നടൻ മോഹൻലാൽ ജനിച്ച പത്തനംതിട്ട എലന്തൂരിലെ പുന്നക്കൽ തറവാട്..

Total
1
Shares

മോഹൻലാലിനെ അറിയാത്ത മലയാളികൾ ആരെങ്കിലുമുണ്ടോ? ഒരിക്കലും ഉണ്ടാകില്ല. മലയാളികൾ സ്നേഹത്തോടെ ലാലേട്ടൻ എന്നു വിളിക്കുന്ന മോഹൻലാൽ എന്ന മഹാ നടനെക്കുറിച്ച് അറിയാത്തവർ ആരാ ഉള്ളത്. 1960 മേയ് 21 നു വിശ്വനാഥൻ നായരുടേയും ശാന്താകുമാരിയുടേയും പുത്രനായി പത്തനംതിട്ടയിലെ എലന്തൂരിലായിരുന്നു മോഹൽലാൽ എന്ന മഹാപ്രതിഭയുടെ ജനനം. താൻ കൈകാര്യം ചെയ്ത വേഷങ്ങൾ, ലളിതവും സ്വാഭാവികവുമായുള്ള അഭിനയ രീതി തുടങ്ങിയ ഘടകങ്ങളാണ്‌ മോഹൻലാലിനെ മലയാളികൾക്കിടയിൽ പ്രിയങ്കരനാക്കിയത്. ലാൽ അല്ലെങ്കിൽ ലാലേട്ടൻ എന്നായിരുന്നു മോഹൻലാൽ പൊതുവെ അറിയപ്പെടുന്നതും.

ലാലേട്ടൻ ജനിച്ച എലന്തൂരിലെ പുന്നക്കൽ തറവാട്ടിലേക്ക് ഒരു യാത്ര പോകുവാൻ കഴിഞ്ഞ ദിവസം ഞങ്ങൾക്ക് സാധിച്ചു. ഏകദേശം 150 ഓളം വർഷങ്ങൾ പഴക്കമുള്ള ഒരു എട്ടുകെട്ടു തറവാടാണ് പുന്നക്കൽ തറവാട്. ഇലന്തൂർ സ്വദേശിയായ സുഹൃത്ത് കിച്ചുവാണ് എന്നെ അവിടേക്ക് ക്ഷണിച്ചത്. ലാലേട്ടന്റെ വീട് എന്നുകേട്ടപ്പോൾ എന്റെ മനസ്സിൽ ശരിക്കും ലഡ്ഡു പൊട്ടി. പത്തനംതിട്ടയിൽ നിന്നും ഏകദേശം ഏഴോ എട്ടോ കിലോമീറ്ററുകൾ മാറിയാണ് എലന്തൂർ എന്നയീ സ്ഥലം സ്ഥിതി ചെയ്യുന്നത്. ശരിക്കും പറഞ്ഞാൽ പത്തനംതിട്ടയ്ക്കും കോഴഞ്ചേരിയ്ക്കും ഇടയിലായാണ് ഈ സ്ഥലം. മോഹൻലാൽ മാത്രമല്ല അദ്ദേഹത്തിൻറെ അമ്മയും അമ്മൂമ്മയുമൊക്കെ ജനിച്ചുവളർന്നതാന് ഈ തറവാട്. ചുരുക്കിപ്പറഞ്ഞാൽ ലാലേട്ടന്റെ അമ്മവീട്. ഇപ്പോൾ താമസമൊന്നും ഇല്ലാത്ത ഈ തറവാട് കാത്തു സൂക്ഷിക്കുന്നത് മോഹൻലാലിൻറെ അമ്മയുടെ അമ്മാവന്റെ മകളും കുടുംബവുമൊക്കെയാണ്. അമ്മാവന്റെ മരുമകനായ രവീന്ദ്രൻ ചേട്ടനാണ് ഈ തറവാടിനെക്കുറിച്ചുള്ള വിവരങ്ങൾ ഞങ്ങൾക്ക് പറഞ്ഞു തന്നത്.

ജനനശേഷം തിരുവനന്തപുരത്തേക്ക് മോഹൻലാലും കുടുംബവും മാറിയെങ്കിലും അവധിക്കാലമെല്ലാം ലാൽ ചെലവഴിച്ചിരുന്നത് ഇവിടെയായിരുന്നു. സിനിമയിൽ സജീവമായതോടെയും തിരക്കുകൾ വർദ്ധിച്ചതോടു കൂടെയും ഇവിടേക്കുള്ള സന്ദർശനം കുറഞ്ഞു. എന്നാലും തിരക്കുകൾക്കിടയിലും ഇവരുമായുള്ള ബന്ധങ്ങൾ കാത്തു സൂക്ഷിക്കുന്നതിൽ ലാൽ പ്രത്യേകം ശ്രദ്ധ ചെലുത്തിയിരുന്നു. ലാൽ ചെറുപ്പകാലത്തെ ഓർമ്മകൾ ഇവരുമായി ഇടയ്ക്കൊക്കെ പങ്കുവെക്കുകയും ചെയ്യാറുണ്ട്. ഈ തറവാട് ഇപ്പോൾ മോഹൻലാലിന്റെ നേതൃത്വത്തിൽ സംരക്ഷിക്കുവാനുള്ള പ്രയത്‌നത്തിലാണ്. ഈ കഴിഞ്ഞയിടയ്ക്ക് മോഹൻലാൽ ഇവിടെ സന്ദർശിച്ചിരുന്നു. അത് വാർത്തകളിൽ ഇടംനേടുകയും ചെയ്തിരുന്നു.

രവീന്ദ്രൻ ചേട്ടൻ ഞങ്ങളെ വീടിനുള്ളിലെ കാഴ്ചകൾ കാണുവാനായി ഉള്ളിലേക്ക് ക്ഷണിച്ചു. അതിമനോഹരമായിരുന്നു വീടിനുള്ളിൽ. അകത്ത് എപ്പോഴും തണുപ്പ് നിലനിൽക്കുന്ന രീതിയിലായിരുന്നു നിർമ്മാണമെല്ലാം. മൊത്തത്തിൽ ആകെ മരം കൊണ്ടുള്ള രൂപകല്പനകൾ. അതുപോലെതന്നെ പഴമയുടെ ഭക്തി സാന്ദ്രമായ ഒരു പൂജാമുറിയും ഇവിടെയുണ്ട്. വീടിനുള്ളിൽത്തന്നെ പത്തായവും അറകളുമൊക്കെ ഉണ്ടായിരുന്നു. ഇത്തരത്തിൽ രൂപകൽപ്പന ചെയ്ത തറവാടുകൾ ഇന്ന് നമ്മുടെ നാട്ടിൽ വളരെ വിരളമായിരിക്കും. അറകളിൽ പഴയ പാത്രങ്ങളും മറ്റുമാണ് സൂക്ഷിച്ചിരിക്കുന്നത്. അകത്ത് ഞങ്ങളെ വളരെ ആകർഷിച്ചത് പ്മാനത്തം തുളുമ്പുന്ന പഴയ ഒരു മരത്തൊട്ടിൽ ആയിരുന്നു. വര്ഷങ്ങളോളം പഴക്കമുള്ള ഈ തൊട്ടിലിൽ നമ്മുടെ ലാലേട്ടൻ ചെറുപ്പത്തിൽ ആടിയിട്ടുണ്ടാകും എന്നുറപ്പാണ്.

കുറെ നാളുകളായി ഈ തറവാടിനെക്കുറിച്ച് കേട്ടിട്ടുണ്ടെങ്കിലും ഇപ്പോഴാണ് ഇവിടം സന്ദർശിക്കുവാൻ അവസരം കൈവന്നത്. വീടിനു തൊട്ടായി ഒരു പശുത്തൊഴുത്ത് കാണാം. പശുക്കളൊന്നും ഇവിടെയില്ലെങ്കിലും ഒരുകാലത്ത് ധാരാളം പശുക്കളെല്ലാം ഉണ്ടായിരുന്ന ഒരു തൊഴുത്തായിരുന്നു ഇതെന്ന് രവീന്ദ്രൻ ചേട്ടന്റെ ഭാര്യ പറയുകയുണ്ടായി. ഇപ്പോൾ ഈ തറവാട് പോലെത്തന്നെ നല്ല വൃത്തിയായി സൂക്ഷിച്ചിരിക്കുകയാണ് ഈ തൊഴുത്തും പരിസരവുമെല്ലാം. തറവാടിൻറെ പരിസരത്തു തന്നെ ഒരു സർപ്പക്കാവ് സ്ഥിതി ചെയ്യുന്നുണ്ട്. പുന്നക്കൽ തറവാട്ടിൽ പെൺസന്താനങ്ങൾ ഉണ്ടാകുന്നതിനു വേണ്ടിയിട്ട് 150 വർഷങ്ങൾക്ക് മുൻപ് സ്ഥാപിച്ചതാണ് ഈ കാവ്. ഈ കാവ് ഇവിടെ വന്നതോടുകൂടി തറവാട്ടിൽ പെൺകുട്ടികൾ ഉണ്ടായിത്തുടങ്ങിയത്രേ. രവീന്ദ്രൻ ചേട്ടന്റെ മകന്റെ കല്യാണത്തിനോടനുബന്ധിച്ച് ഇവിടെയെത്തിയ മോഹൻലാൽ ഈ കാവ് സന്ദർശിക്കുകയും വഴിപാടുകൾ നടത്തുകയും ചെയ്തിരുന്നു.

തറവാടിന് മുന്നിൽ നിന്നും ഫോട്ടോകൾ എടുത്തും വീഡിയോ പകർത്തിയും ഞങ്ങൾ ഈ യാത്രയുടെ ഓർമ്മകൾ മെമ്മറി കാർഡിൽ രേഖപ്പെടുത്തി. കുറച്ചു സമയം അവിടെ ചെലവഴിച്ച ശേഷം കിച്ചുവിനോടും കിച്ചുവിന്റെ അമ്മൂമ്മയോടും രവീന്ദ്രൻ ചേട്ടനോടും ചേച്ചിയോടും യാത്ര പറഞ്ഞുകൊണ്ട് ഞങ്ങൾ തിരികെ വീട്ടിലേക്ക് യാത്രയായി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

കാസർഗോഡ് ജില്ലയിൽ വന്നാൽ സന്ദർശിച്ചിരിക്കേണ്ട ചില സ്ഥലങ്ങൾ…

കേരളത്തിനുള്ളിൽ ആണെങ്കിലും വടക്കേയറ്റത്തു കിടക്കുന്നതിനാൽ മിക്കയാളുകളും കാസർഗോഡ് ജില്ലയിൽ പോയിട്ടുണ്ടാകാൻ വഴിയില്ല. പിന്നെ അത് വഴി പോകുന്നത് കൊല്ലൂർ – മൂകാംബികയിലേക്കുള്ള തീര്തഥയാത്രയ്ക്കിടെയാണ്. കാസർകോട്ടെ സംസാരഭാഷയായ മലയാളത്തിൽ കന്നഡ, കൊങ്കണി, തുളു എന്നീ ഭാഷകളുടെ സ്വാധീനം കാണാം. 1984 മെയ്‌ 24-നാണ്‌…
View Post