പാലക്കാട് – കോട്ടയം വെറും 4 മണിക്കൂർ കൊണ്ട്; ‘മിന്നൽ’ ഒരു സംഭവം തന്നെ…

Total
0
Shares

വിവരണം – സിറിൾ ടി. കുര്യൻ.

കറങ്ങി തന്നെ തിരിച്ചു പോകാൻ ആയിരുന്നു ആദ്യത്തെ തീരുമാനം എങ്കിലും ചില കാരണങ്ങളാൽ നേർവഴി എടുക്കുവാൻ നിർബന്ധിതനായി. വ്യത്യസ്ത റൂട്ട് പോകുവാനായി ശങ്കരേട്ടനോട് വഴി ചോദിച്ചു എല്ലാം ഉറപ്പിച്ചു കഴിഞ്ഞാണ് ഈ മനംമാറ്റം. അപ്പോൾ മനസ്സിൽ വന്നൊരു മിന്നലടി ആണ് നമ്മുടെ പാലക്കാടൻ മിന്നൽ…

അങ്ങനെ കഴിഞ്ഞ ദിവസം രാവിലെ തന്നെ വൈകിട്ടുള്ള പാലക്കാട് – തിരുവനന്തപുരം മിന്നലിന് (2130 PLK -TVM via Ktm) ഒരു വിൻഡോ സീറ്റ് തന്നെ എടുത്തു. നമ്മുടെ സ്വഭാവം വെച്ച് ഹോട്ട് സീറ്റ് ഇല്ലാത്ത വണ്ടി ആയതോണ്ടു, മുന്നിലെ ആദ്യ റോ സീറ്റ് (സീറ്റ് 1/2, കണ്ടക്ടറുടെ അടുത്തു) എടുക്കാൻ ആയിരുന്നു പ്ലാൻ. ഇത് മനസിലാക്കിയ ആൽബിൻ അപ്പോൾ തന്നെ വാണിംഗ് തന്നു. “പിടിച്ചു ഇരിക്കാൻ ഒരു കമ്പി പോലും ഇല്ല, വണ്ടി ബ്രേക്ക് ഇട്ടാൽ, നീ ഡോറിൽ എത്തും” എന്ന്. സമയത്തിന് വാണിംഗ് കിട്ടിയതുകൊണ്ട് ഞാൻ നടു ഭാഗം കണ്ടു വലതു ഭാഗത്തു വിന്ഡോ സീറ്റ് എടുത്തു. 0930 pm നാണു വണ്ടി എങ്കിലും, കുറച്ചു bus fanning നടത്തണം എന്നുമുണ്ട്. അൽബിനും ഫ്രീ ആണ്. നേരത്തെ പാലക്കാടെക്ക് വരുവാനും അവൻ പറഞ്ഞു.

ട്രിപ്പ് പ്ലാൻ മാറ്റിയ വിവരം ഞാൻ നമ്മുടെ ശങ്കരേട്ടനെ വിളിച്ചു അറിയിച്ചു. മിന്നൽ ഇറങ്ങി 3 വര്ഷം കഴിഞ്ഞിട്ടും ഇതേ വരെ കയറിയിട്ടില്ല എന്നും ഞാൻ പറഞ്ഞപ്പോൾ അങ്ങേ തലക്കൽ ചിരി. പാവം ഞാൻ. എന്ത് ചെയ്യാൻ. ടിക്കറ്റ് ബുക്ക് ചെയ്തു കഴിഞ്ഞു സുഹൃത്തു ദീപ്കുമായി മായന്നൂർ കുറച്ചു കറങ്ങി നടന്നു. മഴ ഇടയ്ക്കു തടസം സൃഷ്ടിക്കുന്നുണ്ടായിരുന്നു. ഒരു 5 മണിയോടെ പാലക്കാട് എത്തുവാനാണ് അൽബിൻ പറഞ്ഞേക്കുന്നത്. അത് കണ്ട് ഒറ്റപ്പാലത്തേക്ക് ഇറങ്ങി. എങ്കിലും, മഴ വില്ലനായി അവതരിച്ചു. ഞാൻ ഒറ്റപ്പാലം വിടുമ്പോൾ സമയം 5 pm ആയി.

ഒരു മണിക്കൂർ യാത്രയ്ക്ക് ശേഷം പാലക്കാട് എത്തിയപ്പോൾ അവന്റെ വക കുറച്ചു നേരം പോസ്റ്റ്. പോസ്റ്റ് ഒകെ കഴിഞ്ഞു ഒരു ചായ കുടിച്ചു നേരെ സ്റ്റാണ്ടിലേക്കു. കുറച്ചു ഫോട്ടോസ് ഒകെ എടുത്തു കറങ്ങി നടന്നു ഞങ്ങൾ. അപ്പോളേക്കും ശരത്തും ശ്രീനാഥും വന്നു. ശരത് പഞ്ചാബികളുടെ ഇടി കൊള്ളാൻ പോകുവാണ് എന്ന് അറിഞ്ഞിരുന്നു. ഇനിയേത് കോലത്തിൽ കാണാനാ. കുറച്ചു നേരം ഞങ്ങൾ വർത്താനം പറഞ്ഞു നിന്ന്. വെട്ടം കുറഞ്ഞു തുടങ്ങി. ചെറിയ മീറ്റ്-അപ്പിനു ശേഷം അവർ യാത്ര പറഞ്ഞു പിരിഞ്ഞു. ഫാനിങ് ഇനി നടക്കില്ല എന്ന് മനസിലായപ്പോൾ ഞങ്ങൾ നേരെ ആൽബിന്റെ വീട്ടിലേക്ക്. കുറച്ചു വിശ്രമം കഴിഞ്ഞു വീണ്ടും തിരിച്ചു വരണം. കുറച്ചു നേരത്തെ തന്നെ സ്റ്റാൻഡിൽ എത്തണം എന്ന് ഞാൻ പറഞ്ഞിരുന്നു. ഞങ്ങളുടെ വേളാങ്കണ്ണി വണ്ടി ഒന്നു കാണണം എന്നും, രാത്രിയിൽ അവന്റെ ഒരു പിക് എടുക്കണം എന്നും നല്ല ആഗ്രഹം ഉണ്ടേ…

ഇതൊക്കെ മനസ്സിൽ കണ്ടു ഞങ്ങൾ 2100മണിയോടെ പാലക്കാട് എത്തി. എന്റെ കണ്ണുകൾ ഞങ്ങളുടെ വേളങ്കണ്ണിയെ തിരഞ്ഞു നടന്നു. പക്ഷെ കണ്ടില്ലേ. അപ്പോളേക്കും എനിക്ക് പോകേണ്ട മിന്നൽ സ്റ്റാൻഡ് പിടിച്ചിരുന്നു. കയറാൻ മനസ്സ് വന്നില്ല. 2120 വരെ ഞങ്ങൾ സ്റ്റാൻഡിൽ കറങ്ങി നടന്നു. ഇപ്പോ വരും ഇപ്പോ വരും വേളാങ്കണ്ണി എന്ന ചിന്തയിൽ. പക്ഷെ വന്നില്ല. ഞങ്ങളുടെ വണ്ടി എടുക്കുമ്പോൾ കറക്ടയി അവൻ സ്റ്റാണ്ടിലേക് വരും എന്ന് തോന്നി. അതെ പോലെ തന്നെ സംഭവിച്ചു. ദൂരെ നിന്ന് ഒരുനോക്ക് കാണുവാൻ അല്ലാതെ, ഒരു ഫോട്ടോ എടുക്കാൻ പോലും അവസരം കിട്ടിയില്ല.

21.25 ആയപ്പോൾ ഞാൻ ആൽബിനോട് യാത്ര പറഞ്ഞു ബസ് കയറി. റിസർവേഷൻ മെസ്സേജ് കണ്ടക്ടർ നെ കാണിച്ചു സീറ്റിൽ ഇരുന്നു. ATC 126 ആണ് വണ്ടി. 21.30 നു തന്നെ വണ്ടി എടുത്തു. അപ്പോൾ അതാ വരുന്നു ഞങ്ങളുടെ വേളാങ്കണ്ണി വണ്ടി. പ്രതീക്ഷിച്ച പോലെ ഞങ്ങൾ ഇറങ്ങാൻ തുടങ്ങിയപ്പോൾ തന്നെ അച്ചായൻ കയറി വന്നു. വല്ലാത്ത അവസ്ഥ. ഇത് കണ്ട ആൽബിൻ ഈ പേരിൽ ഒന്ന് ഞൊണ്ടാനും മറന്നില്ല. നേരിട്ട് രാത്രിയിൽ ഒരു മിന്നായം പോലെ കാണാൻ സാധിച്ചല്ലോ എന്ന ചെറിയ ആശ്വാസത്തിൽ ഞാൻ ആൽബിനോട് യാത്ര പറഞ്ഞു. വൃത്തിയുള്ള ഉൾവശം. പുഷ്ബാക്ക് സീറ്റ്, ഓരോ വിന്ഡോയ്ക്കും ചാർജിങ്ങ് പ്ളഗ്, വർക്കിങ്ങുമാണ്.

വണ്ടി ഓടി തുടങ്ങി ടൌൺ ലിമിറ്റ് വിട്ടതും, മിന്നൽ, സ്വഭാവം പോലെ പറക്കുവാൻ തുടങ്ങി. അടുത്തിരുന്ന പ്രായം ചെന്ന ആൾ പേടിച്ചു ഇരിക്കുവാണോ എന്ന് തോന്നി.. പുള്ളിയുടെ പരിഭവം അതേപോലെ. 3 വർഷമായി മിന്നലടി തുടങ്ങിയിട്ട് എങ്കിലും എന്റെ കന്നി യാത്ര ആണല്ലോ. അതിന്റെ ത്രില്ലും ഉണ്ട്. കോട്ടയത്തു സമയം പറഞ്ഞേക്കുന്നത് 01:15 am ആണ്. മിന്നൽ മിക്കപ്പോഴും സമയം പാലിക്കാറുണ്ട് എന്ന വാർത്തകളാണ് ഞാൻ അധികവും കണ്ടിരിക്കുന്നത്. അതിനാൽ ഒരു വിശ്വാസവും ഉണ്ട്. ചിലപ്പോൾ കോട്ടയത്തു ബിഫോർ ടൈം വരുവാനും സാധ്യത ഉണ്ടെന്നും ആൽബിൻ സൂചിപ്പിച്ചിരുന്നു. ആകെ വളരെ ചുരുങ്ങിയ സ്റ്റോപ്പുകൾ മാത്രമാണ് ഇവയ്ക്കുള്ളത്. പാലക്കാട് വിട്ടാൽ  തൃശൂർ, മുവ്വാറ്റുപുഴ എന്നിവിടങ്ങളിലെ കോട്ടയത്തിനു മുൻപേ സ്റ്റോപ്പുകൾ ഉള്ളു. അങ്കമാലിയിൽ റിക്വസ്റ്റ് സ്റ്റോപ്പും.

ചെറു ചാറ്റൽ മഴ അകമ്പടിയായി ഉണ്ട്.. എങ്കിലും മിന്നലൂട്ടി അത്യാവശ്യം നല്ല വേഗതയിൽ പോകുന്നുണ്ട്. കുതിരനിൽ കുറച്ചു ബ്ലോക്ക് കിട്ടി.അതെല്ലാം തരണം ചെയ്തു ചെറു മഴയുടെ അകമ്പടിയിൽ വണ്ടി തൃശൂർ എത്തുമ്പോൾ സമയം 22.50. പ്രതീക്ഷിച്ച പോലെ തൃശൂർ സ്റ്റാൻഡ് congested ആയി തന്നെ കെടക്കുന്നു. ഒരുവിധം ട്രാക്ക് പിടിച്ചു.. ഒരു 5 മിനിറ്റ് ബ്രേക്ക് ഉണ്ട്. അധികം വൈകാതെ തന്നെ യാത്ര തുടങ്ങി. മഴയുടെ കുറുമ്പ് കൂടി വരുന്ന പോലെ. വളരെ സൂക്ഷ്മതയാർന്ന ഡ്രൈവിംഗ്, അനാവശ്യ ബ്രേക്കിംഗ് ഒന്നുമില്ല. ബസ്സിൽ എല്ലാവരും നല്ല ഉറക്കമാണ്. ഞാൻ ഫോണിൽ കൊച്ചുകളിച്ചു ഇരിക്കുന്നു. ഇടയ്ക്ക് മഴയുടെ കുറുമ്പ് കൂടുമ്പോൾ വിൻഡോ അടയ്ക്കുവാൻ ഞാൻ നിർബന്ധിതനായി.

ചാലക്കുടി അടുത്തപ്പോൾ ഒരു നല്ല ബ്ലോക്ക് കണ്ടു, ഒരു ട്രക്ക് ഉം മിനി ട്രക്ക് ഉം തമ്മിൽ ഇടിച്ചതിന്റെ ബ്ലോക്ക്. ഇത് കാരണം ഞങ്ങൾ സർവീസ് റോഡിൽ ഇറങ്ങി പ്രയാണം തുടർന്നു. കൃത്യതയാർന്ന വേഗതയിൽ വണ്ടി സ്ഥലങ്ങൾ താണ്ടുന്നത് കണ്ടു രോമാഞ്ചം വന്നു എന്ന് വേണം പറയാൻ. 23.50 ഓടെ അങ്കമാലി ഞങ്ങൾ കടന്നു യാത്ര തുടർന്നു. 00.30 ഓടെ ഞങ്ങൾ മുവാറ്റുപുഴ എത്തി. കുറച്ചു പേർ ഇറങ്ങി, അതേപോലെ കുറെ പേർ കയറുകയും ചെയ്തു. ഇത്രെയും നേരമായിട്ടും ഞാൻ ഉറങ്ങിയിട്ടില്ല, ജനാലകളിലൂടെ കാഴ്ചകൾ കണ്ടിരിപ്പാണ്. മുവാറ്റുപുഴ കഴിഞ്ഞപ്പോൾ ഉറക്കത്തിന്റെ കയത്തിലേക്ക് ഞാൻ വഴുതി വീഴുന്ന പോലെ. ഉറക്കം തന്റെ കയത്തിലേക്ക് ഞാൻ അറിയാതെ എപ്പോളോ വലിച്ചിട്ടു. സുഖകരമായ ഉറക്കം തന്നെ ലഭിച്ചു.

കണ്ണ് തുറക്കുമ്പോൾ വണ്ടി കോട്ടയം ബേക്കർ ജംഗ്ഷൻ കടക്കുന്നു. മഴയുടെ അകമ്പടി നിന്നിരിക്കുന്നു. കോട്ടയം ബസ്റ്റാണ്ടിലേക്ക് വണ്ടി പ്രവേശിച്ചപ്പോൾ സമയം 01:35 am.സമയം കണ്ട എനിക്കും അത്ഭുതം !! 01:15 am ആണ് schedule ടൈം. കുതിരാൻ ബ്ലോക്ക് ഒക്കെ ചാടി കടന്നു 180 kms-ൽ അടുത്ത് ഓടി എത്തിയതാണെന്നു ഓർക്കണം. വന്ന വഴിയും, താണ്ടിയ ദൂരവും വെച്ച് നോക്കുമ്പോൾ ഈ 20 മിനിറ്റ് വൈകി എന്നത് ഒരു delay അല്ലേയല്ല.

കോട്ടയത്തു 10 മിനിറ്റ് ബ്രേക്ക് എടുത്തിനു ശേഷം പാലക്കാടൻ മിന്നലുട്ടി തലസ്ഥാനം ലക്ഷ്യമാക്കി യാത്ര തുടർന്നു. അടുത്ത സ്റ്റോപ്പ് കൊട്ടാരക്കര മാത്രം. 01.55നു തിരുവല്ലക്കുള്ള കൊണ്ടോടി LSFP, AT380 വന്നു. അതിൽ ഞാൻ ചങ്ങാനാച്ചേരിക്കു യാത്രയായി. 02.20ഓടെ ഞാൻ ചങ്ങനാശേരിയിൽ എത്തി. 02.45 ഓടെ വീട്ടിലും. വെറും 4 മണിക്കൂർ കൊണ്ട് പാലക്കാട് നിന്ന് കോട്ടയം എത്തുക എന്നത് ഒരു മഹത്തായ കാര്യം തന്നെയെന്ന് പറയാതെ വയ്യ. അപ്പോൾ നിങ്ങൾ ഓർക്കും, over speed ആവണം എന്ന്. എന്നാൽ അങ്ങനെയല്ല. 80-85 ആണ് ഞാൻ കണ്ട ടോപ് സ്പീഡ്. അതും വല്യ റോഡിൽ. ആവറേജ് സ്പീഡ് 65-70 km/hr മിക്കപ്പോഴും maintain ചെയ്തു, വളരെ ചുരുങ്ങിയ സ്റ്റോപ്പുകൾ മാത്രം എടുത്തു പോകുന്നതാണ് മിന്നലിന്റെ വിജയം. ആശംസകൾ. മിന്നലുകൾ ഇനിയും രാത്രിയുടെ യാമങ്ങളിൽ കേരളം ഒട്ടാകെ അടിക്കട്ടെ എന്ന് ആശംസിക്കുന്നു…

1 comment
  1. മിന്നലിനെ ഒരിക്കൽ അമ്പലപ്പുഴ വെച്ച് ഞാൻ overtake ചെയ്തു .. 115 ആയിരുന്നു എന്റെ സ്പീഡ് .. വെറുതെ ഒരു കൊതി തോന്നി ചെയ്തതാണ് .. മിന്നൽ അപ്പോൾ കുറഞ്ഞത് 105-110 ആയിരുന്നിരിക്കണം …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post