കുതിരാനിലെ ‘കട്ട ബ്ലോക്ക്’ മാറുമോ? ഒരാഴ്ചക്കുള്ളിൽ ശരിയാകുമെന്ന് തൃശ്ശൂർ കളക്ടറുടെ ഉറപ്പ്…

Total
0
Shares

കേരളത്തിൽ ഏറ്റവുമധികം വാഹനങ്ങൾ (ചരക്കു ലോറികൾ അടക്കം) കടന്നുപോകുന്ന ഒരു പാതയാണ് വാളയാർ – പാലക്കാട് – തൃശ്ശൂർ റൂട്ട്. ഈ റൂട്ടിലെ 90% റോഡും മികച്ചതാണെങ്കിലും കുതിരാൻ എന്ന ഒരൊറ്റ കടമ്പ മാത്രമാണ് ഇതുവഴി പോകുന്നവരുടെ പേടിസ്വപ്നം. ഏറ്റവും കൂടുതൽ ബ്ലോക്ക് അനുഭവപ്പെടുന്ന ഇവിടെ മണിക്കൂറുകളോളം കാത്തുകിടക്കേണ്ടി വരുമെന്നതിനാൽ ആളുകൾ വെളുപ്പിനെ തന്നെ കുതിരാൻ കടക്കാനാണ് ശ്രമിക്കാറ്. എന്നാൽ ഇതുവഴി പോകുന്ന ബസുകളുടെയും ലോറികളുടെയും കാര്യമാണ് കഷ്ടം.

ഇതുവഴി സ്ഥിരമായി പോകുന്ന കെഎസ്ആർടിസി ചങ്ങനാശ്ശേരി – വേളാങ്കണ്ണി സൂപ്പർ എക്സ്പ്രസ്സിന്റെ ഡ്രൈവർ സന്തോഷ് കുട്ടന്റെ വാക്കുകൾ ഇങ്ങനെ – “1994 മുതൽ ഞാൻ ഈ വഴി ഉപയോഗിക്കുന്നു. അന്ന് മേട്ടുപ്പാളയം – ചങ്ങനാശ്ശേരി പച്ചക്കറി ട്രക്കിൽ ക്ലീനറായി ജോലി ചെയ്യുന്ന കാലം. അന്ന് വാഹനങ്ങൾ കുറവായിരുന്നിട്ടു കൂടി ബ്ലോക്കാകാറുണ്ട് ഈ ഭാഗം ഈ റോഡ്. വളരെ വാണിജ്യപ്രാധാന്യമുള്ള ഈ വഴി എന്തുകൊണ്ടാണ് ശ്രദ്ധിക്കപ്പെടാതെ പോയത്. കുതിരാൻ മല എന്ന പ്രതിസന്ധി ഉള്ളതു കൊണ്ടാണോ? ആണങ്കിൽ ഈ തുരങ്കം പണി എങ്ങനെ വന്നു. ഈ ആശയം വളരെ മുൻപേ ഉണ്ടായിരുന്നു. എന്ത് കൊണ്ട് ഉപയോഗിച്ചില്ല?

ഞാൻ ചെന്നിട്ടുവേണം അമ്മയ്ക്ക് മരുന്നു വാങ്ങാൻ, മോളുo മോനും എന്നെ നോക്കി ഇരിക്കുകയായിരിക്കും, വീട്ടിൽ ചെന്നിട്ട് വേണം തുണി അലക്കാൻ, ഇങ്ങനെ പോയാൽ പെണ്ണ് കാണൽ മുടങ്ങും, ഈ ലോഡ് ഇറക്കിയിട്ട് വീട്ടിൽ പോയി കുഞ്ഞുങ്ങളെയും ഭാര്യയെയും കാണണം… ഇതുപോലെ, അല്ലങ്കിൽ ഇതിലേറേ ചിന്തകളുമായി യാത്ര ചെയ്ത അനേകം ആൾക്കാരുട പ്രതീക്ഷകൾ തകർത്ത് തരിപ്പണമാക്കിയ ഒരു എടങ്ങേറുപിടിച്ച സ്ഥലമാണ് കുതിരാൻ മല എന്ന സമയംകൊല്ലിമല.

വർഷങ്ങളായി ഓരോ ഭരണ നേതൃത്ത്വവും വരുമ്പോൾ പ്രതീക്ഷയോടെ നോക്കിയിരുന്നു ഈ വഴിയിലെ യാത്രക്കാർ. ഇനിയും വൈകരുതെന്ന് അപേക്ഷ, ജനപ്രതിനിധിക്കെന്നപോലെ ജനങ്ങളുടെ സമയത്തിനും വിലയുണ്ട്. സമയം വലുതാകുമ്പോ ആയുസ്സ് ആകുന്നു. അതുപോലെ തന്നെ – അതു വഴി കടന്നുപോകുന്ന ആംബുലൻസിനുള്ളിൽ കിടക്കുന്ന ജീവനും വിലയുണ്ട്. ഇതെല്ലാം കണ്ട് ഇനിയും കണ്ണടയ്ക്കരുത് ഭരണകൂടവും ബന്ധപ്പെട്ടവരും. ഉടൻ നടപടി ഉണ്ടാകണം, ദയവായി താമസിക്കരുത്. ഭരണകൂടത്തിന്മേൽ ജനത്തിനുള്ള വിശ്വാസം നഷ്ടപ്പെടുത്തരുത്.”

കഴിഞ്ഞ ദിവസം കുതിരാൻ തുരങ്കത്തിന്റെ അവസ്ഥയെക്കുറിച്ച് വ്‌ളോഗർ സുജിത്ത് ഭക്തൻ Tech Travel Eat ഫേസ്‌ബുക്ക് പേജിൽ ഒരു വീഡിയോ പോസ്റ്റ് ചെയ്തിരുന്നു. പ്രസ്തുത വീഡിയോ ധാരാളമാളുകൾ ഷെയർ ചെയ്യുകയും സോഷ്യൽ മീഡിയയിൽ വൈറലാകുകയും ഉണ്ടായി. അതിനടുത്ത ദിവസം തൃശ്ശൂർ ജില്ലാ കളക്ടറുടെ പേജിൽ വന്ന പോസ്റ്റ് എല്ലാവർക്കും ആശ്വാസം പകരുന്നതായിരുന്നു.

തൃശ്ശൂർ കളക്ടറുടെ പോസ്റ്റ് ഇങ്ങനെയാണ് – “കുതിരാനിലെ ഗതാഗതക്കുരുക്കിന് ശാശ്വത പരിഹാരമുണ്ടാക്കാനുള്ള നടപടികളിലേക്ക് കടന്നു. ടണലിൽ അടിഞ്ഞുകൂടിയ മണ്ണ് നീക്കം ചെയ്യാൻ ആരംഭിച്ചിട്ടുണ്ട്. കുതിരാനിലെ ഗതാഗതപ്രശ്നം പരിഹരിക്കുന്നതിലെ വീഴ്ച തുടർന്നാൽ നിർമ്മാണ കമ്പനി അധികൃതരുടെ പേരിൽ കേസെടുക്കാൻ നിർബന്ധിതനാവുമെന്ന് അവരെ അറിയിച്ചു. തുരങ്കം ഒരാഴ്ചക്കുള്ളിൽ ഗതാഗത യോഗ്യമാക്കുമെന്ന് ഇപ്പോൾ നിർമ്മാണ കമ്പനി ഉറപ്പ് നൽകിയിരിക്കുകയാണ്.

മണ്ണുത്തി – വടക്കാഞ്ചേരി ദേശീയപാതയിൽ അനുഭവപ്പെടുന്ന രൂക്ഷമായ ഗതാഗതക്കുരുക്കിന് പരിഹാരം കാണുന്നതിന്റെ ഭാഗമായി കുതിരാൻ തുരങ്കം അറ്റകുറ്റപ്പണികൾ പൂർത്തിയാക്കി ഒരാഴ്ചക്കുള്ളിൽ ഗതാഗത യോഗ്യമാക്കുമെന്നാണ് ഉറപ്പ്. തുരങ്കത്തിലെ മണ്ണ് നീക്കുന്ന പ്രവൃത്തി പുരോഗമിക്കുകയാണ്. ജനുവരിയോടെ തുരങ്കം ഗതാഗത യോഗ്യമാക്കാമെന്ന ഉറപ്പ് പാലിക്കപ്പെട്ടിരുന്നില്ല. കുതിരാൻ തുരങ്കം അടിയന്തിരമായി ഗതാഗതത്തിന് തുറന്നുകൊടുക്കണമെന്ന് പൊതുമരാമത്ത് വകുപ്പ് മന്ത്രി ജി.സുധാകരൻ നിർദ്ദേശം നൽകിയിരുന്നു.”

എന്തായാലും കുതിരാനിലെ ഗതാഗതക്കുരുക്കുകൾക്ക് ഉടനടി പരിഹാരം കാണുവാൻ സാധിക്കുമെന്ന് എല്ലാവർക്കും ആശ്വസിക്കാം. ബാക്കിയെല്ലാം കാത്തിരുന്നു കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post