KURTC ലോഫ്ലോർ ബസുകളിലെ ഡോർ അടച്ചുകെട്ടി; വീൽചെയർ യാത്രികർക്ക് തിരിച്ചടി…

Total
0
Shares

എന്ത് കൊണ്ടാണ് വീൽ ചെയറിലുള്ളവർ പൊതു ഇടങ്ങളിലേക്ക് ഇറങ്ങാൻ മടിക്കുന്നത്? ഒരിക്കലും മടിക്കരുത് എന്നാണു എല്ലാവരോടുമായി പറയുവാനുള്ളത്. തളർന്നു പോയാൽ വീടിനകത്തിരുന്നു ജീവിതം കഴിച്ചുകൂട്ടാതെ വീൽ ചെയറിന്റെ സഹായത്തോടെ ഇഷ്ടമുള്ളിടത്തേക്ക് യാത്ര ചെയ്ത് സന്തോഷം കണ്ടെത്തുന്ന ധാരാളമാളുകൾ നമ്മുടെ സമൂഹത്തിലുണ്ട്. അപ്പോൾ നിങ്ങൾ വിചാരിക്കും എത്ര ദൂരം വീൽ ചെയറിൽ സഞ്ചരിക്കുവാൻ സാധിക്കുമെന്ന്. അതിനുമുണ്ട് ഒരു മാർഗ്ഗം.

കേരളത്തിലുടനീളം ഒഴുകിനടക്കുന്ന KURTC ലോഫ്ലോർ ബസ്സുകൾ കണ്ടിട്ടില്ലേ? ഇവയിൽ പിൻഭാഗത്തെ ഡോറിൽ ഒരു റാംപ് വീൽചെയറിൽ സഞ്ചരിക്കുന്നവർക്കായി പ്രവർത്തനസജ്ജമാണെന്ന് അധികമാർക്കും അറിയാത്ത കാര്യമായിരിക്കും. പിന്നിലെ ഡോർ തുറന്നു ഈ റാംപ് പുറത്തെടുത്താൽ എളുപ്പത്തിൽ വീൽചെയറുകൾ ബസ്സിനകത്തേക്ക് കയറ്റുവാൻ സാധിക്കും. ഇനി ബസ്സിനകത്തു കയറിയാൽ വീൽ ചെയർ ഉരുണ്ടുകളിക്കും എന്ന പേടിയും വേണ്ട. അതിനായി വീൽചെയർ ഒരു ഭാഗത്ത് ലോക്ക് ചെയ്യുന്ന സംവിധാനവും നമ്മുടെ ലോഫ്‌ളോർ വോൾവോ ബസ്സുകളിലുണ്ട്. ടെക്‌നോളജി എല്ലാവർക്കും ഉപകാരപ്പെടട്ടെന്നേ.

ലോഫ്‌ളോർ ബസുകളിലെ ഈ സൗകര്യം ഉപയോഗിച്ചുകൊണ്ട് വീൽചെയറിൽ കേരളത്തിലുടനീളം സഞ്ചരിക്കുന്ന ധാരാളമാളുകളുണ്ട്. ഭൂരിഭാഗമാളുകളും ഇലക്ട്രിക് വീൽചെയർ ഉപയോഗിക്കുന്നവരാണ്. ബാംഗ്ലൂർ ഡെയ്‌സ് എന്ന സിനിമയിൽ പാർവ്വതി ഉപയോഗിക്കുന്ന വീൽചെയർ ഓർമ്മയില്ലേ? അതുതന്നെ സംഭവം. അല്ലാ, പറഞ്ഞു വന്നപ്പോഴാണ് ബസ്സിൽ വീൽചെയർ കയറ്റി സഞ്ചരിക്കുന്ന ദൃശ്യങ്ങൾ നിങ്ങൾക്ക് ബാംഗ്ലൂർ ഡേയ്‌സ് സിനിമയിൽ കാണാവുന്നതാണ്.

കാര്യങ്ങൾ ഇങ്ങനെയൊക്കെയാണെങ്കിലും അടുത്തിടെ കണ്ടക്ടർ ക്ഷാമം കാരണം ലോഫ്‌ളോർ ബസുകളിൽ ഡ്രൈവർ കം കണ്ടക്ടർ സംവിധാനം കൊണ്ടുവന്നു സർവ്വീസ് നടത്തുവാനാരംഭിച്ചപ്പോൾ ഡ്രൈവർക്ക് സീറ്റിലിരുന്നുകൊണ്ടു തന്നെ എളുപ്പത്തിൽ ടിക്കറ്റ് കൊടുക്കുന്നതിനും ടിക്കറ്റ് എടുക്കാത്തവരെ ചെക്ക് ചെയ്യുന്നതിനുമായി പിന്നിലെ ഡോർ തുറക്കുവാൻ കഴിയാത്ത വിധം ബന്ധിപ്പിക്കുകയുണ്ടായി. പക്ഷേ ഈ പരിഷ്‌ക്കാരം പാരയായി മാറിയത് മുൻപ് പറഞ്ഞ വീൽചെയർ ഉപയോക്താക്കൾക്കാണ്.

2015 ൽ തിരുവനന്തപുരം സ്വദേശി മോനു വർഗ്ഗീസ് എന്ന വ്യക്തി KURTC ലോഫ്‌ളോർ ബസ്സുകളിൽ അംഗപരിമിതർക്ക് ഇലക്ട്രോണിക് വീൽചെയർ ഉപയോഗിച്ച് ബസ്സിൽ കയറുന്നതിനായി സൗകര്യം ഏർപ്പെടുത്തണം എന്നുകാണിച്ച് KSRTC മാനേജ്‌മെന്റിനും ബഹു. കേരള മുഖ്യമന്ത്രിയ്ക്കും നിവേദനം സമർപ്പിക്കുകയുണ്ടായി. അദ്ദേഹത്തിൻ്റെ നിവേദനം സ്വീകരിച്ച KSRTC മാനേജ്‌മെന്റ് KURTC AC ബസ്സുകളിൽ പിന്നിലെ ഡോറിനു സമീപത്തായി സജ്ജമാക്കിയിട്ടുള്ള ഫോൾഡിംഗ് വീൽചെയർ റാംപ് നിവർത്തി അംഗപരിമിതരായ യാത്രക്കാർക്ക് ബസ്സിൽ കയറുന്നതിനു സൗകര്യം ഡ്യൂട്ടിയിലുള്ള കണ്ടക്ടർമാർ ഒരുക്കണമെന്നും ഇത്തരം സൗകര്യം ലഭ്യമാണെന്നു കാണിച്ച് ഡോറിനു സമീപത്തായി സ്റ്റിക്കർ പഠിക്കണമെന്നും ഉത്തരവിട്ടിട്ടുണ്ടായിരുന്നു. എന്നാൽ ആ ഉത്തരവിനു മീതെയാണ് കെഎസ്ആർടിസിയുടെ ഈ ‘ഡോർ അടച്ചുകെട്ടൽ’ പ്രക്രിയ.

മുൻപ് ഇതേ കാര്യത്തിൽ പരാതി നൽകിയ മോനു വർഗ്ഗീസ് 2019 ഫെബ്രുവരി 7 നു തിരുവനന്തപുരത്തു നിന്നും പത്തനംതിട്ടയിലേക്ക് പോകുവാനായി തൻ്റെ വീൽചെയറിൽ കേശവദാസപുരത്തു ബസ് കാത്തുനിൽക്കുകയായിരുന്നു. ബസ് വന്നു നിർത്തിയപ്പോൾ പിന്നിലെ ഡോർ തുറക്കുവാൻ ഇദ്ദേഹം ഡ്രൈവറോട് ആവശ്യപ്പെട്ടു. എന്നാൽ പിന്നിലെ ഡോർ അടച്ചുകെട്ടിയതിനാൽ ഡ്രൈവർക്ക് നിസ്സഹായനായി നിൽക്കുവാനേ സാധിച്ചുള്ളൂ. ഫലമോ ആ പാവം യാത്രക്കാരന്റെ യാത്ര മുടങ്ങുകയും ചെയ്തു. ഈ കാര്യം കെഎസ്ആർടിസിയുടെ തിരുവനന്തപുരം ഓഫീസിൽ വിളിച്ച് മോനു അന്വേഷിച്ചപ്പോൾ പിന്നിലെ ഡോർ അടയ്ക്കുവാനാണ് മാനേജ്‌മെന്റ് തീരുമാനമെന്നും തങ്ങൾക്ക് മറ്റൊന്നും ചെയ്യാൻ സാധിക്കില്ലെന്നുമാണ് അവർ അറിയിച്ചത്.

ഡ്രൈവർ കം കണ്ടക്ടർ എന്നത് നല്ലൊരു മാർഗ്ഗമാണെങ്കിലും നമ്മുടെ സമൂഹത്തിൽ നമ്മെപ്പോലെ സഞ്ചരിക്കുവാൻ കഴിയാത്ത, വീൽചെയർ ഉപയോഗിക്കുന്ന മോനുവിനെപ്പോലുള്ളവരുടെ യാത്രകൾക്കും സ്വപ്നങ്ങൾക്കും അവകാശങ്ങൾക്കും കടിഞ്ഞാണിടാൻ തക്കവിധത്തിലുള്ളതാകരുത് അവ. മോനുവിനെപ്പോലെ എത്രയോ ആളുകൾ KURTC ലോഫ്‌ളോർ ബസ്സുകളുടെ ഈ റാംപ് സംവിധാനത്തെ ആശ്രയിച്ചുകൊണ്ട് യാത്ര ചെയ്യുന്നു. അവർക്കെല്ലാം ഈ ഡോർ അടച്ചുകെട്ടൽ പ്രക്രിയ മൂലം സംഭവിച്ചിരിക്കുന്ന നഷ്ടവും വിഷമവും എത്രയോ വലുതായിരിക്കും എന്നാലോചിച്ചിട്ടുണ്ടോ?

എന്തായാലും കെഎസ്ആർടിസി മാനേജ്‌മെന്റ് ഇത്തരത്തിലുള്ള അംഗപരിമിതർക്കുള്ള യാത്രാ സൗകര്യങ്ങൾ അനുവദിച്ചു കൊടുത്തേ മതിയാകൂ. അതിനുള്ള പ്രായോഗിക നടപടികൾ എളുപ്പം എടുത്തുകൊണ്ട് ഇത്തരക്കാരുടെ യാത്രാക്ലേശത്തിനു ഒരു പരിഹാരം കെഎസ്ആർടിസിയും സർക്കാരും ചേർന്ന് കണ്ടെത്തുമെന്നു പ്രത്യാശിക്കുന്നു.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post