കേരളത്തിൽ നിന്നും ഇനി മൈസൂരിലേക്ക് നേരിട്ട് ട്രെയിൻ മാർഗ്ഗം പോകാം

Total
0
Shares

ബെംഗളൂരുവും മംഗലാപുരവും കഴിഞ്ഞാൽ മലയാളികൾ കൂടുതലായി പോകുന്ന കർണാടകയിലെ ഒരു സ്ഥലമാണ് മൈസൂർ. നിലവിൽ മൈസൂരിലേക്ക് ആളുകൾ പോകുന്നത് ബസ് മാർഗ്ഗമാണ്. എന്നാൽ വയനാട് ചുരവും കാടുമൊക്കെ കടന്നുള്ള യാത്ര ചിലർക്ക് അസ്വാസ്ഥതയുളവാക്കാറുണ്ട്. അല്ലെങ്കിൽ ബെംഗളൂരു വരെ അവിടെ നിന്നും ട്രെയിൻ മാറിക്കയറി പോകുകയായിരുന്നു പതിവ്. ഇത്തരക്കാർക്കായി കേരളത്തിൽ നിന്നും മൈസൂരിലേക്ക് ഒരു പ്രതിദിന ട്രെയിൻ സർവ്വീസ് ആരംഭിച്ചിരിക്കുകയാണ് ഇപ്പോൾ.

തിരുവനന്തപുരത്തെ കൊച്ചുവേളിയിൽ നിന്നുമാണ് മൈസൂരിലേക്ക് ട്രെയിൻ സർവ്വീസ് ആരംഭിച്ചിരിക്കുന്നത്. നിലവിൽ കൊച്ചുവേളി – ബെംഗളൂരു റൂട്ടിൽ ഓടിക്കൊണ്ടിരുന്ന എക്സ്പ്രസ്സ് ട്രെയിനാണ് മൈസൂരിലേക്ക് നീട്ടിയിരിക്കുന്നത്. നിലവിലെ സമയത്തിൽ ഒട്ടും മാറ്റം വരുത്താതെയാണ് ഈ റൂട്ട് നീട്ടൽ.

ദിവസേന വൈകുന്നേരം 4.45 നു കൊച്ചുവേളിയിൽ നിന്നും പുറപ്പെടുന്ന ട്രെയിൻ കൊല്ലം, ആലപ്പുഴ, എറണാകുളം (സൗത്ത്), പാലക്കാട്, ഈറോഡ് വഴി പിറ്റേന്ന് രാവിലെ 8.35 നു ബെംഗളൂരുവിൽ എത്തിച്ചേരുകയും, അവിടെ നിന്നു വീണ്ടും 140 ഓളം കിലോമീറ്റർ ദൂരം സഞ്ചരിച്ച് രാവിലെ 11.20 നു മൈസൂരിൽ എത്തിച്ചേരും. മൈസൂരിൽ നിന്നും ഉച്ചയ്ക്ക് 12.50 നു പുറപ്പെടുന്ന കൊച്ചുവേളി എക്സ്പ്രസ്സ് അടുത്ത ദിവസം രാവിലെ 9.35 നു കൊച്ചുവേളിയിൽ എത്തിച്ചേരും. 21 മണിക്കൂറോളമാണ് ഈ എക്സ്പ്രസ്സ് ട്രെയിനിൻ്റെ കൊച്ചുവേളി – മൈസൂർ റണ്ണിങ് സമയം.

ബെംഗളൂരുവിനും മൈസൂരിനുമിടയിൽ കെംഗേരി, രാമനാഗരം, മാണ്ട്യ തുടങ്ങിയ ഇടങ്ങളിലായിരിക്കും ഈ ട്രെയിനിന് സ്റ്റോപ്പ് ഉണ്ടായിരിക്കുക. ഒരു റ്റു ടയർ എ.സി. കോച്ച്, മൂന്ന് ത്രീടയർ എ.സി. കോച്ച്, 13 സ്ലീപ്പർ കോച്ചുകൾ, മൂന്ന് ജനറൽ കോച്ചുകൾ എന്നിവയാണ് മൈസൂർ – കൊച്ചുവേളി എക്സ്പ്രസിൽ ഉണ്ടാകുക.

മൈസൂരിലേക്ക് നേരിട്ട് ഒരു ട്രെയിൻ സർവ്വീസ് എന്നത് ഏറെക്കാലമായി മലയാളികളുടെ ഒരു ആഗ്രഹവും ആവശ്യവുമായിരുന്നു. ഇതിനായി നിരവധി മലയാളി സംഘടനകളും പാസഞ്ചേഴ്സ് അസ്സോസിയേഷനുമെല്ലാം നിവേദനങ്ങൾ നൽകിയിരുന്നു. അങ്ങനെയാണ് ബെംഗളൂരു – കൊച്ചുവേളി റൂട്ടിൽ ഓടിക്കൊണ്ടിരുന്ന എക്സ്പ്രസ്സ് ട്രെയിൻ മൈസൂരിലേക്ക് നീട്ടുവാൻ റെയിൽവേ തയ്യാറായത്. ഈ റൂട്ട് നീട്ടൽ മൈസൂരിൽ ഉള്ളവർക്കും ഉപകാരപ്രദമാണ്. മലയാളികളെപ്പോലെ തന്നെ മൈസൂരിൽ നിന്നും തമിഴ്‌നാട്ടിലേക്കും കേരളത്തിലേക്കുമൊക്കെ സഞ്ചരിക്കുന്ന കർണ്ണാടകക്കാർക്ക് ഈ ട്രെയിൻ സർവ്വീസ് ഒരു അനുഗ്രഹം തന്നെയാണ്.

മൈസൂർ റെയിൽവേ സ്റ്റേഷനിൽ കർണാടക മുഖ്യമന്ത്രി ബി.എസ്.യെദ്യൂരപ്പയാണ് ട്രെയിൻ ഫ്‌ളാഗ് ഓഫ് ചെയ്തത്. ‘മലയാളികൾക്ക് ഒരു ദസറ സമ്മാനം’ എന്ന വിശേഷണവുമായാണ് ഈ ട്രെയിൻ ഓടിത്തുടങ്ങിയത്. എന്തായാലും യാത്രക്കാർക്ക് ഇതൊരു സമ്മാനം തന്നെയാണ്. ഈ ട്രെയിൻ സർവ്വീസ് ഹിറ്റാകുകയാണെങ്കിൽ കൂടുതൽ ട്രെയിൻ സർവ്വീസുകൾ മൈസൂരിൽ നിന്നും കേരളത്തിലേക്ക് ആരംഭിക്കുന്നതിനെക്കുറിച്ച് ആലോചിക്കുമെന്ന് റെയിൽവേ അറിയിച്ചു.

ചിത്രം – Nischay Shetty, The Railzone.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post