പെങ്ങൾക്ക് സർപ്രൈസ് ഗിഫ്റ്റായി നൽകിയത് ഒരു ഹെലിക്കോപ്റ്റർ യാത്ര…!!

Total
1
Shares

വിവരണം – Gillette Jose (Canada).

ചെറുപ്പത്തിൽ പുസ്തകങ്ങളിലൂടെ വായിച്ചറിഞ്ഞ ലോകത്തിലെ തന്നെ ഏറ്റവും വലിയ വെള്ളച്ചാട്ടങ്ങളിൽ ഒന്നായ Niagara Falls നു കുറുകെ പറന്നു അനുഭവിച്ച ദൃശ്യവിരുന്ന് മറ്റുള്ളവരോട് പങ്കുവെച്ചതിനൊപ്പം, യാത്രകളെ അതിയായി സ്നേഹിക്കാൻ പ്രചോദനം നൽകിയ നിങ്ങളോടും കൂടെ പങ്കുവെക്കണം എന്നൊരാഗ്രഹം.

ഒരു പിറന്നാൾ സമ്മാനം – ജീവനുതുല്യം സ്നേഹിക്കുന്ന പെങ്ങൾക്ക്, അടുത്തു വരുന്ന birthday യ്ക്ക് gift എന്ത് കൊടുക്കും എന്ന് ആലോചിച്ചു വീടിന്റെ ഉമ്മറത്തു അങ്ങനെ നിന്നപ്പോളാണ് ഒരു ഹെലികോപ്റ്റർ പതിവിലും താഴ്ന്നു പറന്നു പോയത് … അടുത്തുള്ള വീടുകളിലെ ആളുകൾ എന്താ സംഭവം എന്ന് നോക്കുന്നതിനിടയിൽ ആണ് Randy അങ്കിൾ പറഞ്ഞത് അത് നയാഗ്രാ ഹെലികോപ്റ്റർ സർവ്വീസ് ആണ് .. ടൂറിസ്റ്റുകൾക്കായി നയാഗ്രാ വെള്ളച്ചാട്ടത്തിന്റെ മുകളിലൂടെയും പിന്നെ കുറെ ഫാമുകളുടെ (തോട്ടങ്ങളുടെ) മുകളിലൂടെയും ഒരു 15 മിനിറ്റ് റൈഡ്….. ചിലപ്പോൾ ഫാമുകൾ അടുത്ത് കാണാൻ താഴ്ന്നു പറന്നത് ആകുമെന്നും അങ്കിൾ പറഞ്ഞു.

കാര്യം ഈ ഹെലികോപ്റ്റർ ഞാൻ പലവട്ടം ആകാശത്തു കറങ്ങണ കണ്ടിട്ടുണ്ടെങ്കിലും ഞാൻ കരുതിയത് Canada -USA ബോർഡർ ആയ കൊണ്ട് ബോർഡർ പെട്രോളിങ് ആകുമെന്ന്. ടൂറിസ്റ്റ് റൈഡ് ആണെന്നു അറിഞ്ഞില്ല. മൂപ്പര് 10 കൊല്ലം മുൻപ് girlfriend ന്റെ ഒപ്പം ഹെലികോപ്റ്റർ റൈഡിനു പോയ പൊങ്ങച്ചം കേൾക്കേണ്ടി വന്നെങ്കിലും റൈഡിനെക്കുറിച്ചുള്ള വിവരങ്ങൾ കുറേ കിട്ടി. ന്ഹാ എന്നെങ്കിലും ഒരിക്കൽ ഇത് ട്രൈ ചെയ്യണം എന്നാലോചിച്ചു തിരിച്ചു നടന്നപ്പോളാണ് മനസ്സിൽ അത് കത്തിയത്. അല്ല എന്തുകൊണ്ട് ഈ ഹെലികോപ്റ്റർ റൈഡ് ഒരു സർപ്രൈസ് ഗിഫ്റ്റ് ആയി പെങ്ങൾക്ക് കൊടുത്തൂടാ. ഒരു വെറൈറ്റി ആകട്ടെ എന്നോർത്ത് അവരുടെ website എടുത്തു വിവരങ്ങൾ മുഴുവനും കളക്ട് ചെയ്തു. കൊടുക്കാൻ പോകുന്ന സർപ്രൈസ് മനസ്സിൽ ഇട്ടു കിനാവ് കണ്ട് ഒരാഴ്ച തള്ളി നീക്കി. ഒടുവിൽ ആ ദിവസം വന്നെത്തി . അവളേം കൊണ്ട് ഞാൻ ഹെലിക്കോപ്റ്റർ റൈഡിന്റെ സ്ഥലത്തേക്ക് പുറപ്പെട്ടു . ഇറങ്ങാൻ തുടങ്ങിയപ്പോൾ ഉണ്ടായിരുന്ന അസാധാരണമായ കാറ്റ് ഞാൻ വക വെച്ചില്ല.

” എന്തോ ഉണ്ടല്ലോ … എങ്ങോട്ടാ ഈ കള്ളചിരീം വെച്ചോണ്ട് ” എന്നുള്ള അവളുടെ ആകാംക്ഷ നിറഞ്ഞ ചോദ്യം എന്നിൽ കൂടുതൽ ചിരി പടർത്തി . അങ്ങനെ ഞങ്ങൾ സ്ഥലത്തെത്തി. പ്രധാന കവാടത്തിൽ കയറി ഉള്ളിൽ എത്തിയതും അവൾക്കു കാര്യം പിടികിട്ടി. പിന്നെ 500 വാൾട്ട് ബൾബ കത്തിയ പോലാരുന്നു അവളുടെ മുഖം. ടിക്കറ്റ് എടുത്തു ഉള്ളിൽ കയറി ക്യു നിന്നു . 45 മിനിറ്റ് waiting time ഞങ്ങളുടെ ആകാംക്ഷയ്ക്കു മുന്നിൽ ഒന്നുമല്ലായിരുന്നു. ഓരോ കോപ്റ്ററും പോയി വരുന്നത് അങ്ങനെ നോക്കി നിൽക്കുന്നതിനിടയിൽ ആണ് ഗ്രൗണ്ട് സ്റ്റാഫ്‌ ആ സുഖകരമല്ലാത്ത വാർത്ത ഞങ്ങളെ അറിയിച്ചത് . കാറ്റിനു വേഗത കൂടിയിരിക്കുന്നു, മുകളിൽ നല്ല കാറ്റ് ആയതിനാൽ കോപ്റ്റർ മുകളിലേക്കു ഉയർത്താൻ ബുദ്ധിമുട്ടാണെന്നു പൈലറ്റ് പറഞ്ഞു എന്നും അതിനാൽ അവർ സർവ്വീസ് താത്കാലികമായി നിർത്തി വെക്കുന്നതായും അറിയിച്ചു . ഞങ്ങളുടെ രണ്ടു പേരുടേം മുഖത്തു കത്തിയ ബൾബ് അപ്പാടേ കെട്ടു പോയി . എന്റെ ബൾബ് ഫ്യൂസ് ആയി പൊട്ടിത്തെറിച്ചു എന്ന് വേണം പറയാൻ.

നിരാശയോടെ ടിക്കറ്റ് റീഫണ്ടും വാങ്ങി അടുത്തുള്ള ബീച്ചിലേക്ക് വിട്ടു . അവിടേം കിട്ടി പണി . ബീച്ചിൽ ഇറങ്ങാൻ തുടങ്ങിയപ്പോൾ പെട്ടെന്ന് പെരും മഴ . ചില സിനിമകളിൽ മ്മടെ ഇന്നസെന്റ് ചേട്ടൻ മുകളിലേക്കു ഒരു പ്രത്യേക ഭാവത്തോടെ നോക്കണ പോലെ ഞാനും ആകാശത്തേക്കു നോക്കി.., ” ദൈവമേ”..!!! സർപ്രൈസ് അവൾ മനസ്സിലാക്കിയിട്ടു അത് നടത്തിക്കൊടുക്കാൻ സാധിക്കാതെ വന്നതിൽ ഉള്ള വിഷമം ഉള്ളിലൊതുക്കി ഉറങ്ങാൻ കിടന്നപ്പോളും എന്റെ വിരൽത്തുമ്പിൽ അടുത്ത ദിവസത്തെ കാലാവസ്ഥ വിവരം അപ്ഡേറ്റ് ആയികൊണ്ടേ ഇരുന്നു.

പിറ്റേ ദിവസം എണീറ്റ് ആദ്യമേ ഹെലികോപ്റ്റർ സർവ്വീസുകാരെ വിളിച്ചു റൈഡ് ഉണ്ടെന്നു ഉറപ്പു വരുത്തി അവളേം കൊണ്ട് അങ്ങോട്ട് വെച്ചു പിടിപ്പിച്ചു . വെയ്റ്റിംഗ് time 10 മിനിറ്റ് ആണെന്നു അവർ പറഞ്ഞതൊന്നും എനിക്ക് ആശ്വാസമേകിയില്ല. ആകാശത്തു കറുത്ത മേഘങ്ങൾ പതുക്കെ കൂടി കൂടി വരുന്നത് എന്നിൽ ആശങ്ക ഉളവാക്കി . പക്ഷെ ദൈവം ഇത്തവണ അനുകൂലം ആയിരുന്നു . ഞങ്ങളുടെ അവസരം വന്നു . കൂടെയുള്ള 4 വ്യത്യസ്ത രാജ്യക്കാരുടെ ഒപ്പം ഒരു ഫോട്ടോക്കു പോസ് ചെയ്‌ത്‌ ഹെലികോപ്റ്ററിലേക്കു കയറി .

സീറ്റ് ബെൽറ്റ് ഇട്ടു തന്നതിനു ശേഷം ആ ഡോർ അവർ അടച്ചപ്പോളാണ് എനിക്ക് തലേദിവസം ഉണ്ടായിരുന്ന excitement മുഖത്തു വീണ്ടും വന്നത്. ഹെലികോപ്റ്റർ ഒക്കെ ഭയങ്കരമായി കുലുങ്ങി ആണ് മുകളിലേക്കു ഉയരുന്നത് എന്നുള്ള എന്റെ തെറ്റിദ്ധാരണ അവിടെ മാറി. മ്മടെ പൈലറ്റ് ആശാൻ കൂളായി പൊക്കി എടുത്തു വെള്ളച്ചാട്ടം ലക്ഷ്യമാക്കി പറന്നു. കൃഷിയിടങ്ങളുടെ മുകളിലൂടെ പറന്നുയർന്നു Rainbow Bridge പിന്നിട്ടു കഴിഞ്ഞു പിന്നീട് ഞങ്ങൾ ആസ്വദിച്ച കാഴ്ച്ച പറഞ്ഞറിയിക്കാൻ സാധിക്കില്ല. അത്രയ്ക്ക് മനോഹരം ആയിരുന്നു.

അമേരിക്കൻ Falls നു സൈഡിലൂടെ സാക്ഷാൽ നയാഗ്ര വെള്ളച്ചാട്ടത്തിനു അടുത്തേക്ക് ഞങ്ങൾ പറന്നടുത്തു. പൈലറ്റ് ചുള്ളനായ കൊണ്ടാവണം , മൂപ്പര് വെള്ളച്ചാട്ടത്തിനു ഒത്ത നടുക്ക് വെച്ച് കോപ്റ്റർ മതിയായ ഒരു ചെരിക്കൽ.., ഉള്ളു കാളി പോയി. രണ്ടു സൈഡും ചെരിച്ചും തിരിച്ചും മൂപ്പര് ഞങ്ങളുടെ നയനങ്ങൾക്കു നയാഗ്ര വെള്ളച്ചാട്ടത്തിന്റെ മനോഹാരിത ആസ്വദിക്കുവാൻ അവസരം ഒരുക്കി തന്നു . ആ ദൃശ്യ വിരുന്നു മതിയാവോളം ആസ്വദിച്ചു. പിന്നീട് ആപ്പിൾത്തോട്ടങ്ങൾക്കും മുന്തിരിത്തോട്ടങ്ങൾക്കും മുകളിലൂടെ പറന്നു ഞങ്ങൾ ഹെലിപാഡിൽ തിരിച്ചിറങ്ങി .

റൈഡിന്റെ ഫോട്ടോസും വാങ്ങി തിരികെ കാറിൽ കയറുമ്പോളും പെങ്ങളുടെ മുഖത്തെ അമ്പരപ്പ് മാറിയിട്ടുണ്ടായിരുന്നില്ല . അപ്പോൾ ഞാൻ മ്മടെ ജേക്കബിന്റെ സ്വർഗ്ഗരാജ്യത്തിൽ സിനിമയിൽ എല്ലാം നേടിയിട്ടു നിവിൻ പോളി നന്ദിയോടെ മുകളിലേക്കു നോക്കുന്ന പോലെ ഒന്ന് നോക്കി …” ദൈവമേ!!! “. കരയിൽ വെച്ചും വെള്ളത്തിൽ വെച്ചും ഒരുപാട് കണ്ടിട്ടുണ്ടെങ്കിലും , അവൾ (Niagara Falls) ഒരു അത്ഭുതം ആയി തോന്നിയത് ആ ആകാശകാഴ്ച്ചയിൽ ആയിരുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post