തൃശ്ശൂരിലെ പെണ്ണുങ്ങളുടെ ചങ്കായ ഒരു കെഎസ്ആർടിസി ബസ്

Total
13
Shares

കെഎസ്ആർടിസി ബസ്സുകളിൽ യാത്ര ചെയ്യാത്ത മലയാളികൾ കുറവായിരിക്കും. എന്നാൽ കെഎസ്ആർടിസിയുടെ ലേഡീസ് ഒൺലി ബസ് നിങ്ങൾ കണ്ടിട്ടുണ്ടോ? കുറച്ചുനാൾ മുൻപ് സ്ത്രീകൾക്ക് മാത്രമായി പിങ്ക് ബസ് എന്ന പേരിൽ ബസ്സുകൾ കെഎസ്ആർടിസി നിരത്തിലിറക്കിയെങ്കിലും അവയെല്ലാം (യാത്രക്കാരുടെ കുറവുമൂലമാണോ എന്തോ?) പിന്നീട് നിർത്തലാക്കപ്പെടുകയാണുണ്ടായത്. എറണാകുളത്തും മറ്റും ലേഡീസ് ഒൺലി ബസ് സർവ്വീസുകൾ ഒരിടയ്ക്ക് നടത്തിയിരുന്നെങ്കിലും പിന്നീട് അവയുടെ പതിയെ സർവ്വീസ് ആവസാനിപ്പിച്ചു.

ഈയൊരു അവസ്ഥയിലും തൃശ്ശൂരിൽ ഒരു ലേഡീസ് ഒൺലി ബസ് സർവ്വീസ് നടത്തുന്നുണ്ട് എന്ന വാർത്ത പുതുമയായിരിക്കും എല്ലാവർക്കും. മൂന്നര പതിറ്റാണ്ടിലേറെയായി മുടങ്ങാതെ സർവ്വീസ് നടത്തുന്ന, തൃശ്ശൂർ ഡിപ്പോയുടെ RAM 457 എന്ന ഈ ഓർഡിനറി പെൺബസ് സ്ഥിരയാത്രക്കാരായ പെൺകുട്ടികൾക്കും സ്ത്രീകൾക്കും തങ്ങളുടെ ‘ചങ്ക്’ തന്നെയാണ്.

ചാലക്കുടിയിൽ നിന്നുമാണ് ഈ പെൺബസ്സിന്റെ യാത്ര തുടങ്ങുന്നത്. രാവിലെ 6.55 നു ചാലക്കുടിയിൽ നിന്നും ‘തൃശ്ശൂർ, ചേറൂർ’ ബോർഡ് വെച്ചുകൊണ്ട് സർവ്വീസ് ആരംഭിക്കുന്ന ഈ ബസ്സിൽ ‘സ്ത്രീകൾ മാത്രം’ എന്നൊരു ബോർഡും കൂടിയുണ്ടാകും. തൃശ്ശൂരിലെ പ്രശസ്തമായ വനിതാകോളേജായ വിമല കോളേജ് ഭാഗത്തേക്ക് ആണ് ഈ പെൺബസ് സർവ്വീസ് നടത്തുന്നത്. തൃശ്ശൂർ എഞ്ചിനീയറിംഗ് കോളേജിലും ഇതിനടുത്തു തന്നെയാണ്. കൂടാതെ തൃശ്ശൂരിലും മറ്റും ജോലിയ്ക്ക് പോകുന്ന സ്ത്രീകൾക്കും RAM 457 തന്നെ ശരണം.

രാവിലെ 6.55 നു ചാലക്കുടിയിൽ നിന്നും പുറപ്പെടുന്ന ബസ് രാവിലെ 8.05 ഓടുകൂടി ബസ് വിമലാ കോളേജിനു സമീപത്ത് എത്തിച്ചേരും. പിന്നെ 8.30 നു പ്രസ്തുത ബസ് സാധാരണ ഓർഡിനറി ആയി (എല്ലാവർക്കും കയറാവുന്ന) ആലുവയിലേക്കാണ് പോകുന്നത്. പിന്നീട് കോളേജ് വിടുന്ന സമയം നോക്കി വൈകുന്നേരം 3.35 നു വിമലാ കോളേജ് പരിസരത്തു നിന്നും ബസ് വിദ്യാർത്ഥിനികളെയും കയറ്റി ചാലക്കുടിയിലേക്ക് സർവ്വീസ് നടത്തുന്ന ബസ് വൈകുന്നേരം 5 മണിയോടെ അവിടെയെത്തിച്ചേരുകയും ചെയ്യും. രാവിലെയും വൈകുന്നേരവും മാത്രമാണ് ഈ ബസ് ലേഡീസ് ഒൺലി ആകുന്നത്. ബാക്കി ട്രിപ്പുകളെല്ലാം സാധാരണ രീതിയിലാണ് ഓടുന്നത്.

രാവിലെയും വൈകുന്നേരവും സ്ഥിരമായി ഈ പെൺബസ്സിൽ യാത്ര ചെയ്യുന്ന സ്ത്രീകളും വിദ്യാർത്ഥിനികളും ഏറെയാണ്. ബസ് ജീവനക്കാരെല്ലാം ഇവർക്ക് സ്വന്തം ആങ്ങളമാരെപ്പോലെയും. അതുപോലെ യാത്രയ്ക്കിടയിൽ നിരവധി സുഹൃത്ബന്ധങ്ങളും ഇവർക്കിടയിൽ ഉടലെടുത്തിട്ടുമുണ്ട്. കോളേജ് വിദ്യാർഥിനികൾക്ക് പുറമെ എൻട്രൻസ് കോച്ചിംഗ് സെന്ററുകളിലേക്കു സ്ഥിരമായി പോകുന്നവരും RAM 457 ലെ സ്ഥിരയാത്രികരാണ്. ലേഡീസ് ഒൺലി ബസ് യാത്ര എല്ലാവരും നന്നായി ആസ്വദിച്ചു തന്നെയാണ് പോകുന്നത്.

സാധാരണ ബസ്സുകളിൽ തിക്കിലും തിരക്കിലും പെട്ട്, ചില സാമൂഹ്യവിരുദ്ധരുടെ ശല്യങ്ങളും സഹിച്ചു കൊണ്ട് മൂഡ്ഔട്ട് ആയി കോളേജിൽ എത്തുന്ന വിദ്യാർത്ഥിനികൾ നമ്മുടെ സമൂഹത്തിൽ ഏറെയാണ്. പണ്ടുമുതൽക്കേ ഇതൊരു സ്ഥിരം പല്ലവി തന്നെയാണ് താനും. ഇതിനെല്ലാം ഒരു മാറ്റം എന്ന നിലയിൽ ഇത്തരത്തിലുള്ള ലേഡീസ് ഒൺലി ബസ്സുകൾ രാവിലെയും വൈകുന്നേരവും തിരക്കേറിയ റൂട്ടുകളിൽ കെഎസ്ആർടിസി ഇനിയും ആരംഭിക്കണം എന്നാണ് സ്ത്രീയാത്രക്കാരുടെ ആവശ്യം.

ചിത്രം കടപ്പാട് – മാതൃഭൂമി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post