മേഘങ്ങൾക്ക്‌ മുകളിൽ മീശപ്പുലിമലയിലേക്ക്‌ എങ്ങനെ പോകാം?

Total
0
Shares

മീശപ്പുലിമലയിലേക്കുള്ള യാത്രയിലാണ് ഞങ്ങൾ. റോഡോ മാൻഷനിലെ ഉറക്കം അതിമനോഹരമായിരുന്നു. രാവിലെ നേരത്തെ തന്നെ എഴുന്നേറ്റ് കുളിച്ചു റെഡിയായ ശേഷം ബ്രേക്ക്ഫാസ്റ്റ് കഴിക്കുവാനായി ഞങ്ങൾ ഡൈനിങ് റൂമിലേക്ക് ചെന്നു.നല്ല ആവി പറക്കുന്ന ചായയും പൂരി ബാജിയും ആയിരുന്നു പ്രഭാത ഭക്ഷണം. നല്ല ടേസ്റ്റ് ആയിരുന്നു. പ്രഭാത ഭക്ഷണത്തിനു ശേഷം ഞങ്ങൾ മീശപ്പുലിമലയിലേക്ക് യാത്രയാരംഭിച്ചു.രാജൻ ചേട്ടനായിരുന്നു ഞങ്ങളുടെ ഗൈഡ്. താഴെ നിന്നും ട്രെക്ക് ചെയ്ത് വരികയാണെങ്കിൽ ഒരു വശത്തേക്ക് മാത്രം എട്ടര കിലോമീറ്റർ നടക്കേണ്ടി വരുമെന്ന് രാജൻ ചേട്ടൻ പറഞ്ഞു. ട്രെക്കിംഗ് ബുദ്ധിമുട്ടായി തോന്നുന്നവർക്ക് താഴെ നിന്നും ജീപ്പ് പിടിച്ച് റോഡോ മാൻഷനിൽ താമസിക്കാവുന്നതാണ്. മുൻകൂട്ടി ചെയ്തിട്ടു വേണം ഇവിടേക്ക് വരാൻ എന്ന കാര്യം മറക്കരുത്. റോഡോ മാൻഷനിൽ നിന്നും മീശപ്പുലിമലയിലേക്ക് കുറച്ചു ദൂരമേയുള്ളൂ.

അങ്ങനെ ഞങ്ങളുടെ മലകയറ്റം ആരംഭിച്ചു. പോകുന്ന വഴിയിൽ കണ്ട പൂക്കളെയും ചെടികളെയും ഒക്കെ രാജൻ ചേട്ടൻ ഞങ്ങൾക്ക് പരിചയപ്പെടുത്തി തന്നു. അദ്ദേഹത്തിൻറെ ആ അറിവുകൾക്ക് മുന്നിൽ ഞങ്ങൾ സല്യൂട്ട് അടിച്ചു നിന്നു. പോകുന്ന വഴിയിൽ ദൂരെ വരയാടുകൾ മേയുന്ന കാഴ്ച കാണുവാൻ ഇടയായി. അങ്ങ് ദൂരെ മീശപ്പുലിമല കോടമഞ്ഞു മൂടി ഞങ്ങളെയും കാത്ത് തലയുയർത്തി നിൽക്കുന്നു. നല്ല ഗ്രിപ്പ് ഉള്ള ഷൂസ് ഒക്കെയിട്ടു വേണം മല കയറുവാൻ.മലകയറ്റത്തിന് സഹായമായി മലനിരകള്‍ നിറയെ പുല്ലുകളുണ്ട്. മണ്ണൊലിപ്പ് തടയുന്നതിനും കാല്‍ വഴുതുന്നത് ഒഴിവാക്കാനും ഇത് ഉപകരിക്കുന്നു.

രണ്ടു കുന്നുകൾ കയറിയിറങ്ങി വേണം മീശപ്പുലിമലയിലെത്താൻ. രാജൻ ചേട്ടൻ നല്ല സ്പീഡിൽ ആയിരുന്നു കയറിക്കൊണ്ടിരുന്നത്. പുള്ളിയോടൊപ്പം എത്താൻ ഞങ്ങൾ കഷ്ടപ്പെട്ടു. ഇടയ്ക്ക് ഞങ്ങൾ കിതപ്പ് മാറ്റുവാനായി വിശ്രമിച്ചു. ആ സമയത്ത് വീശിയ കാറ്റ് കൊണ്ടപ്പോൾ ലഭിച്ച ഒരു സുഖം ഉണ്ടല്ലോ…ഹോ… സൂപ്പർ.. മീശപ്പുലിമലയിലേക്കുള്ള ട്രക്കിങ്ങിന്റെ അനന്ത സാധ്യത ഇനിയും അധികൃതര്‍ ഉപയോഗപ്പെടുത്തിയിട്ടില്ല. പ്രകൃതിയ്ക്ക് കോട്ടം തട്ടാതെയുള്ള നിരവധി ടൂറിസം പ്ലാനുകൾ ഇവിടെ യാഥാർഥ്യമാക്കാവുന്നതാണ്. ഇതൊക്കെ സംസാരിച്ചു കൊണ്ടായിരുന്നു ഞങ്ങളുടെ നടത്തം. കയറുന്നതിനിടെ ഒരു നല്ല മഴ പെയ്താൽ അത് നിന്നു കൊള്ളുകയല്ലാതെ വേറെ വഴിയില്ല. ഇത് മുന്നിൽക്കണ്ട് ക്യാമറ പൊതിയുവാനായി ഒരു കവർ കയ്യിൽ എടുത്തിരുന്നു. ഇങ്ങനെ കവറുമായി വരുന്നവർ ആ കവറുകൾ ഒന്നും ഇവിടെ ഇട്ടുകൊണ്ട് പോകാതിരിക്കുവാൻ ശ്രദ്ധിക്കണേ.

നവംബർ, ഡിസംബർ ,ജനുവരി മാസങ്ങളിൽ ഇവിടെ വരുന്നതാണ് വളരെ ഉത്തമം എന്ന് രാജൻ ചേട്ടൻ പറഞ്ഞു. ഈ ഏരിയയിൽ പുലിയും കടുവയും ഒക്കെ ഉണ്ടെന്നും മുൻപ് അവയെ കണ്ടിട്ടുണ്ടെന്നും രാജൻ ചേട്ടൻ പറയുകയുണ്ടായി. ഒരു പുലിയുടെ മുഖമുള്ള ഒരു പാറ മുകളിൽ ഉണ്ടെന്നും അതുകൊണ്ടാണ് ഇതിനു മീശപ്പുലിമല എന്ന പേര് വന്നതത്രേ. എന്നാൽ ഇത് കാണുവാൻ നമുക്കൊന്നും സാധ്യമല്ല. അത്രയ്ക്ക് അപകടം പിടിച്ച കൊക്കയ്‌ക്ക് അരികിലൂടെയുള്ള വഴിയാണ് അത്. മലകയറ്റത്തിന് പരിശീലനം ലഭിച്ച വിദേശികൾ എടുത്ത ചിതങ്ങളിൽ നിന്നുമാണ് നമ്മുടെയാളുകൾ ആ സംഭവം കണ്ടത്.

ഇനിയൊരു മാള കൂടി കയറിയാൽ മീശപ്പുലിമലയായി. മുകളിൽ മേഘങ്ങൾ പഞ്ഞിക്കെട്ടു പോലെ വിരിഞ്ഞു നിൽക്കുന്നു. മുകളിൽ ചെന്നാൽ നല്ല വ്യൂ ആയിരിക്കും. പെട്ടന്ന് അത് കയറുവാനുള്ള ഒരു ഊർജ്ജം എനിക്ക് കൈവന്നു. ചടപടാന്നു മലകയറി ഞാൻ മീശപ്പുലിമലയുടെ ഉച്ചിയിൽ എത്തിച്ചേർന്നു. വല്ലാത്തൊരു അനുഭവം തന്നെയായിരുന്നു അത്. വിദൂരമെങ്കിലും മഞ്ഞുമൂടിയ മലനിരകള്‍ കൈയെത്തും ദൂരത്ത് എന്നതുപോലെ അനുഭവപ്പെടുന്നു. താഴെ മേഘങ്ങളുടെ വശ്യതയും പൈൻ കാടുകളും പുൽമേടുകളും ഒക്കെ മാറി മാറി കാണാം. കോടമഞ്ഞു മാറുമ്പോൾ ഇവിടെ നിന്ന് ആനമുടി, കുണ്ടള ഡാം, കൊളുക്കുമല, ആനയിറങ്ങൽ ഡാം, ഒച്ചാൽ മുടി, പാണ്ടവൻ ഹിൽസ്, മൂന്നാർ ടൗൺ, ഏലപ്പെട്ടി ടോപ്പ് സ്റ്റേഷൻ, കൊരങ്ങിണി, കൂടാതെ തമിഴ്നാട് എന്നീ സ്‌ഥലങ്ങളുടെ ആകാശ ദൃശ്യവും കണ്ട് ആസ്വദിക്കാം. സത്യമായിട്ടും ഇവിടെ നിന്നും തിരിച്ചിറങ്ങുവാൻ തോന്നുന്നേയില്ല.

കുറെ സമയം അവിടെ ആസ്വദിച്ചു നിന്നശേഷം ഞങ്ങൾ മീശപ്പുലിമലയോട് യാത്ര പറഞ്ഞുകൊണ്ട് തിരികെയിറങ്ങുവാൻ ആരംഭിച്ചു. ഞങ്ങൾ ഇറങ്ങുമ്പോൾ താഴെ നിന്നും ചിലർ മീശപ്പുലിമലയിലേക്ക് കയറി വരുന്നുണ്ടായിരുന്നു. എല്ലാവരുടെയും മുഖത്ത് സന്തോഷവും അതുപോലെതന്നെ മലകയറുന്നതിന്റെ വിഷമവും കാണാമായിരുന്നു. അങ്ങനെ ഇറങ്ങിയിറങ്ങി ഞങ്ങൾ റോഡോ മാൻഷനിൽ എത്തിച്ചേർന്നു. അപ്പോൾ സമയം ഉച്ചയ്ക്ക് 12.20 ആയിരുന്നു. നല്ല വിശപ്പുണ്ടായിരുന്നതിനാൽ വന്നപാടെ ഒരു കട്ടൻ ചായ കുടിച്ചു. പിന്നീട് ഭക്ഷണവും കഴിച്ച ശേഷം രാജൻ ചേട്ടനോടും ചേച്ചിയോടുമെല്ലാം യാത്ര പറഞ്ഞുകൊണ്ട് ഒത്തിരി ഓർമ്മകൾ മനസ്സിൽ നിറച്ചുകൊണ്ട് ഞങ്ങൾ അവിടെ നിന്നും യാത്രയായി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

ഊട്ടിയിൽ പോകുന്നവർ കണ്ടിരിക്കേണ്ട ചില സ്ഥലങ്ങളെ പരിചയപ്പെടാം..

മലയാളികൾക്ക് പണ്ടുമുതലേ ടൂർ എന്നു വെച്ചാൽ ഊട്ടിയോ കൊടൈക്കനാലോ ഒക്കെയാണ്. എങ്കിലും കൊടൈക്കനാലിനെക്കാളും ഒരുപടി മുന്നിലാണ് ഊട്ടിയെ നമ്മൾ പ്രതിഷ്ഠിച്ചിരിക്കുന്നത്. കോളേജ് ടൂർ, ഫാമിലി ടൂർ, ഹണിമൂൺ എന്നുവേണ്ട മിക്കവരുടെയും ടൂർ ലൊക്കേഷൻ ഊട്ടിയായിരിക്കും. ഊട്ടിയിൽ ചിത്രീകരിച്ച മലയാള സിനിമകൾ ഒരു…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post