുടങ്ങി; കോൺട്രാക്ട് കാര്യേജ് ബസ്സുകൾക്ക് അതേ നാണയത്തിൽ തിരിച്ചടി…

Total
0
Shares

അന്തർ സംസ്ഥാന റൂട്ടുകളിൽ സർവ്വീസ് നടത്തുന്ന പ്രൈവറ്റ് കോൺട്രാക്ട് കാര്യേജ് ബസ്സുകൾക്ക് അതേ നാണയത്തിൽ തന്നെ തിരിച്ചടി കൊടുക്കുവാൻ തയ്യാറായി കെഎസ്ആർടിസി. സ്വകാര്യ കോൺട്രാക്ട് കാര്യേജ് ബസ്സുകളെപ്പോലെ തന്നെ സർവ്വീസുകൾ ആരംഭിക്കുവാനാണ് കെഎസ്ആർടിസി തയ്യാറെടുക്കുന്നത്. ഇതിനായി സ്വന്തം ബസ്സുകൾ ഉപയോഗിക്കാതെ സ്വകാര്യ ഉടമകളിൽ നിന്നും പാട്ടത്തിനു എടുത്തായിരിക്കും സർവീസ് നടത്തുക. വോൾവോ, സ്‌കാനിയ തുടങ്ങിയ മൾട്ടി ആക്സിൽ ലക്ഷ്വറി കോച്ച് ബസ്സുകളായിരിക്കും ഇത്തരത്തിൽ പാട്ടത്തിനെടുക്കുന്നത്. ഇതോടൊപ്പം തന്നെ കർണാടക ആർടിസിയുടെ സഹകരണവും കേരള ആർടിസിയ്ക്ക് ലഭിച്ചിട്ടുണ്ട്.

നിലവിൽ കെഎസ്ആർടിസി അന്തർ സംസ്ഥാന റൂട്ടുകളിൽ സർവ്വീസ് നടത്തുന്നത് ഓരോരോ സ്റ്റോപ്പിൽ നിന്നും യാത്രക്കാരെ കയറ്റിക്കൊണ്ടു പോകുന്ന രീതിയായ ‘സ്റ്റേജ് കാര്യേജ്’ സർവ്വീസ് ആയാണ്. എന്നാൽ കോൺട്രാക്ട് കാര്യേജ് സർവ്വീസുകൾ ഏജൻസികൾ വഴി ടിക്കറ്റ് മുൻകൂട്ടി ബുക്ക് ചെയ്താണ് സർവ്വീസ് നടത്തുന്നത്. തൽഫലമായി യാത്രയ്ക്കിടയിൽ വഴിയിൽ നിന്നും ആളുകളെ (മുൻകൂട്ടി ബുക്ക് ചെയ്യാത്ത) കയറ്റുവാൻ സാധ്യമല്ല. അതായത് ബസ് യാത്ര തുടങ്ങുന്ന സ്ഥലത്തു നിന്നും മുഴുവൻ യാത്രക്കാരെയും കയറ്റി സർവ്വീസ് നടത്തണം. ഈ വിവരങ്ങൾ കാണിച്ചുകൊണ്ട് കെഎസ്ആർടിസി എംഡിയുടെ സർക്കുലർ ഇറങ്ങിയിട്ടുണ്ട്.

തിരുവനന്തപുരം, എറണാകുളം, തൃശ്ശൂർ, കോഴിക്കോട് തുടങ്ങിയ സ്ഥലങ്ങളിൽ നിന്നും ഇത്തരത്തിൽ കോൺട്രാക്ട് കാര്യേജ് സർവ്വീസുകൾ ആരംഭിക്കുവാനാണ് കെഎസ്ആർടിസി തുടക്കത്തിൽ പദ്ധതിയിടുന്നത്. യാത്രക്കാരുടെ തിരക്കും ആവശ്യകതയും നോക്കി മറ്റു സ്ഥലങ്ങളിലേക്കും ക്രമേണ ഇത്തരം സർവ്വീസുകൾ വ്യാപിപ്പിക്കുകയും ചെയ്യും. ഇത്തരം സർവ്വീസുകൾ ആരംഭിക്കുന്നതിനായി കേരളത്തിൽ രജിസ്റ്റർ ചെയ്തിട്ടുള്ള വോൾവോ, സ്‌കാനിയ ബസ്സുകളായിരിക്കും കെഎസ്ആർടിസി കരാർ അടിസ്ഥാനത്തിൽ എടുക്കുന്നത്. മിക്കവാറും ഡ്രൈവര്‍ സഹിതമാകും ബസുകള്‍ വാടകയ്ക്ക് എടുക്കുന്നത്. കോണ്‍ട്രാക്ട് കാര്യേജ് പെര്‍മിറ്റായതിനാല്‍ കണ്ടക്ടറുടെ ആവശ്യമുണ്ടാകില്ല. പകരം ബസില്‍ ഒരു സഹായിയോ (കോ – ഡ്രൈവർ) ഉണ്ടാകും. സിസി സർവ്വീസുകൾ കൂടാതെ തമിഴ്‌നാട് മാതൃകയില്‍ ആദ്യാവസാനം മാത്രം സ്റ്റോപ്പുള്ള എന്‍ഡ് ടു എന്‍ഡ് സര്‍വീസുകളും പരിഗണനയിലുണ്ട്.

സർവീസുകളുടെ ടിക്കറ്റുകൾ ഓൺലൈനായും ബുക്കിംഗ് ഏജൻസി വഴിയും വിറ്റഴിക്കാം. ഇതിനുവേണ്ടി സ്വന്തമായി ടിക്കറ്റ് ബുക്കിംഗ് ഏജൻസി ലൈസൻസ് കെഎസ്ആർടിസി സ്വന്തമാക്കും. ശുചിമുറി, വിശ്രമകേന്ദ്രം തുടങ്ങി മോട്ടോർ വാഹനവകുപ്പ് നിശ്ചയിച്ചിട്ടുള്ള അടിസ്ഥാന സൗകര്യങ്ങൾ കെഎസ്ആർടിസി ഡിപ്പോകളിൽ ഉള്ളതിനാൽ ഏജൻസികൾ സ്വന്തമായി തുടങ്ങുവാൻ നിലവിൽ ബുദ്ധിമുട്ടൊന്നും ഇല്ല.

സംസ്ഥാനത്ത് ഉടനീളമുള്ള കെഎസ്ആർടിസി ഡിപ്പോകൾ കേന്ദ്രീകരിച്ചായിരിക്കും സിസി സർവ്വീസുകൾ ഓപ്പറേറ്റ് ചെയ്യുക. കൂടാതെ ബെംഗളൂരുവിൽ കെഎസ്ആർടിസിയ്ക്ക് ഓഫീസ് സൗകര്യങ്ങൾ ഉള്ളതിനാൽ അവിടുന്ന് തിരികെയുള്ള യാത്രകൾക്കും ഇത് സഹായകമാകും. ഇത്തരം സിസി സർവ്വീസുകൾ ദിവസേന ഓടിക്കുന്നത് ലാഭകരമാകില്ലെന്നാണ് പൊതുവെയുള്ള വിലയിരുത്തൽ. കാരണം സാധാരണ ദിവസങ്ങളിൽ ബെംഗളൂരുവിലേക്കും മറ്റുമുള്ള യാത്രക്കാർ കുറവായിരിക്കും. വഴിയിൽ നിന്നും യാത്രക്കാരെ കയറ്റുവാൻ സാധ്യമല്ലാത്തതിനാൽ നഷ്ടത്തിൽ ഓടേണ്ടി വരികയും ചെയ്യും. അതുകൊണ്ട് വീക്കെൻഡുകളിലും യാത്രക്കാരുടെ തിരക്ക് കൂടുതലുള്ള സമയങ്ങളിലും ഇത്തരത്തിൽ സർവ്വീസ് നടത്തുന്നതായിരിക്കും കൂടുതൽ അഭികാമ്യം. ഇത്തരം കാര്യങ്ങളെക്കുറിച്ച് കെഎസ്ആർടിസി മാനേജ്‌മെന്റ് പഠിച്ചു വരികയാണ്.

നിലവിൽ കേരളത്തിൽ നിന്നും മറ്റു സംസ്ഥാനങ്ങളിലേക്ക് സർവ്വീസ് നടത്തുന്ന ചില കോൺട്രാക്ട് കാര്യേജ് ഓപ്പറേറ്റർമാരെക്കുറിച്ച് യാത്രക്കാർക്കിടയിൽ പരാതികൾ ധാരാളമായി ഉയർന്നു വന്നതോടെയാണ് ഇതേപോലെ സർവ്വീസ് നടത്തുന്നതിനെക്കുറിച്ച് കെഎസ്ആർടിസി കാര്യമായി ചിന്തിച്ചു തുടങ്ങിയത്. ഏതാണ്ട് രണ്ടാഴ്ചകൾ കൊണ്ട് പദ്ധതികൾക്ക് ഏകദേശ രൂപവും കൈവരിക്കുവാൻ കെഎസ്ആർടിസിയ്ക്ക് സാധിച്ചു എന്നതും വിജയമാണ്. ഈ പദ്ധതി നടപ്പിലാകുന്നതോടെ സ്വകാര്യ കോൺട്രാക്ട് കാര്യേജ് ഓപ്പറേറ്റർമാരേക്കാൾ സുരക്ഷിതമായ യാത്ര നൽകാൻ കെഎസ്ആര്‍ടിസിയ്ക്ക് സാധിക്കുമെന്നാണ് വിലയിരുത്തൽ.

Cover Photo – Representative Image.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post