കുട്ടിക്കാനത്തുനിന്നും മദാമ്മക്കുളം വഴി എം ജി ഹെക്ടറിൽ ഒരു ഓഫ് റോഡ് യാത്ര

Total
1
Shares

കുമളിയിലേക്കുള്ള യാത്രയിലാണ്. കുട്ടിക്കാനത്തിന് സമീപത്തുള്ള പാഞ്ചാലിമേട്ടിലെ സന്ദർശനത്തിനു ശേഷം ഞങ്ങൾ പിന്നീട് പോയത് അവിടെയടുത്തു തന്നെയുള്ള മദാമ്മക്കുളം എന്ന സ്ഥലത്തേക്ക് ആയിരുന്നു. വളരെ മനോഹരമായ, ഒട്ടും തിരക്കില്ലാത്ത ഒരു ചെറിയ വഴിയിലൂടെയായിരുന്നു ഞങ്ങളുടെ യാത്ര.

എംജി ഹെക്ടർ തൻ്റെ കഴിവ് തെളിയിച്ചുകൊണ്ട് വീതികുറഞ്ഞ, കുത്തനെ കയറ്റവും ഇറക്കവുമുള്ള പാതകളെ കീഴടക്കി യാത്ര തുടർന്നു. അഭിയും ശ്വേതയുമെല്ലാം കാറിന്റെ സൺറൂഫിലൂടെ നിന്ന് പുറത്തെ കാഴ്ചകൾ ആസ്വദിക്കുകയായിരുന്നു. ഒടുവിൽ ഞങ്ങൾ കെ.കെ. റോഡിലേക്ക് വീണ്ടും കയറി.

വളഞ്ഞങ്ങാനം വെള്ളചാട്ടമൊക്കെ കഴിഞ്ഞു ആഷ്‌ലി എസ്റ്റേറ്റിലേക്കുള്ള വഴിയിലേക്ക് ഞങ്ങൾ കയറി. രാത്രി 10 മണി മുതൽ രാവിലെ 7 മണി വരെ എസ്റ്റേറ്റ് വഴിയുള്ള റോഡ് അടച്ചിടുമെന്നുള്ള മുന്നറിയിപ്പ് നൽകുന്ന ബോർഡ് അവിടേക്ക് കയറിയപ്പോൾ തന്നെ ഞങ്ങൾക്ക് കാണുവാൻ സാധിച്ചു. പണ്ട് ധാരാളം തേയില കൃഷി ചെയ്തിരുന്ന ആഷ്‌ലി എസ്റ്റേറ്റ് ഇപ്പോൾ ഏതാണ്ട് ഉപേക്ഷിക്കപ്പെട്ട നിലയിലാണ്. എങ്കിലും ചിലയിടങ്ങളിൽ ഇപ്പോഴും കൃഷിയുണ്ട്.

മനോഹരമായ തേയിലത്തോട്ടങ്ങൾക്കിടയിലൂടെയുള്ള വഴിയിലൂടെ ഞങ്ങൾ സഞ്ചരിക്കുവാൻ തുടങ്ങി. കുറച്ചു കഴിഞ്ഞപ്പോൾ ടാർറോഡ് ഒക്കെ മാറി പക്കാ ഓഫ്‌റോഡ് തന്നെയായി മാറി. ചെറിയ കാറുകൾക്ക് കടന്നുപോകുവാൻ അല്പം ബുദ്ധിമുട്ടേറിയ ആ റോഡിൽ ജീപ്പുകൾക്ക് പ്രശനമില്ലാതെ കയറിപ്പോകുവാൻ സാധിക്കും. നമ്മുടെ ഹെക്ടർ അത്യാവശ്യം ഓഫ്റോഡ് കൈകാര്യം ചെയ്യാൻ മിടുക്കനായിരുന്നതിനാൽ വലിയ കുഴപ്പമൊന്നുമില്ലാതെ ഞങ്ങൾക്ക് അതുവഴി സഞ്ചരിക്കുവാൻ സാധിച്ചു.

വളരെ വിജനമായ ആ പ്രദേശത്ത് ഞങ്ങൾ ആരെയും കണ്ടുമുട്ടിയില്ല. ആകെ അവിടത്തെ നിശബ്ദതയെ കീറിമുറിച്ചിരുന്നത് ഞങ്ങളുടെ കാറിന്റെ ശബ്ദം മാത്രമായിരുന്നു. പോകുന്ന വഴി ഒരിടത്ത് ഒരു ചെറിയ ക്ഷേത്രം കാണുവാൻ സാധിച്ചു. ആദിവാസികൾ ആരാധിക്കുന്ന ക്ഷേത്രമായിരിക്കും അതെന്നു തോന്നുന്നു. പക്ഷേ അവിടെയൊന്നും ആരെയും കണ്ടില്ലതാനും.

പോകപ്പോകെ വഴിയുടെ അവസ്ഥ വളരെ ദുർഘടമായി മാറിത്തുടങ്ങി. ജീപ്പ് പോലുള്ള ഫോർവീൽ ഡ്രൈവ് വാഹനങ്ങൾക്കല്ലാതെ അതുവഴി പോകുവാൻ നല്ല ബുദ്ധിമുട്ട് തന്നെയായിരുന്നു. ഞങ്ങൾ ഫസ്റ്റ് ഗിയർ മാത്രമിട്ടുകൊണ്ട് വളരെ പതിയെയായിരുന്നു പൊയ്‌ക്കൊണ്ടിരുന്നത്. പലയിടത്തും വാഹനം അടിതട്ടാതിരിക്കുവാൻ ശ്രദ്ധിച്ചിരുന്നു.

അങ്ങനെ ദുർഘടം പിടിച്ച, എന്നാൽ വളരെ അഡ്വഞ്ചറസ് ആയിരുന്ന ആ യാത്രയ്ക്കു ശേഷം ഞങ്ങൾ മദാമ്മക്കുളത്തിനു സമീപത്ത് എത്തിച്ചേർന്നു. അവിടെ നിന്നും കുറച്ചു താഴേക്ക് പോകണം മദാമ്മക്കുളത്തിന്റെ കറക്ട് സ്പോട്ടിൽ എത്തിച്ചേരുവാൻ. പണ്ട് ആഷ്‌ലി എസ്റ്റേറ്റ് ബംഗ്ളാവിലെ സായിപ്പുമാരും മദാമ്മമാരും കുളിക്കുവാനായി വന്നിരുന്ന സ്ഥലമായിരുന്നു ഇത്. അതുകൊണ്ടാണ് ഇതിനു മദാമ്മക്കുളം എന്ന പേര് വന്നതും.

സമയക്കുറവു മൂലം ഞങ്ങൾ മദാമ്മക്കുളത്തിലേക്ക് നടന്നു പോകുവാൻ നിന്നില്ല. അവിടെ നിന്നും കാഴ്ചകൾ ആസ്വദിച്ചതിനു ശേഷം ഞങ്ങൾ വീണ്ടും ഓഫ്‌റോഡ് താണ്ടി കുമളിയിലേക്ക് യാത്ര തുടർന്നു. എന്തായാലും എംജി ഹെക്ടറിൽ ഒരു കിടിലൻ ഓഫ്‌റോഡ് യാത്ര ആസ്വദിക്കുവാൻ ഈ യാത്രയിൽ സാധിച്ചു. അതു തന്നെയായിരുന്നു ഈ ട്രിപ്പിലെ ഹൈലൈറ്റും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post