തത്തൻകോട്ടെ ഷീജചേച്ചിയുടെ നെസ്‌ലെ മിൽക്ക്-മെയ്‌ഡ്‌ ഫ്രൂട്ട് സർബത്ത്

Total
0
Shares

വിവരണം – Praveen Shanmukom (ARK – അനന്തപുരിയിലെ രുചി കൂട്ടായ്മ).

ഇത് തിരുവനന്തപുരത്തെ മിൽക്ക്മെയ്ഡ് ഫ്രൂട്ട് സർബത്ത്. നെടുമങ്ങാട് ചെന്നശേഷം പഴകുറ്റി ജംഗ്ഷനിൽ നിന്ന് നേരെയുള്ള വഴി, കൊല്ലങ്കാവ് – പുത്തൻ പാലം റൂട്ട് വഴി പോകുമ്പോൾ 2.5 കിലോമീറ്റർ കഴിഞ്ഞ് പുത്തൻ പാലം എത്തുന്നതിന് തൊട്ട് മുമ്പ് വലത് വശത്ത് രണ്ടാമതായി (പാലോട് നിന്ന് നെടുമങ്ങാട് പോകുമ്പോൾ ഇടത് വശത്തായി ആദ്യത്തെ കട) Nestle മിൽക്ക് മെയ്ഡിന്റെ ചെറിയ തട്ട് കാണാം വീടിന്റെ മുന്നിലായി. ഇരുന്ന് കഴിക്കാൻ ചെറിയ ഒരു മുറിയും പുറകേ കാണാം. ഇരുന്ന് കഴിക്കാൻ അത് ഒഴിഞ്ഞ് കണ്ടിട്ടില്ല.

തട്ട് സ്പോണസർ ചെയ്തത് Nestle തന്നെ. എറണാകുളത്തെ മെയിൻ ഏജൻസി പച്ച പിടിച്ചത് പോലും ഇവിടത്തെ ചെലവ് കാരണമാണ്. പ്രീ പെയ്ഡായി ആണ് അവർ ഇപ്പോൾ Nestle ഇവിടെ കൊടുക്കുന്നത്. ഇത്രയും sale ഇവിടെ നടക്കുന്നുന്നത് കൊണ്ടാണെന്ന് അങ്ങ് സായിപ്പിന്റെ നാട്ടിൽ അറിയച്ചപ്പോൾ അത് നേരിട്ടറിയാൻ ഫ്ലൈറ്റ് കയറി എത്തിയ രണ്ട് സായിപ്പന്മാരുടെ കഥയും ഇവിടെ ചരിത്രം.

ഇങ്ങനെയൊരു സർബത്ത് കട ഉണ്ടാവാൻ കാരണം അവിടെയുള്ള ഡ്രൈവിങ്ങ് സ്ക്കൂൾ ആണ്. വീട്ടിലെ ഒരു മുറി അവിടത്തെ വെഹിക്കളുകാർക്ക് വാടകയ്ക്കായി കൊടുത്തിരുന്നു. കൂടാതെ അവിടെ ഡ്രൈവിങ്ങ് സ്ക്കൂളിലെ പലരും അച്ചന്റെ സുഹൃത്തുക്കൾ; അവർ ഷീജയുടെ വീട്ടിൽ വരുമ്പോൾ നാരങ്ങ വെള്ളവും മോരുമൊക്കെ കലക്കി കൊടുക്കുമായിരുന്നു. ഒരുപാട് പേർക്ക് ഇത് പല തവണ ആയപ്പോൾ അവർ പറഞ്ഞു. മോളേ നീ ചെറുതായിട്ട് ഒരു കട തുടങ്ങ്. നമ്മൾ കാശ് തന്ന് വാങ്ങിച്ച് കുടിച്ചോളാം.

അന്ന് ആ പരിസരത്ത് വേറെ ഇത് പോലെ പാനീയങ്ങൾ കിട്ടുന്ന കടയൊന്നുമില്ല. അങ്ങനെ നാരങ്ങ വെള്ളവും മോരുമായി 2010 ൽ തുടങ്ങിയതാണ് ഈ കട. ഇവിടത്തെ കച്ചവടം പൊടിപൊടിച്ചപ്പോൾ ആർക്കും വേണ്ടാത്ത ഈ സ്ഥലത്ത് ഒരുപാട് കച്ചവടക്കാരായി. ചിലരൊക്കെ കട മാറി വേറെ കടയിൽ നിന്ന് കഴിച്ചിട്ട് ഷീജയുടെയാണെന്ന് തെറ്റിദ്ധരിച്ച് ഷീജയുടെ കടയെ കുറ്റം പറയുന്നുവരുമുണ്ട്. കടയുടെ പടവും ഷീജയുടെ പടവും ഇട്ടിട്ടുണ്ട്. തെറ്റാതെ പോകുക.

2014 ലാണ് ഇവിടെ മിൽക്ക് മെയ്ഡ് ആരംഭിച്ചത്. നമ്മുടെ ടൈം. അതെ തികച്ചും ഭക്ഷണ പ്രാന്തന്മാരായ നമ്മൾ തിരോന്തരംകാരുടെ സമയമായിരുന്നു അത്. പല പോസ്റ്റിലും പറയാറുണ്ട് നിങ്ങൾ അത് വഴി പോകുമ്പോൾ ഒന്ന് കേറി കഴിക്കണേ എന്ന്. ഇവിടെ അങ്ങനെയല്ല. അത് വഴി പൊമ്മുടിയൊക്കെ കാണാൻ പോകുമ്പോൾ കേറണം എന്നല്ല ഇത് കഴിക്കാൻ വേണ്ടി മാത്രം കുറച്ച് കിലോമീറ്ററുകൾ താണ്ടി ഇവിടെ വന്നാലും തീർച്ചയായും നല്ല ഒരു ഭക്ഷണ അനുഭവം തന്നെയായിരിക്കും. പിന്നൊരു കാര്യം വരുമ്പോൾ ഒറ്റയ്ക്ക് വരരുത്. ഒറ്റയ്ക്ക് വന്നാൽ ചിലപ്പോൾ താങ്ങൂല. ഒരു ഗ്ലാസ്സ് എന്ന് പറഞ്ഞാൽ ഒരു രണ്ട് ഗ്ലാസ്സ് അടുപ്പിച്ച് വരും.

എന്തൊക്കെയാണ് ഇതിലെ ചേരുവകൾ. Nestle Milk Maid, തേങ്ങ തിരുമ്മി പിഴിഞ്ഞ് എടുക്കുന്ന തേങ്ങാ പാൽ. രസകദളി പഴം, പൈനാപ്പിൾ, പപ്പയ്ക്ക, ആപ്പിൾ, കുരുവില്ലാത്ത മുന്തരിങ്ങ അരിഞ്ഞ് ഇടും, സ്വന്തമായി കാച്ചിയെടുക്കുന്ന മുട്ട ചേർക്കാത്ത നറുനീണ്ടിയുടെ സിറപ്പ്, വാനില ഐസ്ക്രീം കാച്ചിയെടുക്കുന്നത് പിന്നെ ഒരു ലോഡ് കപ്പലണ്ടിയും. വീട്ടിലെ വെള്ളമാണ് ഉപയോഗിക്കുന്നത്. വീട്ടിലെ ഫ്രീസറിൽ വച്ചുണ്ടാക്കിയ ഐസ്സാണുപയോഗിക്കുന്നത്. വില ₹ 40. ഒട്ടും കൂടുതലല്ല. വാങ്ങിച്ച് നോക്കു. എല്ലാം നല്ല ക്വാണ്ടിറ്റിയും ഉണ്ട്.

രണ്ട് വർഷം മുൻപ് 30 രൂപയായിരുന്നു വില. പെരുന്നാളും ഓണവും ഒന്നിച്ച് വന്ന ആ സമയത്ത് രസകദളി പഴത്തിന് വില കൂടിയപ്പോഴാണ് 40 രൂപയാക്കിയത്. നല്ല ക്വാളിറ്റിയുള്ള പ്ളാസ്റ്റിക്ക് സ്പൂണാണുപയോഗിക്കുന്നത്. ഉപയോഗശേഷം കളയുന്ന സ്പൂണുകൾ കത്തിച്ച് കളയാറില്ല. ചാക്കിലാക്കി മുൻസിപാലിറ്റിക്ക് നല്കുകയാണ് ചെയ്യുന്നത്. അതിനവർ ഷീജയിൽ നിന്ന് നൂറ് രൂപ ഈടാക്കുന്നുമുണ്ട്.

സ്‌റ്റീൽ സ്‌പൂൺ ആവശ്യപ്പെടുന്നവർക്ക് നാല് മണി വരെ നല്കും. നാല് മണിയെന്ന് എടുത്ത് പറയാൻ കാരണം. ഗ്ളാസ്സ് കഴുകുന്ന ലേഡി സ്റ്റാഫ് തന്നെയാണ് സോപ്പെല്ലാം ഇട്ട് രണ്ട് മൂന്ന് വെള്ളത്തിൽ ഗ്ളാസ്സ് കഴുകുന്നത്. 4 മണി കഴിഞ്ഞാൽ അവർ പോകും. പിന്നെ ഷീജയെ കൊണ്ട് എല്ലാം കൂടി അതായത് ഗ്ളാസ്സ് കഴവലല്ല സ്പൂൺ കഴുകൽ എല്ലാം കൂടി പ്രാക്ടിക്കലി പറ്റില്ല. പിന്നെ ഇവിടെ ഒന്നും വെറും കഴുകൽ ഇല്ല. വൃത്തി ഒരു പ്രധാന കാര്യമാണ്. അത് പോലെ തന്നെ കസ്റ്റമേഴ്സിനോട് ഇടപ്പെടുന്ന രീതിയും. കുടിച്ചിട്ട് പൈസയും തന്നിട്ട് പോ എന്ന രീതിയല്ല. വീട്ടിലുള്ളവർക്ക് കൊടുക്കുന്ന പോലെ. കൊച്ച് പിള്ളേരുടെയടുത്ത് ഒരു അമ്മയെ പോലെ അല്ലാത്തവർക്ക് ഒരു പെങ്ങളെപോലെയൊക്കെ തോന്നുന്ന പ്രകൃതം. കൂടെയുള്ള സ്റ്റാഫുകളോടൊക്കെ ഗർവില്ലാതെ നല്ല രീതിയിൽ പെരുമാറുന്ന സ്റ്റൈൽ. ഇതൊക്കെ ഒരിടത്ത് നിന്നും മാർക്കറ്റിങ്ങ് ടെക്കനിക്ക് പഠിച്ച് ഉണ്ടാക്കിയെടുത്തതല്ല. ഹൃദയത്തിൽ നിന്ന് വരുന്നത്. തനി തിരോന്തരമെന്ന്.

രാവിലെ 9:15, കൂടിയാൽ 9:30 ക്ക് കട തുടങ്ങും. രാത്രി 6:45 മാക്സിമം 7:00 മണി വരെ കാണും. പാഴ്സലിന് നല്ല ചെലവാണിവിടെ. രാവിലെ കട തുടങ്ങുമ്പോൾ തന്നെ ഒരു സർബത്തിന്റെ 50 പാഴ്സൽ, രണ്ടെണ്ണെത്തിന്റെ 60 പാഴ്സൽ കെട്ടി പതിനൊന്ന് മണിക്ക് മുമ്പ് ഫ്രീസറിൽ എടുത്ത് വയ്ക്കും. അതൊരു പന്ത്രണ്ടര ഒരു മണിക്ക് മുമ്പ് തീരും.

ഞാനിവിടെ ആദ്യം പോയത് ഭാര്യയും രണ്ട് കുട്ടികളുമായാണ്. രണ്ടാമത് ചെന്നപ്പോൾ കൂടെ ഭാര്യയും സുഹൃത്ത് Sreeja Mathew വും ഉണ്ടായിരുന്നു. മൂന്ന് പേർക്ക് രണ്ട് സർബത്ത് വാങ്ങി. വയർ നിറഞ്ഞത് കാരണം തീർക്കാൻ പെട്ട പാട്. കുട്ടികളെ ഷീജ അന്വേഷിച്ചു. എന്തായാലും അവർക്ക് വേണ്ടിയും കൂടി പാഴ്സൽ വാങ്ങി. വീട്ടിൽ എത്തി ഇത് കണ്ടപ്പോഴേക്കും പിള്ളേര് ചാടി വീണ് ഫിനിഷാക്കി. പിന്നെ ഷീജയെ കോണ്ടാക്റ്റ് ചെയ്തപ്പോൾ പാഴ്സൽ വീട്ടിൽ ചെന്നയുടൻ ഫ്രീസറിൽ വച്ചോ (തേങ്ങാ പാൽ ചേർത്തിരിക്കുന്നതിനാൽ) കുട്ടികൾ കുടിച്ചോ എന്നൊക്കെ അന്വേഷിച്ചു. അതാണ് ഷീജ. പിന്നെങ്ങനെയാണ് നമുക്ക് ഒരു പെങ്ങളെ പോലെ തോന്നാതിരിക്കാനാവുക.

മിൽക്ക് മെയ്ഡ് സർബത്ത് മാത്രമല്ല നറുനീണ്ടി നാരങ്ങ സർബത്തും, സോഡയും ഇവിടെ കിട്ടും.ദൂരെ നിന്ന് പോകുന്നവർ ദയവായി ഫോൺ വിളിച്ച് ഉറപ്പ് വരുത്തിയിട്ട് പോകുക. സർബത്ത് Highly Recommended. ഈ സർബത്ത് ഇഷ്ടപ്പെടാത്തവർ ഒരു സർബത്ത് വിരോധി ആയിരിക്കും.

Al Ameen Fruit Sarbath, Thathancode, Nedumangad, Kerala 695541, PH- 9048402557,
https://goo.gl/maps/DKHWoYUNX1oJsV1NA.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post