തൃശ്ശൂർ – ഊട്ടി, കോട്ടയം – പഴനി, അർത്തുങ്കൽ – വേളാങ്കണ്ണി; പുതിയ KSRTC സർവ്വീസുകളുടെ ലിസ്റ്റ് പുറത്ത്…

Total
0
Shares

കേരളത്തിന്റെ സ്വന്തം വാഹനമാണ് കെഎസ്ആർടിസി. കേരളത്തിനകത്തു മാത്രമല്ല അയൽസംസ്ഥാനങ്ങളായ കർണാടക, തമിഴ്‌നാട് എന്നിവിടങ്ങളിലും കെഎസ്ആർടിസിയുടെ സർവ്വീസുകൾ ലഭ്യമാണ്. അന്തർ സംസ്ഥാന സർവീസുകളുടെ കാര്യമെടുക്കുകയാണെങ്കിൽ കർണാടകയേക്കാൾ കൂടുതലും തമിഴ്‌നാട്ടിലേക്കാണ് കെഎസ്ആർടിസിയുടെ സർവ്വീസുകൾ ഉള്ളതെന്നു മനസ്സിലാക്കുവാൻ സാധിക്കും. ഗൂഡല്ലൂർ, ഊട്ടി, കോയമ്പത്തൂർ, പഴനി, പൊള്ളാച്ചി, ഉദുമൽപെട്ട്, മധുര, തേനി, വേളാങ്കണ്ണി, തെങ്കാശി, കന്യാകുമാരി, നാഗർകോവിൽ എന്നിവയാണ് കെഎസ്ആർടിസി വിജയക്കൊടി പാറിച്ചിരിക്കുന്ന തമിഴ്‌നാട്ടിലെ റൂട്ടുകൾ.

ഇപ്പോഴിതാ തമിഴ്‌നാടുമായുള്ള പുതുക്കിയ അന്തർ സംസ്ഥാന ബസ് സർവ്വീസ് കരാർ പ്രകാരം പുതിയ ഏതാനും സർവ്വീസുകൾ കൂടി ആരംഭിക്കുവാൻ കെഎസ്ആർടിസി തീരുമാനിച്ചിരിക്കുകയാണ്. ഇതു സംബന്ധിച്ച കുറിപ്പ് കെഎസ്ആർടിസി ചീഫ് ഓഫീസിൽ നിന്നും ബന്ധപ്പെട്ട യൂണിറ്റ് അധികാരികൾക്കും മേഖലാ അധികാരികൾക്കും ലഭിച്ചു കഴിഞ്ഞു. പുതുതായി തമിഴ്‌നാട്ടിലേക്കുള്ള കെഎസ്ആർടിസിയുടെ സർവ്വീസുകൾ ഏതൊക്കെയെന്നു താഴെ കൊടുക്കുന്നു.

കെഎസ്ആർടിസി തുടങ്ങുവാനിരിക്കുന്ന പുതിയ ഇന്റർ-സ്റ്റേറ്റ് ബസ് സർവ്വീസുകളും റൂട്ടും…

1. കണ്ണൂർ – കോയമ്പത്തൂർ : കണ്ണൂരിൽ നിന്നും പാലക്കാട്, വാളയാർ വഴി കോയമ്പത്തൂരിലേക്ക് സർവ്വീസ് വരുന്നു. ഇതിനായി രണ്ടു ബസ്സുകളാണ് (അപ് & ഡൗൺ) പുതുതായി അനുവദിച്ചിരിക്കുന്നത്. നിലവിൽ ചേർത്തല ഡിപ്പോയുടെ കീഴിലുള്ള AT 311, തൃശ്ശൂർ ഡിപ്പോയുടെ കീഴിലുള്ള AT 314 എന്നീ ബസ്സുകൾ ഇതിനായി കണ്ണൂർ ഡിപ്പോയിലേക്ക് അലോട്ട് ചെയ്തിട്ടുണ്ട്.

2. കോട്ടയം – പഴനി : കോട്ടയത്ത് നിന്നും കുമളി, തേനി വഴി പഴനിയിലേക്ക് കെഎസ്ആർടിസി സർവ്വീസ് ആരംഭിക്കും. ഇതിനായി രണ്ടു ബസ്സുകളാണ് പുതുതായി അനുവദിച്ചിരിക്കുന്നത്. നിലവിൽ ഇരിങ്ങാലക്കുട ഡിപ്പോയുടെ കീഴിലുള്ള AT 319, മാനന്തവാടി ഡിപ്പോയുടെ കീഴിലുള്ള AT 320 എന്നീ ബസ്സുകൾ ഇതിനായി കോട്ടയം ഡിപ്പോയിലേക്ക് മാറ്റിയിട്ടുണ്ട്. നിലവിൽ പഴനിയിലേക്ക് നേരിട്ട് കൊട്ടാരക്കര, തിരുവനന്തപുരം, ചേർത്തല,എറണാകുളം, തൃശ്ശൂർ, ഗുരുവായൂർ, പാലക്കാട് എന്നിവിടങ്ങളിൽ നിന്നുമാണ് കെഎസ്ആർടിസി സർവ്വീസുകൾ നടത്തുന്നത്.

3. എറണാകുളം – പഴനി : എറണാകുളത്തു നിന്നും മൂന്നാർ, മറയൂർ, ചിന്നാർ, ഉദുമൽപേട്ട വഴി പഴനിയിലേക്ക് പുതിയ സർവ്വീസ് വരുന്നു. ഇതിനായി പാലക്കാട് ഡിപ്പോയിലെ AT 322, ഗുരുവായൂർ ഡിപ്പോയിലെ AT 324 എന്നീ ബസുകൾ എറണാകുളത്തേക്ക് മാറ്റുന്നതിനായി അധികാരികൾ നിർദ്ദേശം നൽകിയിട്ടുണ്ട്. നിലവിൽ എറണാകുളത്തു നിന്നും പഴനിയിലേക്ക് പാലക്കാട് വഴി ഒരു ലിമിറ്റഡ് സ്റ്റോപ്പ് സർവ്വീസ് ഉണ്ടെങ്കിലും പുതിയ സർവ്വീസ് മൂന്നാർ വഴിയാണെന്നത് എടുത്തു പറയേണ്ട ഒരു കാര്യമാണ്.

4. സുൽത്താൻ ബത്തേരി – കോയമ്പത്തൂർ : വയനാട് ജില്ലയിലെ സുൽത്താൻ ബത്തേരിയിൽ നിന്നും ഊട്ടി, മേട്ടുപ്പാളയം വഴി കോയമ്പത്തൂരിലേക്ക് വീണ്ടും ഒരു പുതിയ സർവ്വീസ് വരുന്നു. ഇതിനായി നെയ്യാറ്റിൻകര ഡിപ്പോയിൽ നിന്നും AT 327 എന്ന ബസ് ബത്തേരിയിലേക്ക് അലോട്ട് ചെയ്തിട്ടുണ്ട്. നിലവിൽ ബത്തേരി – കോയമ്പത്തൂർ റൂട്ടിൽ ഒരു സൂപ്പർഫാസ്റ്റ് ബസ് സർവ്വീസ് നടത്തുന്നുണ്ട്.

5. മാനന്തവാടി – കോയമ്പത്തൂർ : സുൽത്താൻ ബത്തേരിയ്ക്ക് പുറമെ വയനാട് ജില്ലയിലെത്തന്നെ മാനത്താവടിയിൽ നിന്നും കൽപ്പറ്റ, ഊട്ടി, മേട്ടുപ്പാളയം വഴി കോയമ്പത്തൂരിലേക്ക് പുതിയ സർവ്വീസ് കൂടി ആരംഭിക്കും. ഇതിനായി ആലുവ ഡിപ്പോയിൽ നിന്നും AT 325 എന്ന ബസ് മാനന്തവാടിയിലേക്ക് മാറ്റിയിട്ടുണ്ട്.

6. തൃശ്ശൂർ – ഊട്ടി : മധ്യകേരളത്തിൽ നിന്നും ഒരു ഊട്ടി സർവ്വീസ് വേണമെന്ന് യാത്രക്കാർ മുറവിളി കൂട്ടുവാൻ തുടങ്ങിയിട്ട് നാളുകളേറെയായി. പാലക്കാട് നിന്നുമായിരിക്കും ഊട്ടി സർവ്വീസ് തുടങ്ങുകയെന്നു എല്ലാവരും കരുതിയെങ്കിലും നറുക്ക് വീണത് കേരളത്തിന്റെ സാംസ്ക്കാരിക തലസ്ഥാനമായ തൃശ്ശൂരിനായിരുന്നു. തൃശ്ശൂരിൽ നിന്നും പാലക്കാട്, വാളയാർ, കോയമ്പത്തൂർ, മേട്ടുപ്പാളയം വഴിയാണ് ഊട്ടി സർവ്വീസ്. ഈ സർവ്വീസ് നടത്തുന്നതിനായി പത്തനാപുരം ഡിപ്പോയിൽ നിലവിലുള്ള AT 313 എന്ന ബസ് തൃശ്ശൂർ ഡിപ്പോയ്ക്ക് നൽകിയിട്ടുണ്ട്.

7. അർത്തുങ്കൽ – വേളാങ്കണ്ണി : ആലപ്പുഴ ജില്ലയിലെ പ്രശസ്തമായ ക്രൈസ്തവ തീർത്ഥാടന കേന്ദ്രമായ ആർത്തുങ്കലിൽ നിന്നും പാലക്കാട്, കോയമ്പത്തൂർ, കാരൂർ, ട്രിച്ചി, തഞ്ചാവൂർ വഴി വേളാങ്കണ്ണിയിലേക്ക് പുതിയ സർവ്വീസ് ആരംഭിക്കുന്നു. ചേർത്തല ഡിപ്പോയായിരിക്കും ഈ സർവ്വീസ് ഓപ്പറേറ്റ് ചെയ്യുന്നത്. ഇതിനായി തിരുവനന്തപുരം ഡിപ്പോയിലെ AT 330, മൂവാറ്റുപുഴ ഡിപ്പോയിലെ AT 323 എന്നീ ബസുകൾ ചേർത്തല ഡിപ്പോയിലേക്ക് ട്രാൻസ്‌ഫർ ചെയ്തിട്ടുണ്ട്.

8. കോഴിക്കോട് – ഗൂഡല്ലൂർ : കോഴിക്കോട് നിന്നും നിലമ്പൂർ വഴി തമിഴ്‌നാട്ടിലെ നീലഗിരി ജില്ലയിലെ ഗൂഡല്ലൂരിലേക്ക് പുതിയ സർവ്വീസുകൾ വരുന്നു. ഇതിനായി പാലക്കാട് ഡിപ്പോയിൽ നിന്നും AT 408, AT 409, AT 410 എന്നീ ബസുകളും എറണാകുളത്തു നിന്നും AT 400 എന്ന ബസ്സും ഉൾപ്പെടെ മൊത്തം നാലു ബസ്സുകൾ നിലമ്പൂർ ഡിപ്പോയിലേക്ക് ട്രാൻസ്‌ഫർ ചെയ്തിട്ടുണ്ട്.

മുകളിൽപ്പറഞ്ഞിട്ടുള്ള സർവീസുകളുടെ സമയവിവരങ്ങൾ ഉൾപ്പെടെയുള്ള പട്ടിക തയ്യാറാക്കി 03-06-2019 നു മുൻപായി ഇഡിഒ യ്ക്ക് നൽകുന്നതിനായി അതാത് യൂണിറ്റുകളിലെ ഓഫീസർമാരെ ചുമതലപ്പെടുത്തിയിട്ടുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post