ഗൈഡ് നിസ്‌റിനോടൊപ്പം മൊറോക്കോയിൽ ഒരു റോഡ് ട്രിപ്പ്

Total
40
Shares

മൊറോക്കോയിൽ ലോക്ക്ഡൗൺ തുടങ്ങുന്നതിന്റെ മുന്നോടിയെന്നോണം എയർപോർട്ട്, ആളുകൾ കൂടുന്ന സ്ഥലങ്ങൾ എന്നിവ അടയ്ക്കുകയും ചെയ്തതോടെ ഞങ്ങൾ ഏകദേശം പെട്ടുപോയ അവസ്ഥയിലായി. ഇന്ത്യൻ എംബസ്സിയിൽ വിളിച്ചന്വേഷിച്ചപ്പോൾ ആശ്വാസകരമായ വിവരങ്ങളായിരുന്നു ലഭിച്ചത്. നിലവിൽ മൊറോക്കോയിൽ പ്രശ്നങ്ങൾ ഇല്ലെന്നും, ആളുകൾ കൂടുന്ന , തിരക്കേറിയ സ്ഥലങ്ങളിൽ നിന്നും വിട്ടു യാത്ര ചെയ്യുവാൻ അനുമതിയും ലഭിക്കുകയുണ്ടായി.

അങ്ങനെ ഞങ്ങൾ ഗൈഡ് നിസ്‌റിന്റെയൊപ്പം കാറിൽക്കയറി ഒരു റോഡ്ട്രിപ്പ് ആരംഭിച്ചു. ഞങ്ങൾ നിന്നിരുന്ന മൊറോക്കൻ തലസ്ഥാനമായ റബാത്തിൽ നിന്നും ടാഞ്ചിയർ എന്ന സ്ഥലത്തേക്ക് ആയിരുന്നു ഞങ്ങളുടെ യാത്ര. ഏകദേശം 250 കിലോമീറ്റർ ദൂരമുണ്ട് റാബത്തിൽ നിന്നും ടാഞ്ചിയറിലേക്ക്. രാവിലെയായിരുന്നെങ്കിലും റബാത്ത്‌ നഗരം ഉണർന്നു വരുന്നതേയുണ്ടായിരുന്നുള്ളൂ. തിരക്ക് കൂടുന്നതിന് മുൻപായി ഞങ്ങൾ നഗരാതിർത്തി കടന്നു.

മനോഹരമായ കാഴ്ചകളും, വ്യത്യസ്ത രൂപങ്ങളിലുള്ള കെട്ടിടങ്ങളുമൊക്കെ ഞങ്ങളുടെ യാത്രയ്ക്ക് രസം പകർന്നു. റാബത്തിൽ നിന്നും ഒരു പാലം കടന്ന് ഞങ്ങൾ സാലെ എന്ന സ്ഥലത്തായിരുന്നു എത്തിച്ചേർന്നത്. അവിടെ പഴയ കോട്ടകളും, കെട്ടിടങ്ങളും തുടങ്ങിയ ചരിത്ര പ്രാധാന്യമുള്ള പലതും ഞങ്ങൾക്ക് കാണുവാൻ സാധിച്ചു. നിസ്‌റിൻ നല്ല സ്മൂത്ത് ആയി ഡ്രൈവ് ചെയ്തുകൊണ്ടിരുന്നു. പോകുന്ന വഴിയിൽ പോലീസ് ചെക്കിംഗും, ട്രെയിൻ പോകുന്നതും ഒക്കെ കണ്ടു.

നഗരത്തിൽ നിന്നും വിട്ടുമാറി ഗ്രാമപ്രദേശങ്ങളിലേക്ക് കടന്നപ്പോൾ കണ്ട കാഴ്‌ച ഞങ്ങളെ ഞെട്ടിച്ചു. കൊറോണപ്പേടിയിൽ മൊറോക്കോയിലെ നഗരങ്ങളെല്ലാം ഏതാണ്ട് അടച്ച സാഹചര്യത്തിലും ഗ്രാമപ്രദേശങ്ങളെല്ലാം യാതൊരു കൂസലുമില്ലാതെ തുറന്നു കാണപ്പെട്ടു. അവിടത്തെ ആളുകൾക്ക് രോഗവ്യാപനത്തെക്കുറിച്ച് കാര്യമായ വിവരം ഇല്ലാത്തതിനാലാണ് ഇങ്ങനെയെന്ന് നിസ്‌റിൻ പറഞ്ഞു. അവിടെയെങ്ങും നിർത്താൻ നിൽക്കാതെ ആൾത്താമസമില്ലാത്ത ഏരിയയിലേക്ക് ഞങ്ങൾ നീങ്ങി.

അങ്ങനെ പൊയ്‌ക്കൊണ്ടിരിക്കെ ആളുകൾ കുറഞ്ഞ, മരങ്ങൾ നിറഞ്ഞ ഒരു പ്രദേശത്ത് ഞങ്ങൾ വണ്ടി നിർത്തി ഇറങ്ങി. ചില ഇംഗ്ലീഷ് സിനിമകളിലൊക്കെ കണ്ട തരത്തിലുള്ള പ്രദേശമായിരുന്നു അത്. മൊറോക്കോയിൽ പൊതുസ്ഥലത്തെ മദ്യപാനം നിരോധിതമായതിനാൽ ആ മരക്കൂട്ടങ്ങൾക്കിടയിൽ ചിലയിടങ്ങളിൽ ഒഴിഞ്ഞ മദ്യക്കുപ്പികളൊക്കെ കിടക്കുന്നുണ്ടായിരുന്നു. കുറച്ചു സമയം ഞങ്ങൾ അവിടെ ചെലവഴിച്ചതിനു ശേഷം ഞങ്ങൾ വീണ്ടും യാത്ര തുടർന്നു.

പിന്നീട് ഞങ്ങൾ വീതിയേറിയ ഒരു വലിയ ഹൈവേയിലേക്ക് കയറി. ഒരു ടോൾ റോഡ് ആയിരുന്നു. മനോഹരമായ ഭൂപ്രകൃതിയിലൂടെയായിരുന്നു ആ ഹൈവേ പൊയ്‌ക്കൊണ്ടിരുന്നത്. ഞങ്ങൾക്ക് നല്ല വിശപ്പ് ഉണ്ടായിരുന്നതിനാൽ എന്തെങ്കിലും കഴിക്കാനോ കുടിക്കാനോ ഞങ്ങൾക്ക് കലശലായി തോന്നിത്തുടങ്ങിയിരുന്നു. ഹൈവേയിൽ എവിടെയാ കടകൾ? നിരാശയോടെ ഞങ്ങൾ യാത്ര തുടർന്നുകൊണ്ടിരിക്കുമ്പോഴാണ് സന്തോഷം പകർന്ന ആ കാഴ്ച കണ്ടത്. ഹൈവേയോരത്ത് ഒരു ഫുഡ് ട്രക്ക് കിടക്കുന്നു.

ഞങ്ങൾ അവിടെ കാർ നിർത്തി കാപ്പിയും, സ്‌നാക്‌സും ഒക്കെ കഴിച്ചു. അങ്ങനെ നിൽക്കുന്നതിനിടെ അവിടെയൊരു വെളുത്ത കാരവൻ എത്തിച്ചേർന്നു. ഒരു പ്രായമായ ദമ്പതികളായിരുന്നു ആ കാരവനിൽ ഉണ്ടായിരുന്നത്. ഫ്രാൻസിൽ നിന്നും നാടുചുറ്റുവാൻ ഇറങ്ങിയവരായിരുന്നു അവർ. അവരോട് കൂടുതലായി വിശേഷങ്ങൾ ചോദിക്കണമെന്ന് ഞങ്ങൾക്ക് ആഗ്രഹമുണ്ടായിരുന്നുവെങ്കിലും അവർക്ക് ഇംഗ്ലീഷ് അറിയില്ല എന്ന കാരണത്താൽ അതുപേക്ഷിച്ചു. “ഇംഗ്ലീഷ് അറിയാത്ത സായിപ്പോ” എന്ന് തമാശയുടെ മനസ്സിൽ വിചാരിച്ചുകൊണ്ട് ഞങ്ങൾ അവിടെ നിന്നും യാത്ര തുടർന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post