മൈസൂർ ദസറയുടെ തിരക്കിൽ കണ്ട കുസൃതിക്കുരുന്നു ബാല്യം; ഉള്ളുലച്ച കാഴ്ച

Total
10
Shares

പത്ത് ദിവസം നീണ്ടുനിൽക്കുന്ന മൈസൂർ ദസറ ആഘോഷത്തിൻറെ പ്രധാന ആകർഷണം 100,000 ബൾബുകൾ ഉപയോഗിച്ചു ദിവസവും വൈകീട്ട് 7 മണി മുതൽ 10 മണി വരെ പ്രകാശിക്കുന്ന മൈസൂർ പാലസാണ്. ഇതിൻറെ പണികൾക്ക് മാത്രമായി എല്ലാ വർഷവും 10 മില്യൺ രൂപ ചിലവഴിക്കുന്നു.

എന്നാൽ ഈ ആഘോഷങ്ങൾക്കിടയിൽ ആരും കാണാത്ത ചില ജീവിതങ്ങളുണ്ട്. ആഘോഷരാവുകളിൽ വയർ നിറയ്ക്കുവാനായി, ജീവിക്കുവാനായി നെട്ടോട്ടമോടുന്ന ചിലർ. കണ്ണഞ്ചിപ്പിക്കുന്ന മൈസൂർ പാലസിന്റെ ശോഭയിൽ ആരുമറിയപ്പെടാതെ പോകുന്ന ഈ ജീവിതങ്ങൾ, മനസ്സു പിടയ്ക്കുന്ന കാഴ്ചകൾ ഇവയെല്ലാം തൻ്റെ കണ്ണുകളാലും, മനസ്സുകൊണ്ടും, ക്യാമറ കൊണ്ടുമൊക്കെ അടുത്തറിഞ്ഞ വിശേഷങ്ങൾ പങ്കുവെയ്ക്കുകയാണ് നടനും ഫോട്ടോഗ്രാഫറുമായ അരുൺ പുനലൂർ. അദ്ദേഹത്തിൻ്റെ ഫേസ്‌ബുക്ക് പോസ്റ്റ് ഇങ്ങനെ.

“മൈസൂരിൽ ചെന്നിറങ്ങിയ സന്ധ്യ മുതൽ പാലസിന്റെ പരിസരങ്ങളിൽ പലയിടങ്ങളിലായി ഇവനെയും അമ്മയെയും കാണുന്നുണ്ട്.
പകൽ സമയങ്ങളിലിരുന്നു LED ബൾബുകൾ പിടിപ്പിച്ച ബലൂണുകൾ ഉണ്ടാക്കി രാത്രിയിൽ അതു കൊണ്ടുനടന്നു വിൽക്കലാണ് അമ്മക്ക് പണി. അങ്ങിനെ ഈ ദിവസങ്ങളിൽ പലപ്പോഴായി എന്റെ മുന്നിൽ വരികയും പോവുകയും ചെയ്ത തെരുവിലെ കുസൃതികളിൽ ഒരാളായിരുന്നു ഇവനും.

മിനിയാന്ന് രാത്രി ഹാർഡിങ് സർക്കിളിനു സമീപം കറങ്ങി നടക്കുമ്പോൾ അതാ നഗരം നിറഞ്ഞൊഴുകുന്ന ആഘോഷത്തിന്റെ വർണ്ണ വെളിച്ചങ്ങളിൽ നിന്നൊഴിഞ്ഞു ഇരുട്ട് വീണ മൂലയിലിരുന്നു തന്റെ കളിപ്പാട്ട മൊബൈലിൽ അവനാ കാഴ്ചകൾ റിക്കോർഡ് ചെയ്യുകയാണ്. ഒരു നിമിഷമാ കാഴ്ച ഉള്ളിനെ വല്ലാതെ ഉലച്ചു കളഞ്ഞു. മുന്നിലൂടെ കടന്നു പോകുന്നോർ മൊബൈലിൽ പകർത്തുന്നത് കണ്ടു മോഹിച്ചാവും അവനാ കളിപ്പാട്ടം ഉയർത്തിപ്പിടിച്ചു താനും പകർത്തുന്നതായി സങ്കൽപ്പിച്ചത്.

വെളിച്ചം കുറഞ്ഞയിടത്തു ദൂരെ നിന്ന് അവനറിയാതെ ഈ ഫോട്ടോ പകർത്താനുള്ള ബുദ്ധിമുട്ടിൽ ഞാനല്പം അടുത്തേക്ക് ചെന്നത് ശ്രദ്ധയിൽ പെട്ട് തന്റെ നേരെ തിരിഞ്ഞ ക്യാമറ കണ്ടപ്പോ അവനു ചെറിയ നാണം. പിന്നൊരു ചിരി. ഞാനെടുത്തു പോയിരുന്നു കയ്യിലുണ്ടായിരുന്ന തണ്ണിമത്തന്റെ ചെറു കഷ്ണം കൊടുത്തപ്പോ വാങ്ങണോ വേണ്ടയോ എന്ന സംശയത്തോടെ അമ്മയെ ഒന്ന് നോക്കി അനുവാദം വാങ്ങി.

ഒത്തിരി ഇഷ്ടത്തോടെ കഴിക്കുന്നത് കണ്ടപ്പോ അവർക്കായി രണ്ടു പങ്ക് വാങ്ങിക്കൊടുത്തു. തിരിച്ചു പോകുമ്പോൾ ഒന്നുകൂടി നോക്കി. അമ്മ പറഞ്ഞിട്ടാകും വലതു കൈ ഉയർത്തി അവൻ ടാറ്റ പറഞ്ഞു. ഇന്നലെ പകൽ തിരിച്ചു പോരും മുൻപ് അവനെ ഒന്നുകൂടി കാണാനായി അതേ പരിസരത്തൊക്കെ കുറെ തിരഞ്ഞെങ്കിലും കണ്ടില്ല. ഞാനവന്റെ പേര് പോലും ചോദിച്ചില്ല. ആ നാണത്തിൽ കുതിർന്ന ചിരി വീണ്ടും കാണാനായില്ല..

കുഞ്ഞേ ഈ ലോകത്തു നീയൊട്ടും സുരക്ഷിതനല്ലെന്നറിയാം എങ്കിലും ഈ കണ്ണില്ലാത്ത കാലത്തിന്റെ തിരസ്‌ക്കാരങ്ങളും കഷ്ടപ്പാടുകളുമെല്ലാം അതിജീവിച്ചു കുഞ്ഞിക്കണ്ണുകൾ കൊണ്ടു ലോകത്തെ പകർത്തി നീ വീണ്ടും ചിരിക്കുമെന്നുള്ള പ്രതീക്ഷയിൽ ഈ ചുമരുകളിൽ നിന്നേ കാലത്തിനു സമ്മാനിച്ചു ഞാൻ മടങ്ങിപ്പോകുന്നു.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post