കന്യാകുമാരിയിൽ പോകുന്നവർക്ക് സന്ദർശിക്കാവുന്ന ഒരു കിടിലൻ ഗ്രാമം – മാമ്പഴതുറയാർ

Total
533
Shares

വിവരണം – ശിവകുമാർ.

തിരുവനന്തപുരം നഗരത്തിൽ നിന്ന് 66 കിലോമീറ്റർ അകലെയായി തമിഴ്നാട്ടിലെ കന്യാകുമാരി ജില്ലയിൽ സ്ഥിതിചെയ്യുന്ന ഒരു എർത്ത് (ഗ്രാവിറ്റി) ഡാമാണ് മാമ്പഴതുറയാർ. തമിഴ്നാട് അവസാനമായി നിർമ്മിച്ചതാണ് എന്ന ഒരു പ്രത്യേക ഈ ഡാമിനുണ്ട്. 2011-ലാണ് നിർമ്മാണം പൂർത്തിയാക്കിയത്.

നാഗർകോവിൽ റൂട്ടിൽ യാത്ര ചെയ്യുന്നവർ റോഡിനു കുറുകെ കടന്നു പോകുന്ന വില്ലുക്കുറിയിലെ അക്വാഡക്റ്റ് കണ്ടിട്ടുണ്ടാവും. അതിനു തൊട്ടുമുന്നെ ഇടത്തേയ്ക്ക് തിരിയണം. ഇനി മൂന്നര കിലോമീറ്ററുണ്ട്. മൊത്തം പൊട്ടിപ്പൊളിഞ്ഞ ചെറിയ റോഡാണ്.

ഒരുപാട് കരിങ്കൽ ക്വാറികൾ ഇവിടെ പ്രവർത്തിക്കുന്നു. മലകൾ ഇടിച്ചു മാറ്റിയതിന്റെ ബാക്കി കൽത്തൂണുകളായി പലയിടത്തും കാണാം. വസ്തുവിന്റെ അതിരുകല്ലാണത്. തുടർച്ചയായി പാറ പൊട്ടിക്കുന്നതുകാരണം ഡാമിന് ചോർച്ചയുണ്ട്. അതുപോലെ പാറപൊട്ടിക്കുന്ന ശബ്ദം കാരണം വന്യമൃഗങ്ങളും ഏറെക്കുറെ ഇവിടം ഉപേക്ഷിച്ചുപോയതായി പറയപ്പെടുന്നു.

റോഡിന്റെ വലതുവശത്തായി ഡാമിലെ വെള്ളം ഒഴുകിപ്പോകുന്ന കനാൽ. ഇടതുവശത്ത് കൃഷിസ്ഥലങ്ങളാണ്. വാഴകളും നെല്ലും കൃഷി ചെയ്തിരിക്കുന്നു. ഇപ്പോൾ കുറെ ദൂരം പുതിയതായി ടാർ ചെയ്തിരിക്കുന്നു. എന്നാലും വശങ്ങളിൽ പുതിയതായി നിരത്തിയ മണ്ണാണ്. അതിനാൽ എതിരെ വാഹനം വന്നാൽ കഷ്ടമാവും.

മുന്നിലായി മലകൾ ഉയർന്നു നിൽക്കുന്നു. ഈ മലനിരകൾക്കുമുണ്ട് ഒരു പ്രത്യേകത. പശ്ചിമഘട്ടത്തിലെ 39 സൈറ്റുകളെ യുണെസ്കോ വേൾഡ് ഹെരിറ്റേജ് ലിസ്റ്റിൽ ഉൾപ്പെടുത്തിയിട്ടുണ്ട്. പശ്ചിമഘട്ടത്തിന്റെ വാലറ്റമായ ഈ മലകളും അതിൽപ്പെടുന്നു.

യാത്ര ചെയ്തു കൊണ്ടിരിക്കുന്ന റോഡിൽ നിന്ന് വലത്തേയ്ക്ക് തിരിഞ്ഞ് കയറുമ്പോൾ പ്രവേശനകവാടം കാണാം. വാഹനം പാർക്ക് ചെയ്യാൻ അവശ്യം സ്ഥലമുണ്ട്. ടിക്കറ്റൊന്നുമില്ല. എന്നാലും ചിലസമയങ്ങളിൽ പ്രവേശനം അനുവദിക്കില്ല. വെറുതെ കുറെ സമയം നോക്കി നിന്നാൽ മതി, മേഘങ്ങളിറങ്ങിവന്ന് മലകളെ തൊടുന്നത് കാണാം, അതും തൊട്ടു മുന്നിൽ, കയ്യെത്തും ദൂരത്ത്. മലനിരകൾ ആകാശത്തോളം ഉയരുകയാണോ അതോ ആകാശം മലനിരകളിലേയ്ക്കിറങ്ങി വരികയാണോ എന്ന് തോന്നിക്കുംവിധം മേഘങ്ങൾ വന്നുമൂടുന്ന മലനിരകൾ.

വെയിലും നിഴലും ഇടകലർന്ന് കിടക്കുന്ന മലനിരകൾ ഒരു പ്രത്യേക അനുഭവമാണ്. ഏതുസമയത്തും മഴ പ്രതീക്ഷിക്കാം. കൊടുംവെയിലിൽ നടന്നുകയറി വന്ന് മഴയിൽ നനഞ്ഞ് തിരികെപ്പോകാം. കൂടുതലൊന്നും പറയുന്നില്ല. പറഞ്ഞാലോ ക്യാമറയിൽ പകർത്തിയാലോ ഒന്നുമാകില്ല. അപ്പോൾ അടുത്ത പ്രാവശ്യം കന്യാകുമാരിയിലോ വേളിമലയിലെ കുമാരകോവിലിലോ വരുന്നവർ ഈ സ്ഥലം കൂടി വിസിറ്റ് ചെയ്യാൻ ശ്രമിക്കുക.

റൂട്ട്: തിരുവനന്തപുരം – തക്കല – വില്ലുക്കുറി – മാമ്പഴതുറയാർ. ലൊക്കേഷന് ഈ ലിങ്ക് ഉപയോഗിക്കുക : https://maps.app.goo.gl/ZPX2pQySiqn9EG958. NB: കടകളൊന്നുമില്ല. നിലവിൽ നല്ല വൃത്തിയുള്ള സ്ഥലമാണ്. ഇനിയും അങ്ങനെ തുടരാൻ അനുവദിക്കുക. എല്ലാവർക്കും നല്ലൊരു യാത്ര ആശംസിക്കുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post