അഴിക്കോടിലെ കിണ്ണം ലെസ്സിയും അത്യുഗ്രൻ സ്പെഷ്യൽ ലൈമും

Total
7
Shares

വിവരണം – Praveen Shanmukom, ARK – അനന്തപുരിയിലെ രുചി കൂട്ടായ്മ.

ചിക്കൻ പെരട്ടും ചിക്കൻ തോരനും മിൽക്ക് മെയ്ഡ് സർബത്തൊക്കെ കഴിച്ചു ഫുൾ ലോഡായുള്ള വരവാണ്. വയറിൽ ഇനി ഒരു തുള്ളി സ്ഥലമില്ല. ശകടത്തിലെ വളയത്തിൽ കൈകൾ പണിയെടുക്കുമ്പോഴും കണ്ണുകൾ വഴിയരികിലെ ആ മോര് കടയെ തിരയുക ആയിരുന്നു. കുറച്ചു നാൾ മുൻപ് പേഴ്‌സണൽ ആയി വാട്സാപ്പിൽ വന്ന മെസ്സേജ് ഹൃദയത്തിൽ ഒരു നൊമ്പരമായി എരിയുന്നുണ്ടായിരുന്നു. ഒരു മനുഷ്യന്റെ അധ്വാനത്തെ കശക്കിയെറിഞ്ഞ സ്വപ്നങ്ങൾക്ക് കടിഞ്ഞാണിട്ട ഓരോ വികൃതികൾ.

ജീവിതത്തിന്റെ കരകാണാക്കടലിൽ അലയവെ ഒരു പിടിവള്ളി പോലെ, കൂട്ടുകാർ ഒരുമിച്ചു കൂടി വാട്സാപ്പ് ഗ്രൂപ്പിൽ ഉയർന്നു വന്ന ഒരു കൂട്ടായ്മയുടെ സഹായത്തോടെ ആറ്റുനോറ്റിരുന്നു ഒരു ചെറിയ കട തുടങ്ങി. ജീവിതത്തിലെ പുഷ്പ സുരഭില നാളുകൾ ഇങ്ങനെ തളിർത്തു വരവേയാണ് വിധി മോഷ്ടാവിന്റെ രൂപത്തിൽ അരങ്ങേറിയത്. ആ ചെറിയ കടയുടെ രുചിയുടെ തുടിപ്പായിരുന്ന ജനറേറ്റർ ആയിരുന്നു മോഷ്ടാവിന്റെ ഇര. അഷ്ട്ടിക്ക് അധ്വാനിക്കുന്നവന്റെ മടിക്കുത്തിൽ കയ്യിട്ടു വാരുന്നവന് എന്ത് ചേതോവികാരം. ആ ജനറേറ്റർ പോയ കാര്യമായിരുന്നു മുൻപ് പേഴ്‌സണൽ ആയി എനിക്ക് വാട്സാപ്പിൽ മെസ്സേജ് വന്നത്.

ഒന്ന് രണ്ടു കടകൾ റോഡ് അരികിൽ കണ്ടു, മാറാലകൾ പേറിയും അടഞ്ഞ നിലയിലും. മനസ്സിൽ വേദനയുടെ കൊള്ളിയാനുകൾ കടന്നു പോയി. ഈശ്വര കട ഇപ്പോഴും ഇല്ലേ. ശ്ശോ, അത് എനിക്ക് കട മാറിയതാണ്. ഭാഗ്യം കട പഴയ സ്ഥലത്ത് തന്നെയുണ്ട്. കുടുംബത്തിലെ പരിവാരങ്ങൾ അടക്കം Hassain Azhicod ചേട്ടൻ അവിടെ തന്നെയുണ്ട്.

വണ്ടി വിട്ടങ്ങു പോയി. കാരണം വയറിൽ ഒരു തുള്ളി വെള്ളം കുടിക്കാൻ പോലും സ്ഥലം ഇല്ലായെന്നത് തന്നെ. കുറച്ചു ദൂരം പോയി. കടയിൽ അധികം ആളൊന്നും കണ്ടില്ല. കച്ചവടം ഇപ്പോൾ കുറവായിരുക്കുമോ ഒന്ന് സംസാരിക്കുകയെങ്കിലും ചെയ്യാമായിരുന്നു. എനിക്കും തിരക്കുകൾ ഉണ്ട്. രാവിലെ വീട്ടിൽ നിന്ന് ഇറങ്ങിയതാണ്. ഇപ്പോൾ വൈകുന്നേരം ആകാൻ പോകുന്നു. എങ്കിലും മനസ്സിൽ എന്തോ ഒരു കരട് വീണത് പോലെ. പിന്നെ വേറെയൊന്നും ചിന്തിച്ചില്ല, വണ്ടി നേരെ തിരിച്ചു വിട്ടു. ആ നാടൻ മോരു കടയെ ലക്ഷ്യമാക്കി.

കണ്ടപ്പോൾ തന്നെ ആ ചിരി കിട്ടി. എന്താ എടുക്കേണ്ടത്. അടിപൊളി സ്പെഷ്യൽ ലെസ്സി ഉണ്ട്. എടുക്കട്ടേ. എന്ത് പറയാൻ എന്റെ അവസ്ഥ. കാര്യങ്ങൾ എല്ലാം വിശദീകരിച്ചു പറയാൻ നിന്നില്ല. ഒറ്റ വാക്ക്. ശരി. അങ്ങനെ ലെസ്സി എത്തി. സാധാരണ ദാഹിച്ചിരിക്കുമ്പോൾ അല്ലെങ്കിൽ വയർ വിശന്നിരിക്കുമ്പോൾ എന്ത് കിട്ടിയാലും രുചിയാ. ഇവിടെ തിരിച്ചാണ്, വയർ നിറഞ്ഞിരിക്കുകയാണ്. എന്നിട്ടും ആ രുചി ഞാൻ തിരിച്ചറിഞ്ഞു. എന്താ രുചി. നാവിൽ കപ്പലോട്ടത്തിന്റെ ഒരു തേരോട്ടമായിരുന്നു. തൈര്, പഞ്ചസാര, ഏലയ്ക്ക, പുതിന ഇവയൊക്കെയാണ് ലെസ്സിയിലെ ചേരുവകൾ. എന്നെ സംബന്ധിച്ചെടുത്തോളം ഇത് വരെ കഴിച്ച ലെസ്സികളിൽ നമ്പർ 1 എന്ന് നിസ്സംശയം പറയാം.

അപ്പോളതാ അടുത്ത ചോദ്യം ഒരു സ്പെഷ്യൽ ലൈം കൂടി എടുക്കട്ടേ. ഇത്തവണ ഞാൻ ഞെട്ടി. വയറിന്റെ കാര്യങ്ങൾ ഒക്കെ പറഞ്ഞു മനസ്സിലാക്കി. എങ്കിലും സ്നേഹപൂർവം വീണ്ടും. ലെസ്സി പകുതി കുടിച്ചാൽ മതി. ഇതൊന്നു ടേസ്റ്റ് ചെയ്തു നോക്കു. പകുതി കുടിച്ചാൽ മതി എന്ന് പറഞ്ഞു. വയറിൽ ഒരു ഇത്തിരി സ്ഥലമില്ലെങ്കിലും ആ രുചി അറിയിക്കാനുള്ള ആഗ്രഹം കണ്ടപ്പോൾ മറുത്ത് ഒന്നും പറഞ്ഞില്ല. അങ്ങനെ ആ സ്പെഷ്യൽ ലൈമും ഇതൊക്കെയാണ് വള്ളി പുള്ളി തെറ്റാതെ സ്പെഷ്യൽ ലൈം എന്ന് ഉറക്കെ പറയേണ്ടത്. ആഹാ എന്താ ടേസ്റ്റ്. ഇതും എന്നെ കീഴടക്കി.

സോഡാ, മുളക്, ഇഞ്ചി, ഉപ്പ്, കായം, പുതിനയില ഇവയിൽ അലിഞ്ഞു ചേർന്ന നാരങ്ങ. അത്യുഗ്രൻ കിടുക്കാച്ചി ബോഞ്ചി വെള്ളം എന്ന് കയ്യടിച്ചു പറയാം. രണ്ടും പപ്പാതി കുടിച്ച കാരണം ഒന്നിന്റെ പൈസ മതി എന്ന് സ്നേഹപൂർവം പറഞ്ഞെങ്കിലും അതേ സ്നേഹത്തോടെ അത് നിരസിച്ചു. ആ സ്നേഹം നിറഞ്ഞ മനുഷ്യന്റെ അധ്വാനത്തിന് മുഴുവൻ കാശും കൊടുത്തു നിറഞ്ഞ മനസ്സോടെ ഇറങ്ങി. വയറു മുൻപേ നിറഞ്ഞിരുന്നു.

വീണ്ടും പലതിനും ക്ഷണം ഉണ്ടായിരുന്നുവെങ്കിലും ഒരു നിവർത്തിയും ഇല്ലാത്തതിനാൽ എല്ലാം അടുത്ത തവണത്തേക്കു മാറ്റി വച്ചു . ആ ജനറേറ്റർ ഇപ്പോഴും കിട്ടിയിട്ടില്ല. പുതിയത് വാങ്ങിക്കേണ്ടി വന്നു. പോലീസിന്റെ ഭാഗത്തു നിന്ന് അന്വേഷണമൊക്കെ നടക്കുന്നുണ്ട്. ആകെ തകർന്ന പോയ ആ സമയത്ത് കട കുറച്ചു നാൾ അടച്ചിടാൻ പോലും ആലോചിച്ചത്രേ. ഈശ്വരൻ കൈവിടാത്തതു കൊണ്ട് ഇപ്പോഴും പിടിച്ചു നിൽക്കുന്നു.

അപ്പോൾ ഈ വഴിയോ ഇതിന്റെ അടുത്ത് കൂടിയോ പോകുന്നവർ ഈ ഹസ്സെൻ ചേട്ടന്റെ ഈ കൊച്ചു കടയിലും കയറാൻ മറക്കണ്ട. ഇവിടെ ലെസ്സി, സ്പെഷ്യൽ ലൈം ജ്യൂസ് കൂടാതെ നാടൻ മോരും, ഓറഞ്ച് ജ്യൂസ്, പൈനാപ്പിൾ ജ്യൂസ് , ലൈം ജ്യൂസ് , സോഡാ ലൈം , ഫ്രൂട്ട് സർബത്ത്, നാരങ്ങാ സർബത്ത് , സോഡാ നാരങ്ങാ സർബത്ത് ഒക്കെ ലഭ്യമാണ്. നിങ്ങൾ ഇദ്ദേഹത്തിന്റെ അധ്വാനത്തിന് കൊടുക്കുന്ന ഓരോ നാണയ തുട്ടുകളും അദ്ദേഹത്തിന് ഒരു അനുഗ്രഹമായിരിക്കും. ക്വാളിറ്റിയുടെ കാര്യത്തിലും രുചിയുടെ കാര്യത്തിലും ഞാൻ ഗ്യാരന്റി .

വില വിവരം: ലെസ്സി – Rs 35, സ്പെഷ്യൽ Lime സോഡാ – Rs 20. സമയം: രാവിലെ 9 മണി മുതൽ രാത്രി 6.30 മണി വരെ. ലൊക്കേഷൻ: പേരൂർക്കടയിൽ നിന്ന് നെടുമങ്ങാട് വരുമ്പോൾ അഴിക്കോട് കഴിഞ്ഞാൽ Govt UPS സ്ക്കൂളിരിക്കുന്ന ജംഗ്ഷൻ വരുന്ന സ്ഥലം. അഴിക്കോട് കഴിഞ്ഞ് ഒരു മുന്നൂറ് മീറ്റർ. സപ്ലൈക്കോയുടെ അടുത്ത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post