37 വർഷം പഴക്കമുള്ള ഒരു കെഎസ്ആർടിസി ടിക്കറ്റ്; കണ്ടിട്ടുണ്ടോ ഇതുപോലത്തെ ടിക്കറ്റുകൾ?

Total
29
Shares

ഇന്നത്തെ തലമുറയ്ക്ക് പരിചിതമായ കെഎസ്ആർടിസി ടിക്കറ്റുകൾ മെഷീനിൽ നിന്നുള്ള വെള്ള പേപ്പറിലെ ടിക്കറ്റുകളാണ്. അതിനു മുൻപ് പല കളറുകളിലുള്ള മഴവില്ലഴകുള്ള ടിക്കറ്റുകളായിരുന്നു കെഎസ്ആർടിസിയിൽ ഉപയോഗിച്ചിരുന്നത്. ഈ ടിക്കറ്റുകളിൽ കണ്ടക്ടർമാർ യാത്രക്കാർക്ക് സഞ്ചരിക്കാവുന്ന ഫെയർ സ്റ്റേജുകൾ പേന കൊണ്ട് അടയാളപ്പെടുത്തുമായിരുന്നു. പിന്നീട് മെഷീൻ ടിക്കറ്റുകൾ വന്നപ്പോഴും ഈ വർണ്ണ ടിക്കറ്റുകൾ ചിലപ്പോഴൊക്കെ കണ്ടക്റ്ററുടെ ഒപ്പം ഉണ്ടായിരുന്നു.

എന്നാൽ മെഷീൻ ടിക്കറ്റുകൾക്കും, പല കളറുകളിലുള്ള കോമ്പിനേഷൻ ടിക്കറ്റുകൾക്കും ഒക്കെ മുൻപ് കെഎസ്ആർടിസിയിൽ മറ്റൊരു രൂപത്തിലുള്ള ടിക്കറ്റുകൾ ആയിരുന്നു ഉപയോഗിച്ചിരുന്നത്. യാത്രക്കാർ എവിടെ നിന്നും കയറുന്നു, എവിടേക്ക് പോകുന്നു എന്ന വിവരങ്ങളൊക്കെ ഈ ടിക്കറ്റുകളിൽ കണ്ടക്ടർമാർ രേഖപ്പെടുത്തണമായിരുന്നു. ടിക്കറ്റ് തുകയും ഇത്തരത്തിൽ കണ്ടക്ടർമാർ എഴുതണം. ചുരുക്കിപ്പറഞ്ഞാൽ ഒരേ തരത്തിലുള്ള ‘ബിൽ മോഡൽ’ ടിക്കറ്റുകൾ മാത്രമേ അന്ന് കണ്ടക്ടറുടെ കൈവശമുണ്ടായിരുന്നുള്ളൂ. ഇത്തരം ടിക്കറ്റുകളെക്കുറിച്ചുള്ള ഓർമ്മകൾ കൊല്ലം സ്വദേശിയായ ‘മണി വേക്കൽ’ ഫേസ്ബുക്കിലും ആനവണ്ടി ബ്ലോഗിലും എല്ലാം ചെറു കുറിപ്പായി പോസ്റ്റ് ചെയ്തിരുന്നു. അദ്ദേഹത്തിൻ്റെ ആ പോസ്റ്റ് താഴെ വായിക്കാം.

“മെഷീൻ ടിക്കറ്റും കോംബിനേഷൻ ടിക്കറ്റും ഇല്ലാതിരുന്ന കാലത്ത് KSRTC യിൽ നടത്തിയ ഒരു ദീർഘദൂര യാത്രയുടെ ടിക്കറ്റാണിത്. 37 വർഷം മുമ്പ്, 22. 1. 1981ൽ രാവിലെ തിരുവനന്തപുരത്ത് നിന്ന് പുറപ്പെട്ട N 176 -ാം നമ്പർ എക്സ്പ്രസ്സ് ബസ്സിൽ കൊട്ടാരക്കര നിന്ന് സുൽത്താൻ ബത്തേരിക്കുള്ള യാത്രക്കാരനായിരുന്നു ഞാൻ. കൊട്ടാരക്കരയിൽ നിന്നും സുൽത്താൻ ബത്തേരിയിലേക്ക് ഫുൾ ടിക്കറ്റ് ചാർജ്ജ് 35 രൂപ 70 പൈസയായിരുന്നു.

രാവിലെ 7 മണിക്ക് കൊട്ടാരക്കരയിൽ നിന്ന് വിട്ട N 176 എന്ന ബസ് കോട്ടയത്ത് നിന്ന് പ്രാതൽ കഴിഞ്ഞ് 9.30 ന് വിട്ടു. 11.15ന് പെരുമ്പാവൂരിൽ എത്തിയപ്പോൾ ബസ്സും സ്റ്റാഫും മാറി. പിന്നെ N 277 എന്ന ബസ്സിലായിരുന്നു തുടർ യാത്ര. എടപ്പാളിൽ എത്തിയപ്പോൾ ഉച്ചഭക്ഷണം. ഉച്ചഭക്ഷണത്തിനു ശേഷം യാത്ര തുടർന്ന് വൈകുന്നേരം 4.45 ന് കോഴിക്കോട്ടും 6.15ന് അടിവാരത്തും എത്തി. 6.30 ന് അടിവാരത്തു നിന്നു വിട്ട ബസ്സ് താമരശ്ശേരി ചുരം കടക്കവേ ഒന്നാം ഹെയർ പിൻ വളവിൽ ബ്രേക്ക് ഡൗണായി. പിന്നെ N 665-ാം നമ്പർ പുൽപ്പള്ളി ഫാസ്റ്റ് പാസ്സഞ്ചറിൽ ആയിരുന്നു യാത്ര. തുടർന്ന് രാത്രി 8.45നാണ് സുൽത്താൻ ബത്തേരിയിൽ എത്തിയത്‌.”

ലേഖനത്തിൽ പറഞ്ഞിരിക്കുന്ന തരത്തിലെ ടിക്കറ്റുകൾ കേരളത്തിലെ പ്രൈവറ്റ് ലിമിറ്റഡ് സ്റ്റോപ്പ് ബസ്സുകളിൽ ഒരിടയ്ക്ക് ഉപയോഗിച്ചിരുന്നു. ഇപ്പോൾ അവരെല്ലാം മെഷീനിലേക്ക് മാറുകയും ചെയ്തിട്ടുണ്ട്. എന്തായാലും കെഎസ്ആർടിസിയിൽ ഇത്തരത്തിലുള്ള ടിക്കറ്റുകൾ ഉണ്ടായിരുന്നു എന്നുള്ള വിവരം ഭൂരിഭാഗമാളുകൾക്കും പുതിയ ഒരു അറിവ് ആയിരിക്കും. ആ അറിവ് പകർന്നു തന്നതിന് ശ്രീ. മണി വേക്കൽ സാറിനോട് കടപ്പെട്ടിരിക്കുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post