ലഡാക്കിലേക്ക് വരുന്നവർക്കായി..!

Total
0
Shares

ലഡാക്കിലേക്ക് വരുന്നവർക്കായി..!

ഡൽഹിയിൽ വരെ വന്ന സ്ഥിതിക്ക് ഒന്ന് പോയേച്ചും വരാം എന്ന മൂഡിൽ പോകേണ്ട സ്ഥലമല്ല ലഡാഖ്. മറ്റുള്ള വിനോദ സഞ്ചാരമേഖലകളിൽ കിട്ടുന്ന സൗകര്യങ്ങളൊന്നും പ്രതീക്ഷിച്ചൊന്നും ഇങ്ങോട്ട് വരണ്ട. ലഡാക്കൊരു തണുത്ത വരണ്ട മരുഭൂമിയാണ്. വേനൽക്കാലത്ത് മാത്രം പച്ചപ്പുള്ള നാട്. സാധാരണ ഗതിയിൽ സഹിക്കാനാകുന്ന കാലാവസ്ഥ ഏപ്രിൽ മുതൽ ഒക്ടോബർ അവസാനം വരെയാണ്. ലഡാക്കിലെ പച്ചപ്പ് വച്ച് കാലാവസ്ഥയും മനസിലാക്കാം.

ഏപ്രിലിൽ ചെറുതായി മരങ്ങളൊക്കെ തളിർത്തു തുടങ്ങും. ചാരനിരത്തിലായിരിക്കും മാറ്റങ്ങളൊക്കെ. ഇല്ലയൊക്കെ വിടർന്ന് പച്ചനിറം കാണാൻ ഏപ്രിൽ അവസാനമാകും. അതിനനുസരിച്ച് മഞ്ഞും കുറയും. മാർച്ചാവസാനം എന്റെ വീടിന്റെ പുറകിൽ നിന്ന് മഞ്ഞിനെ തൊട്ടെടുക്കാമെങ്കിൽ പിന്നെ ദിവസം കഴിയും തോറും തണുപ്പ് കുറയുമ്പോൾ മഞ്ഞ് മലകയറും. ഏപ്രിൽ മേയോടെ ആപ്രിക്കോട്ടുകൾ പഴുത്ത് തുടങ്ങും. ജൂൺ ജൂലൈ ആകുമ്പോഴേക്കും ആപ്രിക്കോട്ട് മരങ്ങളൊക്കെ മഞ്ഞ നിറത്തിൽ ആപ്രിക്കോട്ട് കൊണ്ട് നിറയും. പലതരം പൂക്കളും നിറയെയുണ്ടാകും. ഈ സമയം ആപ്പിളും കായ്ച്ചു തുടങ്ങും. ഈ സമയത്തെ തണുപ്പ് മുന്നാറിലെ തണുപ്പിനൊക്കെ സമാനമാണ്. അഗസ്റ്റിലും സെപ്റ്റംബറിലുമായി ആപ്പിൾ വളർന്നു പഴുക്കും. തണുപ്പ് കുറച്ചുകൂടി കുറയും. രാത്രി പുതപ്പ് പുതച്ചുറങ്ങാനുള്ള തണുപ്പ്.. അത്രേയൊള്ളൂ. പക്ഷെ മഞ്ഞ് അപ്പോഴും മലയിൽ ഉണ്ടാകും. സെപ്റ്റംബർ പകുതിയോടെ മലകയറിയ മഞ്ഞ് വീണ്ടും മലയിറങ്ങും. ആപ്പിളൊക്കെ നവംബർ വരെയും കാണും.

ലഡാക്കിലേക്ക് ശ്രീനഗർ മാർഗം ഏപ്രിൽ ആദ്യം മുതൽ യാത്ര ചെയ്യാനാകും. സോജില്ല പാസ് ഒഴിച്ചാൽ ബാക്കിയുള്ള ശ്രീനഗർ വഴി നല്ലതാണ്. പാസിലെ മോശം റോഡ് ആകെ മുപ്പതു കിലോമീറ്ററോളം വരും. രാവിലെ ഏഴു മണിയോടെ ഇറങ്ങിയാൽ ഉച്ചക്ക് മുൻപ് കാർഗിലും വൈകിട്ടോടെ ലഡാക്കും എത്താം. പത്തു മുതൽ പതിനാറു മണിക്കൂർ വരെ യാത്ര ചെയ്യേണ്ടിവരും. ശ്രീനഗർ വിട്ടാൽ സോനാമാർഗ്, സോജി ലാ, ദ്രാസ്സ്, കാർഗിൽ, ലാമയുരു വഴി സംഗം, മാഗ്നെറ്റിക് ഹിൽ, മുതലായ സ്ഥലങ്ങൾ കടന്ന് ലേയിൽ എത്താം. ദീർഘ ദൂരം യാത്ര ചെയ്യാൻ ബുദ്ധിമുട്ടാണ് എങ്കിൽ ദ്രാസിലോ ലാമയുരുവോ നിൽക്കാം.

കാർഗിലിൽ എത്തും മുൻപായി ദ്രാസിന് അടുത്താണ് വാർ മ്യൂസിയം. കാർഗിലിനും ലെയ്ക്കും ഇടയിൽ ലാമയുരുവിന് അടുത്തായുള്ള ഫത്തു ലാ പാസ് എന്റെ പേർസണൽ ഫേവറേറ്റ് ആണ്. ഈ വഴിയിൽ ദ്രാസ്സ് എന്റെ ഏറ്റവും പ്രിയപ്പെട്ട സ്ഥലമാണ്. സ്വന്തം വണ്ടിയിൽ വരുന്നവർ ശ്രീനഗർ വിറ്റാൽ ഗന്ദർബാൽ, കംഗൻ, സോനാമാർഗ്, കാർഗിൽ, ഖൽസി എന്നിവടങ്ങളിൽ മാത്രമാണ് പാമ്പുള്ളത് എന്നത് ശ്രദ്ധിക്കണം. ഏപ്രിൽ ആദ്യം സോജി ലാ ഒന്നിടവിട്ട ദിവസങ്ങളിലാണ് ഓരോ വശങ്ങളിലേക്കും വണ്ടികൾ കടത്തിവിടുക. അല്ലെങ്കിൽ ദിവസത്തിന്റെ ആദ്യ പകുതി ഒരു എട്ടു മണിക്ക് ശേഷം ഒരു വശത്തേക്കും മറു പകുതിയിൽ മറ്റേ വശത്തേക്കും. ഇതിൽ ഒരിളവും പ്രതീക്ഷിക്കേണ്ട.

മണാലി ലഡാഖ് വഴി തുറക്കാൻ ഏപ്രിൽ അവസാനമാകും. കൃത്യം തീയതി പറയാനാകില്ല. മണാലി-ലെ മാർഗ്ഗം ഒരു ദിവസം കൊണ്ട് എത്താതിരിക്കുന്നതാകും നല്ലത്. പന്ത്രണ്ടു മുതൽ പതിനെട്ടു മണിക്കൂർ വരെ സാധാരണ ഗതിയിൽ യാത്രാ സമയമെടുക്കും. എഴുപതു ശതമാനത്തോളം റോഡ് നല്ലതാണ്. ചിലയിടങ്ങളിൽ റോഡ് പണിയും നടക്കുന്നു. ഇടയിൽ പാങ്ങിലോ സർച്ചുവിലോ സ്റ്റേ ചെയ്യാം. ഉയരവും കാലാവസ്ഥയും കണക്കിലെടുക്കുമ്പോൾ സർച്ചുവാകും കൂടുതൽ ഉത്തമം.

റോത്താങ്, കീലോങ്, ജിസ്പ, ബരാലച്ച ലാ, സർച്ചു, ലാച്ചുലുങ് ലാ, പാങ്ങ്, തംഗ്ലാങ് ലാ, ഉപ്ഷി, കരു എന്നിവയാണ് വഴിയിലെ പ്രധാന സ്ഥലങ്ങൾ. കരുവെന്ന സ്ഥലം ലേയിൽ നിന്ന് നാല്പത്തിയഞ്ചു കിലോമീറ്റെർ അകലെയാണ്. കരുവിനും റോത്താങ്ങിനും ഇടയിൽ കീലോങിൽ മാത്രമാണ് പെട്രോൾ/ഡീസൽ പമ്പ് ഉള്ളത്. ഞാനാ വഴിക്ക് പോയപ്പോൾ പലപ്പോഴും അവൈഡ് ഇന്ധനം ഇല്ലാത്ത സാഹചര്യം ഉണ്ടായിട്ടുണ്ട്. അതുകൊണ്ട് സ്വന്തം വണ്ടിയിൽ പ്രസ്തുത വഴിയേ ലേയിൽ വരുന്നവരും മണാലി പോകുന്നവരും ഇന്ധനം കരുതണം. പോസ്റ്റ്പെയ്ഡ് നമ്പർ മാത്രമേ ലഡാഖ് ജമ്മു ശ്രീനഗർ പ്രദേശങ്ങളിൽ പ്രവർത്തിക്കൂ, BSNL, AIRTEL, JIO ആണ് ആകെ കിട്ടുന്നത്.

ഈ രണ്ടു വഴിയിലും റോഡ് മാർഗ്ഗം വരുമ്പോൾ കുടിവെള്ളം കരുതണം. ഇടയിൽ കാണുന്ന വെള്ളമൊക്കെ പിടിച്ചു കുടിച്ചാൽ നല്ല പണികിട്ടും. ആ വെള്ളത്തിലൊക്കെ മിനറൽസ് കൂടുതലാണ്. ശീലമുള്ളവർക്ക് കുഴപ്പമില്ല. ലൈറ്റ് ഫുഡ് കഴിക്കുന്നതാണ് നല്ലത്. ഇല്ലെങ്കിൽ വയറിളകും, ശർദിക്കും. പലവട്ടത്തെ അനുഭവം ഗുരു.

ഇനി ഫ്ലൈറ്റ് മാർഗ്ഗം വന്നാൽ, വെറും ഒന്നേകാൽ മണിക്കൂറിൽ ഫ്ലയിങ് ടൈമിൽ ഡൽഹിയിൽ നിന്നും മൂന്നു മണിക്കൂറിൽ മുംബൈയിൽ നിന്നും മുക്കാൽ മണിക്കൂറിൽ ശ്രീനഗറിൽ നിന്നും ലഡാക്കെത്താം. ശ്രീനഗർ ലഡാഖ് ഫ്ലൈറ്റിനുള്ളിലും നെറ്റ്വർക്ക് കിട്ടും. സത്യായിട്ടും. അനുഭവം സാക്ഷി.

Mainly for ladies: ഓപ്പൺ എയർ ആണ് പലപ്പോഴും ടോയ്‌ലറ്റിന്റെ കാര്യത്തിൽ നടക്കുവൊള്ളൂ. wetwipes കയ്യിൽ കരുതുന്നത് സ്ത്രീകൾക്ക് അത്യാവശ്യം. പീരീഡ്സ് പൊതുവെ നേരെത്തെയാകും. അതും പ്രതീക്ഷിക്കണം. പാഡ് വാങ്ങാൻ ഇടയിൽ കടയൊന്നും കിട്ടില്ല. ഇതിനെപ്പേടിച്ച് വെള്ളം കുടിക്കാതിരുന്നാൽ വരുന്ന വഴിക്ക് SNM ഹോസ്പിറ്റലിൽ നേരെ കേറി അഡ്മിറ്റ് ആകാം. തലവേദനയാണ് ആദ്യത്തെ ലക്ഷണം. സ്കിൻ ഡ്രൈയാകും. മോയിസ്ച്ചറൈസർ, ലിപ് ബാം, സൺസ്‌ക്രീൻ ഒക്കെ കയ്യിൽ കരുതണം. ലഡാഖ് വരുമ്പോൾ വരുമ്പോൾ സൺഗ്ലാസ് അത്യാവശ്യമാണ്, പൊങ്ങച്ചമല്ല.

NB: കഴിഞ്ഞ വർഷം ശ്രീനഗർ വഴി ഏപ്രിൽ രണ്ടിനാണ് അവശ്യ സാധനങ്ങളുമായി എന്റെ ഭർത്താവ് വണ്ടി ഓടിച്ചുകയറിയത്. മണാലി വഴി ഏപ്രിൽ ആദ്യം വണ്ടികൾ വന്നിരുന്നെങ്കിലും ഇടക്ക് മണ്ണിടിഞ്ഞ് വീണ്ടും വഴിയടഞ്ഞു.

എഴുത്ത്: ജോഷ്‌ന ഷാരോൺ ജോൺസൺ. ലഡാക്കിനെ സംബന്ധിച്ച സംശയങ്ങൾക്കായി വിളിക്കാം: ജോഷ്‌ന & സുധീഷ് 9539041383.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post