250 രൂപയ്ക്കു മൂന്നാറിൽ മൂന്നു മണിക്കൂർ ചെലവഴിച്ചു കറങ്ങി വരാം

Total
120
Shares

250 രൂപയ്ക്കു മൂന്നാറിൽ മൂന്നു മണിക്കൂർ കറങ്ങി വരാം. അവിശ്വസനീയമായി തോന്നുന്നുണ്ടോ? സത്യമാണ്. കൊടുങ്ങല്ലൂരിൽ നിന്നും ഒരാൾക്ക് വെറും 250 രൂപ ചെലവിൽ കാടും, തേയിലത്തോട്ടവും, മഞ്ഞും, കുളിരും, പേരറിയാത്ത യാത്രക്കാരെയും കണ്ട് മൂന്നാറിൽ പോയി മൂന്നു മണിക്കൂർ കാഴ്ചകൾ കണ്ടു തിരിച്ചുവരാം.

നമ്മുടെ സ്വന്തം KSRTC ബസ്സിൽ ആണ് യാത്ര പോകുന്നത്. കൊടുങ്ങല്ലൂരിൽ നിന്നും മൂന്നാറിലേക്ക് 121 രൂപ മാത്രമാണ് ടിക്കറ്റ് ചാർജ്. തിരിച്ചും 121 രൂപ. അങ്ങിനെ 242 രൂപ മാത്രം. ഒരു ചായ കൂടി കുടിച്ചാൽ 250 രൂപ മാത്രം രാവിലെ 6 .10 മണിക്ക് പുറപ്പെട്ടു രാത്രി 8.00 മണിക്ക് തിരിച്ചെത്താം.

എല്ലാ ദിവസവും രാവിലെ 6 .10 നു ശില്പി തിയ്യറ്ററിനു സമീപത്തുള്ള KSRTC ഡിപ്പോയിൽ നിന്നും മൂന്നാർ ബസ് യാത്രയാരംഭിക്കും. ഡിപ്പോയിൽ നിന്നും ആദ്യം കൊടുങ്ങല്ലൂർ വടക്കേനടയിൽ എത്തി, കൃത്യം 6 20 നു ബസ് മൂന്നാറിലേക്ക് പുറപ്പെടും. പറവൂർ, ആലുവ, പെരുമ്പാവൂർ, കോതമംഗലം , അടിമാലി, ആനച്ചാൽ വഴി 11.30 നു മൂന്നാർ ടൗണിൽ നമ്മൾ എത്തിച്ചേരും.

അതിനിടയിൽ കോതമംഗലത്തു ബാത്രൂം സൗകര്യത്തിനായി 10 മിനുട്ടും അടിമാലിയിൽ പ്രഭാത ഭക്ഷണത്തിനായി 20 മിനിറ്റ് ബസ് നിറുത്തും. (പ്രഭാതഭക്ഷണവും ഉച്ചക്കുള്ള ഭക്ഷണവും വീട്ടിൽ നിന്നും തയ്യാറാക്കി വെച്ചാൽ ബസ് ചാർജ് മാതമേ നമുക്കു ചെലവാകുകയുള്ളു.) ടൌൺ to ടൗൺ ബസ് ആയതിനാൽ ഇടക്കുള്ള സ്റ്റോപ്പുകൾ കുറവാണു. സുഖകരമായ യാത്ര.

11.30 നു മൂന്നാർ ടൗണിൽ എത്തിച്ചേരുന്ന ബസ് ഉച്ചതിരിഞ്ഞു 2.50 നു തിരിച്ചുപോരും. അതുവരെയുള്ള മൂന്നു മണിക്കൂർ കൊണ്ട് ടൌൺ, മൂന്നാർ ചന്ത, മൂന്നാർ KSRTC ഡിപ്പോയുടെ അരികിലുള്ള ഹൈഡൽ പാർക്ക് എന്നിവ കാണാം. പാർക്ക് എൻട്രൻസ് ഫീസ് 40 രൂപ. കുട്ടികൾക്ക് 20 രൂപ. കൂടാതെ സാഹസികത ഇഷ്ടപ്പെടുന്നവർക്ക് ചെറിയതല്ലാത്ത തരത്തിലുള്ള റോപ്പ് വേയിലൂടെ യാത്ര ചെയ്യാം. ഇതിനായി ഫീസ്‌ എക്സ്ട്രാ കൊടുക്കണം.

ഈ ഡിസംബർ, ജനുവരി മാസങ്ങളിലെ മഞ്ഞും തണുപ്പും വളരെ കുറഞ്ഞ ചെലവിൽ വീട്ടുകാരെ മൊത്തം അനുഭവിപ്പിക്കാൻ ഇതിലും നല്ല പാക്കേജ് വേറെ ഉണ്ടോ? വേണമെങ്കിൽ ഒന്നുകിൽ വടക്കോട്ടു മാട്ടുപ്പെട്ടി ഡാം വരെയും അല്ലെങ്കിൽ തെക്കോട്ടു രാജമല വരെയും ഈ സമയം കൊണ്ട് പോയി വരാം. ഓട്ടോ പിടിച്ചു പോകുകയാണെകിൽ ഏകദേശം 400 മുതൽ 500 രൂപ വരികയുള്ളു. പേശിയാൽ വീണ്ടും കുറയും. പക്ഷെ ഏതെങ്കിലും ഒരു വശത്തേക്ക് പോകാൻ മാത്രമേ സമയം തികയുകയുള്ളു.

മൊബൈൽ ആപ്പുകൾ വഴി നല്ല ഓഫറിലൂടെ കുറഞ്ഞ ചിലവിൽ റൂം നേരെത്തെ ബുക്ക് ചെയ്യുകയാണെങ്കിൽ രണ്ടു ദിവസം മൂന്നാറിൽ താമസിച്ചു തിരിച്ചുവരാം. വളരെ നല്ല ജീവനക്കാർ, ഉലച്ചിലുകളില്ലാത്ത യാത്ര, മിതമായ നിരക്ക്, തിങ്ങി ഞെരുങ്ങാത്ത സീറ്റുകൾ, അടിമാലി വരെ തരക്കേടില്ലാത്ത റോഡ്, എല്ലാം കൊണ്ടും വളരെ നല്ല അനുഭവമായിരിക്കും ഈ യാത്ര.

പ്രത്യേക ശ്രദ്ധക്ക് – രാവിലെയും തിരിച്ചും കൃത്യ സമയത്തുതന്നെ ബസ് പുറപ്പെടും. കൊടുങ്ങല്ലൂരിൽ നിന്നും രാവിലെ 6.10 നു മൂന്നാറിലേക്ക് പുറപ്പെട്ടു, രാത്രി 8.00 നു തിരികെ കൊടുങ്ങല്ലൂരിൽ എത്തിച്ചേരും.

നേരെത്തെ എത്തി മുൻവശത്തെ സീറ്റ് കൈവശമാക്കിയാൽ നല്ല കാഴ്ചകളും കാണാം, ഉലച്ചിലും കുറയും. ഈ സമയം നല്ല തണുപ്പുള്ളതിനാൽ കുട്ടികൾക്കും വൃദ്ധർക്കും അത്യാവശ്യം സ്വെറ്ററുകൾ കൊണ്ടുപോകുന്നത് നല്ലതായിരിക്കും. ക്ഷണം തയ്യാറാക്കി കൊണ്ടുപോയാൽ പാർക്കിലോ മറ്റോ ഇരുന്നു എല്ലാവരും ഒരുമിച്ചിരുന്നു കഴിക്കുന്നത് നല്ലൊരു അനുഭവമായിരിക്കും. ഭക്ഷണങ്ങളുടെ വേസ്റ്റ് അലക്ഷ്യമായി വലിച്ചെറിയാതെ അവ നിക്ഷേപിക്കേണ്ട സ്ഥലങ്ങളിൽ നിക്ഷേപിക്കുവാൻ ശ്രദ്ധിക്കുമല്ലോ.

സാധാരണക്കാരായ സഞ്ചാരികൾക്ക് ഏറെ ഉപകാരപ്രദമായ ഈ ലേഖനത്തിനു കടപ്പാടും പ്രത്യേകം നന്ദിയും – പേരറിയാത്ത എഴുത്തുകാരന്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post