അവധികൾ ആഘോഷമാക്കാൻ കാസർഗോഡ് ജില്ലയിലെ ഒരു കിടിലൻ ബീച്ച് റിസോർട്ട്

Total
0
Shares

കണ്ണൂരിലെ കാഴ്ചകളൊക്കെ കണ്ടതിനു ശേഷം പിന്നീട് ഞങ്ങളുടെ യാത്ര കാസർഗോഡ് ഭാഗത്തേക്ക് ആയിരുന്നു. കാസർഗോഡ് ജില്ലയിലെ ബേക്കൽ ഫോർട്ടിന് സമീപമുള്ള മലബാർ ഓഷ്യൻ ഫ്രണ്ട് ബീച്ച് റിസോർട്ടിൽ താമസിക്കുക എന്നതായിരുന്നു ഞങ്ങളുടെ ലക്‌ഷ്യം.

അങ്ങനെ ഞങ്ങൾ കാഴ്ചകളൊക്കെ കണ്ടുകൊണ്ട് റിസോർട്ടിൽ എത്തിച്ചേർന്നു. മലബാർ ഓഷ്യൻ ഫ്രണ്ട് ബീച്ച് റിസോർട്ട്, കിടിലൻ ബീച്ച് വില്ലയും കോട്ടേജുകളുമായി ഒരൊന്നൊന്നര സ്ഥലം. റിസോർട്ടിന്റെ ഏരിയയിൽ കിടിലൻ ബീച്ച് ആണ് ഉള്ളത്. ഒരു പ്രൈവറ്റ് ബീച്ച് എന്ന് വേണമെങ്കിൽ പറയാം. റിസോർട്ടിലെ താമസക്കാർ അല്ലാതെ മറ്റു സഞ്ചാരികളൊന്നും ഈ ബീച്ചിൽ വരാറില്ല.

റിസോർട്ടിലെ പാർക്കിംഗ് ഏരിയയിൽ കാർ പാർക്ക് ചെയ്തിട്ട് ഞങ്ങൾ റിസോർട്ടിന്റെ എന്ട്രന്സിലേക്ക് കയറി. പതിവുപോലെ ഞങ്ങൾക്ക് റിസോർട്ടുകാർ അവരുടെ രീതിയിൽ സ്വീകരണം നൽകി. മറ്റു ഹോട്ടലുകളിലും റിസോർട്ടുകളിലും കണ്ടതിനേക്കാൾ ഇവിടെ വ്യത്യസ്തമായി തോന്നിയത് ഞങ്ങളെ അണിയിച്ച ചെറിയ ശംഘുകളും ചിപ്പികളും കൊണ്ടുണ്ടാക്കിയ ‘ഹാരം’ ആയിരുന്നു.

ലഗേജുകളൊക്കെ അവിടെ വെച്ചതിനു ശേഷം ഞങ്ങൾ നേരെ ബീച്ചിലേക്ക് ആയിരുന്നു പോയത്. നിറയെ തെങ്ങുകളുള്ള മനോഹരമായ ആ ബീച്ചിൽ ഗോവയിലൊക്കെ കണ്ടിട്ടുളളതു പോലത്തെ ബീച്ചിലേക്ക് നോക്കിയിരുന്നു റിലാക്സ് ചെയ്യുവാൻ പറ്റിയ ചെറിയ ചെറിയ ഹട്ടുകൾ ഉണ്ട്. വളരെ സുന്ദരമായ സ്ഥലമായിരുന്നു അത്. ഗസ്റ്റുകളുടെ സുരക്ഷയ്ക്കായി റിസോർട്ടിലെ സെക്യൂരിറ്റിക്കാരും അവിടെയുണ്ട്.

ബീച്ചൊക്കെ ഒന്നോടിച്ചു കണ്ടശേഷം ഞങ്ങൾക്കായി തയ്യാറാക്കിയിരുന്ന വില്ലയിലേക്ക് നീങ്ങി. അത്യാവശ്യം വലിയൊരു വില്ല തന്നെയായിരുന്നു ഞങ്ങൾക്കായി ഒരുക്കിയിരുന്നത്. ലിവിംഗ് റൂം, കിച്ചൻ, ബാത്ത് റൂം അറ്റാച്ചഡ് റൂമുകൾ എന്നിവയടങ്ങിയ അടിപൊളി വില്ല. വില്ലയുടെ സമീപത്ത് മനോഹരമായ തുളസിത്തറയും പിന്നിൽ കുട്ടികൾക്ക് കളിക്കുവാനുള്ള ഏരിയയും ഒക്കെയുണ്ട്. അതോടൊപ്പം വില്ലയുടെ പരിസരത്തിരുന്നു കൊണ്ട് ബീച്ച് ആസ്വദിക്കുവാനുള്ള സൗകര്യങ്ങളും ഉണ്ട്.

വില്ലയിൽ മൊത്തം രണ്ടു ബെഡ് റൂമുകൾ ഉണ്ടായിരുന്നു. ഒരു റൂം മാത്രമായിട്ട് നമുക്ക് ബുക്ക് ചെയ്യുവാൻ സാധിക്കില്ല, ബുക്ക് ചെയ്യുമ്പോൾ ഒരു വില്ല മുഴുവനായും എടുക്കേണ്ടി വരും. ബെഡ്‌റൂമിൽ വളരെ വലിയ ബെഡ് ആയിരുന്നു സജ്ജീകരിച്ചിട്ടുണ്ടായിരുന്നത്. മൂന്നു പേർക്ക് സുഖമായി ആ ബെഡിൽ കിടന്നുറങ്ങാൻ സാധിക്കും. ബാത്ത് റൂമും പ്രത്യേകതകൾ നിറഞ്ഞതായിരുന്നു. എന്തെന്നാൽ ബാത്ത് റൂമിൽ ഒരു തെങ്ങ് നിൽക്കുന്നുണ്ട്. വേണമെങ്കിൽ തെങ്ങിനെ ചുറ്റി നടന്നുകൊണ്ട് കുളിക്കാം..(ചുമ്മാ പറഞ്ഞതാണ് കേട്ടോ..).

വില്ല ചുറ്റിക്കാണുന്നതിനിടെ ഞങ്ങൾ മുൻപ് ഓർഡർ ചെയ്തിരുന്ന ഫുഡ് എത്തി. പ്രോൺസ് ബിരിയാണിയും വെജ് ബിരിയാണിയും ആയിരുന്നു ഞങ്ങൾ ഓർഡർ ചെയ്തിരുന്നത്. നല്ല വിശപ്പുണ്ടായിരുന്നതിനാൽ ശ്വേത ഫുഡ് വന്നപ്പോൾ കഴിക്കുവാൻ തയ്യാറായിത്തുടങ്ങി. വില്ല മുഴുവനും ഷൂട്ട് ചെയ്തിട്ടു കഴിച്ചാൽ മതിയെന്ന് ഞാൻ പറഞ്ഞപ്പോൾ മനസ്സില്ലാ മനസ്സോടെ ആ പാവം വിശപ്പ് അല്പസമയത്തേക്ക് മാറ്റി നിർത്തി.

ഭക്ഷണത്തിനു ശേഷം പിന്നീട് ഞങ്ങൾ പുറത്തെ കാഴ്ചകൾ കാണുവാനായി ഇറങ്ങി. കേരളത്തിൽ ഇതുപോലുള്ള മനോഹരമായ ബീച്ച് റിസോർട്ടുകൾ കുറവായതിനാൽ വ്യത്യസ്തമായ കാഴ്ചകളും അനുഭവങ്ങളുമായിരുന്നു ഞങ്ങളെ അവിടെ കാത്തിരുന്നത്. ബീച്ചിലും പരിസരത്തും കൂടി വേണമെങ്കിൽ നമുക്ക് ഒരു സൈക്കിൾ സവാരിയുമാകാം. അതിനായുള്ള സൈക്കിൾ റിസോർട്ടിൽ നിന്നും ഫ്രീയായിത്തന്നെ ലഭിക്കും.

സാധാരണ റിസോർട്ടുകളിൽപ്പോയാൽ മിക്കവാറും ആളുകൾ ഒന്നു റിലാക്സ് ആകുന്നതിനായി വിവിധതരം മസ്സാജുകൾ നടത്താറുണ്ട്. അതുപോലെതന്നെ ഈ റിസോർട്ടിലും ഒരു മസ്സാജ് സെന്റർ കം സ്പാ ഉണ്ട്. ഞാൻ പതിവുപോലെ മസ്സാജുകൾ തിരഞ്ഞെടുത്ത് ആസ്വദിച്ചു റിലാക്സ് ചെയ്യുകയുണ്ടായി.

അങ്ങനെ സമയം പോയിപ്പോയി രാത്രിയായി. ചുറ്റിനും കടലിന്റെയും ചീവീടിന്റെയും ശബ്ദം മാത്രം. മറ്റു ശബ്ദകോലാഹലങ്ങളോ തിരക്കോ ഒന്നുമില്ല. ഹണിമൂൺ ആഘോഷിക്കുവാനും ഫാമിലി പാർട്ടികൾ നടത്തുവാനും അനുയോജ്യമായ സ്ഥലം തന്നെയാണിത് എന്ന കാര്യത്തിൽ യാതൊരു തർക്കവുമില്ല. ‘സ്‌പെഷ്യൽ കാന്താരി കരിമീൻ’ ഉൾപ്പെടെയുള്ള വിഭവങ്ങളടങ്ങിയ ഇവിടത്തെ കിടിലൻ ഡിന്നറും ഞങ്ങൾ ആസ്വദിച്ചു. പിന്നെ ഞങ്ങൾ കിടക്കുവാനായി വില്ലയിലേക്ക് പോയി.

പിറ്റേദിവസം രാവിലെ ഞങ്ങൾ റിസോർട്ടിലെ മനോഹരമായ സ്വിമ്മിങ് പൂളിൽ ചെല്ലുകയും അവിടെക്കിടന്നു കുറേനേരം ആസ്വദിക്കുകയും ചെയ്തു. സ്വിമ്മിംഗ് പൂളിൽ ഞങ്ങളെക്കൂടാതെ കുറച്ച് വിദേശികളും ഉണ്ടായിരുന്നു. എന്തായാലും ഞങ്ങളുടെ ഈ മലബാർ യാത്രയിൽ ഇങ്ങനെയൊരു കിടിലൻ റിസോർട്ട് അനുഭവം ലഭിക്കുമെന്ന് വിചാരിച്ചിരുന്നില്ല. അതുകൊണ്ടുതന്നെ ഞങ്ങൾ വളരെയേറെ സന്തുഷ്ടരായിരുന്നു.

7000 രൂപ മുതൽ ഡീലക്സ്, ലക്ഷ്വറി റൂമുകൾ ലഭ്യമാണ് (2 പേർക്ക് ബ്രെക്ക്ഫാസ്റ്റ് സഹിതം), ബീച്ച് വില്ലയ്ക്ക് 15000 രൂപ മുതൽ. (7 പേർക്ക് വരെ) സീസൺ അനുസരിച്ച് റേറ്റിൽ വ്യത്യാസം വരാം. കൂടുതൽ വിവരങ്ങൾക്ക് വിളിക്കാം 9656373863, 0467 2288317 അല്ലെങ്കിൽ ഓൺലൈൻ ആയി ബുക്ക് ചെയ്യാം, Website: http://www.malabarresort.com/.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post