മണി മെസ്സിലെ ഊണിൻ്റെ രുചിയിലെ ഓർമകളിലൂടെ

Total
66
Shares

വിവരണം – ‎Praveen Shanmukom‎ to ARK – അനന്തപുരിയിലെ രുചി കൂട്ടായ്മ.

പലരും പറഞ്ഞു പറഞ്ഞു മനസ്സിൽ പതിഞ്ഞൊരു പേര് മണി മെസ്സ്. ഫെബ്രുവരി മാസാവസാനം, തിളയ്ക്കുന്ന വെയിലുള്ള ഒരു ഉച്ച നേരം മണക്കാട് അഗ്രഹാര തെരുവകൾക്കിടയിലൂടെ മണി മെസ്സിലെത്തി.

പ്രതീക്ഷിച്ച പോലെ തന്നെ ആളുകളുടെ തിരക്ക് ഉണ്ടായിരുന്നു. ഇവിടെ ടോക്കൺ സിസ്റ്റം ആണ്. മുൻഗണനാ ക്രമം അങ്ങനെ നോക്കാറില്ല. ടോക്കൺ എടുക്കുക, ഒഴിവു നോക്കി കഴിയുന്നതും മുന്നിൽ നിൽക്കുക. അകത്തിരിക്കുന്ന ആളുകൾ കഴിച്ചു ഇറങ്ങുമ്പോൾ മുപ്പതോളമുള്ള ഇരിപ്പിടങ്ങൾ കണക്കാക്കി പുറത്തു കാത്തു നിൽക്കുന്നവരെ ഒരു ബാച്ചായിട്ടു അകത്തു കേറ്റും. ഇതാണ് ഇവിടത്തെ സമ്പ്രദായം. ഒരു പത്തു മിനിട്ടിന്റെ കാത്തിരിപ്പിനൊടുവിൽ അകത്തു സീറ്റ് കിട്ടി.

മുന്നിൽ രണ്ടു സ്റ്റീൽ പാത്രങ്ങൾ, ഒന്നിൽ ചോറും സാമ്പാറും പപ്പടവും പരിപ്പ് വടയും. കറികളായി വേറൊരു പാത്രത്തിൽ ബീൻസ് തോരനും , നാരങ്ങാ അച്ചാറും, വെള്ളിരിക്കയൊക്കെ ചേർന്നൊരു കറിയും. 2 ഗ്ലാസ്സുകളിലായി കരിങ്ങാലി വെള്ളവും തൈരും.

എല്ലാം നല്ല ചൂട് ചൂടാണ്. നല്ല വെള്ള ചെറു മണിയരിയിലുണ്ടാക്കിയ ചോറിന്റെ രുചി വളരെ ഇഷ്ട്ടപ്പെട്ടു. കൂടെ കിട്ടിയ സാമ്പാറും തൊടു കറികളുമെല്ലാം പൊളിച്ചു. പരിപ്പ് വട ഇതിലെ ഒരു കിടുക്കാച്ചി ഐറ്റമാണ്. പറയാതിരിക്കാൻ ഒരു നിവർത്തിയുമില്ല. കൂടെ വന്ന കൂട്ടുകാരൻ വട അങ്ങനെ കഴിക്കാത്ത ആളാണ്. എന്നിട്ടും രണ്ടെണ്ണം വാങ്ങിച്ചു. ഞാനും. കപ്പലണ്ടി എണ്ണയാണ് വടയ്ക്കും എല്ലാത്തിനും ഉപയോഗിക്കുന്നത്.

ആ വട ആ ചോറിന്റെ കൂടെ തന്നെ അങ്ങനെ കഴിക്കണം അപ്പോഴാണ് അതിന്റെ ഒരു ടേസ്റ്റ്. ഒരു ഒന്നര ടേസ്റ്റാണ്. വായിൽ ഇപ്പോഴും വെള്ളം നിറയും. അത് പോലെ തന്നെ തൈരും അവിടത്തെ ഒരു ഘടാ ഘടിയാൻ ഐറ്റമാണ്, വിട്ടു കളയരുത്. സൂപ്പർ ടേസ്റ്റാണ്. സർവീസൊക്കെ എടു പിടിയെന്നാണ്. തൊടു കറികളൊക്കെ തീരുന്ന മുറയ്ക്ക് മുറയ്ക്ക് ഇങ്ങു എത്തും. അത് നോക്കാൻ വേണ്ടി പ്രത്യേകം ആളെ നിറുത്തിയിട്ടുണ്ട്.

ഒരു രീതിയിൽ നോക്കിയാൽ ഒരു സദ്യയുമായി താരതമ്യം ചെയ്താൽ സംഭവം ലളിതമാണ്, വളരെ കുറച്ചു കറികൾ, എങ്കിലെന്താ കഴിച്ച അനുഭവം വച്ച് നോക്കുമ്പോൾ വീണ്ടും അങ്ങോട്ട് ആകർഷിക്കുന്ന ഒരു പ്രത്യേകത ഉണ്ട് ഈ ഊണിന്. എന്താണെന്നു അറിയില്ല ആ കറികളുടെ രുചിയും, അവിടെയുള്ളവരുടെ മര്യാദയോട് കൂടിയുള്ള പെരുമാറ്റവും, വൃത്തിയും, ഊണ് സമയത്തു അലയടിക്കുന്ന സംഗീതവുമെല്ലാം കൂടി ചേർന്ന് ആകാം. വെറുതെയല്ല ആളുകൾ കുറച്ചു കാത്തു നിന്നായാലും കഴിക്കാനായി എത്തുന്നത്. വളരെ വളരെ സംതൃപ്തിയോടു കൂടിയാണ് അവിടെ നിന്ന് ഇറങ്ങിയത്.

ഒരു അമ്മയുടെ കയ്യിൽ നിന്നാരംഭിച്ച രുചിയുടെ മണി മുഴക്കം. 1977 കാലഘട്ടങ്ങളിൽ ആണ് ഈ രുചിയുടെ തുടക്കം കുറിച്ചത്. ശ്രീമതി കൃഷ്ണമ്മാൾ തുടക്കം കുറിച്ച ചെറിയ ഒരു ഭക്ഷണയിടം. ആദ്യ കാലങ്ങളിൽ ഇരുന്നു കഴിക്കാനുള്ള സൗകര്യമില്ലായിരുന്നു. പാഴ്‌സൽ, ഡെലിവറി സൗകര്യങ്ങൾ മാത്രമാണ് ഉണ്ടായിരുന്നത്. പൂജപ്പുര ഓഫീസ് സമുച്ചയങ്ങൾ , കേശവദാസപുരം തുടങ്ങി പല സ്ഥലങ്ങളിലും ഡെലിവറി നടത്തിയിരുന്നു.

1990 കളിൽ ഇരുന്ന കഴിക്കാവുന്ന സൗകര്യങ്ങളാക്കെയൊള്ള ഒരു ഭക്ഷണയിടമായി മാറി. അമ്മയുടെ അനാരോഗ്യം കണക്കിലെടുത്തു മകൻ, ശ്രീ കൃഷ്ണമൂർത്തി എന്ന മണി, 1994 ൽ മണി മെസ്സിന്റെ സാരഥ്യം പൂർണമായി ഏറ്റെടുത്ത് നടത്തി വരുന്നു. 2000 ൽ ശ്രീമതി കൃഷ്ണമ്മാൾ കാല യവനികയ്ക്കുള്ളിൽ മറഞ്ഞു.

മണി മെസ്സിലെ ദിനചര്യകൾ – രാവിലെ 6:30 ക്ക് മണി മെസ്സ് തുറക്കും. ഇഡ്ഡലി, പൂരി, ദോശ – നെയ് റോസ്റ്റ്‌റ് സാദാ ദോശ, ചമ്മന്തി, സാമ്പാർ, തക്കാളി ചമ്മന്തി, ഉഴുന്നു വട തുടങ്ങിയ വിഭവങ്ങൾ. ഒരു 11 മണി വരെ പ്രഭാത ആഹാരത്തിനുള്ള സമയമാണ്. ഉച്ചയ്ക്ക് 12:15 മുതലാണ് ഊണ് സമയം. ഒരു 3:15 മണിയാകുമ്പോഴേ ഊണ് തീരും. 4 മണിയാകുമ്പോൾ കട അടയ്ക്കും. മുൻപ് വൈകുന്നേരങ്ങളിൽ ഒരു 6 മണി മുതൽ രാത്രി 10 മണി വരെ കാപ്പി, ദോശ വിഭവങ്ങൾ, ഉള്ളി വട , സേവ, രസ വടയൊക്കെ ഉണ്ടായിരുന്ന ഒരു കാലം ഉണ്ടായിരുന്നു. നല്ല ചെലവുമായിരുന്നു. മണി ചേട്ടന്റെ അനാരോഗ്യങ്ങൾ കാരണം വൈകുന്നേരത്തെ ആഹാരം. നിർത്തി. ഇപ്പോൾ ഉച്ച വരെ മാത്രം.

ചെറിയ തോതിലുള്ള കാറ്ററിംഗ് വർക്കുകൾ ഏറ്റെടുത്തു നടത്തി വരുന്നു. ഊണ് എന്തായാലും ഇനിയും കഴിക്കും എങ്കിലും എന്റെ അടുത്ത ലക്ഷ്യം അവിടത്തെ പ്രഭാത ഭക്ഷണമാണ്. ആ നല്ല നാളുകൾക്കായി കാത്തിരിക്കുന്നു.

Seating Capacity: 30, Timings: 6:30 AM to 4 PM, Address : Mani Mess, TC 40, 540, 3rd Puthen St, Near Mani Fashion Jewellwers, Muttathara, Thiruvananthapuram.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post