ഏഴു തവണ പിഴയടച്ച് രക്ഷപ്പെട്ടു; എട്ടാം തവണ ‘കൈറോസ്’ ബസ്സിനു പിടിവീണു…

Total
0
Shares

തുടർച്ചയായി നിയമലംഘനം നടത്തിക്കൊണ്ട് ഓടിയ സ്വകാര്യ ബസ്സിനെ മോട്ടോർവാഹന വകുപ്പ് പിടികൂടി. തിരുവനന്തപുരം – കട്ടപ്പന റൂട്ടിൽ അനധികൃതമായി സർവ്വീസ് നടത്തിയിരുന്ന കൈറോസ് എന്ന സ്വകാര്യ ബസ്സാണ് പിടിയിലായത്. ഇതിനു മുൻപ് ഏഴു പ്രാവശ്യം ഇതേപോലെ പിടിക്കപ്പെട്ടെങ്കിലും അന്നൊക്കെ ഉടനെത്തന്നെ പിഴയീടാക്കി രക്ഷപ്പെടുകയാണുണ്ടായത്. എന്നാൽ എട്ടാം തവണ മോട്ടോർ വാഹന വകുപ്പ് പിടുത്തം ശരിക്കു മുറുക്കി.

കട്ടപ്പനയിൽ നിന്നും തിരുവനന്തപുരത്തേക്ക് യാത്രക്കാരുമായി വരുന്നതിനിടെ കഴക്കൂട്ടത്തു വെച്ചായിരുന്നു കൈറോസിന് പിടിവീണത്. ഈ സമയം ബസ്സിൽ നാൽപ്പതോളം യാത്രക്കാർ ഉണ്ടായിരുന്നു. കൂടാതെ പല സ്ഥലങ്ങളിലേക്കുള്ള വിവിധതരം പാർസലുകളും ബസ്സിലുണ്ടായിരുന്നു. പി.എം.ജി., പട്ടം, കോസ്മോ, സ്റ്റാച്യു, അരിസ്റ്റോ എന്നിവിടങ്ങളില്‍ ഇറങ്ങാന്‍ ബസില്‍ യാത്രക്കാരുണ്ടായിരുന്നു. ഇവരെല്ലാം പ്രത്യേകം ടിക്കറ്റ് നല്‍കി ബസില്‍ കയറിയതാണെന്ന് അന്വേഷണത്തില്‍ കണ്ടെത്തി. യാത്രക്കാരെ ഇറക്കേണ്ട സ്ഥലങ്ങളിൽ ഇറക്കിയതിനു ശേഷം ബസ് പിടിച്ചെടുത്ത് തമ്പാനൂർ കെഎസ്ആർടിസി ടെർമിനലിൽ കൊണ്ടുപോയി. യാത്രക്കാരുടെ മൊഴി രേഖപ്പെടുത്തിയാണ് കേസ് എടുത്തത്.

അന്തര്‍സംസ്ഥാന പാതകളില്‍ യാത്രാക്ലേശം ഉണ്ടെങ്കിലും സംസ്ഥാനത്തിനുള്ളില്‍ ആവശ്യത്തിലധികം കെ.എസ്.ആര്‍.ടി.സി. ബസുകളുണ്ട്. ഇവയ്ക്ക് നഷ്ടമുണ്ടാക്കിക്കൊണ്ടാണ് സ്വകാര്യ ബസ് ഓടിയിരുന്നത്. ചൊവ്വാഴ്ച രാവിലെ കഴക്കൂട്ടം ഇന്‍ഫോസിസിനു സമീപം യാത്രക്കാരെ ഇറക്കുമ്പോഴാണ് കേയ്റോസിന്റെ ബസ് പരിശോധിച്ചത്. മുൻപ് ഏഴ് തവണ ഇതേ നിയമലംഘനത്തിന് ഈ ബസിനെ പിടികൂടിയിട്ടുണ്ട്. രണ്ട് തവണ കഴക്കൂട്ടം RTO ഓഫീസിലെ ഇൻസ്പെക്ടർമാരും, മൂന്നുതവണ എൻഫോഴ്സ്മെൻറ് സ്ക്വാഡും, രണ്ടുതവണ തിരുവനന്തപുരം ആർടിഒ ഓഫീസിലെ ഉദ്യോഗസ്ഥരും പിടികൂടിയിട്ടുണ്ട്.

കോട്ടയം ആസ്ഥാനമാക്കി പ്രവർത്തിക്കുന്ന കൊണ്ടോഡി മോട്ടോഴ്‌സിന്റെ ഉടമസ്ഥതയിലുള്ളതാണ് കൈറോസ് ബസ്. ഇത്തരത്തിൽ കേരളത്തിലെ വിവിധ ഭാഗങ്ങളിലേക്ക് കൈറോസ് ബസ്സുകൾ സർവ്വീസ് നടത്തുന്നുണ്ട്. സിസി പെർമിറ്റുള്ള ബസ്സുകൾ ടിക്കറ്റും ഓൺലൈൻ റിസർവ്വേഷനുമെല്ലാം വെച്ചുകൊണ്ട് കെഎസ്ആർടിസിയ്ക്ക് സമാന്തരമായി സർവ്വീസ് നടത്തുന്നതിനെതിരെ ഓപ്പറേഷൻ മേധാവി ഷറഫ് മുഹമ്മദ് ട്രാൻസ്പോർട്ട് കമ്മീഷണർക്കും ഗതാഗത മന്ത്രിക്കും പരാതിനൽകിയിരുന്നു. അതിൻ്റെ അടിസ്ഥാനത്തിലാണ് മോട്ടോർവാഹന വകുപ്പ് നടപടി തുടങ്ങിയത്.

കെ.എസ്.ആര്‍.ടി.സി.യുടെ പരാതിപ്രകാരം കസ്റ്റഡിയിലെടുക്കുന്ന ബസുകള്‍ ഡിപ്പോകളില്‍ സൂക്ഷിക്കാം. ഇതുകൊണ്ടാണ് പിടിച്ചെടുത്ത ബസ് കെഎസ്ആർടിസി തമ്പാനൂർ ഡിപ്പോയിൽ സൂക്ഷിച്ചിരിക്കുന്നത്. ഇങ്ങനെ തുടര്‍ച്ചയായി നിയമലംഘനം നടത്തിയ വാഹനങ്ങള്‍ കസ്റ്റഡിയിലെടുത്ത് കോടതിയില്‍ ഹാജരാക്കാം.പ്രമുഖ ട്രാവൽസായ എസ്.ആര്‍.എസ്. കമ്പനിയുടെ ബസ് ഈ രീതിയില്‍ കോടതില്‍ ഹാജരാക്കിയിരുന്നു. അന്ന് ബസ് വിട്ടുകൊടുക്കാന്‍ കര്‍ശന വ്യവസ്ഥകളാണ് കോടതി ഏര്‍പ്പെടുത്തിയത്.

കെഎസ്ആർടിസിയും മോട്ടോർ വാഹന വകുപ്പും ചേർന്ന് നടത്തുന്ന ഓപ്പറേഷനുകൾ കേരളത്തിലുടനീളം ഇനിയും ഉണ്ടാകുമെന്ന് അധികൃതർ അറിയിച്ചിട്ടുണ്ട്. ഇത്തരത്തിൽ പെർമിറ്റ് ലംഘനം നടത്തി യാത്രക്കാരെയും കൊണ്ട് സർവ്വീസ് നടത്തുന്ന ബസ്സുകളെ പൂട്ടിക്കെട്ടുവാനുള്ള തയ്യാറെടുപ്പിൽത്തന്നെയാണ് ഉദ്യോഗസ്ഥർ.

വാർത്തയ്ക്ക് കടപ്പാട് – മാതൃഭൂമി, അന്വേഷണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post