തൃശ്ശൂരിൽ നിന്നും ഊട്ടിയിലേക്ക് കെഎസ്ആർടിസി സർവ്വീസ് വരുന്നൂ…

Total
0
Shares

മധ്യ – തെക്കൻ കേരളത്തിലെ യാത്രക്കാരുടെ ഏറെനാളായിട്ടുള്ള ഒരു ആഗ്രഹമായിരുന്നു ഊട്ടിയിലേക്ക് ഒരു കെഎസ്ആർടിസി സർവ്വീസ് എന്നത്. സൗത്ത് ഇന്ത്യയിലെ പ്രധാനപ്പെട്ട ടൂറിസ്റ്റ് കേന്ദ്രമായ ഊട്ടിയിലേക്ക് വളരെ സാധാരണക്കാരായവർക്ക് കുറഞ്ഞ ചെലവിൽ യാത്ര ചെയ്യണമെങ്കിൽ ഇത്തരത്തിൽ ഒരു ബസ് സർവ്വീസ് കൂടിയേ തീരൂ എന്നായിരുന്നു. ഇതിനായി പല പ്രദേശങ്ങളിൽ നിന്നും, പ്രത്യേകിച്ച് മധ്യ കേരളത്തിലെ പ്രധാന സ്ഥലങ്ങളായ തൃശ്ശൂർ, എറണാകുളം, ആലപ്പുഴ, കോട്ടയം, പാലക്കാട് എന്നിവിടങ്ങളിലെ യാത്രക്കാരും കെഎസ്ആർടിസി പ്രേമികളും കെഎസ്ആർടിസി ജീവനക്കാരുമെല്ലാം വളരെയേറെ പ്രയത്നിച്ചിട്ടുണ്ട്. അപ്പോഴെല്ലാം തമിഴ്‌നാട്ടിലെ പെർമിറ്റ് പ്രശ്നങ്ങൾ ആയിരുന്നു പുതിയ സർവ്വീസ് തുടങ്ങുവാൻ വിലങ്ങുതടിയായി നിന്നിരുന്നത്.

അതിനിടെ പാലക്കാട് നിന്നും ഊട്ടിയിലേക്ക് കെഎസ്ആർടിസി സർവ്വീസ് ആരംഭിക്കുമെന്ന് രാഷ്ട്രീയ നേതാക്കളടക്കം ഉറപ്പു പറയുകയുമുണ്ടായി. പാലക്കാട് നിന്നും ഊട്ടിയിലേക്ക് തമിഴ്‌നാട് ട്രാൻസ്‌പോർട്ട് കോർപ്പറേഷന്റെ ബസ്സുകൾ നല്ല കളക്ഷനോടെ സർവ്വീസ് നടത്തുന്നുമുണ്ട്. എന്നാൽ ആ ഉറപ്പെല്ലാം വെറുതെയായ കാഴ്ചയായിരുന്നു പിന്നീട് നാം കണ്ടത്.

ഇപ്പോഴിതാ തമിഴ്നാടുമായി ഏർപ്പെട്ട പുതിയ പെർമിറ്റ് കരാർ പ്രകാരം ഊട്ടിയിലേക്ക് ഒരു കെഎസ്ആർടിസി സർവ്വീസ് തുടങ്ങുവാൻ പോകുകയാണ്. പാലക്കാട് നിന്നും ഊട്ടി സർവ്വീസ് തുടങ്ങുമെന്ന് കരുതിയെങ്കിലും ഇത്തവണ സർവീസിനായി നറുക്ക് വീണത് തൃശ്ശൂർ ഡിപ്പോയ്ക്ക് ആയിരുന്നു. ഇതു സംബന്ധിച്ച കുറിപ്പ് കെഎസ്ആർടിസി ചീഫ് ഓഫീസിൽ നിന്നും ബന്ധപ്പെട്ട യൂണിറ്റ് അധികാരികൾക്കും മേഖലാ അധികാരികൾക്കും ലഭിച്ചു കഴിഞ്ഞു.

തൃശ്ശൂരിൽ നിന്നും പാലക്കാട്, വാളയാർ, കോയമ്പത്തൂർ, മേട്ടുപ്പാളയം വഴിയാണ് കെഎസ്ആർടിസിയുടെ ഊട്ടി സർവ്വീസ്. ഈ സർവ്വീസ് നടത്തുന്നതിനായി പത്തനാപുരം ഡിപ്പോയിൽ നിന്നും AT 313 എന്ന ബസ് തൃശ്ശൂർ ഡിപ്പോയ്ക്ക് നൽകിയിട്ടുണ്ട്. നിലവിൽ പത്തനാപുരം – ചന്ദനക്കാംപാറ റൂട്ടിലായിരുന്നു ഈ കൊണ്ടോടി നിർമ്മിത സൂപ്പർഫാസ്റ്റ് ബസ് സർവ്വീസ് നടത്തിയിരുന്നത്. ഇനി തൃശ്ശൂർ – ഊട്ടി സൂപ്പർഫാസ്റ്റ് ആയിട്ടായിരിക്കും AT 313 ൻ്റെ പുതിയ ഓട്ടം.

തൃശ്ശൂർ – ഊട്ടി സർവ്വീസിന്റെ സമയവിവരങ്ങൾ തൃശ്ശൂർ ഡിപ്പോ അധികാരികൾ തീരുമാനിച്ച് ഉടൻ തന്നെ കെഎസ്ആർടിസി അധികൃതരെ അറിയിക്കും. കൃത്യമായ സമയവിവരങ്ങൾ പുറത്തു വിട്ടിട്ടില്ലെങ്കിലും അതിരാവിലെ തൃശ്ശൂരിൽ നിന്നും ഊട്ടിയിലേക്ക് പോകുകയും അവിടുന്ന് തിരികെ ഓടി രാത്രിയോടെ തൃശ്ശൂരിൽ എത്തുന്ന രീതിയിലായിരിക്കും സമയക്രമം. ഇത്തരത്തിൽ ഒരു ദിവസംകൊണ്ട് പോയി വരാവുന്ന ഷെഡ്യൂൾ ആയതിനാലാണ് പെയർ ഇല്ലാതെ ഒരു ബസ് മാത്രം അനുവദിച്ചിരിക്കുന്നതും.

നിലവിൽ കെഎസ്ആർടിസി കണ്ണൂർ, സുൽത്താൻ ബത്തേരി, മലപ്പുറം തുടങ്ങിയ സ്ഥലങ്ങളിൽ നിന്നും ഊട്ടിയിലേക്ക് സർവ്വീസുകൾ നടത്തുന്നുണ്ട്. ഇനി ഇവരുടെ കൂട്ടത്തിൽ തൃശ്ശൂർ കൂടി ചേരും. പുതിയ സർവ്വീസ് ആരംഭിക്കുന്നതോടെ എറണാകുളം, തൃശ്ശൂർ തുടങ്ങിയ സ്ഥലങ്ങളിലുള്ളവർക്ക് മേട്ടുപ്പാളയം, ഊട്ടി തുടങ്ങിയയിടങ്ങളിലേക്ക് നേരിട്ട് ബസ്സിൽ യാത്ര ചെയ്യുവാൻ സാധിക്കും. എറണാകുളത്തുള്ളവർക്ക് ഏതെങ്കിലും ബസ്സിലോ ട്രെയിനിലോ കയറി തൃശ്ശൂർ എത്തിച്ചേരുവാൻ വലിയ ബുദ്ധിമുട്ടൊന്നും ഇല്ലതാനും.

തൃശ്ശൂർ – ഊട്ടിയ്‌ക്കൊപ്പം മാന്തവാടി – ഊട്ടി – കോയമ്പത്തൂർ, സുൽത്താൻ ബത്തേരി – ഊട്ടി – കോയമ്പത്തൂർ, എറണാകുളം – മൂന്നാർ – പഴനി, കോട്ടയം – തേനി – പഴനി, അർത്തുങ്കൽ – വേളാങ്കണ്ണി, കണ്ണൂർ – കോയമ്പത്തൂർ, കോഴിക്കോട് – ഗൂഡല്ലൂർ എന്നീ സർവ്വീസുകളും തുടങ്ങുന്നുണ്ട്. ഇതിനായി വിവിധ ഡിപ്പോകളിൽ നിന്നും ബസ്സുകൾ പുതിയ സർവ്വീസുകൾ നടത്തുവാൻ ചുമതലയുള്ള അതാത് ഡിപ്പോകളിലേക്ക് ട്രാൻസ്‌ഫർ ചെയ്തിട്ടുണ്ട്.

ചിത്രങ്ങൾക്ക് കടപ്പാട് – Udayaditya Kashyap, Faizy.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post