മാളൂട്ടി ചിക്കൻ കോർണർ; പാലോട്ടുവിളയിലെ വിജയൻ ചേട്ടൻ്റെ കട

Total
56
Shares

വിവരണം – ‎Praveen Shanmukom‎, ARK – അനന്തപുരിയിലെ രുചി കൂട്ടായ്മ.

പാലോട്ടുവിളയിലെ വിജയൻ ചേട്ടന്റെ കട. ഇത് ഒരു ബോർഡില്ലാ കട. പക്ഷേ മനോഹരമായൊരു പേരുണ്ട് മാളൂട്ടി. വിജയൻ ചേട്ടൻ മകളെ സ്നേഹത്തോടെ വിളിക്കുന്ന ആ പേര്.
1983 മുതൽ വിജയൻ ചേട്ടൻ മാളൂട്ടി ചിക്കൻ കോർണറിലുണ്ട്. പാലോട്ടുവിളയിൽ പലയിടങ്ങളിലായി മാറി ഈ ഒറ്റ മുറി കടയിൽ വന്നിട്ട് 15 വർഷമായി. 37 വർഷത്തെ പാചക അനുഭവങ്ങളുമായി ഇപ്പോൾ ഈ ലോക്ക്ഡൗണിലും ഭക്ഷണപ്രേമികൾക്ക് ഒരു വിരുന്നായി നമ്മളേയും കാത്തിരിക്കുന്നു.

ഈ വർഷം മാർച്ച് 7 നാണ് ആദ്യമായി പോയത്. വൈകുന്നേരം ഒരു നാല് മണി കഴിഞ്ഞ് കുടംബസമേതം ആണ് എത്തിയത്. വലിയ മേശയുടെ അരികിലെ കസേരകളിൽ നമ്മൾ നാല് പേർ സ്ഥാനം പിടിച്ചു. ഉച്ചയ്ക്ക് ഒന്നും കഴിച്ചിരുന്നില്ല. പെറോട്ട, ഹാഫ് ചിക്കൻ പെരട്ട്, ഹാഫ് ചിക്കൻ ഫ്രൈ, ബീഫ് റോസ്റ്റ് ഇവയാണ് വാങ്ങിയത്. എല്ലാം കൊള്ളാം. ഒന്നും മോശമല്ല. എങ്കിലും എന്തോ നല്ല വിശപ്പുണ്ടായിരുന്നിട്ടും അടിപൊളി എന്ന് ഹൃദയത്തിൽ തട്ടുന്ന രീതിയിൽ ഉള്ള ഒരു അനുഭവം അന്ന് ആ ദിവസം ഉണ്ടായില്ല. വിജയൻ ചേട്ടനോട് അനുഭവങ്ങൾ പങ്ക് വച്ചു, വിശേഷങ്ങൾ തിരക്കി വീണ്ടും വരാമെന്ന ഉറപ്പോടെ സ്നേഹപൂർവ്വം പടിയിറിങ്ങി.

അങ്ങനെയൊരു ലോക്ക്ഡൗൺ ദിനത്തിന് മുമ്പ് ബീഫ് പാഴ്സലായി വാങ്ങിക്കാൻ ചെന്നപ്പോൾ അത് തീർന്നിരുന്നു. വിട്ടില്ല. ലോക്ക്ഡൗണിന്റെ ഈ ദിനങ്ങളിൽ മെയ് 20 ന് വീണ്ടും ചെന്ന് ഒരു ബീഫ് പാഴ്സലായി വാങ്ങി. ഭാഗ്യം അത് ലാസ്റ്റ് ബീഫായിരുന്നു. എന്റെ പുറകിൽ നിന്ന ആൾക്ക് കിട്ടിയില്ല. മാസ്ക്ക് ഉണ്ടായിരിന്നിട്ടും ചേട്ടൻ എന്നെ തിരിച്ചറിഞ്ഞത് എനിക്കൊരു അദ്‌ഭുതമായി.

വീട്ടിൽ ചെന്ന് പൊതി തുറന്നു. ആ ഗ്രേവി എടുത്ത് ചുണ്ടിൽ വച്ചപ്പോഴേ തലയിൽ നൂറ് ബൾബുകൾ കത്തി. കിടുക്കാച്ചി. ഇപ്രാവശ്യം ശരിക്കും പൊളിച്ചു. ചേട്ടനെ സംതൃപ്തിയോടെ സ്മരിച്ച് ആ ബീഫ് നമ്മളെല്ലാം കൂടി അങ്ങ് തട്ടി. ആമ്പിയൻസ് ഒന്നും പ്രതീക്ഷിച്ച് അവിടെ ആരും പോകേണ്ട. ഇപ്പോൾ അതിന് ഒരു സ്ഥാനവും ഇല്ലെന്നത് വേറെ കാര്യം. മുമ്പ് പറഞ്ഞത് പോലെ ഒരു ഒറ്റ മുറി കടയാണ്. ഒരു ഏഴ് പേർക്ക് ഇരിക്കാം. പുറത്ത് ബോർഡ് ഒന്നും തന്നെ വച്ചിട്ടില്ല. കൂടുതലും പാഴ്സലകളുടെ ബഹളമാണ്. ഇപ്പോൾ ഈ ലോക്ക്ഡൗൺ സമയത്ത് പാഴ്സലുകൾ മാത്രമേ ഉള്ളു.

മുൻപ് രാവിലെ 10 മണി മുതൽ 9 മണി വരെ പ്രവർത്തിച്ചിരുന്നത് ഇപ്പോൾ രാവിലെ 7 മണി മുതൽ രാത്രി 7 മണി വരെയാണ്. വിഭവങ്ങൾ പഴയത് പോലെ പെറോട്ട, ബീഫ് റോസ്റ്റ്, ചിക്കൻ ഫ്രൈ, ചിക്കൻ പെരട്ട്. മായമില്ലാതെ വീട്ടിലെ പോലെ വിശ്വസിച്ച് കഴിക്കാമെന്നാണ് സ്വന്തം അനുഭവം.

താൻ ഉണ്ടാക്കുന്നത് ഒരു തരി മായം ഉണ്ടായിരിക്കരുതെന്നും അത് മറ്റുള്ളവർ നൂറ് ശതമാനം ഇഷ്ടത്തോടെ കഴിക്കണമെന്ന് കരുതലോടെ ആത്മാർത്ഥതയോടെ ഭക്ഷണം ഉണ്ടാക്കുന്ന വിളമ്പുന്ന ഒരു പക്കാ നാട്ടിൻപുറത്തുകാരന്റെ ശൈലികളുള്ള സഹൃദയനായ വിജയൻ ചേട്ടൻ. വിജയൻ ചേട്ടന്റെ കൂടെ വർഷങ്ങളായി ചേട്ടന്റെ സ്വന്തം ചേട്ടനായ രാമചന്ദ്രൻ ചേട്ടനും കൂടെയുണ്ട്. ഞായറായ്ഴ്ച കടയില്ല.

ലൊക്കേഷൻ: പേയാട്, തച്ചോട്ടുക്കാവ് നിന്ന് മലയൻകീഴ് പോകുമ്പോൾ മലയൻകീഴ് ജംഗ്ഷൻ എത്തുന്നതിന് ഒരു അര കിലോമീറ്റർ മുന്നിലായി വലതുവശത്ത്, പാലോട്ടുവിള എന്ന സ്ഥലത്ത്. അതു വഴി പോകുമ്പോൾ ഈ കടയും മറക്കണ്ട. രുചികൾ ഇവിടേയും ഒളിഞ്ഞിരിപ്പുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post