ലോകത്തിലെ ഏറ്റവും അപകടകരമായ ഒരു എയർപോർട്ട്

Total
1
Shares

എയർപോർട്ടുകൾ എന്നു കേൾക്കുമ്പോൾ നമ്മുടെ മനസ്സിൽ ഓടിയെത്തുന്നത് അടിപൊളി ടെർമിനലുകളും, വലിയ റൺവേയും, പരന്നുകിടക്കുന്ന സ്ഥലവും ഒക്കെയായിരിക്കും. എന്നാൽ ഈ വിശേഷണങ്ങൾക്കതീതമായി അപകടകരം എന്നു ചിന്തിപ്പിക്കുന്ന ചില എയർപോർട്ടുകളും ലോകത്തുണ്ട്.

അപകടകരമായവയിൽ ഏറ്റവും എടുത്തുപറയേണ്ട ഒരു എയർപോർട്ടാണ് നേപ്പാളിലെ ലുക്ല ഗ്രാമത്തിൽ സ്ഥിതിചെയ്യുന്ന ടെൻസിംഗ് ഹിലാരി എയർപോർട്ട്. ലുക്ല എയർപോർട്ട് എന്നും അറിയപ്പെടുന്ന ഈ എയർപോർട്ട് ലോകത്തിലെ ഏറ്റവും വെല്ലുവിളി നിറഞ്ഞതും പേടിപ്പിക്കുന്നതുമാണ്.

ഏകദേശം 9,500 അടി ഉയരത്തിൽ, വലിയ മലനിരകൾക്കിടയിലായാണ് ഈ എയർപോർട്ട് സ്ഥിതിചെയ്യുന്നത്. ടേബിള്‍ ടോപ് റണ്‍വേയുള്ള ഇവിടെ ലാന്‍ഡിംഗും ടേക്ക് ഓഫുമെല്ലാം ബുദ്ധിമുട്ടേറിയ കാര്യമാണ്. രണ്ട് മലകള്‍ക്കിടയിലുള്ള വിടവില്‍ മണ്ണിട്ട് നിറച്ച് നിരപ്പാക്കി ഉണ്ടാക്കുന്നവയാണ് ടേബിള്‍ ടോപ് റണ്‍വേകൾ. നമ്മുടെ കരിപ്പൂർ വിമാനത്താവളത്തിലെ റൺവേ ഇപ്രകാരമുള്ളതാണ്.

നേര്‍ത്ത വായു, റൺവേയുടെ നീളക്കുറവ്, പര്‍വതങ്ങളാല്‍ ചുറ്റപ്പെട്ടത് എന്നിവയൊക്കെ ഇവിടെ (ലുക്ല) പൈലറ്റുമാര്‍ക്ക് കടുത്തവെല്ലുവിളിയാണ് ഉയര്‍ത്തുന്നത്. അതുകൊണ്ടുതന്നെ പരിചയസമ്പന്നരായ പൈലറ്റുമാർക്ക് മാത്രമേ ഇവിടെ വിമാനം നിയന്ത്രിക്കുവാൻ സാധിക്കുകയുള്ളൂ.

ഹിമാലയൻ പർവതങ്ങളിലെ അതിവേഗം മാറിക്കൊണ്ടിരിക്കുന്ന കാലാവസ്ഥ, കുത്തനെയുള്ള റൺവേ ഉപരിതലം, ലംബമായ ഡ്രോപ്പ് ഓഫ് എന്നിവ ലോകത്തിലെ ഏറ്റവും ഉയർന്ന വിമാനത്താവളങ്ങളിലൊന്നായ ഇത് നേരിടുന്ന പ്രതിസന്ധികളില്‍ ചിലത് മാത്രമാണ്.

ആദ്യമായി എവറസ്റ്റ് കൊടുമുടി കയറിയ ടെൻസിങ് നോർഗെയും എഡ്മണ്ട് ഹിലരിയുമാണ് ഈ വിമാനത്താവളം നിർമ്മിക്കുവാനായി മുൻകൈയെടുത്തത്. 1964 ലാണ് ലുക്ല ഗ്രാമത്തിൽ വിമാനത്താവളം യാഥാർഥ്യമായത്. പിന്നീട് 2008 ലാണ് ലുക്ല വിമാനത്താവളത്തെ ടെന്‍സിംഗ്-ഹിലരി എയർപോർട്ട് എന്ന് പുന:നാമകരണം ചെയ്തത്.

റോഡുകളോ വാഹനങ്ങളോ കടന്നുചെല്ലാത്ത ഒരു ഗ്രാമമാണ് ലുക്ല. ആയതിനാൽ ഇവിടത്തുകാർക്ക് പുറംലോകവുമായി ബന്ധപ്പെടാൻ വിമാനമാർഗ്ഗം തന്നെയാണ് ആശ്രയം. കൂടാതെ എവറസ്റ്റ് യാത്രികർ, ലുക്ലയിലേക്ക് വരുന്ന സഞ്ചാരികൾ എന്നിവരൊക്കെയാണ് ഈ എയർപോർട്ടിലെ യാത്രികർ.

ആധുനിക എയര്‍ ട്രാഫിക് നിയന്ത്രണ സവിശേഷതകളില്ലാത്ത വിമാനത്താവളത്തിന് വളരെ കുറച്ച് വൈദ്യുതി മാത്രമേയുള്ളൂ. അതും സോളാർ ഉപയോഗിച്ചാണ് പ്രവർത്തിക്കുന്നത്. ഒരു വിമാനത്താവളത്തിൻ്റെ യാതൊരു ഭാവവുമില്ലാതെ പ്രവർത്തിക്കുന്ന ഈ എയർപോർട്ട് ടെർമിനൽ പുറമെ നിന്നും കണ്ടാൽ വേറെന്തോ കെട്ടിടമാണെന്നേ തോന്നൂ.

2010 ൽ 20 വർഷത്തെ കാലയളവിൽ ലോകത്തിലെ ഏറ്റവും അപകടകരമായ വിമാനത്താവളമായി ഹിസ്റ്ററി ചാനൽ ലുക്ല എയർപോർട്ടിനെ വിലയിരുത്തിയിരുന്നു. ഈ എയർപോർട്ടിൽ പല അപകടങ്ങളിലായി ധാരാളമാളുകൾ മരണപ്പെട്ടിട്ടുണ്ട് എന്ന കാര്യം ഞെട്ടിക്കുന്നത് തന്നെയാണ്.

2008 ഒക്ടോബര്‍ 8 ന് ഇവിടെവെച്ച് യെതി എയര്‍ലൈന്‍സിൻ്റെ വിമാനത്തിന് തീപിടിക്കുകയും 18 പേര്‍ മരിക്കുകയും ചെയ്തു. അന്ന് ആ അപകടത്തിൽ വിമാനത്തിന്റെ ക്യാപ്റ്റന്‍ മാത്രമായിരുന്നു രക്ഷപ്പെട്ടത്. കൂടാതെ 2019 ൽ പറന്നുയരാൻ ശ്രമിക്കുന്നതിനിടെ റൺവേയിൽ നിന്ന് തെന്നി നീങ്ങിയ ഒരു ചെറുവിമാനം വിമാനത്താവളത്തിൽ പാർക്ക് ചെയ്തിരുന്ന ഹെലികോപ്റ്ററിൽ ഇടിച്ച് കോ-പൈലറ്റും 2 പൊലീസുകാരും മരണമടഞ്ഞിരുന്നു. സംഭവസമയത്തെ പ്രതികൂല കാലാവസ്ഥയായിരുന്നു അപകടത്തിന് കാരണം. ഇതുവരെ പത്തിലേറെ അപകടങ്ങൾ ഇവിടെ നടന്നിട്ടുണ്ട്.

സിതാ എയർ, സമ്മിറ്റ് എയർ, താര എയർ എന്നീ എയർലൈനുകളാണ് ലുക്ല എയർപോർട്ടിലേക്ക് നിലവിൽ സർവ്വീസ് നടത്തുന്നത്.

കാര്യങ്ങൾ ഇങ്ങനെയൊക്കെയാണെങ്കിലും ഈ എയർപോർട്ട് ഒരു സംഭവം തന്നെയാണ് എന്നു പറയാതെ വയ്യ. സാഹസികപ്രിയരായിട്ടുള്ളവർ ഒരിക്കലെങ്കിലും ഇവിടത്തെ ലാൻഡിംഗും ടേക്ക്ഓഫും ഒന്ന് എക്സ്പീരിയൻസ് ചെയ്യേണ്ടതാണ്. സഞ്ചാരികൾക്ക് താമസിക്കുവാനായി ധാരാളം ഹോംസ്റ്റേകളും എയർപോർട്ടിന് തൊട്ടടുത്തായുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post